Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

“Cov tim tswv ceeb tsheej hu nkauj qhuas Vajtswv” yog ib zaj nkauj muaj koob nto npe hu txog koob tsheej Yexus yug. Tej zaug koj twb tau mloog, tau hu zaj nkauj no ntau zaug dhau los lawm. Zaj kawm hnub no xav tham me ntsis qhia rau koj paub txog keeb kwm ntawm zaj nkauj no thiab nws lub ntsiab lus. 

Hnub no, yog hnub 13/12/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kenneth W. Osbeck dhau ntawm zaj kawm COV TIM TSWV CEEB TSHEEJ HU NKAUJ QHUAS

Tej zaj nkauj hu qhuas txog koob tsheej Yexus los yug li peb muaj niaj hnub nim no tau muaj ib lub sijhawm raug cov neeg (Thanh Giáo nyob tebchaws Anh) ua saib tsis taus muab nrhuav tshem xyoo 1627 rau qhov lawv hais tias cov nkauj no yog ib feem ntawm tej lub txhijchim hauv ntiajteb no thiab pab neeg no lawv tus kheej kuj suav tias koob tsheej Yexus los yug tsuas yog ib lub txhijchim zoo li ntawd thiab xwb. Thaum kawg tej nkauj hu qhuas txog Koob tsheej Yexus yug pib tsawg zuj zus rau tiam 17 thiab pib tiam 18. Zaj nkauj uas “Cov tim tswv ceeb tsheej hu nkauj qhuas Vajtswv” tau Charles Wesley sau yog ib zaj nkauj nyob rau hauv tsawg tsawg zaj nkauj tau sau rau tiam ntawd. Wesley cov ntsiab lus zoo thiab tus Xibhwb Felix Mendelssohn lub suab taub zoo tau ua rau zaj nkauj no muaj koob nto npe heev thiab tau suav tias yog ib zaj nkauj zoo nyob rau hauv ntau zaj nkauj hu txog koob tsheej Yexus yug. 

Zoo ib yam li ntau zaj nkauj nyob rau hauv 6.500 zaj nkauj uas Charles Wesley tau sau, cov ntsiab lus ntawm zaj nkauj no nthuav qhia meej meej txog txoj kev ntseeg hauv Vajluskub dhau ntawm tej lus paj huam. 

Nqe thawj nthuav qhia txog cov timtswv ceebtsheej zaj nkauj tau hu nyob rau nraum ntus nroog Npelehees nrog lo lus caw kom koom siab ua ke nrog lawv hu nkauj qhuas Yexus Khetos tau los yug lawm. 

Cov nqe paj huam txuas ntxiv nthuav qhia qhov tseeb txog tus nkauj xwb dawbhuv, txog Yexus Khetos tus yam ntxwv, thiab tus ntsujplig yuav tsis tuag, kev yug dua tshiab, thiab cov lus taij thov kom Yexus Khetos lub hwjchim hloov pauv tau ua nyob rau hauv peb lub neej. 

300 xyoo dhau los, Vajtswv tej menyuam txhua qhov twb tau txais koob hmoov thiab qhov tseeb txog tus cawmseej tau los yug uas Charles Wesley tau sau zoo kawg nkaus li zaj nkauj no. 

Ib zaug ntxiv thiab peb rov koom siab ua ke xav txog cov ntsiab lus ntawm zaj nkauj no dua: 

Nqe 1

1. Cov timtswv cia li hu nkauj, 

qhuas Leej Tub yug los ntiajteb! 

Kev kaj siab muab pub txhua qhov, 

Vajtswv tibneeg sib raug zoo. 

Thoob qab ntuj hu: Haleluyas! 

Tag nrho qaum ntuj kuj hu nkauj, 

Cov timtswv tej suab nkauj nrov, 

qhuas Yexus yug hauv Npelehees! 

Cia li hu zaj nkauj qhuas no:

Ci ntsa iab Yexus yug los!

Nqe 2

2. Cov timtswv pehawm Vajntxwv, 

Tswv Khetos nyob mus ib txhis; 

tus nkaujxwb xeeb muaj Leej Tub,

 Tus uas tibneeg tog los ntev. 

Txawm tus Tswv nws zoo li peb, 

los Nws ci Leej Txiv yam ntxwv, 

tus txais Nws, Nws nyob ib sab, 

Yog Tswv tiag Emanues. 

Cia li hu zaj nkauj qhuas no:

Ci ntsa iab Yexus yug los!

Nqe 3

3. Qhuas Vajntxwv muaj kev kaj siab, 

Hu nkauj qhuas txoj kev ncaj ncees!

Nws yog tus nyob mus ib txhis. 

Kho tau tus muaj mob muaj nkeeg.

Leej Tub tso meej mom saum ntuj, 

Nqes los cawm tib neeg ntiajteb, 

Cawm tus quaj ntsuag, tus nyuaj siab,

Tau nrog Vajtswv sib raug zoo. 

Cia li hu zaj nkauj qhuas no:

Ci ntsa iab Yexus yug los!

Thov caw nrog kuv peb thov Vajtswv ua ke: Qhuas Tswv Yexus Khetos, uas yog tus Vajntxwv muaj kev kaj siab, Tus uas tau muab  lub meej mom saum ntuj ceebtsheej cia los rau hauv ntiajteb no, cawm kuv dim ntawm txoj kev tuag. Thov pab kom kuv lub neej yuav nrog cov timtswv thaum ub hu nkauj qhuas Vajtswv tus uas muaj kev hlub loj ntawd. Amees.

Cov kwv tij, cia li tseg ib mentsis sij hawm los xav txog tej ntsiab lus, txog qhov tseeb ntawm koob tsheej Tswv Yexus los yug thiab koob hmoov koj txais tau nyob hauv txoj kev cawmdim. Koj muaj cuab kav nyeem, hu zaj nkauj no ib zaug ntxiv kom koom siabnrog cov timtswv, hu nkauj qhuas tus cawm seej.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.