Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Hli 2 yog lub hli uas luag tseg xav txog lub ntsiab lus kev hlub. Yam uas txaus nyuaj siab yog feem ntau txhua tus yeej tsis paub meej meej hais tias hlub yog zoo li cas? Ntawd yog ib txoj kev xav tshwj xeeb los yog ib yam dab tsi txawv? 

Hnub no, yog hnub 07/02/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Wendy Lanier dhau ntawm Zaj kawm HLUB YOG LI CAS?

Yog nej ib leeg hlub ib leeg, sawvdaws thiaj yuav paub hais tias nej yog Kuv cov thwjtim” (Yauhas 13:35)

Kwv yees li ib nrab tiam dhau los, los ntawm txoj kev vam meej hauv kev ua si yim hnub yim khiav deb txoj kev ua zoo, thiab ua mus ua tuaj ces luag sawv daws kuj xav tias kev hlub ces kuj yog txoj kev sib pw ua niam txiv ua ke. Hnov nyuaj siab tshaj plaws thaum uas coob tug tsis paub meej qhov tseeb txog qhov sib txawv ntawm ob qhov no 

Tau ib lub sijhawm tsis ntev los no, kuv tau qhia phau (khoa học) rau ib cov menyuam kawm ntawv qib 6. Yog ib txoj kev sim siab loj kawg nkaus thaum pib sib tham txog lub ntsiab lus ntawm kev tsim muaj ib yam tshiab los ntawm ob yam sib txawv thiab tsim muaj yam tshiab los ntawm leej niam los qhia rau ib pab menyuam kawm qib 6. Ua ntej yuav pib sib tham, kuv paub kuv twb nyob rau hauv cov ntsiab lus no lawm. Tiamsis kuv yeej tsis tau npaj siab yuav ntsib tim ntsej tim muag rau ib txoj kev nthuav tawm ua rau xav tsis thoob li no. 

Nyob rau ntawm tej suab sib ntxhi luag, txaj muag ntawd, kuv mas siv zog tham txog zaj kawm ces muaj ib tug menyuam kawm ntawv tau tawm suab tawb, “oh, kuv pheej xav hais tias ntshe lub sijhawm no yog lub sijhawm koj yuav qhia rau peb sawv daws txog txoj kev pw ua niam txiv ua ke tsis yog lov.” 

“Kuv tsis xav li ntawd,” kuv teb, “dhau ntawd kuv xav kom nej nkag siab zoo hais tias kev hlub thiab pw ua niam txiv ua ke yog ob qhov sib txawv”. 

Tamsim ntawd, lub chav kawm ntawv txawm cia li ua twjywm. Cov menyuam kawm ntawv lawv saib ntsoov kuv. Txoj kev ntsia xav tsis thoob ua rau kuv ua tsis taus pa thaum uas kuv pom tias cov menyuam no lawv yeej ntseeg rau ntiajteb tamsim no cov lus dag ntxias. Lawv hais tias kev hlub ces yog kev pw ua niam txiv ua ke ntag. 

Tsis tas li ntawd xwb, nyob rau lub ntiajteb txoj kev xav tamsim no, coob tug ntseeg xav tias kev hlub yob ib yam dab tsi muab zais cia lawm tej zaug nws txawm cia li tshwm sim kiag los xwb ua rau peb tswj tsis tau. Thawj qhov pov thawj tau hais txog thaum muaj kev sib nrauj yog “kuv tsis hlub kuv tus txiv/ tus poj niam lawm”. Lo lus no thaum hais tawm pheej mus nrog ib txoj kev txog siav loj loj thiab co taub hau zoo li uas tus hais nws tsi nkag siab qhov xwm txheej no tau tshwm los li cas. 

Tiamsis Vajluskub kuj nthuav tawm ib daim duab txawv heev txog kev hlub. Nyob hauv 1 Kauleethaus 13:4-6, peb pom hais tias, 

“Tus uas muaj kev hlub, nws ua taus siab ntev, nws muaj lub siab dawb siab zoo; nws tsis khib, tsis khavtheeb thiab tsis muab hlob;  tus uas muaj kev hlub, nws tsis ua nruj ua tsiv, tsis qia dub, tsis chim sai; tsis cim ntsoov luag tej kev txhaum rau nruab siab;  tus uas muaj kuv hlub, nws tsis nyiam kev phem kev qias, tiamsis nws nyiam kev ncaj kev ncees” 

Thiab nyob rau hauv 1 Yauhas 4:7-8 peb paub tias kev hlub los ntawm Vajtswv los vim Vajtswv yog kev hlub. Tsis muaj ib yam dab tsi yuav nyuaj nkag siab ntawm no. Kev hlub tau hais meej meej los dhau ntawm Vajtswv txojlus. 

