Geh gơs cau kong kup jơng digul cà rơbut dờng, mơya tơm nus nhườm bol khai di kứ kơp kờn jơh nus tề lam oă cau tus hơ Yang. Gơplơr wơl, kung gơs cau kis digul bơta pas gơs mơ wil tơl od kong kup kơryan bơh bơta lơi, mơya nus bol khai di kră kơdăng ò geh bơta kờn gơboh. Đơs ngan la bơta kalke lơh he in ò kờn bơto yal Jơnau Niam ò di bơh bơta gơlik tus, mơ bơta mơng os là bơh nus kờn gơboh neh huc ngệt. Bơh cà rơbut dờng dah bơ dih mìng kup dô nơm jơng lơm, ò tú lơi rgơi kup dô nus nhờm găm duh hul bơh ală hwêng soàn roh rùi.

Ngai do, ngai 03/10/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng kơnòm dê Emily L. Pippin bơh tơnggume: BAÑ LỜI CÀ RƠBUT DỜNG KUP JƠNG OH MI

“Hwềng soàn añ kơp kòñ ngan bơta dong klàs Yàng dê;Añ gơn kơnòm di jơnau Kơnràñ dê.”(Đơs Crih 119:81)

Nam hớ, dô nơm cà rơbut dờng neh tus di tiah dơng, tus di măng ngai poan – là tú Hìu Jum Goh hoi dăn kợp poh. Ală gùng lọt gơ kram tơm dà mìu, ală rơn deh ò rgơi nàng lot ma kiau, gen tàng be hớ jơh hìu nhă añ ò rgơi nàng lot tus hìu jum. Gen be hớ, bol he neh lơh nền pơ jum duh khoai is tơm hìu he di.

“Ơ me bèp, bol he ò rgơi mài rơn deh lè lé nàng tus hìu jum goh sơl ơ? Kòn kờn tip mat ală gơp bơyô kon di, kờn iat Digơna bơto, kung be sền gó măng ngai do he pal hoi dăn ala cau lơi in?” – Donnie, kon klau prau nam an di đơs be hớ.

Donnie kơp kờn ngan jơ hòi dăn. Tú ală oh mi gah cau ur rơ gùm bal dô nơm ơ dú, gen ală cau ồng dô nơm ơ dú is, Donnie bal mơ bơ yô Chuckie tú lơi kung geh gùi băl mơ bap ền, bạp woa. Bol khai gơ lơh niam mơ bìng lìu chờ hợp.
“ Ban be den, Donnie. Bơh dih gùng lot jơ do oă bơta kalke ngan. Ală cau kanh sak di kung tơng kah he pal ơm mó tơm hìu digơlan gơs broă dờng mơ rgơi he lot. Mìng ală cau ơm rêp gah hìu jum mơ rgơi lot tus”

Bol he git loh la ò rgơi geh bơta lơi kơryan Digơna Yang rơn dap pơjum hoi dăn. Bulah ồng kis ngài bơh hiu jum bar, bol he dòn nền la rơp geh dô nă cau tơm hìu jum tus cèng Digơna.

Lồi di tú jơh hìu nhă he đơs chừo Jong Rơ Yang, tờm pạ bal ală bơta Yang tơngkah bơh sèng Sră Goh hớ gen tàng dô nus bal nàng hoi dăn. Sir bơta hớ, Donnie neh toat mut di ơ dú rlô bic me bèp di. Kon klau dệt neh gùi di gah mpồng dệt, mat sền nế di mìu cal rơ but dơng bơh dih, gen đơs dờng la:

“Tú jơ do bơta pơmjum hòi dăn neh sir rau ơ me bep?”

“Tú do gen jơl jơh rau ơ kòn!”- an neh đơs.

“Dilah be hớ gen Dơgơna Yang di neh rê sơl”

“Ời, jat ngăn be hớ”

“Kon rgơi nàng hòi digơna in nàng lụp git măng do gơs cau lơi dòn Yang sơl?’

“Di sơl, Donnie. Bèp kơlôi la digơna Yang rơp chờ hợp ngan digơlăn git kon găm kah tus di ală cau bơtơl pran nàng lot tus hiu jum goh tơm tú mìu càl be do.”

Donnie hoi điệng. Mơ oh mi dòn sơl? Digul trồ măng càl rơ but be hớ, tơm bơta pơjum mìng gơs dô êt nă, neh geh dô nơm hwêng soàn dòn Yang.

