Yog tau nug tias qhov twg thiaj yog qhov uas yuav nqes peev ua luam zoo tshaj hauv lub neej, tej zaug txhua tus ib leeg nyias yuav muaj nyias ib lo lus teb sib txawv. Muaj tej tus yuav nqes peev rau haujlwm, muaj tus yuav khaws nyiaj cia, muaj tus yuav tseg tag nrho los txhim kho rau tej menyuam. Tej no puav leej muaj nqis, tiamsis muaj ib hnub twg, tag nrho yuav nres ntawm tus ciam hauv lub neej no. tsuas muaj ib qhov ua luam tsis poob nqi ntawd yog fij rau Vajtswv lub tebchaws.

Hnub no, yog hnub 05/08/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm KHAWS NYIAJ TXIAG RAU SAUM NTUJ

“Nej tsis txhob khaws nyiaj txiag thiab qhov txhia chaw rau nej hauv ntiajteb no, rau qhov hauv ntiajteb no muaj ntsaum kabrwg thiab xeb noj , thiab muaj tubsab nyiag. Tiamsis nej cia li khaws nyiaj txiag thiab qhov txhia chaw cia rau nej saum ntuj ceebtsheej…” (Mathais 6:19-20)

“Tom qab ntawd Yexus mus txhua nrho hauv tej nroog thiab hauv tej zos, Yexus qhia Txojmoo Zoo uas hais txog Vajtswv lub Tebchaws. Yexus kaum ob tug thwjtim nrog nws mus, thiab cov pojniam qee leej uas yav nram ntej raug dab uas Yexus ntiab dab tawm thiab kho lawv tej mob zoo lawm. Cov pojniam ntawd yog Malis tus uas hu ua Madalas, nws yog tus uas yav nram ntej Yexus ntiab xya tus dab tawm lawm; Yau-anas uas yog Khuxas tus pojniam. Khuxas yog tus uas zov Helauj lub tsev; Xuxanas thiab muaj dua ob peb tug pojniam, lawv yog cov uas pheej muab lawv tej nyiaj thiab qhov txhia chaw pab Yexus thiab nws cov thwjtim” (Lukas 8:1-3).

“Koj puas kam tuaj ua haujlwm ntxiv sijhawm rau hnub peb thiv no? muaj ntau tus mob xav ntsib koj.” – tus saib xyuas cov lus ua rau kuv lub siab ntxhov nyo vim, dhau ntawm hnub so tshwj tawm los pehawm Vajtswv, kuv tseem cog lus tseg hnub peb txhua thiv mus saib xyuas thiab mus tu, mus ua tim khawv, mus pab, txais tos cov uas yog cov pojniam, cov ua niam muaj kev txomnyem, txhawj xeeb cheem tsum tau Vajtswv tej lus coj kev. Ntau xyoo dhau, kuv tsau tsawv rau Vajtswv tej koob hmov so rau tej hnub no, tiamsis nws yeej tseem muaj tej lub sijhawm ua rau kuv lub siab ntxhov nyo, sib mos nrog tej tsab xov li ntawd ntawm chaw ua haujlwm xa tuaj.

Twb dhau lub sijhawm tej hnub nrhiav haujlwm khwv heev lawm, thaum no kuv txoj kev tawm tsam txhua hnub yog tej tsab xov ntxeev ntxias li ntawd tuaj ntawm chaw ua haujlwm tuaj. Txoj kev nqaim uas kuv tau xaiv nrog Vajtswv mus puv npo tej txhiab uas yog Vajtswv txoj kev tshwm ntsej muag. Txoj kev ntsib dhau qhov uas Vajtswv npaj rau kuv nyob ntawm tus tsim txom, tus huas ntej puv npo kuv kev nco tshav ntuj. Kuv thov kom tej hnub nyob hauv ntiajteb no ua raws li lub homphiaj uas Vajtswv twb xaiv rau kuv lawm.

Ua Vajtswv tsaug, Vajtswv tsis cia tej kev sim siab twg nyhav tshaj kuv lub zog. Vajtswv tej lus maj mam ntuas kuv dhau ntawm ib tug pojniam lub neej tau hais txog nyob hauv Vajluskub.

Muaj ntau tus tib neeg tau hais txog nyob hauv cov phau moo zoo, pog Yau-anas tsuas tshwmsim ob peb zaug los ntawm ob peb lo lus luv luv xwb tiamsis, txhua zaug Vajluskub hais txog pog puav leej ntaus ib lub cim muaj nqis nyob hauv Tswv Yexus tes haujlwm.

Lukas 8:3 tham txog pog yog “Yau-anas uas yog Khuxas tus pojniam. Khuxas yog tus uas zov Helauj lub tsev…”

Qhov no qhia paub pog yog ib tug nyob hauv tsev neeg muaj meej mom thiab muaj nyiaj txiag txaus siv txaus yoom. Pog tus txiv yog tus zov Helauj tej cuab tam, yog ib tug nom tseem ceeb nyob hauv vajntxwv tej nom tswv. Yog saib raws li ntiajteb tus tshim ntsuas. Yau-anas puav leej muaj cai ua lub neej tso siab plhuav nrog yus lub koob npe. Tiamsis, pog xaiv nqes peev txawv. Lukas qhia paub pog nrog ntau tus pojniam lawv “tau siv tej nyiaj uas lawv muaj los pab Tswv Yexus thiab Nws cov thwjtim.”

Ntawm no tsis yog tsuas yog ob peb qhov khoom plig me lossis pab ib pliag xwb. Tswv Yexus tes haujlwm ua ntau xyoo, mus ntawm lub nroog no rau lub nroog tod. Cov thwjtim lawv tso lawv tes haujlwm tseg nrog tus Tswv mus. tomqab txhua zaj lus qhuab qhia, txhua qhov txujci, txoj kev ntawd muaj ntau qhov kev cheem tsum txog kev noj haus, chaw nyob thiab noj hnav mus los.

Yau-anas ntsia pom yam muaj nqis uas Vajtswv tej haujlwm tab tom tau ua thiab txaus siab siv tej nyiaj txiag uas yus muaj los koom tes rau hauv. Tej zaum pog tsis yog ib tug neeg qhuab qhia ntawm tej pab neeg coob coob, pog kuj tsis ua txujci. Tiamsis pog lub siab ntshaw ua haujlwm pab rau Tswv Yexus tes haujlwm hauv ntiajteb no ua rau pog txiav txim koom tes los ntawm qhov uas fij nyiaj txiag. Tob dua tej ntawd, yog qhov uas paub Tswv Yexus ntawm nws tus kheej, ntsia pom tej txujci uas Tswv Yexus ua, xav txog tej lus piv txwv tau ua, tej lus Tswv Yexus qhia, ntsia pom Tswv Yexus lub siab hlub tshua pub rau cov pej xeem coob coob, thiab cov tib neeg poob qis txoj kev ua neej. Thiab ntau tshaj yog pog txoj kev ntseeg Tswv Yexus Nws yog “txoj kev, qhov tseeb thiab yog txojsia”… tag nrho tej no tau ua rau Yau-anas los cuag Vajtswv thiab txaus siab hlo muab txhua yam pub rau Tswv Yexus.

Vajluskub tsis sau cia cov nyiaj uas pog fij, tiamsis sau meej meej pog lub npe thiab tej uas pog tau ua, nrog rau pog lub siab xub muab pub rau Vajtswv lub tebchaws ua ntej yuav tau hais txog mus li.

