Muaj tej haujlwm peb ua saib cuag li nws zoo heev, tiamsis lub siab hauv nws tsis dawbhuv. Piv txwv, peb pab ib tug neeg, tiamsis hauv lub siab ho xav kom tau sawv daws lees paub; peb ua haujlwm pab tas siab, tiamsis ho hnov chim thaum uas tsis muaj neeg qhuas lossis ua tsaug. Tej cwjpwm uas nthuav tawm ntawd ntuas peb tias peb lub siab yuav tau hloov pauv. Vajtswv yog tus ntsia pom tej haujlwm uas peb ua thiab nws kuj tshuaj tej kev xav nyob tob tob hauv peb lub siab.

Hnub no, yog hnub 04/08/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Gary E. Roberts dhau ntawm Zaj kawm THAUM TUS TSWV TSHAWB XYUAS PEB LUB SIAB

“Thaum ntawd kuv yuav hais rau lawv hais tias, ‘Cov neeg siab phem, cia li khiav mus, kuv tsis paub nej!” (Mathais 7:23)

Ib nyob hauv tej daim duab uas zoo nkauj tshaj thaum hais txog qhov uas ib puas tsav yam yuav rov qab tau tsim dua tshiab rau hnub Tswv Yexus rov qab los tau sau nyob hauv Yaxayas 65:25: “Hma thiab menyuam yaj yuav nrhiav noj ua ke; tsov ntxhuav yuav noj quavnyab ib yam li nyuj noj”. Daim dua no qhia pom tias muaj ib hnub, thaum Yexus Khetos rov qab los, tej kev txhaum hauv lub ntiajteb no yuav raug tshem mus. Kev sib ntxub thiab kev txomnyem yuav tsis muaj lawm; tag nrho ib puas tsav yam yuav ua neej muaj kev kaj siab lawv li tej uas Vajtswv twb tsim puag thaum pib. Thaum xav txog nqe Vajluskub no, kuv xav txog lwm txoj haujlwm uas Vajtswv tab tom ua niaj hnub no. Txawm yog ib puas tsav yam tseem tsis tau zoo kawg nkaus tshwmsim los, Vajtswv pib ua tes haujlwm ntawd hauv cov neeg uas yog Vajtswv li lub siab.

Thaum ntseeg Vajtswv, peb tseem tsis tau zoo kawg nkaus. Vajtswv yuav ua haujlwm hauv peb lub neej dhau ntawm ib txua kev hu ua hloov dua tshiab. Nws hloov pauv peb lub hlwb (Efexaus 4:20-24), qhia kom peb tso peb tus neeg qub tseg (Loos 8:13). Thiab nws cob peb kom yim hnub yim dhau los zoo li Yexus Khetos dua (Filipis 2:12-13). Ntawd yog ib txua kev hloov pauv mus tas tiam neej.
Nyob hauv txua kev ntawd, Vajtswv hloov pauv tej haujlwm sab nraud, nrog rau hauv peb lub siab. Tiamsis tej kev txhaum xws li khav theeb, npau taws, iab siab, sib khib, lossis tej kev ntshaw ntawm sab nqaij tawv yuav tsis tswj peb lub neej uas yog Vajtswv li. Txawm yog txua kev no yuav mob los, ntawd yog ib feem uas yuav tsum muaj ntawm ntsus tsov rog sab ntsujplig. Txua kev tawm tsam nrog sab nqaij tawv tsuas xaus thaum uas peb so hauv Vajtswv thiab hloov pauv dhau los muaj daim duab zoo li Vajtswv tus yam ntxwv.

Kuv kuj ntsib dhau tej no nrog tej ntsus kev tsov rog hauv sab ntsujplig ntawm kuv lub neej, tshwj xeeb yog kev khav theeb sab ntsujplig. Tus tub txawg Pasios tau hais li no kev khav theeb muab zais cia zoo tshaj nws pheej tshwm nyob ntawm cov neeg uas muaj lub neej sab ntsujplig muaj zog. Sab nraud, lawv txo hwjchim, tiamsis sab hauv lawv xav tau lwm tus txais yuav thiab qhuas lawv. Ntawm no yog yam uas yawg hais tias: “tsis muaj qab hau”, qhov chaw uas txoj kev khav theeb muab lub tsho txo hwjchim cuav muab los npog rau.

Muaj ib lub sijhawm, kuv pom tias kuv tus kheej kuj poob rau lub sijhawm zoo li no. thaum thov Vajtswv thiab thov Vaj Ntsujplig nthuav qhia tej cwjpwm tsis zoo zais cia hauv lub siab, kuv pom tias tag nrho tej haujlwm kuv ua tsis yog ua vim hlub Vajtswv, tiamsis pib ntawm txoj kev cheem tsum tau sawv daws hlub, tau sawv daws txais tos thiab qhuas. Thaum txais tsis tau txoj kev txais yuav ntawd, kuv yooj yim tag kev cia siab, chim ntau zaug tseem npau taws.

Thaum ntawd, Vajtswv qhia kuv ib zaj kawm. 1 Kauleethaus 13 pab rau kuv pom tias: ib qhov haujlwm txawm yuav zoo npaum twg los, yog tsis tau tshoov ua los ntawm txoj kev hlub ces ntawm Vajtswv xub ntiag kuj dhau los tsis muaj nqis. Tswv Yexus twb ceeb toom tias: “Thaum txog hnub ntawd yuav muaj ntau leej hais rau kuv hais tias, ‘Tus Tswv! tus Tswv, peb twb tuav koj lub npe qhia Vajtswv Txojlus, peb tuav koj lub npe ntiab dab thiab ua ntau yam txujci tseemceeb! Thaum ntawd kuv yuav hais rau lawv hais tias, ‘Cov neeg siab phem, cia li khiav mus, kuv tsis paub nej!” (Mathais 7:22-23).

Yam uas yuav tau ceev faj yog cov neeg no tsis yog neeg tsis paub Vajtswv, lawv tseem yog cov muaj lub neej zoo sab “ntsujplig”. Tej zaug lawv yuav hais lus cev lus, ntiab dab, ua ntau zaug txujci, thiab tag nrho puav leej yog “tuav Tswv Yexus lub npe” ua. Tiamsis, Vajtswv yeej hu tias lawv yog cov neeg “ua phem” thiab hais tias “Kuv tsis tau paub nej dua li”.

Tswv Yexus cov lus ceeb toom kom peb yuav tau nco ntsoov tshuaj peb tus kheej. Tej haujlwm peb ua ntawm sab ntsujplig, txawm yuav zoo npaum twg, kuj yuav hloov tsis tau ib lub siab hlub Vajtswv thiab mloog Nws lus. Peb yuav tau vam khom Vaj Ntsujplig tshuaj peb tes haujlwm thiab peb lub hlwb thaum ua Vajtswv haujlwm. Thaum Vajtswv qhia rau peb paub txog peb txoj kev khav theeb lossis ib qhov haujlwm yuam kev twg, peb yuav tau lees txim thiab tso tseg rau Vajtswv, tib txhij ntawd thov Vajtswv tso peb dim ntawm txoj kev khav theeb sab ntsujplig thiab ceev faj tej kev khav theeb hauv siab. thaum peb mloog Vajtswv lawm, Vajtswv txoj kev hlub yuav nthuav tawm hauv peb txoj kev qaug zog (II Kauleethaus 12:9). Vajtswv yuav hloov pauv peb lub siab zuj zus, kom txhua yam peb ua puav leej pib los ntawm Vajtswv txoj kev hlub.

Thov caw nrog kuv peb thov Vajtswv ua ke: Tus Tswv, kuv paub tias kuv yooj yim poob rau txoj kev khav theeb thiab cim civ txaus siab rau yus lub neej sab ntsujplig. Yog li, thov Vajtswv pab kom kuv paub tshuaj kuv lub siab thiab txhua tes haujlwm kuv ua yuav pib los ntawm txoj kev hlub pub rau koj.
Kuv thov hauv Tswv Yexus Khetos lub npe, Amees.

Cov kwv tij txhua tus, hnub no, cia li tseg sijhawm los cuag Vajtswv, thov Vajtswv tshuaj koj lub siab thiab nthuav tawm tej yam uas zais cia hauv koj lub siab uas koj tsis tau paub. Txhob cim civ txaus siab rau tej uas yus ua rau Vajtswv lawm, tiamsis xav saib Vajtswv puas tau zoo sia rau tej haujlwm koj ua lawm tau. Thaum Vaj Ntsujplig taw ib qhov kev txhaum twg, cia li txo hwjchim lees tawm rau Vajtswv. Thiab thov Vajtswv zoo li Ntawv Nkauj 139:23-24 tias: “Vajtswv, thov koj tshuaj kuv kom paub kuv lub siab, thov koj sim kuv thiab nthuav tej uas kuv lub siab xav saib zoo li cas. Thov koj saib kuv lub siab saib puas muaj qhov txhaum li cas, thiab thov koj coj kuv taug txojkev uas nyob mus ibtxhis”

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.