Txhua taig kis sawv los, puas tau muaj zaum twg koj pom yus zoo li ib tug neeg ua yeeb yam tab tom ris ib lub nra yuav ua yeebyam tau lub ntiajteb muab cob rau yus. Peb sawv cev yog ib tug tub ua haujlwm zoo, ib tug menyuam mloog lus, tej no nws kos tau ib daim duab zoo heev. Peb muab tej lub ntsej muag cuav ua tau zoo los coj rau vim peb ntshai tsam muab tej ntawd hle lawm, lub ntiajteb no yuav ntsia pom peb tus neeg tsis muaj dabtsi thiab ua tsis tau dabtsi… thiab yeej tsis muaj ib qhov nuj nqis li. Tiamsis muaj ib tug tau ntsia pom koj txawm yog ua ntej uas koj yuav hnav lub tsho cuav ntawd npog rau. Nws paub zoo hauv koj lub siab, ua ntej thaum pib thiab yuav nyob hauv koj mus li.

Hnub no, yog hnub 06/08/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jonathan Macnab dhau ntawm Zaj kawm UA NTEJ KOJ YUG LOS

“Thaum koj tseem tsis tau xeeb rau hauv koj niam plab, kuv twb xaiv koj thiab thaum tsis tau yug koj, kuv twb tsa koj ua tug cev Vajtswv lus rau txhua haivneeg lawm” (Yelemis 1:5)

Thaum kuv muaj 16 xyoo, kuv ntsib Tswv Yexus. Ntawd yog lub sijhawm uas Tswv Yexus los nyob hauv kuv lub neej, rub kuv tawm hauv txoj kev tawm tsam thiab tws kev ntawm lub neej hluas nrog tej saw hlau kev txhaum uas tab tom khi kuv. Txij hnub uas kuv tau Vajtswv hloov kuv dua tshiab, kuv hnov cuag li tus cev lus Yelemis zaj xws nws zoo ib yam li kuv tus kheej. Tus tub txib ntawd lub neej chwv txog kuv lub siab tob heev, pab kom kuv txuas ua ke nrog Vajtswv ntau dua.
Txhua yam pib kiag ntawm thawj tshooj, thaum Vajtswv yog tus xub los nyob hauv Yelemis. Ua zoo ceev faj qhov no, vim ntawm no yog ib qhov tseeb tseem ceeb heev: Vajtswv yog tus pib, tus ua thawj kaujruam kom txoj kev sib raug zoo ntawm Vajtswv thiab tib neeg nkag tau mus rau qhov uas tob tshaj, tsis yog Yelemis txoj kev siv zog. Txog rau tamsim no, Nws yeej tseem caw peb nrog Nws mus ua ke… Koj puas tau hnov nws lub suab hu lawm tau?

Peb tus Vajtswv nws siab ntev thiab zoo kawg nkaus. Thaum nws muaj cov lus caw, nws nkag siab yam twg thiaj yuav pab thiab ua rau kom peb sab ntsujplig muaj nqis. Ntawm kuv tus kheej, ib nyob hauv tej lus qab zib tshaj uas Nws tau hais rau kuv tau sau nyob tej nqe Vajluskub thawj thawj no: “Ua ntej uas kuv tsim koj los hauv niam plab, kuv twb xub paub koj lawm…”

Dhau ntawm cov lus ntawd, kuv txais tau ib txoj kev sov siab, nrog ib lub homphiaj dawbhuv npaj tseg rau kuv lub neej. Leej Txiv saum ntuj paub zoo txhua yam ntawm peb, ntawm tej kev ntshaw puag hauv lub siab, nrog rau tus cwjpwm uas coj tsis zoo xws leej twg, txog rau tej kev tu siab, tej yam muab zais cia hauv siab. Vajtswv paub peb ua ntej uas Vajtswv tsim los, thiab Vajtswv zoo siab thaum ntsia pom peb muaj sia ua neej hauv ntiajteb. Peb yog Vajtswv tug. Vajtswv tsim Yelemis, ib yam li uas Vajtswv tsim koj thiab kuv, muaj homphiaj. Peb tsis yog cov uas “Vajtswv cia li tsis nco es tsim yuam los.”

Saib ntu Vajluskub no, muaj ib qhov tseeb ua rau peb xav tsis thoob: Vajtswv twb teeb meej meej tej uas Vajtswv xav kom Yelemis ua, ua ntej uas yawg tau yug los, thaum yawg tseem tsis tau muaj ib lub zog twg, ib qhov kev ntsib dhau twg hauv kev ua Vajtswv haujlwm. Vajtswv twb tseg sijhawm, los tu Yelemis lub neej. Yog, ntawd yog kev hlub. Feem ntau peb tsuas ua tas siab rau tej uas peb saib tias tseem ceeb xwb, Vajtswv los kuj ib yam li ntawd, Vajtswv saib peb tseem ceeb tshaj. Qhov tseeb no nws muaj zog kho zoo thiab pab peb tus ntsujplig loj heev, pab kom peb muaj lub siab tawv ntsia tus kheej thiab hais tias: “Yus yog tus muaj nqis.”

Ib nyob hauv tej ntsus kev tsov rog ntev tshaj ntawm kuv lub siab, yog mus nrhiav lo lus teb rau lo lus nug: “Kuv puas yog tus tseem ceeb tiag? Yog tias yus yog tus tsis tshua ua puas tshuaj, yog yus ua tau ib yam dabtsi twg loj loj, lossis tau tej neeg muaj suab npe ceev faj txog, ces yus lub neej thiaj muaj nqis.” Ntawm no yog tej lus hais ntsia tob iab siab pheej muab kuv zom zuj zaws kuv lub hlwb, ntau xyoo thaum kuv loj hlob tuaj tsis muaj leej txiv hauv ntiajteb no txoj kev hlub. Tiamsis, nyob hauv tej hmo tsaus ntuj nti ntawd, Vajtswv ua twj ywm npaj ib lub homphiaj los cawm kuv. Nws tswj txhua lub caijnyoog ua kom kuv ceev faj tig mus saib Nws, tas maj mam qhia rau kuv paub tias: “Kuv muaj nqis heev ntawm Vajtswv xub ntiag.”

Thiab thaum kuv ntsib Vajtswv tiag lawm, kuv ntsia pom kuv tsis yog tsuas yog ib tug menyuam tau hlub xwb, tiamsis tseem paub tias Vajtswv tsim kuv los rau Vajtswv lub homphiaj loj! Vajtswv cov lus caw tseg rau Yelemis ua raws tib neeg xav tsis thoob, vim tej uas Vajtswv xav ua Nws siab tshaj tib neeg tej kev xav txog. Ntawd kuj yog kuv txoj kev xav thaum kuv tau saj Leej Txiv saum ntuj lub homphiaj tseg rau kuv lub neej.

Twb muaj lub sijhawm kuv hais rau Vajtswv tias: “Tus Tswv, kuv ua tsis tau. Yuav ua li cas tuav koj lub npe tawm suab rau ntawm coob coob tug tib neeg? Kuv yeej ris tsis tau tej haujlwm tshiab, txomnyem thiab nyhav tshaj kuv lub peev xwm no.” tiamsis thaum Yelemis ntshai thiab hais tias: “Tus Tswv uas kav ib puas tsav yam, kuv tsis paub yuav qhia li cas, rau qhov kuv tseem hluas.” (Yelemis 1:6), Vajtswv thiaj teb rau yawg li cas?

Tus Tswv hais rau kuv hais tias, “Koj tsis txhob hais tias koj tseem hluas, tiamsis koj cia li mus rau hauv cov neeg uas kuv txib koj mus, thiab qhia txhua yam uas kuv kom koj qhia rau lawv… rau qhov kuv yuav nrog nraim koj thiab tsomkwm koj.” (Yelemis 1:7-8).

Vajtswv ib txwm paub Yelemis zoo ua ntej lawm, yog li yeej tsis muaj ib qhov kev ntshai lossis tsis tso siab twg yuav ua rau yawg xav tsis thoob li. Los ntawm Vajtswv lub hwjchim, Yelemis tej nrim qaug zog kuj tav tsis tau Vajtswv lub homphiaj dawbhuv.

Tseeb tiag, zaj xwm no thaum pib tsis yog vij puas ncig Yelemis, tiamsis yawg muaj feem tau koom tes hauv Vajtswv lub homphiaj loj xwb, yog vim Vajtswv yog tus tswj Vajtswv tau xaiv yawg xwb. Ntawm koj thiab kuv los kuj ib yam li ntawd. Peb yeej ib txwm cim civ sau tsis tau zaj xwm ntawm yus lub neej – hais tiag, yog pheej yuam qees ua, peb tsuas yog cov uas txaus hlub xwb. Peb tau hu los nrog tus Vajntxwv ntawm lub ntuj thiab ntiajteb no mus ua ke. Nws tab tom caw peb nkag los rau hauv txua kev ci ntsa iab nyob siab tshaj peb tej kev ntshaw, tsuav yog peb kam ntseeg rau Vajtswv lub hwjchim xwb. Lub neej no tsis tau muaj ib zaum twg yog ua rau peb li, tiamsis txhua yam puav leej yog Vajtswv thiab Vajtswv lub tshwjchim ci ntsa iab xwb.

Thov caw nrog kuv peb thov Vajtswv ua ke: Leej Txiv saum ntuj, ua Koj tsaug vim Koj saib taus kuv. Thov zam txim rau kuv vim muaj tej lub sijhawm kuv tsis paub ua cas cim civ sau zaj xwm ntawm kuv lub neej tas kuv tau kev tws, muaj kev tu siab. ua Vajtswv tsaug vim Koj tau cawm kuv dim hauv tus neeg qub, thiab pub rau kuv muaj feem tau koom rau Vajtswv koj lub homphiaj zoo. Vajtswv, sawv ntawm tej kaujruam tshiab ua rau kuv ntshai, thov ntuas kuv kom nco ntsoov tias kuv tsis tas yuav mus nrog kuv tus kheej lub zog, tiamsis vam khom Vajtswv lub hwjchim thiab lub zog xwb. thov pub kom kuv muaj lub siab ntseeg muaj siab tawv nrog Leej txiv mus rau hnub tshiab no. Kuv thov hauv Tswv Yexus Khetos lub npe, Amees.

Cov kwv tij txhua tus, kaujruam txuas ntxiv hauv koj txoj kev nrog tus Tswv mus yog dabtsi? tej zaug ntawm koj xub ntiag yog lub suab hu puv npo kev sim siab, lossis ib qhov kev ncaim nws tshiab ua rau koj ntshai ib yam li Yelemis thaum ub. Tiamsis txawm yog tej kev sim siab ntawd yuav loj npaum twg, thov tso siab mus rau tom ntej. Vim peb tus Vajtswv yog tus nyob mus ib txhis, Nws muaj hwjchim. Nws muab koj lub neej tso rau ntawm Nws txhais tes, thiab Nws yuav nrog koj rau txua kev tom ntej. (Nqua hu cov ntseeg kiag tomqab mloog zaj lus thov Vajtswv no tas, xa npe cov neeg uas koj xav mus ua timkhawv tuaj rau Oneway, kom peb koom nrog koj thov Vajtswv rau lawv thiab koj cov phooj ywg).

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.