Yau-anas txoj kev nrog tus Tswv mus tsis yog tsuas nres ntawm qhov uas fij nyiaj xwb. thaum Tswv Yexus nyob tej hnub kawg hauv ntiajteb no, muaj ntau tus qhuas Tswv Yexus tau tso Nws tseg. Txawm yog cov thwjtim los kuj ntshai thiab khiav rau ub rau no. tiamsis Lukas 23:27 qhia paub “muaj cov pej xeem coob heev nrog Tswv Yexus mus thiab muaj ntau tus pojniam ntaus hauv siab quaj tu siab kawg…” muaj ntau qhov ntaub ntawv qhia paub Yau-anas nyob hauv cov pojniam no. pog yog ib tug pojniam nrog Tswv Yexus mus txog hnub kawg, ntsia pom tej kev txomnyem saum tus ntoo khaublig thiab tsis tso Nws tseg txawm yog thaum uas txhua txoj kev cia siab cuag li twb xaus lawm. Qhov no qhia paub tias kev ntseeg tseeb tsis yog tsuas nthuav tawm thaum ntsia pom tej txujci tau ua, nyob hauv tej lus qw qhuas thaum Tswv Yexus mus hauv Yeluxalees xwb, tiamsis kev ntseeg tseem tau sim nyob hauv tej hnub uas cuag li hnov nyuaj tshaj, txomnyem tshaj. Nrog Tswv Yexus mus thaum uas sawv daws puav leej qhuas tsis nyuaj. Tiamsis yeej tseem ntseeg thaum uas txoj kev tsuas yog kua muag thiab ntoo khaub lig xwb thiaj yog yam muaj nqis. Tej zaug twb yog tej hnub ntawd ua rau Yau-anas thiaj nqes peev rau Vajtswv lub tebchaws ntau tshaj. Pog tsis yog tsuas fij nyiaj xwb, tiamsis tseem fij tag nrho lub siab nrog tus Tswv mus, nrog Tswv Yexus. Pog kev tshwm ntsej muag nyob rau tej hnub txomnyem ntawd yog cov lus nthuav tawm tias kev hlub pub rau Vajtswv tsis nyob ntawm lub sijhawm zoo lossis lub sijhawm phomsij.

Thiab qhov nqi zog pub rau lub siab ncaj ncees ntawd los thaum uas pog xav tsis txog. Kaj ntug thawj hnub, Yau-anas nrog ntau tus niam tsev nqa tshuaj tsw qw mus pleev rau Tswv Yexus lub cev (Lukas 24:1-10). Lawv tsis yog mus nrhiav tus uas twb sawv los lawm. Lawv tsuas xav ua tes haujlwm kawg pub rau lawv tus xibhwb los ntawm lawv lub siab hlub uas tsis muaj nrim xwb. tiamsis nyob hauv tes haujlwm kev hlub thiab ncaj ncees ntawd, lawv dhau los ua thawj tus txais tau txoj xov zoo nyob hauv keeb kwm:

“Ua li cas nej tuaj nrhiav tus neeg ciaj ntawm cov neeg tuag no? Nws tsis nyob ntawm no; nws twb sawv lawm”. (Lukas 24:5-6).

Zoo kawg nkaus li! Ib tug pojniam nws tau siv tej nyiaj uas nws muaj los ua Vajtswv haujlwm, nrog Tswv Yexus mus thaum muaj kev quaj ntsuag, thaum no ho tau Vajtswv pub txoj koob hmoov dhau los ua ib tug pov thawj xub thawj rau hnub Tswv Yexus sawv rov qab los. Ntawm no yog ib qhov kev nqes peev ua luam hauv lub ntiajteb no yuav yuav tsis tau.

Tig rov qab mus saib Yau-anas lub neej, kuv pom tias pog tau ua luam rau peb yam muaj nqis mus ib txhis:

– Pog nqes peev rau tej uas nws muaj rau Vajtswv tes haujlwm. 

– Pog nqes peev lub siab ncaj ncees rau Vajtswv thaum uas txoj kev nrog tus Tswv mus muaj kev sim siab.

– Thaum kawg, pog txais tau nqi zog, tau koob hmoov los ntawm tej uas yus tau nqes peev, yog kev zoo siab loj: tau ntsia pom Yexus Khetos lub hwjchim sawv rov qab los.

Niaj hnub nim no peb tab tom nqes peev txhua hnub. Peb muab sijhawm, nyiaj txiag, peev xwm, lub zog nrog rau ntau yam. Qhov tseem ceeb peb puas ua luam yog qhov chaw xwb, thiab peb tab tom ua luam rau yam dabtsi. tej yam uas tsuas ua muaj nqis rau tiam no puav leej yuav dhau mus. tiamsis tej uas muab fij rau Vajtswv yuav muaj nqis mus ib txhis ib yam li Vajtswv tej lus tau hais: 

“Nej tsis txhob khaws nyiaj txiag thiab qhov txhia chaw rau nej hauv ntiajteb no, rau qhov hauv ntiajteb no muaj ntsaum kabrwg thiab xeb noj , thiab muaj tubsab nyiag. Tiamsis nej cia li khaws nyiaj txiag thiab qhov txhia chaw cia rau nej saum ntuj ceebtsheej…” (Mathais 6:19-20). 

Nyob hauv Vajtswv tej lus, kuv txaj muag ntsia pom kuv tej lus, tej yam uas muab zais cia hauv kuv lub hlwb, tiamsis kuv lub hlwb ho txais tau ntau lo lus ceeb toom ntawm Vajtswv. Txoj kev xav tias: ua ntxiv ib hnub kom muaj nyiaj txaus pab rau cov neeg uas muaj kev cheem tsum kuj yog ua neej rau Vajtswv. Vim kuv pom tias ntawd tsuas yog tej lus hais daws rau kuv tus kheej txog lub siab hlub lub ntiajteb no, tab tom ntsaub kom cig hauv kuv lub siab. txawm yog nyob hauv tej kev xav los, kuv tau cia rau lub siab ntshaw nyiaj txiag nws nyob ua ntej Vajtswv, yog tib neeg tus ntsujplig. 

Oh, kuv yuav tso tsis tau tseg hnub so tau txais koob hmoov no. kuv saib taus thiab xav ntsia pom cov uas muaj lub siab quaj ntsuag tau kho zoo, rov qab tau tsim dua tshiab raws li Vajtswv lub homphiaj thaum pib dhau ntawm Tswv Yexus, Nws tus Tub.

Maj nroos txiav txim, kuv xa xov rov qab: “Kuv yuav tsis tuaj ua haujlwm ntxiv rau hnub ntawd, os” thiab kuv paub tias, txawm hais li ntawd los lawv kuj yuav kav liam; thaum qhua tuaj coob dhau, lawv yuav rov qab nug. Pheej ua li no ntsus kev tawm tsam hauv kuv lub hlwb pheej tsis muaj hnub xaus. Tiamsis ua Vajtswv tsaug tau ua siab ntev ntuas kuv thiab nrog kuv tawm tsam ua ke.

Thov caw nrog kuv peb thov Vajtswv ua ke: Tus Tswv uas muaj kev hlub, kuv ua Koj tsaug vim koj tau ua rau kuv kom ntsia pom yam muaj nqis ib txhis hauv txoj kev ua neej thiab ua haujlwm rau koj. Thov Vajtswv zam txim thaum uas muaj ntau zaug kuv tsuas npaj khaws cia rau lub neej tamsim tiamsis hnov qab nqes peev rau Koj lub tebchaws, rau koj tes haujlwm uas koj muab cob rau kuv, rau tej neeg uas tsis tau paub Vajtswv cheem tsum hnov Nws Txojmoo Zoo. Thov Vajtswv qhia kom kuv paub siv lub sijhawm, koob hmoov, peev xwm nyiaj txiag thiab tag nrho lub neej los koom tes rau Vajtswv tes haujlwm. Thov kom kuv ncaj ncees nrog tus Tswv mus nyob rau txhua lub caijnyoog, kom kuv lub neej dhau los ua ib qhov khoom fij haum Vajtswv siab. Kuv thov hauv Tswv Yexus Khetos lub npe, Amees.

Cov kwv tij txhua tus, txhua hnub dhau mus, puav leej yog ib lub sijhawm zoo cia rau koj nqes peev rau tej yam uas tseem yuav nyob mus ib txhis. Yuav tau cim civ nug tias hnub no koj tab tom tseg sijhawm, dag zog thiab tej uas yus muaj ntau tshaj rau yam dabtsi. dhau ntawm lub nra yuav tau ua hauv lub neej, thov txhob hnov qab tseg feem uas zoo tshaj rau Vajtswv tes haujlwm: ib lo lus qhia Txojmoo Zoo, ib qhov fij nyiaj, ib lo lus thov Vajtswv pab lossis ib tes haujlwm nthuav tawm kev hlub rau lwm tus. Tej zaum tej yam ntawd nws me ntawm Vajtswv xub ntiag, tiamsis nws ho yog lub noob muaj nqis rau lub neej ib txhis. Yuav tau nqes peev rau tej yam uas ntuj ceebtsheej yeej tseem nco ntsoov ib txhis.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.