Xav tsis thoob li, tsis nkag siab vim li cas cov ntseeg Vajtswv los lawv kuj ntseeg rau txoj kev xav tias kev hlub yog ib yam dab tsi ua rau txawj nco qab zib. Tiamsis kev hlub tsis yog ib txoj kev xav. Ntawd yog ib txoj kev xaiv. Nyob hauv Mathais 5:44, Tswv Yexus hais rau peb “Yuav tau hlub peb tus yeeb ncuab”. Yuav tsis muaj txoj kev txawjnco qab zib pub rau peb tus yeebncuab li. Vim yeebncuab yeej yog yeebncuab thiab yeej tsis muaj ib zaug yuav tshoov tau peb lub siab ua rau peb muaj txoj kev xav zoo li ntawd. Paub tseeb tias Vajtswv yeej tsis quab yuam kom peb ua ib yam dab tsi tsis muaj qab hau, lossis ua tsis tau, yog li qhov ntawd muaj lub ntsiab tias kev hlub yob ib txoj kev xaiv tsis yog ib txoj kev ntshaw. 

Tswv Yexus qhia:  “Yog nej ib leeg hlub ib leeg, sawvdaws thiaj yuav paub hais tias nej yog Kuv cov thwjtim” (Yauhas 13:35). 

Thaum nkag siab zoo kev hlub tus cwjpwm thiab xaiv xyaum ua li ntawd, ces peb yuav nthuav tawm tias yus yog Tswv Yexus thwjtim. Tsis yog lub tsho khuam muaj tus duab ntoo khaublig uas peb hnav lossis daim duab muaj tus ntses muab lo rau ntawm peb lub tsheb. Peb nthuav tawm tias yus yog tus neeg yog Vajtswv tug dhau ntawm txoj kev hlub.

Nyob rau ntawm tej thaj chaw no, tej xyoob tej ntoo nplooj zeeg tas thaum txog lub caij ntuj tsaug, khwv heev rau koj cais tau tias ntawd yog tsob ntoo twg, tsuas tshwj thaum uas koj yog ib tug neeg ua noj ua haus tiag tiag koj thiaj yuav zeem tau. Vim txhua tsob ntoo yeej tsis tshuav nplooj lawm saib mas zoo tib yam nkaus. Thaum caij ntuj tshiab los, nyob rau saum tej ceg pib hlav kaus, thiab nws lub npe pib qhib zuj zus. Tiamsis yuav tau tos txog rau thaum lub caij ntuj kub yuav tas, tsob ntoo ntawd thiaj yuav nthuav tawm meej meej thaum nws txi txiv. Thaum ntawd yuav tsis muaj kev ua yuam tau ntawm cov txiv (trái táo)  thiab cov txiv (xoài).  Lub txiv yog ib qhov pov thawj meej meej. 

Tus ntseeg Vajtswv lub neej kuj zoo ib yam nkaus li ntawd. Tuaj deb deb saib peb kuj yog tib neeg xwb tsis muaj ib yam dab tsi tseem ceeb li. Tiamsis thaum mus ze ze, ua tib zoo saib, peb yuav tau nthuav tawm Vaj Ntsujplig cov txiv yog qhov pov thawj nthuav tawm peb lub npe yog ib tug neeg ntseeg Tswv Yexus nyob rau hauv Kalatias 5:22 tau sau, 

“Tiamsis Vaj Ntsujplig yuav ua rau neeg muaj lub siab sib hlub, zoo siab, nyob kaj siab lug, ua siab ntev, muaj lub siab dawb siab zoo, zoo siab hlo pab lwm tus, ua siab ncaj”

Thaum Vajluskub hais txog tus yamntxwv no zoo li tej ntoo cov txiv, qhov ntawd muaj ntsiab lus tias tej ntawd yuav tau saib xyuas, kom loj hlob. Thaum peb loj hlob hauv Vajtswv ces Vajtswv ntsujplig cov txiv yuav loj zuj zus nyob hauv peb. Tsawg kawg yog yuav tau txi txiv. 

Kuv yeej lees hais tias ntau zaug kuv hnov ntshai vim tsis paub hais tias xyov kuv puas ua lub neej yog raws li ib tug ntseeg lawm los tsis tau. Nyob rau hauv txhua zaug thov Vajtswv, kuv hais rau Vajtswv tias, “Tus Tswv ua cas tej no yuav khwv ua luaj”. Thiab txhua zaug uas kuv nroo li ntawd, Vajtswv hais rau kuv tias txhua yam yeej tsis nyuaj npaum ntawd. Hlub Vajtswv thiab hlub neeg “Vim kev hlub npog tau kev txhaum (1 Petus 4:8). Txhua yam puav leej yooj yim li no xwb.

Thov caw nrog kuv peb thov Vajtswv ua ke: Tus Tswv, kuv nkag siab tias kev hlub yog ib txoj kev xaiv. Thov Koj ntxiv zog pab kom kuv txiav txim siab ua  lub neej sib hlub pub rau tus neeg uas kuv tsis nyiam. Kuv thov hauv Tswv Yexus Khetos lub npe. Amees.

Cov kwv tij txhua tus, koj tab tom ua lub neej sib hlub zoo li cas? Txhob tos thaum muaj kev ntshaw mam hlub, koj muaj cuab kav xaiv hlub txhua hnub. Hnub no, koj muaj cuab kav nthuav tawm txoj kev hlub meej meej, ua haujlwm pub rau lwm tus, pib los ntawm tej neeg ib ncig ntawm koj.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.