Donnie jơh nus chờ hợp. Khai neh hon chờ yal wơl bơta tơm bơh bơr. Nus kơp kờn tề lam cau ndai tus mơ Yang gơ wet kon klau dêt di tơm bơta chơ hơp bìng lìu:

“Gơs dô na cau ò git Yang neh dô săng bơh cà rơ but dơng be hớ, nàng kơno iat Yang Jesu neh kờn bol khai mơ chơt ala bol khai in. niam ngăn be hớ!”
Đơs Crih 119:81

“Hwềng soàn añ kơp kòñ ngan bơta dong klàs Yàng dê.”

Donnie bal mơ pe nă bơ yô bol he di geh cèng tơm nus bơta kơp kờn hớ: kơp kờn oă cau geh dợp git bơta dong klas bơh Yang Tơm Trồ. Digơlan kơp nă bol he geh nus nhờm kah kơlôi be hớ gơ wet mơ ala hwêng nus găm roh rùi tơm tồi glai klam jơngo, jơh nus hòi dăn cau bơyô, cau dệt mêr gut dar hìu dợp git Yang. Gen tàng he kung geh jơh nus bing tơl bơta chơ họp tú bàn dô nă cau lơi lik gơs cau bal mơ hìu nhă Yang di.

Digul pah rài do, bol he pal khin cha nàng bơto yal bơta dòn hớ. Do la tú nàng ntao kớ nàng bơto yal bơh Yang Tơm Trồ dơng ơnang, ò gơs bơta rngot lơi hala rúc wơl, mơ gơs nus khin cha yal tơnggit bơh bơta dong klas mơ Yang neh ai dunnia in be gợi bơh Kon Dul Kơnran di la Jesu.

Digơna bol he di neh lồi tơm bơta bơto sôr, tơm pạ bơh ală pơnah Yang Tơm trồ neh ràng tơlik bơh să tơm Kơnran.

Yang Tơm Trồ la Yang Tờm Trồ bìng bơta nđac. Yang ai he in bơta kis sùm sùm nàng geh ơm bal mơ Yang.

Yang Tơm Trồ là Yang Tơm trồ bìng nus kờn nđac. Yang lơh nền la Yang neh toh tồi glai he in mơ ò kah tus di tội glaij hớ tai. Be Đơs Crih 103:12 cih:”Đah mattơngai lik la ngài mơ đah mattơngai mut kàr lơi,Gen Kơnràñ kung tă sang bơta tìs glài bol he dê ngài kàr hơ̆ sơl.”

Bol he groi geh yal tơlik Jơnau Nia bơh dô Yang Tơm Trồ be hớ. Bal mơ, pal lời dô nus nhờm geh hon chờ sum sum tú kơno iat gơs dô nơm hwêng soàn geh mut tơm hìu lơgar trồ di, lik gơs cau dợp geh sre brê bal mơ Bơtau Dong klas mơ dợp geh ală bơta lơngai Yang Bep di neh ai Kon Kơnran in.

Dan jà bol he dô nùs bal tòm bơta hòi dan: Khoai Yang la Bèp kờn gơboh kon di, kon git ưn ngai Yang tài bơh tú kon ơm ngài bơh Yang, să tơm Kơnran neh joi bàn kon mơ dong klas kon bơh nus kờn gơboh dơng. Dăn toh tồi glai kon in tài bơh oă dớ nus kon huc ngệt, mìng kơlôi rcăng tus bơta lơngai is bal mơ ală broă is kon di mơ húi di ală cau kơp kờn dợp git Yang. dăn tă tơlik bơh kon bơh nus huc ngệt, mơ chu os kờn gơboh tơm nus kon di gơ wet mơ ală hweng soàn roh rùi. Dăn ai kon in nus khin cha nàng git tơm pạ Jơnau Niam, mơ dô nơm nus git hon chờ tú bàn oă gơs cau rê mơ Yang. Kon jơh nus hoi dăn tơm Sơn Đăn Yang Jesu Krist. A-men!

Ơ ală ồng mò oh mi kờn gơboh, rgơi la ngai do he ò gơs dô nơm càl rơ but dơng lơi kup kơryan. Mơya, kung găm gơs oă bơta kalke he ò rgơi bàn loh lơh he in ruc wơl tơm bơta ràng tơlik bơta dòn he di. Dăn ban lời dô nơm bơta lơi “kup jơng” bol he tơm bơta ơm mò mó, lơh he in kalke tơm bơta tờm pạ nus kờn gơboh Yang Tơm trồ di ai cau ndai in. Ban lời nus he ruc ngệt, ò chơ hợp tai bơh bơta tơm klac dệt mêr mơ he geh gơs mơ Yang Bep bơh Yang Hweng Goh. Dăn Yang ntao tơngguh tơm kợp nus he di dô nus nhờm kờn gơboh di cau roh rùi, nàng bol he gơs nus khin cha bơto yal Jơnau Niam mơ joh nus chơ hơp tú geh tai oa cau mut di hìu Yang di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.