Peb pheej ua tib zoo saib xyuas tej yam khoom uas peb nyiam, thiab khaws tej yam ntawd kom tshiab thiab huv si. Tabsis muaj ib phau ntawv uas haj yam “qub” ces haj yam muaj nuj nqis. Ntawv yog Phau Vaj Lug Kub – qhov chaw uas tau khaws cia lub sijhawm uas peb txhua tus nrog Tus Tswv Yexus mus. Koj Phau Vaj Lug Kub puas puv nkaus tej cwj mem kos ua dog ua dig, sau teg lus ceeb toom, zaj kawm ntawm ntus hauv phau ntawv lossis tsuas cov kua muag uas poob rau hauv tej nplooj ntawv thaum uas koj nrog Vaj Tswv sib txuas lus? Lossis phau ntawv ntawd tseem tshiab thiab tsis tau muaj ib qhov tsuas, tseem muaj tus hniab tsw ntawm phau ntawv tshiab saum lub chaw tso ntaub ntawv vim hais tias yeej tsis muaj sijhawm mus saib txog phau ntawv ntawd?

Hnub no, yog hnub 09/08/2026, peb kev thov Vaj Tswv Txhua Hnub thov cawm koj los kawm paub Vaj Tswv Txoj Lus dhau los ntawm Diane Pearson muaj lub ntsiab hais tias PHAU VAJ LUG KUB QUB QUB

Cov neeg uas tau koob hmoov yog… cov uas hwm tus TSWV txoj Kevcai.” (Phau Ntawv Nkauj 1:1-2)

Xibhwb Kevin yog kuv ib tug phooj ywg ntawm lub Pawg Ntseeg Bloomfield. Nws xa rau kuv ib cov ntawd kawm paub Vaj Tswv Txoj Lus txhua hnub. Muaj ib zaug, nws sau li no:

“Hnub 7 tas los, tus pog Pat Miller yog ib tug ntseeg uas hlub txog peb lub Pawg Ntseeg thiab nws tau mus nrog Vaj Tswv nyob thaum nws muaj 84 xyoo. Nws yog ib tug uas ua Vaj Tswv haujlwm ntsiag to, txo hwjchim thiab ruaj siab rau nws tes haujlwm ntawd. Thaum uas kuv zaum thiab npaj lus qhuab qhia rau nws lub ntsees, kuv cia li qhib nws Phau Vaj Lug Kub los saib, oh tseeb tiag ntawd yog ib uas muaj nuj nqis tshaj plaws. Muaj ntau nplooj ntawv sau puv nkaus tej lus taij thov Vaj Tswv ua nws sau thiab thov Vajtswv, tseem tshuav tej lus pajhuam, tag nrho tej txheej txheem uas ntu Vaj Lug Kub uas nws pheej nyeem thiab kos rau cov nqe Vaj Lug Kub txhua lub sijhawm sawv ntxov.”

Xibhwb Kevin rau muab thiab nrho tawm ib lo lus taij thov Vajtswv uas tus pog Pat tau sau hauv nws phau Vaj Lug Kub: “Lub hom phiaj ntawm Pawg Ntseeg yeej yooj yim heev: Pehawm tib tug Vaj Tswv zoo li Vaj Tswv Txoj Lus tau qhia tseg, txhawb nqa Nws Leej Tub uas yog Tus Tswv Yexus thiab qhia tawm Tus Tswv txoj kev hlub rau txhua tus uas tuaj nrog peb pehawm Vaj Tswv ua ke. Kuv thov Vaj Tswv rau cov Pawg Ntseeg, kom niaj hnub yuav muaj cov ntseeg coob zuj zus tuaj, thiab txhua tus ntseeg yuav dhau los ua tej cuab yeej rau txoj kev hlub ntawm Tus Tswv Yexus. Amees.”

Phau Vaj Lug Kub ntawd yog qhia txog nws tus cwj pwm ntawm nws sab ntsuj plig: ib phau Vaj Lug Kub tau nrog nraim dhau ntau lub niaj xyoo, tau sau ntau txog lub sijhawm uas nws lub neej nyob rau hauv Vaj Txwv Txoj Lus txhua hnub, thiab txhua lo lus taij thov rau cov Pawg ntseeg thiab rau txhua txhia tus.

Xibhwb Kevin lub neej ua rau kuv nco txog Louise, tus pog ntawd tau zaum keeb kuv hauv lub Pawg Ntseeg muaj xws li 40 lub xyoo ua ntej, rau lub sijhawm uas kuv txoj kev ntseeg tseem ywj fab ywj fwj. Louise niaj hnub nqa nws Phau Vaj Lug Kub. Tshuav kuv ces zoo li cas? Kuv ces tsis tau nqa ib zaug nrog kuv hlo li, niaj hnub qiv Phau uas twb nyob rau hauv Tuam Tsev lawm xwb. Thaum uas xibhwb nyeem txog ntu twg li, tus pog ntawd nthuav caj nraim rau ntu Vaj Lug Kub natwd, tshuav kuv ces nkees nthuav dhau lawm. Nws paub meej txog ntu Vaj Lug Kub ntawd nyob rau Phau ntawv twg thiab nws tsis tas yuav mus ntsia Cov Txheej Txheem – qhov ntawd ua rau saib taus thiab yog ib qhov kev kawm rau kuv. Nws los tsis xyeej yuav sau rau hauv Phau Vaj Lug Kub, dua li ntawd kuv tau qhia hais tias tsis txhob sau rau phau ntawv, tshwj xeeb yog Phau Vaj Lug Kub. Daim duab Louise ntawm Phau Vaj Lug Kub yog ib qhov kev nco hauv uas tsis muaj hnub ploj thiab yaj hauv kuv lub paj hlwb. Ntawd yog ib Phau Vaj Lug Kub uas muaj lub nplaub tawv dub, nplooj ntav loj, phau txhais qub. Thaum ua nws coj txwm tsom thiab nthuav ib plooj ntawv zuj zus, kuv paub tseeb tias nws tau nyob nrog nraim hauv nplooj ntawv ntawd tsis paub pes tsawg zaus lawm. Phau ntawv tau qub thiab ntuag ntuag lawm, cov kaum ntawv tau ntsws tag nrho lawm, muaj cov txwm ntawv uas tau kos tseg ua cim, thiab nws tau sau ib cov lus cim los ntawm ntau yam xim sib txawv nyob rau hauv tej qho ntawv tau tais thiab cim uas tau tso rau hauv nws Phau Vaj Lug Kub. Tseeb tiag nws Phau Vaj Lug Kub tau siv muaj nuj nqis tiag tiag, thiab kuv los muaj peev xwm ntsia pom meej tej nuj nqis zoo kawg nkaus ntawd dhau los ntawm txoj hau kev uas nws tau nrog Vaj Tswv mus ua ke nyob rau hauv nws Phau Vaj Lug Kub.

Kuv thov lees tseeb tias, kuv tau muaj lub siab khib nrog rau Louise, los ntawm Phau Vaj Lug Kub qub thiab los ntawm txoj kev ntseeg ruaj khov kho ntawm nws. Kuv xav kom muaj txoj kev ntseeg ruaj khov li tus pog Louise, tabsis ho tsis xav siv sijhawm los mus cog rau tej ntawd. Tej zaum, Vaj Tswv siv tus pog Louise tus qauv los mus ua ib qho kev ceeb toom rau kuv tias: Cia li siv ntau lub sijhawm los mus nyob rau hauv Vaj Tswv Txoj Lus!

Thaum twg li tus pog Louise tau mus nrog Vajtswv nyob ces ntshe xibhwb yuav sau tau ib zaj lus qhuab qhia ua zoo tshaj plaws los ntawm tus pog Phau Vaj Lug Kub uas qub kawg nkaus ntawd, nrog rau tej lus cim uas nws tau sau puv nkaus hauv nws phau Vaj Lug Kub ntawd. Vim hais tias, Tus pog Louise tau ua nws lub neej thiab muab Vaj Tswv Txoj Lus los ua lub hauv paus tiag taw nyob rau hauv nws lub neej.

Thov caw nrog kuv peb thov Vajtswv ua ke: Qhuas txog Leej Txiv Tus ua nyob saum ntuj ceeb tsheej, ua Vaj Tswv Koj tsaug rau cov qauv uas hlub Vajtswv, cov ua tau ua lub neej thiaj fij tag nrho rau Vaj Tswv thiab Koj Txoj Lus. Thov Vaj Tswv Koj qhuab ntuas nyuam yaus txhua hnub tias: Tus tswv ntawm ib Phau Vaj lug Kub qub ntuag yog tus ua ruaj khov kho tshaj plaws hauv Vaj Tswv. Ntawd yog ib tus ntsuj plig ruaj khov thiab ncaj ncees rau Vaj Tswv Koj. Thov qhia kom kuv saib taus thiab nyob rau hauv Vaj Tswv Koj Txoj Lus dua rau ntawm kuv lub neej tom hau ntej. Nyuam yaus koom siab hauv Tus Tswv Yexus Khetos lub npe, Amees.

Tus phooj ywg, tshuav koj ne zoo li cas? Koj Phau Vaj Lug Kub tab tom hais txog yam dab tsi hauv koj lub neej? Thaum txog lub sijhawm uas koj tau mus nrog Vaj Tswv nyob, ces xibhwb puas yuav ntsia pom thiab nrhiav pom ib yam dab tsi hauv koj Phau Vaj Lug Kub los mus nyeem thiab qhia txog lub sijhawm uas koj tau nrog Vaj Tswv mus ntawm txoj kev ntseeg lossis tsis muaj dab tsi? Cia siab hais tias txoj hnub no mus, koj Phau Vaj Lug Kub yuav tsis yog ib phau los mus ua zam zoo rau ntawm koj lub chaw rau ntawv xwb, tiam sis yuav nrog nraim koj txhua txoj hau kev, dhau los ua qhov chaw sau txog txhua kauj ruam ntawm koj lub neej nrog Vaj Tswv mus ua ke. Kom txog hnub uas koj ncaim mus lawm, tej nplooj ntawv uas qub thiab ntuag ntawd yuav yog ib qho pov thawj uas muaj nuj nqis qhia txog koj lub neej tau puv npho txoj kev hlub Vaj Tswv.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.