Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Peb yuav tsis muaj hnub tiv dhau tej kev txomnyem thiab kev sim siab nyob rau hauv lub neej yog tias tsuas vam khom rau peb tus kheej lub zog. Vajtswv thiaj yog tus tso peb dim thiab pab kom peb kov yeej txhua yam. Vajtswv txojlus txhawb peb zog kom peb cia siab rau tus Tswv ces Vajtswv yuav ua kom peb tus ntsujplig tshiab tuaj thiab ntxiv lub zog tshiab rau peb kom peb kov yeej txhua lub caijnyoog. 

Hnub no, yog hnub 03/08/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Maria Schleicher dhau ntawm Zaj kawm TXAUS SIAB RAU TEJ KEV TSIS MUAJ ZOG

“tiamsis Vajtswv teb kuv hais tias, "Kuv porn zoo hlub koj ces txaus lawm. Kuv yuav pub kuv lub hwjchim rau tus uas qaug zog." Vajtswv hais li no, yog li ntawd qhov uas kuv qaug zog ua rau kuv zoo siab kawg li, rau qhov Yexus Khetos lub hwjchim yuav tsomkwm kuv.” (2 Kauleethaus 12:9). 

Puas tau muaj zaum twg koj hnov tias txhua yam nws dhau los ntxhov nyho, qhov xwm txheej no tas txog lwm qhov xwm txheej tuaj tsuam rau koj? Qhov teeb meem no daws tsis tau tas ces twb muaj lwm qhov teeb meem tshwm tuaj. Koj yuav tib txhij daws tsis tau tag nrho tej teeb meem ib yam li ntau nthwv cua tab tom ntsawj hlob hlob los raug rau koj? 

Thaum uas poob mus rau tej lub caijnyoog zoo li no peb yuav tsum tau nco ntsoov tias Vajtswv tsis cia kom peb raug sim siab tshaj peb tus kheej lub zog. Ua Vajtswv tsaug vim Vajtswv tso cai rau txhua yam tshwmsim los raug rau  peb thiab Vajtswv kuj pub rau peb muaj txaus lub zog los kov yeej. 

Vajtswv txojlus nyob hauv Vajluskub qhia rau peb paub tias Vajtswv xav kom vam khom rau Vajtswv thaum peb qaug zog zis. Peb yuav tsis muaj txaus lub zog thiab lub peev xwm los tiv kom dhau txhua qhov teeb meem los ntawm peb tus kheej lub zog. Paulus sau nyob rau hauv 2 Kauleethaus 12:9: 

“tiamsis Vajtswv teb kuv hais tias, "Kuv porn zoo hlub koj ces txaus lawm. Kuv yuav pub kuv lub hwjchim rau tus uas qaug zog." Vajtswv hais li no, yog li ntawd qhov uas kuv qaug zog ua rau kuv zoo siab kawg li, rau qhov Yexus Khetos lub hwjchim yuav tsomkwm kuv.” 

Kuv muaj ib tug phooj ywg raug tus mob ung thư đại tràng thiab nws kho ntau xyoo los. Kuv yeej nug rawv nws moo txog tej xov xwm saib nws tus mob kho li cas lawm. Txawm yog yuav ntsib dhau txoj kev hoá trị lossis xạ trị los nws yeej zoo siab hlo qhuas Vajtswv vim Vajtswv nrog nraim Nws nyob lub sijhawm uas nws muaj mob muaj nkeeg zoo li ntawd. Kuv tus phooj ywg nws nkag siab tias Vajtswv yuav pab nws kho zoo nws tej mob nkeeg. Nws ntseeg qhov no. nws tsis vam khom nws tus kheej lub zog thiab vam khom rau ntawm Vajtswv lub zog Vajtswv muab pub rau. 

Ua Vajtswv tsaug vim Vajtswv pub lub zog rau peb kom kov yeej txhua lub caijnyoog muaj kev txomnyem. Koob meej yog Vajtswv li tau nthuav tawm dhau ntawm tej yam uas Vajtswv tau ua nyob rau hauv peb lub neej. 

Peb yuav tiv tsis dhau tej kev txomnyem thiab kev sim siab los ntawm peb lub zog. Tsuas yog Vajtswv thiaj yog tus pab kom peb muaj yeej lub caijnyoog ntawd. Vajtswv txojlus nyob hauv Vajluskub ntuas kom peb nco ntsoov tias: “Dhau ntawm kuv lawm nej yeej ua tsis tau ib yam dabtsi”. Peb yuav tau vam khom lub zog uas Vajtswv muab pub rau peb vim Vajtswv paub tseeb txhua yam uas yuav tshwmsim los raug rau peb. 

Tus sau Ntawv Nkauj 107 txhawb cov ntseeg Vajtswv yuav tau thov Vajtswv kom Vajtswv pab cawm yus dim ntawm tej kev phomsij thiab tej teeb meem. Vajtswv yog tus cawm lawv dim ntawm lub caijnyoog muaj kev txomnyem kawg nkaus. Tus sau thiaj sau cov lus qhib thawj nyob rau hauv nqe 1 los ua Vajtswv: “Cia li ua tus Tswv tsaug Nws yog tus muaj lub siab zoo, nws txoj kev hlub nyob mus ib txhis”. 

Tsis tas li ntawd, tus sau tseem tshoov cov ntseeg Vajtswv kom lawv qhuas Vajtswv vim tej haujlwm loj uas Vajtswv ua pub rau lawv nyob hauv lawv lub neej hauv nqe 8: “Lawv yuav tsum ua tus Tswv tsaug vim nws txojkev hlub uas tsis paub kawg, thiab vim tej txujci tseemceeb uas nws tau ua pab lawv lawm” 

Cia li koom siab ua ke nrog tus sau Ntawv Nkauj 107 qhuas Vajtswv thiab txhawb nqa Vajtswv vim Vajtswv tau ua koob hmoov pub rau peb, tso peb dim ntawm tej kev txomnyem uas peb tab tom ntsib.

Thov caw nrog kuv peb thov Vajtswv ua ke

Leej Txiv, Ua Koj Tsaug koj niaj hnub nrog nraim peb nyob tej lub sijhawm uas peb ntsib teeb meem thiab ntsib kev txomnyem nyob rau hauv lub neej no. ua Vajtswv tsaug vim Koj yog peb qhov chaw pheeb ruaj khov. Thov Vajtswv Koj pab kom peb vam khom koj lub zog pub rau peb nrog koj mus thiab ua tes haujlwm uas Koj muab pub rau peb. Peb thov hauv Tswv Yexus Khetos lub npe. Amees.

Cov kwv tij, nco ntsoov tias Vajtswv yuav tsis cia kom peb raug sim siab tshaj peb lub zog. Vajtswv tso cai rau txhua yam tshwmsim los raug rau peb thiab Vajtswv kuj pub lub zog rau peb kom peb muaj yeej. Pheeb kom ruaj rau ntawm Vajtswv txoj kev hlub mus ib txhis thiab Vajtswv txoj kev ncaj ncees pub rau leej twg tag siab nrhiav Nws. Siv koj lub neej los qhuas Vajtswv lub npe vim txhua yam uas Vajtswv tau ua nyob rau hauv koj lub neej.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj