Lub ntiajteb no cuag li yuam kom peb thaum twg twb yuav tsum coj zoo li yus tsis “ua cas”. Peb siv zog tiv kom pom tias yus tseem muaj zog, txawm yog thaum uas peb tus neeg sab hauv cuag li tsis muaj dabtsi lawm. Peb txaj muag thaum uas yuav tau lees tias yus yoj yees, tsis kam cev tes mus thov pab vim ntshai tsam muab peb tej kev qaug zog nthuav tawm. Tiamsis Vajtswv muaj ib lub homphiaj zoo dua tseg rau peb: nws tsis tsim peb tib neeg los kom peb mus ib leeg. Nws npaj txhij txhais tes zoo los, los txhawb peb mus hauv txoj kev sib hlub.

Hnub no, yog hnub 15/08/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jessie Bigelow dhau ntawm Zaj kawm TXHAIS TES PAB

“Ob leeg zoo dua ib leeg, rau qhov ob leeg ua haujlwm tau nqi zog ntau dua. Yog ib tug ntog lawm, ib tug yuav rub nws tes sawv” (Tes Lus Qhia 4:9).

“Ob leeg zoo dua ib leeg, rau qhov ob leeg ua haujlwm tau nqi zog ntau dua. 10 Yog ib tug ntog lawm, ib tug yuav rub nws tes sawv. Tiamsis tsis zoo rau tus uas nws ib leeg xwb, yog nws ntog lawm tsis muaj leejtwg yuav rub nws tes sawv” (Tes Lus Qhia 4:9-10).

Thaum hu txog nqe tshooj, kuv cia li hu yuam kev lawm. Lub sijhawm ntawd, kuv pom tias tej teeb saum sam thiaj ci ua rau qhov muag plag tas, nrog rau tsheej pua lub qhov muag tab tom saib ntsoov kuv. Zaj nkauj nws tseem nrov nws ntxiv, tiamsis thaum kuv siv zog hu nkauj, tsuas tshuav ib lub suab ntxhi tsis muaj zog xwb.

Kuv cia li ntshai. Yeej tsis muaj tus dabtsi txaj muag thaum lees tej no. Nyob rau hauv pab hu nkauj qhuas Vajtswv thiab sawv ntawm Pawg Ntseeg, kuv hnov cuag li kuv nyob ib leeg. Kuv cuag li raug muab vij rau hauv txoj kev txaj muag. Tsis paub ua li cas zoo li ib nthwv cua tab tom ntsawj los, voob nkaus kuv. Txhua feeb dhau mus, kua muag cia li ntws los, kuav kuv mus txog qhov uas txoj kev ua pa yeej tuav tsis tau cia.

Nyob hauv txoj kev tag kev cia siab ntawd, kuv tshawb hauv kuv lub hlwb ib lub tsho cawm siav, lossis ib yam dabtsi pab kom kuv sawv taus nres nroos tos zaj nkauj hu dhau. Tiamsis tej suab ntaub nws yeej nrov nws ceev heev, thiab lo lus nug vim li cas pheej kiv mus hauv kuv lub taubhau txog qhov uas kuv tsis muaj ib qhov kev cia siab qhov twg. Kuv cheem tsum ib txoj kev pab.

Nyob rau lub sijhawm ntawd, kuv tig mus saib ntawm sab xis.

Muaj ib tug viv ncaus nyob hauv pab hu nkauj cia li ntsia ncaj qha rau kuv lub qhov muag. Tsis hais ib los lus li, nws txais nkaus lub micro mus hu hlov kuv rau feem tsheem tshuav ntawm zaj nkaus. Txoj kev pehawm lub sijhawm ntawd nws tshwm sim hauv txoj kev txo hwjchim, yog raws li tej uas Pawg Ntseeg xav tau. Thiab tseeb tiag, ntawd kuj yog tej uas kuv cheem tsum tshaj rau lub sijhawm no.
Tej zaug yog kuv lub qa tas zog, lossis tej suab taub puas lossis kuv cuab suab tsis yog, tej no pheej tshwmsim tsis tu. Tiamsis tej suab tau lossis lo lus nug “vim li cas” ntawd tsis muaj nqis dabtsi li lawm. Lo lus teb yog tshaj lossis txhua lo lus teb puav leej pab tsis tau rau kuv.

Vajtswv xav kom kuv kawm txoj kev txhob cia siab rau yus tus kheej.

Vajtswv tej lus nyob hauv Tej Lus Qhia 4:9-10 sau: “Ob leeg zoo dua ib leeg, rau qhov ob leeg ua haujlwm tau nqi zog ntau dua. 10 Yog ib tug ntog lawm, ib tug yuav rub nws tes sawv. Tiamsis tsis zoo rau tus uas nws ib leeg xwb, yog nws ntog lawm tsis muaj leejtwg yuav rub nws tes sawv”.

Twb ua Vajtswv haujlwm tau 10 xyoo rau txojkev coj kev hu nkauj qhuas Vajtswv, kuv tsis tau muaj ib zaum twg ntsib dhau zoo li no. kuv ua Vajtswv tsaug vim tus viv ncaus hnub ntawd tau pab kuv dhau los ua kuv ib tug phooj ywg zoo. Kuv hwm taus qhov uas nws cev tes pab kuv tamsim. Tsis tas yuav nug, kuv tsis tas yuav xav dabtsi. nws pom kuv tab tom ntsib teeb meem thiab tamsim cev tes pab. Dhau ntawm nws, Vajtswv nthuav tawm Vajtswv txoj kev ncaj ncees kawg nkaus, nws siv tus niam laus no txhais tes los pab kuv lub sijhawm uas kuv tws kev.
Hais tiag mas, lub neej tsis yog thaum twg twb muaj neeg sawv ntawm ib sab pab, ib yam li kuv tau pab saum sam thiaj. Tiamsis, Vajtswv xav kom peb kawm txoj kev ntseeg siab rau Vajtswv – tus uas nws yuav xa tej txhais tes pab los pab peb raws li qhov uas peb xav tsis thoob, dhau ntawm cov neeg uas peb tsis tau muaj ib zaum twg xav txog. Txawm yog lub sijhawm no koj tab tom tws kev rau ib yam uas tsis muaj npe, ris lub nra nyhav txog nyiaj txiag, hnov tsis paub ua cas, lossis ib lub nra nyhav twg, ces kav tsij ntseeg, koj yeej tsis nyob ib leeg. Vim Vajtswv ua siab ntev tshua txog thiab tu koj, Nws yuav siv tej kwv tij ib ncig ntxiv zog rau koj tej hnub uas muaj cua daj cua dub.

Thov caw nrog kuv peb thov Vajtswv ua ke: Vajtswv yog tus muaj kev hlub thiab nkag siab txhua yam uas nyob hauv kuv lub siab. ua Vajtswv tsaug txawm yog muaj tej lub sijhawm kuv nyob ib leeg thiab qaug zog tshaj, los koj yeej nrog nraim kuv, tsis tso kuv tseg. Tus Tswv, thov qhib kuv lub qhov muag sab ntsujplig kom kuv ntsia pom koj txhais tes kev hlub tso vij puas ncig kuv. Thov kom kuv lub neej dhau los ua ib qhov chaw pheeb, npaj txhij pab tej neeg uas tab tom ntog ntawm txua kev nkhaus no. thov kom Vajtswv txoj kev hlub ntws lug hauv kuv lub zej zos, kom txhua hnub, peb paub sib pheeb thiab ruaj siab rau ntawm Vajtswv. Kuv thov hauv Tswv Yexus Khetos lub npe, Amees.

Cov kwv tij, nyob rau txhua lub caijnyoog, Vajtswv caw kom peb ua neej sib txuas ua ke hauv lub zej zos koom kev ntseeg. Vim li no, thaum ib tug ntog lawm, yuav muaj lwm tus cev tes pab. Yog li, txoj kev zoo nkauj ntawm txoj kev sib hlub tau nthuav tawm thaum uas sawv daws ib leeg pab ib leeg ris nra nyob rau tej lub sijhawm uas txomnyem. Tas muaj ib lub sijhawm twg koj yuav rov qab sawv taus khov kho dua, nco ntsoov cev tes mus pab lwm tus kuj tab tom cheem tsum tau tsa sawv ib yam li koj hnub no.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.