Peb txhua tus puav leej xav kom txhua yam tshwmsim los raws li txoj kev zoo. Nyob hauv kev ua haujlwm, kawm ntawv lossis lub neej txij nkawm, peb puav leej siv zog ua kom tau zoo tshaj. Thiab thaum uas mus tsis raws li lub siab xav lawm, peb yooj yim poob rau txoj kev tag kev cia siab. twb yog vim tej lub sijhawm ntawd, peb tau ntuas tias tsuas yog Vajtswv xwb thiaj yog tus zoo kawg nkaus. Txhua zaug uas peb ntog rau kev txhaum lossis ntog ntawm lub caijnyoog hauv lub neej, Vajtswv yeej caw kom peb txav los ze Vajtswv kom txais yuav Vajtswv txoj kev hlub tshua hauv peb txoj kev qaug zog.

Hnub no, yog hnub 14/08/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kellin Gibson dhau ntawm Zaj kawm KEV HLUB HAUV KEV QAUG ZOG

“Yog li ntawd, peb cia li ua siab tawv qhawv mus cuag Vajtswv tus uas zaum saum lub Zwmtxwv, rau qhov nws yog tus uas hlub peb. Nws yuav pab peb thiab foom koob hmoov rau txhua tus uas thov nws” (Henplais 4:16)

“Yog li ntawd, peb yuav tsum muab siab npuab tej uas peb hais tias, peb ntseeg, rau qhov peb muaj tib tug Povthawj Hlob uas twb mus cuag Vajtswv lawm, tus ntawd yog Vajtswv tus Tub Yexus. Peb tus Povthawj Hlob yeej paub tej uas peb qaug zog, rau qhov nws twb raug kev dag ntxias ib yam li peb los lawm. Txawm li ntawd los nws tsis tau ua ib qho txhaum li. Yog li ntawd, peb cia li ua siab tawv qhawv mus cuag Vajtswv tus uas zaum saum lub Zwmtxwv, rau qhov nws yog tus uas hlub peb. Nws yuav pab peb thiab foom koob hmoov rau txhua tus uas thov nws” (Henplais 4:14-16).

Thaum tseem yau, kuv pheej khuab xeeb txog lub kauj toog tes uas kuv niam nyiam heev. Lub kauj toog no ua nyob rau tebchaws châu Phi, dhos los ntawm tej qe zeb muaj ntau hom xim, ntsuab, liab, daj tas dawb. Txhua lub qe hlaws puav leej muab chob tau zoo heev. Tiamsis nyob hauv ob hom xim daj liab ntawd ho muaj ib hom xim liab xyaw, cuag li muaj neeg txhob txwm chob yuam kev rau. Kuv xav txog tus neeg uas chob yuam kev no. Tiamsis kuv niam hais tias ntawd yog ib hom uas tau luag tsim los kom ceev faj txog. Lub qe hlaws liab ntawd ntuas kom tus neeg coj nco ntsoov tias tsuas muaj ib tug thiaj zoo kawg nkaus xwb, ntawd yog Vajtswv.

Tej zaum nyob hauv peb kuj siv zog kom dhau los zoo kawg nkaus nyob rau ib feem twg ntawd hauv lub neej:Muaj pluas noj zoo, ib tes haujlwm zoo, ib lub neej txijnkawm zoo. Tiamsis yim siv zog dhau los ua zoo, peb yim pom muaj ntau yam tsis zoo. Kuv kuj zoo li ntawd. Muaj tej lub sijhawm kuv tag kev cia siab rau tus kheej vim xav tias Vajtswv tsuas zoo siab thaum kuv ua tej haujlwm zoo xwb. Tiamsis Vajtswv tej lus ua rau peb pom ib qhov txawv.

