Kòn mơnus gen cau lơi kung kơp kòñ kis tòm bơta ring lơ ngai. Pal cang kơnòm dê Yang Tom Trồ, mơya bol he òs mòng kong àñ is jơh ală bơta kơnjơ̆ kơn jut rài kis dê, kư̆ pơnđơl rơndap ală broă mơ bol glar tài bơh oă broă jòng rlau mơ bơta chài rgơi să tòm dê. Bồ dơngoh os mòng la phan ƀàn Yang Tom Trồ pà ai nang bol he sền sơwì mơ cèng tus ală bơta lơh nền jak chài, gơs tŭ gơlik gơs dô bă tiah gơlik oă ngan bơta rngòt mơ ală bơta kơ lôi sơnơng ò dơh. Gơs tŭ, mìng bơta lơh nền dềt rhền kung tơl pat jơh bơta pran kơldang, gơlơh bol he in dơrcul. Mơya gùng nàng lik dô ò tŭ lơi ơm tòm bơta pơnđơl at bồ oă rlau. Bơta ring lơ ngai mìng tus tŭ lơi bol hi git sang sơrbì bơta kơn jơ̆ bol he dê, khun bồ dê bơta tề lam Yang dê mơ lòi Yang at bồ nùs nơm he.

Ngai do, ngai 26/09/2026, , Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Kellin Gibson bơh tơnggume: JÀO PHI TĔ ALĂ BROĂ YANG IN

‘Bol mê rơp iat gen kơno, mơya ò git wă dô êt lơi; Rơp sền gen gŏ, mơya ò git đal dô êt lơi. Bơh nùs làng bol do neh kră kơldang; Tồr bol khai neh tĭ, Mat bol khai neh ñềm; Rngòt mat bol khai geh gŏ, Tồr bol khai geh kơno, Nùs bol khai geh git wă, bol khai rê wơl, Mơ Añ sơm bol khai in bòi mòn.’ ‘ (Mathiơ 13: 14-15)

Bồ dơngoh añ gơloh be neh ƀư tus nhar añ dê. Dô mang ne, tŭ mai rơndeh, añ kư̆ kơ lôi sơ nơng mù tòm siêu thị nàng tac plai hala ò. Bơta lơh nền gơ lơh buơn soh ngan mơya gơlik kal ke. Tŭ sền wơl, añ đal git ală broă sơn tòm bơh ală nam kơnhai gam kơ nòm să añ ji.

Bơh tŭ sin nam, añ gơs bơ ta sền gŏ kun kwe bơh să tòm. Tus jơt pe nam, añ sơn tòm kong ơt sa. Tŭ cơn đòa mut tòm ală nam bàr jơt sơ nam, bơta sa Paleo và Keto gơloh oă ngan. Ală bơta ñô sa dô chồl bơtrut he pal ngui sa oă protein mơ dơngi, mơya ò hoan sa plai đo, mìng dô êt plai gơs oă dà gòi.

Bơta sơn tòm mìng la kơp kòñ ñô sa ring niam lơm, mơya sơlo ngai gơlik rngòt pal cang sa “hir” jơh – dô bơta kòp ji tòm bơta ñô sa geh sơn đan lah orthorexia (rngòt pal cang ñô sa niam). Añ sơn tòm rngòt sa plai đo, bulah phan sa hơ̆ añ gơboh ngan. Digơlan gơ lơh sồt rmañ sơl? Plai nho mơ plai sà kọ gơs chỉ số đường huyết oă. Phan sa do la hữu cơ sơl? Añ neh joi sền oă sra pơràn, mơya ò rgơi jòi bàn seng ho di pal. Bồ dơngoh añ kư̆ pơndang digul bơta kơ lôi sơ nơng gơ tòm cah is, ò tŭ lơi dơh.

Gen tàng, di gul bơ ta kơ lôi sơ nơng wil wơl hơ̆, añ đal git dô bơta buơn soh ngan: Yang Tom Trô la Bơtau neh crơng gơs plai đo. Suơn Êđen Yang dê bềng tơl ală plai đo. Măng hơ̆, pal mai rơndeh tus siêu thị be rơndap, añ mut song tòm dơlam mơ sac ală plai bơkah rlau jơh. Tus ngai do, añ găm chò hòp sa plai táo, cam, chuối mơ oă plai ndai mơ ò gam rngòt gơ kòl bơh bơta kơ lôi ò di pal.
Di ngan, bơta pran kơldang hwềng nus rgơi ceng tus ală bơta iơh dờng ngan, nhưk la tŭ bol he gơ kòl tòm di gul bơta kơlôi rcang mơ bơta kơlôi dơrcul. Añ neh lơh sa tom gơlik dô nơm rùp mơ lơh is să tòm gơ kol tòm bơta kơlôi hơ̆. Mơya bơta ring niam rlau joh tôm sèng yal añ dê la: Yang găm rgơi ƀư tus bă tiah jrô ndơp rlau jơh tôm nus bol he mơ dong tă he.

Jơ nau Yang ngai do tơngkah bol he bơh jơnau song hơ̆. Tŭ ngùi ală pơnyơu nàng tơngkah lang bol, Yang Jesu tơng kah wơl jơnau cau gơ noar hwơr Esai:

‘Bol mê rơp iat gen kơno, mơya ò git wă dô êt lơi; Rơp sền gen gŏ, mơya ò git đal dô êt lơi. Bơh nùs làng bol do neh kră kơldang; Tồr bol khai neh tĭ, Mat bol khai neh ñềm; Rngòt mat bol khai geh gŏ, Tồr bol khai geh kơno, Nùs bol khai geh git wă, bol khai rê wơl, Mơ Añ sơm bol khai in bòi mòn.’ ‘ (Mathiơ 13: 14-15)

Be Yang Jesu hơ bal mơ kòp nă bol he lah: “ Jào wơl tĕ ală broă Yang in.” Ò càng tòm pơnđơl nàng tòm gơl sa tom hala dong tă is mơ ya lòi Yang lơh broă. Lòi Yang yò đo bol he, ceng bồ dơngoh dơrcul ri wơl mơ bơta lơngai mơ mìng dô nă Yang rgơi ai pà.

Gơs ală bơta tom lơh gơlơh bol he in ò rgơi pha lin is. Mơya tŭ he jào ală bơta kơn jơ̆ kơn jut he dê Yang in mơ lòi Yang lơh broă, bol he rơp git lam bơta sơmbòi mơ bơta khat gơboh mơ mìng Yang rgơi pà ai.

Dan jà bol he dô nùs bal tòm bơta hòi dan: Khoai Yang Dong Klas Jesu kòñ gơ boh, kòn dan jào jơh ală bơta kơn jơ̆ kơn jut mơ bơta kơ lôi rcang kòn dê Yang in. Tŭ bồ dơ ngoh kòn bol glar mơ gơkram tom bơta klam jơ ngo, dan hwài kòn tus rềp mơ Yang, gơr wang kòn gan dê bơta ring lơ ngai mơ bơta sơm bòi Yang dê. Ưn ngai Yang tài bơh ò dê mìng toh glai ală tồi glài kòn dê mơ kơ̆ cê dong tă kòn lik bơh ală bơta gơ kòl tòm nus nhơm kòn. Dan bơtô kòn git sum don kơ nòm mơ rlô tòm bơta kòñ gơboh Yang dê kòp ngai. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, bulah ò dê tŭ lơi Yang kung ho jơ nau hoi dan bol he dê dô bă loh lang be kơp kòñ, bol he gam rgơi kơ̆ nus don lah Yang sum kòñ gơ boh mơ sền gar. Tơnơ̆ mơ lơh sir bơta dong klas hơđang chi pơng. Yang Jesu gam pơnjat dong tă, sin gar mơ tòm gơl rài kis ală cau gơ rê mơ Yang. Tài bơh hơ̆, dilah ngai do ồng mò oh mi pal tòm pơn dang mơ ală bơta moat jrung hala bơta tòm lơh tòm nus, dan bañ gơ plơ̆ nus, Yang Tom Trồ rgơi sơmboi ồng mò oh mi. Ồng mò oh mi rcang sir nus nhơm nàng Yang lơh broă- tòm rài kis he sơl?

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.