Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Nyob rau hauv txoj kev nrog tus Tswv mus, qee zaug peb yuav tau them nqi rau peb txojkev ntseeg: xws li tsev neeg tso peb tseg, phooj ywg ua saib tsis taus, raug ntes thiab tsim txom sab nqaij tawv, ntau zaug tseem yuav poob txoj sia thiab. Tiamsis Vajtswv tau hu peb txawm yog yuav muaj tej teeb meem tsis zoo los peb yeej nrog nraim Nws mus, thiab Vajtswv cog lus yuav nrog nraim peb nyob rau tej lub sijhawm uas txom nyem tshaj plaws ntawd. 

Hnub no, yog hnub 03/08/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Paul Linzey dhau ntawm Zaj kawm NTSEEG TXAWM YOG YUAV NTSIB TEEB MEEM

“Twb yog vim lawv ntseeg, lawv lub koob meej thiaj nrov ncha moo lug mus thoob plaws qhov txhia chaw” (Henplais 11:39).

Daniyees raug pov rau hauv qhov tsov ntxhuav, vim yawg thov Vajtswv peb  zaug ib hnub . Tiamsis Vajtswv tau tiv thaiv yawg: cov tsiaj no lawv tsuas paub pw twj ywm ntawd thiab nyooj laws xwb. 

Ua ntej ntawd tsis ntev, Sadalas, Mesakas thiab Anpenekaus. Lawv kuj raug muab pov rau hauv lub qhov cub taws cig hlob hlob vim tsis kam nyo hau pe ib tug mlom kub. Lawv hais tias: 

“Tiamsis yog hais tias tus Vajtswv uas peb hwm porn zoo pab peb, nws yeej yuav pab kom peb dim ntawm cov nplaim taws thiab ntawm koj txhais tes.  Txawm yog nws tsis pab peb los peb hais rau koj hais tias peb yeej yuav tsis hwm thiab tsis pe tus mlom kub uas koj teeb tseg ntawd li.” (Daniyees 3:17-18). 

Lawv txoj kev ntseeg tsis nyob rau ntawm qhov uas lawv puas yuav dim kev phomsij lossis tsis dim. Lawv twb npaj txhij tus kheej los tiv txhua yam, txhais tias lawv tsis yog tsuas ua Vajtswv haujlwm nyob rau lub sijhawm tau zoo xwb. Lawv tsis yog ntseeg Vajtswv kom lawv muaj yam lawv cheem tsum. Yeej tsis muaj ib txoj kev qia dub twg nyob rau hauv lawv tej lus taij thov, hauv lawv lub neej, lossis lawv txoj kev ntseeg. Lawv txoj kev ntseeg Vajtswv yog tiag, txawm yog txoj kev ntseeg ntawd yuav ua rau lawv raug tsim txom. Txawm yog thaum uas ntseeg Vajtswv muaj lub ntsiab tias lawv yuav tau tsis khuv xim lawv txoj sia. Txoj kev tuag yog yam uas yuav muaj, thiab lawv paub tej ntawd – tshwj thaum uas Vajtswv ua txujci cawm lawv. Txawm yuav zoo li cas los, lawv yeej txiav txim siab yuav ntseeg. 

Taws cig loj heev, ua rau cov tub rog uas ntes lawv coj mus pov rau hauv tuag tamsim. Tiamsis nyob rau ntawm Sadalas, Mesakas thiab Anpenekaus, ib txoj plaub hau saum lawv taub hau lossis ib txoj plaub ntawm lawv tes yeej tsis ua li cas thiab lub tsho ntawm lawv hnav yeej tsis kub nyhiab li. Lawv yeej tsis hnov kub thiab. Zoo ib yam li lawv mus ncig ua si tsis muaj dab tsi tshwm sim. 

Thaum cov pa pob yaj zuj zus, vajntxwv Nenpukanexales saib hauv lub qhov cub, thiab xav tsis thoob li muaj ib tug neeg ntxiv tab tom nrog lawv ua ke hauv cov nplaim taws. Vajntxwv ntseeg tsis tau tej uas nws qhov muag tab tom pom. Daniyees 3:25 tham txog qhov uas vajntxwv Nenpukanexales xav tsis thoob: 

“Ua li cas kuv porn muaj plaub tug txivneej mus mus los los hauv lub cubtawg tsis muaj hlua khi lawv, thiab lawv tsis kub hnyiab li; tus plaub muaj ntsis zoo li ib tug timtswv” (Daniyees 3:25). 

Daniyees yeej nkag siab zoo txog qhov uas thaum tsis ua raws li kev cai, thiab yawg tau thov Vajtswv. Tsov ntxhuav yeej yooj yim  dua tshe ib tug txiv neej muaj zog lub cev. Sadalas, Mesakas thiab Anpenekaus tau ntsib Vajtswv kiag nyob rau hauv qhov cub tawg tab tom cig hlob hlob. 

Tsab ntawv Henplais 11 sau meej meej tias: tsis yog tias txhua tus uas kav tawm tsam vim txoj kev ntseeg yeej yuav dim ntawm txoj kev txomnyem lossis ploj tuag. Nqe 32-38 tham txog qee yam tau tshwm sim los raug rau Vajtswv cov thwjtim. Thiab nqe 39 qhia paub ntxiv: 

“Twb yog vim lawv ntseeg, lawv lub koob meej thiaj nrov ncha moo lug mus thoob plaws qhov txhia chaw” (Henplais 11:39). 

Tej teeb meem yuav los raug yog yam uas yuav zam tsis dhau thaum nrog Yexus Khetos mus. Tej zaug peb yuav raug ua saib tsis taus, poob haujlwm, raug tsev neeg tso tseg, ntau zaug tseem raug tsimtxom sab nqaij tawv. Muaj ib txhia neeg yuav muaj sia, tshuav ib txhia tej zaug lawv kuj tuag lawm. Vajtswv hu koj los ua yam dab tsi thaum koj nrog Nws mus? 

Yam tseem ceeb ntawm no yog: Koj yuav tau raug them nqi rau koj txoj kev ntseeg. Vajtswv tab tom hu koj los txaus siab tiv kev sim siab, npaj txhij los them tus nqi thiab txais yuav tej teeb meem yuav ntsib. 

Cov ntseeg Vajtswv nyob rau ntau qhov hauv lub ntiajteb no tab tom raug tsim txom lub sijhawm tamsis no. Tej zaug koj kuj tab tom them nqi thaum nrog tus Tswv mus. Zoo ib yam li cov neeg nyob rau hauv phau ntawv Daniyees, koj muaj cuab kav ntseeg siab tawv tawv txawm yuav zoo li cas los xij, vim tus neeg thib plaub nyob rau hauv cub hluav taws yeej nrog nraim koj nyob qhov ntawd.

Thov caw nrog kuv peb thov Vajtswv ua ke

Tus Tswv kuv paub tias nrog koj mus yog ib lub sijhawm nyuaj thiab muaj ntau yam kuv yuav tau poob. Tiamsis vim koj tau muab koj txoj sia los tuag theem kom kuv tau txais kev cawm dim hnub no, kuv yuav ntseeg Koj thiab nrog Koj mus txawm yuav zoo li cas. Thov Vajtswv Koj pub lub peev xwm rau kuv thiab kev ntseeg kom kuv sawv khov khov nrog Koj mus, txawm yog tus nqi yuav tau raug them yuav zoo li cas. Kuv thov hauv Tswv Yexus Khetos lub npe. Amees.

Cov kwv tij phooj ywg hlub tshua, nrog tus Tswv mus txhais tau tias koj thooj yim txais yuav tej teeb meem yuav los raug koj. Tiamsis thov koj tsis txhob txhawj, vim Vajtswv yeej nyob ntawm koj ib sab thiab tiv thaiv koj txhua lub sijhawm. Cia li ruaj siab, tsis txhob ntshai, ntseeg thiab ncaj ncees rau Vajtswv, Vajtswv yuav ua tej txuj ci zoo kawg nkaus nyob rau hauv koj lub neej. Thaum kawg yuav txi txiv ua rau koj tsis yoj yees thiab ua rau koj luag nrog txoj kev zoo siab.   

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.