Tus sau Henplais txhawb cov ntseeg tias: “Yog li ntawd, peb cia li ua siab tawv qhawv mus cuag Vajtswv tus uas zaum saum lub Zwmtxwv, rau qhov nws yog tus uas hlub peb. Nws yuav pab peb thiab foom koob hmoov rau txhua tus uas thov nws” (Henplais 4:16). Ua ntej tus sau ntuas kom cov ntseeg “yuav tau muaj lub siab tawv mus rau ntawm lub zwm txwv koob hmoov”, ces yawg twb hais rau lawv txog Tswv Yexus, yog tus pov thawj hlob nws yog tus paub tib neeg tej kev qaug zog. Nws kuj raug ntxeev ntxias ib yam li peb, nws tsis ua txhaum. Vim li no, thaum peb puas tshuaj thiab peb ntog, peb yuav tau mus nyob ze Vajtswv kom txais tau kev hlub tshua, zam txim thiab hloov pauv.

Yog tias tib neeg cim civ ncaj ncees lossis cim civ ua kom yus zoo kawg nkaus ntawm Vajtswv xub ntiag, ces peb tsis tas yuav Tswv Yexus. Tiamsis tsis muaj leej twg tau suav tias ncaj ncees dhau los ntawm tej haujlwm ua lossis vam khom kevcai. Tsuas yog vam rau Tswv Yexus txoj kev tuag thiab sawv hauv qhov tuag rov qab los xwb peb thiaj tau suav tias ncaj ncees. Vim li no Paulus thiaj sau: “yog Vajtswv suav hais tias tus uas xyaum ua raws li Vajtswv txoj kevcai yog tus ncaj ncees lawm, ces qhov uas Yexus Khetos tuag yeej tsis muaj nqis dabtsi li!” (Kalatias 2:21b).

Kuv ntseeg tias Tswv Yexus tsis txaus siab rau cov Falixais vim lawv yuam kom lwm tus yuav tau ua raws li tej kevcai tiamsis lawv tus kheej tsuas lam ua sab nraud xwb lawv tsis coj raws li sab hauv. Thiab peb nkag siab tias tib neeg nqaij tawv ces yeej tsis muaj leej twg yuav zoo kawg nkaus. Tsuas yog Tswv Yexus xwb thiaj yog tus zoo kawg nkaus.

Thaum no, txhua zaug uas ua txhaum, txawm loj thiab me los, kuv rov qab nco txog “tej qe hlaws liab ntawd” nyob ntawm kuv naim lub kauj toog tes. Yeej tsis muaj leej twg yuav zoo siab rau tej teev liab liab hauv yus lub neej, tiamsis peb zoo siab tau vim Vajtswv tsis tso peb tseg thaum peb qaug zog. Nws hlub tshua, zam txim, thiab ua haujlwm hloov pauv peb kom dhau los zoo li Yexus Khetos.

Thov caw nrog kuv peb thov Vajtswv ua ke: Tus Tswv, kuv ua Koj tsaug vim Kuv tau los cuag koj, tsis yog los ntawm kuv txoj kev ncaj ncees, tiamsis los ntawm Vajtswv txoj kev hlub. Ua Vajtswv tsaug vim koj lub zwm txwv kev hlub yeej qhib tos kuv kom kuv tau los ze koj txhua zaus kuv ntog. Thov pab kuv txhua hnub thaum uas kuv txhais ruam mus hauv koj txoj kev hlub, kom nyob hauv kuv tej kev qaug zog, kuv yuav saj tau koj lub zog loj thiab tau hloov pauv kom dhau los zoo li koj dua. Kuv thov hauv Tswv Yexus Khetos lub npe, Amees.

Cov kwv tij txhua tus, koj puas tab tom khiav nkaum Vajtswv vim txaj muag rau yus tej kev txhaum? Dhau ntawm Vajtswv tej lus ntuas hnub no, ua siab tawv mus ze Vajtswv kom txais tau Vajtswv txoj kev hlub tshua thiab kev zam txim. Tib txhij ntawd, txais yuav los ntawm txoj kev lees txim tiag. Txhob siv Vajtswv txoj kev hlub los ua lub neej tsis tso kev txhaum tseg, tiamsis thov Vajtswv hloov pauv koj lub neej. Nco ntsoov tias Tswv Yexus kuj ua neej nyob hauv cev nqaij daim tawv li peb tib neeg, raug ntxeev ntxias, ntsib teeb meem, tiamsis Tswv Yexus nkag siab peb tej kev qaug zog. Nws txaus siab hlo pub nws txoj kev hlub los rub peb thaum peb cheem tsum siv.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.