Tũ jơ ò gơs rup să, mơ ya sum lơi wơl til hơđăng ală bơta neh yau. Dô nơm krôn tòm gơtau mat hala ală gar jù hơ đăng gơltau muh măt – jơh ală bơta ơm tơngkah bol he bơh bơta liah rai kis kòn mơnus dê. Gơs ală trồ mhô nggui ơm sền lăng hwềng rup să he dê tồ jong diđap hiu, bol he đăl git lah jơng he ò găm sơrbac sơrbang tai be tũ bar jơt, mơ blang ngkơi kung neh kun rlau tơnỡ mơ cal rbut rai kis dê. Lòt găn ală sơnăm kơnhai, kon mơnus ơs kah wơl bơh ală bơta lơh lòt găm kơnòm să dê, mơ nàng đal git bon tòm ngăn he dê ò hềt tũ lơi gơri mơ dunnia dô. Bulah să jan gơs gơhuc jat sơnăm kơnhai, gen đah nê gùng lòt kung la dô nơm trồ tiah àng gơ crà, tiah Bơtau dòn song găm ơm gơn ală cau lơi ơn bơta dòn wil tơl tơm Kơnrãn.

Ngai do, ngai 01/10/2026, tòm tũ dunnia dô nus bal wet nus hơ Ngai Wêr Cau Jong Sơnăm dê, Bơta Hòi Dan Kòp Ngai dan jà ală ồng mò oh mi bơtê bal Jonau Yang kơ nơm dê bơta dong kơl Dalen Keys dê bơh tơnggumê SAL YAU.

“Añ gam ơm tòm să jan do kàr lơi, gen añ kơlôi ngan la añ ai jơnau bơto tơngkah nàng chồl nùs oh mi, bơh añ git lah ò gam jŏ tai añ rơp sang să jan do, be Yàng Jesu Krist bol he dê neh yal añ in git.” (II Pier 1:14)

Sal hiu nhă ăn ji neh yau bơh lai mơ tũ ăn lik rai. Ăn la kòn put tòm hiu nhă gơs pe nă oh mi, ngai bơh di ală bi oă sơ năm, gen tang tus di tũ ăn ngui gen sal neh yau rau. Tòm măt ăn ji, gơ la dô nơm phan yau! Bulah ò gơs cơng tàng lơi nàng lơh nêh, mơ ya ăn găm sùm đơs kơnhơl lah sal hỡ neh geh cèng bơh bòn Kôrinto mơ bơh să tòm Cau Gơnoăr Bơto Dơng Pol neh jing (Broa 18:1-3).

Ăn kah rlau joh la bơta lòt kơ nhơl hiu nhă dê. Tũ bol he neh tus tòm tiah hỡ gen neh mhô. Bi ăn ji mơ ăn bơtao sal, ai mè bèp gen rcăng phăn sa mhô. Sa sir, joh tơl nă ri bic gỡn nàng ai pran wol dô ngai kơ nhơl mơ oă bơta kơ nhơl niam. mơya , tòm toh di tũ bèp dõ kai nàng til mpông sal, che kai nisơna sùi sèt, mè pơn đơl pran gơmap gar bar đah sề sal rềp bal mơ joh ală phăn jing mè gơs tòm kơldung. Mơ ya joh pơn đơl pran mè dê ò kwơ. Drim ngai tơ nỡ, joh tơl nă guh bic mơ muh măt tôr mơ bar đah bồ neh as, ji kiat bơh sơmac mut bơh tiah ò rgơi til mpông mơ tiah sùi set dơng bol he ò rgơi jing.

Ming tơ nỡ mơ dô ngai bèng jonau nõ, tơnkram he tòm dà niam mơ ơm rlô hơ đơm trồ tơlir niam, nus nhơm joh tơl nă dê neh chò hòp wơl, ming jõ jõ găm ji kiat bơh ală til sơmac cap bơh mhô lai. Tơ nỡ sa mhô, bol he ơm gut dar mpan lòt ko nhơl, tom bơh bơr hơ đơm ală ôs đèng kơt hơ đăng chi. Jonau nõ ntas trồ măng kơnhai rlô răm niam jol tus di joh tơl nă ri wol hơ sal ơm rlô. Ơm rngot sơmac tus cap tai, bèp ăn neh lơi pê ngai nàng jing wol sal, kơp kỡn bol he rgoi bic iang. Mơya, ăn găm lơh nền gòm joh bồ hơ đăm ui. Cau lơi git, dô bơta nisơna ndai găm ơm gơn bol he tòm măng.

Sơn rơp ming la ală bơta ang cing ntas dềt, lơh àng joh sal. Gen ală jonau ntas nggôr tơ nỡ ală bơta ang, tòm tũ cal sơn tơm khôm tòm ală ngkot chi hơ đăng bồ. Sal bol he dê găm ntao kỡ. Mơ gen, miu tus be dà tuh. Do ò di ming la dô nơm miu cal rbut lòt găn gợi, wil tơl ò di la be hỡ. Miu kư be hỡ jõ jong. Sal nđac sơngit neh lơh joh ală bơta rgơi loh nàng sền gar bol he di đap miu dơng hỡ, mơya gen kung sơn tơm sùi sèt mơ hor dà tũ ală vai kơning sơ lơ ngai sơ lơ suh dà. Lồi dut, bèp kol alah mơ lơh nền tơrgom joh. Joh hiu nhă mhar lơh broa, sơrbac sơrbang tơrgom broa digul miu dơng nàng lòt gung ri hơ hiu. Bol he ơn mhar ală phăn ngui is mơ ngui phăn lơh sal tòm ngkơi rơndeh, ai sal nđàc sơngit la phăn lồi dut ơn ngkơi rơndeh neh hăt. Bơh măng hỡ, sal ò tũ lơi găm rgơi ri wơl be lai tai.

