Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Feem ntau txhua yam khoom uas ncaj yog tias peb muab nws quav nkhaus nws yuav ua tsis tau dabtsi. Tiamsis nyob rau ntawm ib yam khoom ci kaj pom kev hu ua dạ quang, yog peb yim muab nws lov kom nkhaus ces nws yim cig pom kev. Yog ib tug ntseeg Vajtswv, thaum peb muab peb txoj kev khav ntawm tus kheej tso tseg, thiab mloog Vajtswv lus, peb yuav dhau los ua lub hauv paus ci rau sawv daws. Peb yim txo hwjchim, Vajtswv lub npe yim tau txhawb nqa. 

Hnub no, yog hnub 06/06/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm Zaj kawm CI NTSA IAB KOM POM KEV

 “Kev tsaus ntuj roos tagnrho lub ntiajteb, thiab kev tsaus ntuj dub nciab npog txhua haivneeg, tiamsis tus Tswv yuav ua qhov kaj los rau koj porn kev, thiab luag yuav porn nws lub tshwjchim uas ci ntsa iab saum koj” (Yaxayas 60:2)

Muaj ib hmo, Vajtswv tau pab rau kuv kom kuv kawm tau ib zaj kawm muaj nqis heev nyob rau hauv txoj kev uas nrog tus Tswv mus dhau los ntawm ib txoj kev ua sib sib twv nco nrog kuv tus menyuam xeeb. 

Zaj xwm txheej pib thaum uas kuv tus niam laus nws caw kuv thiab kuv cov phooj ywg mus nrog nws noj hmo. Kuv tus niam laus nws yuam kom kuv ua tus phauj zoo nrog nws tus tub ua si (peb pheej hu nws lub npe ua si hais tias yog tus yawm hluas li ntawd) nyob rau hauv chav thaum uas cov neeg laus tab tom sib ntsib luag ntxhi ua ke li ntawd. 

Kuv teb tias: “tau kawg li os”. Tom qab kuv lees ris lub nra no, kuv cia li mus rau ntawm chaw muag khoom yuav  ob peb qho khoom ua si los nrog nws ua si thaum ntawv nws nyuam qhuav muaj 7 xyoo xwb. 

Kuv txiav txim siab ua si txog txoj kev ua si: mus rhiav qhov khoom muaj nqis nrog nws ua ke muab tej khoom coj mus zais txhua qhov hauv tsev. Kuv taw kev rau nws txog qhov uas yuav ua cas kom thiaj yuav nrhiav tau tej ntawd. Ntawm no yog ib txoj kev ua si zoo vim nws nyiam heev. 

Qhov khoom plig ntawm txoj kev ua si no ces yog tej thanh dạ quang cig pom kev ua rau nws xav. Kuv tus menyuam xeeb nws muaj tswv yim heev thaum uas nws nrhiav tau tej khoom ntawd muab zais nyob rau hauv tej qhov nrug ntawm cov hauv ncoo tiag nruab qaum thiab cov ncoo pua rooj zaum. Nws lub qhov muag cig lug thaum nrhiav tau tej ntawd. 

Nws zoo siab heev hais tias: “Kuv paub yuav ua li cas kom tej tus no nws thiaj yuav cig tau pom kev.” 

“Koj paub ua rau kom nws cig tuaj lov? Yuav ua li cas thiaj yuav cig tuaj? Puas yog nws yuav pom kev thaum koj muab teeb tua?” 

Nws teb: “tsis yog li ntawd os phauj. Muaj ib txoj kev yooj yim ua rau kom nws cig pom kev tuaj.” 

Kuv tus menyuam xeeb nws muab nws txhais tes me me ntawd muab tej thanh dạ quang ntawd quav kom nkaus. Kuv xav tsis thoob li thaum ntsia pom qhov pom kev cig ntawm tej thanh dạ quang ntawd tuaj puv nkaus rau hauv tsev thaum nws muab cov ntawd quav nkhaus. 

Xav tsis thoob li thaum uas muab quav nkhaus ces qhov kaj ntawm cov xim daj sab hauv yuav ci tawm tuaj. Qhov pom kev cia li cig thoob plaws lub chav tsaus ntuj nti ntawd. 

Tom qab uas twb nkees lawm vim ua si ib hmos, “yawm laus hluas” no cia li pw tsaug zog ntawm kuv txaj. Kuv mam mus khaws tej thanh dạ quang tab tom cig muab pov rau txhua qhov hauv chav tso tseg. Yog ib hmo zoo kawg ntawm wb ib phau kw. Tomqab kuv khaws tas, kuv zaum saum rooj, tuav ntawm tes ib tug thanh dạ quang ntawd thiab xav txog qhov uas ua cas lawv yuav cig tau li ntawd. Kuv xav txog lub neej ntseeg Vajtswv thiab txoj kev uas peb yuav nthuav tus duab ci ntawd kom zoo li tej thanh dạ quang no. 

Ua ntej peb yuav tsum paub tias peb zoo li tej lub laujkaub av tsis muaj dabtsi kom cia Vajtswv lub tshwjchim ci dhau ntawm peb. Peb yuav tau txo hwjchim, ua siab mos muag, tso peb tus kheej kev khav theeb tseg. Dhau ntawm Vajtswv lawm, peb yeej ua tsis tau ib yam dabtsi. 

Vajluskub nyob rau hauv Yauhas tshooj 5 nqe 30 sau tias: “Kuv tsis muaj cai ua ib yam dabtsi raws li kuv lub siab xav; kuv tsuas txiav txim raws li Vajtswv kom kuv txiav xwb; yog li ntawd, kuv yeej txiav txim ncaj ncees, rau qhov kuv tsis ua raws li kuv lub siab nyiam, tiamsis kuv tsuas ua raws li tus uas txib kuv los lub siab nyiam xwb” 

Peb yuav tau muaj lub siab txo hwjchim, vam khom Vajtswv lub zog muab peb tus cwjpwm qub ntawm sab nqaij tawv ntsia rau saum Ntoo Khaub Lig. Vajtswv yog tus muaj cai nyob rau saum peb txojsia. 

Nyob rau hauv lub vaj Khexemanes, ua ntej uas raug kev txomnyem, Tswv Yexus tau nrog Vajtswv sib tham. Tswv Yexus thov Vajtswv tiag tiag txog qib uas nws cov hws nrog tau ua ntshav. Peb yuav tau xyaum Tswv Yexus tus qauv los ntawm thov Vajtswv raws li Vajtswv lub siab nyiam. 

Tswv Yexus taij thov Vajtswv tias “txhob ua raws li kuv siab nyiam, tiamsis ua raws li Koj siab nyiam”. Cia li thov Vajtswv pab kom peb ua tau raws li Vajtswv lub siab nyiam. 

Vajtswv yuav pub yam uas zoo kawg nkaus rau koj thaum uas koj mloog Vajtswv lus thiab lub siab puas ntsoog ntawm Vajtswv xub ntiag. Ib yam li tus thanh dạ quang tsuas cig pom kev thaum uas muab quav nkaus xwb, Vajtswv lub tshwjchim yuav ci pom kev dhau ntawm peb lub neej thaum peb mloog Vajtswv lus. Cia li pib “tseg Vajtswv lub tshwjchim” nthuav tawm mus rau hauv lub ntiajteb uas tsaus ntuj nti no. 

Thaum caw Vajtswv los ua tus Tswv hauv lub neej, peb yuav dhau los ua thanh dạ quang ci Tswv Yexus qhov pom kev ntawd rau coob tug ntsujplig uas tab tom raug kev puas tshuaj. 

Nyob rau hauv Yaxayas 60:2 sau tias: “Kev tsaus ntuj roos tagnrho lub ntiajteb, thiab kev tsaus ntuj dub nciab npog txhua haivneeg, tiamsis tus Tswv yuav ua qhov kaj los rau koj porn kev, thiab luag yuav porn nws lub tshwjchim uas ci ntsa iab saum koj” 

Lub tshwjchim yog Vajtswv tus uas muaj hwjchim loj kawg nkaus li!

Thov caw nrog kuv peb thov Vajtswv ua ke

Leej Txiv, thov Koj pub rau kom peb muaj lub siab txo hwjchim, vam khom Vajtswv Koj lub zog muab peb tus cwjpwm sab nqaij tawv ntsia rau saum Ntoo Khaub Lig. Txawm yog yog neeg ua tsis tau dabtsi los vam khom Vajtswv lub zog pub rau peb dhau los ua tus neeg mloog Vajtswv lus thiab ua raws li Vajtswv lub siab nyiam. Thov Vajtswv Koj pab kom peb ua txhua yam kom ua rau Vajtswv Koj tau koob meej. Thov kom peb lub neej yuav dhau los ua qhov kaj ci Txojmoo Zoo mus rau cov neeg uas tsis tau paub koj. Peb thov hauv Tswv Yexus Khetos lub npe. Amees.
Cov kwv tij, Vajtswv pub rau koj tej yam uas zoo kawg nkaus thaum uas koj hwm Vajtswv thiab hloov pauv ntawm Vajtswv xub ntiag. Cia li dhau los ua tej thanh dạ quang ci “Vajtswv qhov kaj” rau cov ntsujplig uas tab tom yuav puas tshuaj. Siv koj lub neej los nthuav tawm qhov kaj thiab ua rau kom Vajtswv tau koob meej qhia Txojmoo Zoo rau cov neeg uas tsis tau paub Vajtswv. Cia li “Vajtswv lub tshwjchim ci dhau los ntawm” tej haujlwm koj ua, lo lus koj hais, thiab koj tus cwjpwm thaum koj ua pub rau tej neeg ib ncig.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj