Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Tej zaug peb txhua tus puav leej ntsib kev txomnyem kev sim siab nyob hauv lub neej no. Tsis paub thaum uas peb ntsib kev txomnyem zoo li ntawd peb puas thov Vajtswv thiab ua siab ntev tos Vajtswv cawm peb? Vajtswv txojlus nyob hauv Vajluskub qhia rau peb paub tias Vajtswv mloog peb tej lus taij thov thiab yuav pab peb dim thaum txog Vajtswv lub sijhawm. Tsis paub tom qab Vajtswv cawm peb dim lawm peb puas yuav hu ib zaj nkauj tshiab qhuas Vajtswv?

Hnub no, yog hnub 11/12/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Andrew Murray dhau ntawm Zaj kawm HU IB ZAJ NKAUJ TSHIAB PUB RAU VAJTSWV

“Kuv ua saib ntev tos tus Tswv los pab kuv, nws mloog kuv tej lus thov thiab hnov kuv lub suab quaj.  Nws rub kuv tawm hauv lub qhov uas yog txojkev puastsua, thiab rub kuv tawm hauv lub qhov tuaguas yog cov suabzeb. Nws tsaws kuv mus tso rau saum lub pobzeb uas nyob kaj siab lug, thiab ua rau kuv muaj chaw nyob ruaj khov.  Nws qhia kuv hu ib zaj nkauj tshiab, yog zaj nkauj uas hu qhuas peb tus Vajtswv. Txhua tus uas porn yuav ntshai thiab yuav cia siab rau tus Tswv” (Ntawv Nkauj 40:1-3)

Vajtswv txojlus nyob hauv Ntawv Nkauj 40:1-3 sau tias: “Kuv ua saib ntev tos tus Tswv los pab kuv, nws mloog kuv tej lus thov thiab hnov kuv lub suab quaj. Nws rub kuv tawm hauv lub qhov uas yog txojkev puastsua, thiab rub kuv tawm hauv lub qhov tuaguas yog cov suabzeb. Nws tsaws kuv mus tso rau saum lub pobzeb uas nyob kaj siab lug, thiab ua rau kuv muaj chaw nyob ruaj khov. Nws qhia kuv hu ib zaj nkauj tshiab, yog zaj nkauj uas hu qhuas peb tus Vajtswv. Txhua tus uas porn yuav ntshai thiab yuav cia siab rau tus Tswv”

Ntawm no yog Daviv cov lus timkhawv txog txoj kev ua siab ntev tos Vajtswv thiab tau Vajtswv foom hmoov. Ua siab ntev tos yog ib qhov txawv peb tib neeg tus cwj pwm uas khav, nthuav tawm tias peb vam khom Vajtswv. Qhov uas ua siab ntev nthuav tawm txoj kev ntseeg tseeb tau nthuav tawm dhau ntawm ib qhov haujlwm meej meej.

Peb koom siab ua ke nrhiav txog lub ntsiab ntawm lo lus ua siab ntev. Lo lus ua siab ntev nyob hauv lus Latees muaj lub ntsiab tias tiv taus tej kev txomnyem. Qhov ntawd muaj lub ntsiab tias peb yuav tau ua siab ntev tos ib lub sijhawm ntev. Ua ntej peb tau ua tej yam uas tawm tsam peb lub siab nyiam. Twb yog tej uas peb ntsib dhau zoo li ntawd ua rau peb kawm tau zaj kawm tias maj nroos yeej yuav coj tsis tau yam muaj nqis twg los yog li peb txoj kev xaiv uas txawj ntse tshaj plaws yog peb yuav tsum tau ua siab ntev.

Thaum uas tos Vajtswv peb tsis yog tsuas mloog xwb tiamsis peb yuav tau hwm taus zoo siab rau txoj koob hmoov zoo uas Leej Txiv pub. Ua siab ntev yuav coj tau txoj koob hmoov zoo thiab kev hlub muaj nqis tshaj. Yog li, peb nthuav tawm lub siab hwm Vajtswv dhau los ntawm ua siab ntev tos Vajtswv lub siab nyiam. Tsis tas li ntawd, ua siab ntev yog qhov pov thawj ua rau peb pom tias peb ntseeg siab rau ntawm Vajtswv txoj kev yog Vajtswv lub sijhawm uas zoo tshaj plaws.

Peb nthuav tawm txoj kev ua siab ntev thaum uas peb tso yam uas peb tus kheej lub siab nyiam tseg mloog raws li Vajtswv lub siab nyiam. Kev ua siab ntev zoo li ntawd cheem tsum nyob hauv txoj kev tos Vajtswv. Peb yuav loj hlob thiab ntawd yog tej paj txiv ntawm zaj kawm thawj thawj yog tos. Tiamsis nyob ntawm coob tug ces nyuaj rau lawv tos heev.

Yog li thaum uas peb ua siab ntev tiag tiag ces peb yuav nthuav tawm lub siab kaj siab tiag, paub tias yus ua tsis tau thiab cia siab rau ntawm Vajtswv yog tus nthuav tawm txhua yam raws li Vajtswv lub siab nyiam. Dhau ntawd, peb tseem nthuav tawm lub siab txo hwjchim dhau los ntawm tos yam uas Vajtswv tab tom ua thiab yuav ua. Thaum ua siab ntev tos Vajtswv ces peb tab tom nthuav tawm txoj kev txaus siab kom Vajtswv ci qhov pom kev rau peb txhua txoj haujlwm. Thiab thaum uas peb tso peb lub siab nyiam tseg thiab xav kom dhau los ua neeg ncaj ncees nyob hauv Vajtswv txhais tes cia Vajtswv ua tus kho peb thiab cob peb. Yog li, thaum peb cia Vajtswv ua tej ntawd peb yuav tau ua siab ntev tos Vajtswv.

Ntawv Nkauj 62:1-2 coj txoj kev txhawb zog los rau peb thaum peb tos Vajtswv: “Kuv ua siab ntev tos Vajtswv ua tus cawm kuv, kuv muab siab npuab nws tib leeg xwb. Nws tib leeg thiaj yog tus tsomkwm kuv thiab cawm kuv dim xwb, nws yog tus tiv thaiv kuv, thiab kuv yuav tsis swb ib zaug li.”

Puas muaj zaum twg koj xav tias kev ua siab ntev yog txoj kev hlub loj tau Vajtswv muab pub raws li Paulus tau sau nyob hauv Kaulauxais 1:11 lawm tau: “Thov Vajtswv tus uas muaj hwjchim txhawb nej lub zog kom nej muaj zog heev ntxiv, txawm yog nej tau zoo thiab txomnyem los nej thiaj ua taus siab ntev” ua siab ntev tiv txhua yam los ntawm txoj kev zoo siab lov? Tseeb tiag peb tau Vajtswv ntxiv zog los ntawm Vajtswv lub hwjchim kom peb ua tau siab ntev tiv txhua yam. Dhau ntawd, Vajtswv tseem nthuav tawm rau peb paub dhau los ntawm Vajtswv pub txojsia thiab lub zog rau peb kom ua tau siab ntev thiab muab txhua yam fij rau Vajtswv.

Yog li yog leej twg tseem hnov qaug zog ces tus neeg no yeej tseem ua tsis tau taus siab ntev. Cia li thov Vajtswv pub rau kom peb muaj lub siab tawv tos Vajtswv txawm yog thaum uas peb qaug zog thiab ua tsis tau dabtsi. Vajtswv yuav nthuav tawm lub hwjchim thiab ntxiv zog rau peb ua siab ntev tos tej uas Vajtswv yuav ua pub rau peb ib yam li Vajtswv tau ua nyob rau hauv cov thwjtim lub neej dhau los ntawm ua siab ntev ib yam li Yexus Khetos.

Peb koom siab mloog tej lus uas tus sau nws tau tos tus Tswv ntawm Ntawv Nkauj 40:1-3 tias: ““Kuv ua saib ntev tos tus Tswv los pab kuv, nws mloog kuv tej lus thov thiab hnov kuv lub suab quaj. Nws rub kuv tawm hauv lub qhov uas yog txojkev puastsua, thiab rub kuv tawm hauv lub qhov tuaguas yog cov suabzeb. Nws tsaws kuv mus tso rau saum lub pobzeb uas nyob kaj siab lug, thiab ua rau kuv muaj chaw nyob ruaj khov. Nws qhia kuv hu ib zaj nkauj tshiab, yog zaj nkauj uas hu qhuas peb tus Vajtswv. Txhua tus uas porn yuav ntshai thiab yuav cia siab rau tus Tswv”

Peb yuav txais tau qhov khoom plig loj thaum uas peb ua siab ntev tos tus Tswv. Tej zaug Vajtswv yuav cawm peb dim thiab tso zaj nkauj tshiab rau hauv peb lub qhov ncauj. Yog tias muaj tej zaug koj xav tias ua siab ntev tsis yog koj txoj koob hmoov ces yuav tau thov Vajtswv li no: “Thov Vajtswv qhia nej lub siab kom nej paub mloog Vajtswv lus, thiab pab kom nej ua tau siab ntev ib yam li Yexus Khetos tau ua qhia rau nej lawm”. (II Thexalaunikes 3:5).

Thov caw nrog kuv peb thov Vajtswv ua ke
Ua Vajtswv tsaug vim hnub no kuv kawm tau zaj kawm ua siab ntev tos Koj. Thov Vajtswv zam txim rau kuv vim muaj ntau zaug kuv lub siab kub heev ua raws li kuv lub siab nyiam yog li kuv thiaj tsis ua siab ntev tos Vajtswv koj lub siab nyiam zoo kawg nkaus. Thov Vajtswv pab kom kuv muaj lub siab tshiab nyob hauv koj thiab tag siab qhuas Vajtswv nyob rau txhua lub sijhawm. Kuv thov hauv Tswv Yexus Khetos lub npe. Amees.

Cov kwv tij txhua tus, peb nthuav tawm txoj kev ua siab ntev tos thaum uas peb tso peb lub siab nyiam tseg mloog raws li Vajtswv lub siab nyiam. Txawm yog nyuaj rau peb ua siab ntev tos yam uas Vajtswv cog lus yuav ua hauv peb lub neej los yuav tau ua siab ntev tos Vajtswv lub sijhawm. Yog li txhob ntshai, cia li so twj ywm hauv Vajtswv thiab tos Vajtswv. Tos Vajtswv ces Vajtswv yuav coj koj mus rau ntawm txoj kev uas koj yuav tau mus.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj