Puas muaj zaum twg peb saib peb tus kheej tsuas pom tej uas peb ua tsis tiav xwb? nyob hauv lub ntiajteb saib lub peev xwm, lub cev sab nraud, tej uas ua tau, peb yooj yim xav tias tsuas yog cov neeg ntse xwb thiaj ua tau tej yam loj. Tiamsis, Vajtswv ua haujlwm txawv peb tej kev xav. Yam uas peb tib neeg suav tias tsis muaj dabtsi loj, ntau zaug tseem yog qhov uas tsis zoo, ho muaj cuab kav dhau los ua ib qhov cuab yeej ua tiav Vajtswv lub homphiaj loj.

Hnub no, yog hnub 13/08/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm KEV SIB TXAWV HAUV VAJTSWV TXHAIS TES

“Ces cov Yixalayees quaj thov tus Tswv, nws thiaj txib ib tug txivneej mus tso lawv dim. Tus ntawd yog Ehus, nws yog tus uas xis sab teslaug.” (Cov Thawj Tswj 3:15a).

“Ces cov Yixalayees quaj thov tus Tswv, nws thiaj txib ib tug txivneej mus tso lawv dim. Tus ntawd yog Ehus, nws yog tus uas xis sab teslaug.” (Cov Thawj Tswj 3:15a).
Muaj tej yam nyob rau hauv lub neej ua rau peb tub qaug rau peb tus kheej. Muaj tej tus txaj muag vim yug hauv tsev neeg txomnyem, tsis kawm ntawv siab, tus cwjpwm coj tsis xws luag, lub cev ntaj ntsug tsis zoo txaus, lub peev xwm hais lus tseem tsis tau paub lossis ib yam txawv twg ntawm tus kheej. Peb pheej xav tias yog yus ntse dua ces Vajtswv thiaj yuav siv. Tiamsis, zaj xwm hais txog Ehus hauv cov Thawj Tswj tshooj 3 ua rau peb pom ib yam txawv.

Vajluskub hais txog Ehus muaj ib qhov meej meej: yawg yog tus xis sab tes laug. Saib zoj xwb, ntawm no yog ib qhov xov tsis tas yuav qhia paub, tiamsis Vajluskub ho hais txog. Nyob rau lub sijhawm thaum ntawd, sab tes xis yog lub cim ntawm lub zog thiab lub peev xwm tawm tsam. Tshuav tus neeg xis sab tes laug raug suav tias txawv luag, ntau zaug tseem raug ntaus nqi tias pab tsis tau dabtsi thaum ua rog.

Tiamsis Vajtswv tsis raug tej nrim ntawv quas. Vajtswv siv tej ntawd los ua kom tiav Vajtswv lub homphiaj.

Tomqab 18 xyoo cov neeg Yixalayees raug cov neeg Mau-as tus vajntxwv Eloos tsim txom, Vajtswv txib Ehus sawv los ua tus cawm Nws haiv neeg. Vim Ehus xis sab tes laug, yawg thiaj ua ib tug riam luv luv thiab muab zais rau ntawm nws txhais cej puab xis hauv lub tw tsho ntev npog. Txoj kev no pab rau yawg hla dhau tau cov tub rog zov qhov rooj, vim lawv xav tsis txog tias ib tug neeg xis tes laug ho mus zais riam rau ntawm sab xis. Vim li no, Ehus thiaj rho tau nws rab riam los sai heev thaum cheem tsum. Tomqab nqa khoom mus pub tas, yawg tig rov qab los ntsib vajntxwv, hais tias nws muaj ib zaj xwm zais cia xav hais rau vajntxwv.
Thaum no, nyob hauv tsuas tshuav Ehus thiab vajntxwv Eloos nkawd xwb. siv lub sijhawm no, Ehus rho kiag nws tus riam los thiab muab vajntxwv tua pov tseg. Tomqab ntawd, yawg khiav dim, mus txhij tas nrho cov neeg Yixalayees los ua ke, kom lawv sawv mus tawm tsam vim Vajtswv lub npe twb muab cov neeg Mau-as cob rau lawv tes lawm. Cov pejxeem cia li nrog Ehus mus ntaus yeej 10.000 tus tub rog Mau-as. Txij ntawd los cov neeg Yixalayees ua neej nyob kaj siab lug tau 80 xyoo (raws li cov Thawj Tswj 3:15-30).

Tej uas Ehus ua tau yog pib ntawm qhov Vajtswv hu yawg thiab siv yawg. Vajtswv muaj cuab kav siv tej uas tib neeg tsis ceev faj txog los ua kom tiav Vajtswv lub siab nyiam.

Ntawd kuj yog txoj kev uas Vajtswv pheej ua haujlwm. Nws hu Mauxes txawm yog yawg yog tus tsis saib tom ntej tom qab. Nws xaiv Daviv, yog ib tug yug yaj, pauv qhov uas yuav xaiv Daviv cov tijlaug loj siab muaj zog. Tswv Yexus kuj siv cov thwjtim yog cov pej xeem zoo li luag coj Txojmoo Zoo mus qhia thoob lub ntiajteb. Tiamsis Vajtswv yeej tseem siv lawv txawm yog lawv muaj tej yam tsis zoo lossis txawv. Qhov no nws yog lawv li tej uas Paulus tau sau: “Tiamsis Vajtswv xaiv yam uas neeg xav hais tias ruam kawg nkaus hauv lub ntiajteb no kom cov neeg txawj ntse txajmuag; thiab Vajtswv xaiv yam uas neeg suav hais tias tsis muaj zog hauv lub ntiajteb no kom cov neeg muaj zog pooh ntsejmuag. Vajtswv xaiv tej uas neeg thuam, saib tsis taus thiab xav hais tias tsis tseemceeb, kom tej uas neeg xav hais tias tseemceeb puastsuaj mus, Vajtswv ua li no kom tsis muaj leejtwg yuav muaj cuabkav khav tau li.” (I Kauleethaus 1:27-29).

Tej zaum hnub no koj yeej tseem nqa rawv hauv lub siab ib qhov kev tub qaug twg ntawd. Koj xav tias yus hluas dhau lossis laus dhau, tsis tau ntsib dhau, tsis muaj peev xwm, yav dhau los yog ib tug neeg puas tshuaj yav dhau los. Koj saib tej uas yus muaj tsis txaus thiab xaus tias Vajtswv yuav siv lwm tus kom phim dua.
Tiamsis yuav tau nco txog Ehus. Qhov txawv ntawm yawg tus neeg yuav tav tsis tau Vajtswv kom Vajtswv ua haujlwm hauv yawg. Tiamsis twb yog qhov txawv ntawd dhau los ua ib feem nyob hauv Vajtswv lub homphiaj. Vajtswv ntsia pom tej uas tib neeg ntsia tsis pom. Vajtswv siv tej uas tib neeg thuam. Vajtswv muaj cuab kav muab tej uas peb tsis muaj zog pauv los ua qhov chaw nthuav tawm Vajtswv lub hwjchim, kom coj txoj kev pab no mus pab ntau tus.

Kuv twb hnov muaj neeg hais tias: “Vajtswv siv tej tus tib neeg muaj peev xwm ntau nrog tej tus peev xwm tsawg tib si. Tiamsis Vajtswv siv leej twg lawm, Vajtswv kuj yuav pub rau tus ntawd muaj lub peev xwm ua kom tiav yam uas Vajtswv muab cob rau Nws.” Yog li no, qhov tseem ceeb yog koj puas txaus siab hlo cia Vajtswv siv, tsis yog koj muaj pes tsawg lub peev xwm. Txhob saib tsis taus tej yam txawv ntawm tus kheej peb yeej tsis paub tau tsam Vajtswv muaj cuab kav siv tej ntawd los nthuav tawm Vajtswv txoj kev hlub thiab Vajtswv lub hwjchim.

Thov caw nrog kuv peb thov Vajtswv ua ke: Tus Tswv, ntau zaug kuv tsuas saib tej uas muaj nrim ntawm tus kheej thiab xav tias kuv tsis tsimnyog cia rau Vajtswv siv. Thov Vajtswv zam txim rau kuv vim muaj tej lub sijhawm kuv ntaus nqi siab rau tus kheej raws li tej uas ntiajteb ntsia pom ntau dua li qhov uas ntseeg Vajtswv ua tus xaiv thiab hu kuv. Kuv thov muab tag nrho kuv lub neej cia rau Vajtswv siv thiab ua kom Vajtswv tau koob meej. Thov pub rau kuv kom thuav tawm Vajtswv lub hwjchim yuav tau nthuav qhia nyob hauv kuv txoj kev qaug zog. Kuv thov hauv Tswv Yexus Khetos lub npe, Amees.

Cov kwv tij txhua tus, hnub no yog hnub 13/08 yog hnub uas nco txog cov neeg xis sab tes laug. Cov neeg uas xis sab tes laug no muaj li 10% Tib neeg nyob hauv ntiajteb. Nyob hauv lub ntiajteb feem ntau yog npaj tseg rau cov neeg uas xis sab xis xwb, tiamsis cov neeg xis sab laug muaj ntau yam muaj rau lawv siv xws li txiab, rooj kawm ntawv, lossis hauv kev ua haujlwm ntawm lub neej txhua hnub. Txawm li los, yeej tsis muaj ib yam dabtsi tau tsimlos nyob sab nraum Vajtswv tus zoo npaj tseg. Yog tias hnub no koj pom tias yus tsis tau txaus peev xwm los ua Vajtswv haujlwm, txhob cia tej uas tus kheej muaj nrim dhau los ua yam uas yuav tav koj mus tsis taus ntxiv. Muab tej uas yus ua tau nrog tej ua tsis tau coj mus qhia rau Vajtswv, ntseeg tias Vajtswv yuav foom hmoov thiab ua lub siab tawv txais yuav tej uas Vajtswv muab cob rau yus. Thaum Vajtswv hu, Vajtswv yuav ntxiv peev xwm, ntxiv zog kom koj ua tiav Vajtswv tej haujlwm. Hnub no kuj cia li qhia zaj lus thov no rau ib tug neeg uas xis sab tes laug uas koj paub, txhawb nws lub zog thiab koom ua lub neej pub rau Vajtswv thiab tej uas Vajtswv pub rau peb.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.