Ală ngai rềp dô, ăn sơlơ ngai sơlơ sền gõ he ndrơm be sal yau hiu nhă dê sơ năm nê. Jat sơnam kơnhai, să jan ăn kung neh mor gơhuc mơ kwet ngkơi. Di gơlan ăn ò kol “sui set che kai mpông”. Mơya ală pơnah ndai tòm să jan gam sơn tơm gơhuc, ơs la tòm ală buôn lơh cau in bassil rlau joh. Ò di ming ò cang pal mhar, mơ ya bôtah ngăn, gen rơp tus di ngai ăn geh tă săng sal lơ hơ dô.

“Añ gam ơm tòm să jan do kàr lơi, gen añ kơlôi ngan la añ ai jơnau bơto tơngkah nàng chồl nùs oh mi, 14bơh añ git lah ò gam jŏ tai añ rơp sang să jan do, be Yàng Jesu Krist bol he dê neh yal añ in git.” (II Pier 1:13-14)

Ăn geh pơndơm pơniang ò git nđờ kơ nơm jonau hơ Yang dê bơh ngai gơ klõ hỡ. Tòm ală ngai gơltang gơ lơh ntas gơting, gơting kră kơldang, ăn sơlơ ji gloh tơhir geh tă săng sal yau dô ò git nđờ.

“Mơya bol he la làng bol hơđang trồ, bơh hơ̆ bol he kơp gơn Yàng Dong klàs la Yàng Jesu Krist. 21Kơnràñ rơp lơh să jan ò kwơ bol he dê gơlik gơs be să jan gơklŏ Kơnràñ dê, jat be gơnap gơnoar Kơnràñ gơs nàng lơh jơh ală phan dòn duh Kơnràñ.” (Philip 3:20-21)

Ăn gơn kơ nơm lah rai sum sum rơp ceng wơl dô it bơta răm niam bơta lơh sal tòm măng hỡ. Măng bềng jonau nõ tian gơs ji joh wẽ. Ăn dòn lah dô ngai lơi hỡ ăn rơp tă săng sal yau he dê mơ soh dô nơm să jan pa bềng gơ klõ. Tũ hỡ, ăn rơp gơs joh rai sum sum nang kơ nhơl, ơm rlô mơ nõ kơ nhơl bal mơ Cau BơYô ăn găm kỡn gơboh, hỡ la să tòm Yang Dong ăn ji. Mơ ăn gơ lơh don nên cê lah hơ đăng trồ ò gơs sơmac!

Dan jà bol he dô nùs bal tòm bơta hòi dan: Khoai Bèp kỡn gơboh, ưnngai Kơnrãn bơh tòm ală kơnhai sơnăm Yang neh sền gar mơ lòt băl mơ kon. Bulah poăc să sơngai roh pran mơ gơhùc pran, dăn dong kòl kon sùm kỡ nùs sền song dê Kơnrãn, git lah kòp ngai lòt găn sơlơ cèng kon tus rềp rlau hơ lơgăr hơđăng trồ. Dăn Yang ai ring-lơngai lòt găn di ală kòp jê sơnăm kra dê, tơnroh bơta moat-jrung mơ prap gar hwềng soàn sum pa lơm tòm Kơnrãn. Dăn ngui rài kis ală cau neh lòt lai pơn jat la sơm pòl ồs ram, nàng pah rài tơnỡ pơnjat cơđòa bơh nùs nhơm duh rngòt mơ kỡn gơboh Yang. Ưnngai Yang tài bơh ngai ne Kơnrãn rơp tă tơlik “sàl ing” dô nàng lơh pah să jăn klõ, tiah ò gơs bơta bòl glăr hala hor dà măt. Jơl tus di ngai hỡ, dăn ai kon in ntào kỡ tòm tiah gơn kơnòm tòm Kơnrãn. Kon jơh nùs hoi dăn tòm sơđăn Yang Jesus Krist, A-men.

Ơ ală cau ơm iat kõn gơboh, dilah lah ngai dô bơyô sền di dăp krơh mơ sền gõ til kra jrô, hala dòp git loh làng bơta lơgah-lơganh “sal” poăc să neh siêr roh jat kơhai sơnăm, gen bãn moat. Sơnăm kra la jơnau tơngkah lơbỡn niam, lah gung lòt ing tòm ù neh cèng bòl he tus hiu tòm. Ală cau neh cơnđòa lòt lai – ală chi jọ hiu nhă dê mơ Hiu Jum Goh – cèng tòm he rùp sang goh: bơta niam dô rài kis chò hòp ơn dô dah “sal” ing nàng cơđòa mut tòm tiah găm sùm sùm. Jơl tus di ngai ală bơta lơgah-lơganh, bòl glăr mơ gơhùc bơta pran rơp geh tòm gơl mơ bơta chò hòp hon chò hơ đăng trồ ring-lơngai, tiah ò gơs bơta dà mat tai, ò gơs kòp jê. Păl tơnggơr mat hơđăng trồ, bơh ngai Yang wă rò bòl he mor tus!
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.