Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Ua neej nyob hauv lub ntiajteb no yog yam uas peb yuav ntsib ntau yam uas muaj kev txomnyem. Yog li, yog tias peb pheej tsom ntsoov rau lub caijnyoog ces peb lub siab no puav leej yog yam tsis zoo thiab puas tsuaj tib si. Tiamsis thaum saib ntsoov rau ntawm Vajtswv, thiab paub txog txoj koob hmoov uas Vajtswv pub rau peb, peb yuav ua lub neej nrog txoj kev nco Vajtswv tshav ntuj thiab qhuas Vajtswv tsis tseg.

Hnub no, yog hnub 22/11/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Aaron Little dhau ntawm Zaj kawm NCO NTSOOV VAJTSWV TSHAV NTUJ

“Nej yuav tsum hwm Yexus Khetos thiab cia nws ua tus Tswv kav nej lub siab. Nej yuav tsum npaj tos txhua lub sijhawm, yog thaum twg muaj neeg nug nej hais tias vim li cas nej muaj chaw cia siab, thaum ntawd nej thiaj paub teb lawv.” (1 Petus 3:15).

Xyoo 2007 peb tsev neeg txav chaw mus nyob rau qhov chaw tshiab. Vim dej ntub tau lub sijhawm ntev yog li cov phab ntsa nyob hauv chav ua mov lwj tas thiab yuav tau hloov pauv dua lwm daim tshiab. Tiamsis ntawm no yog chav uas tsis tshua siv ntau yog li kuv thiaj tsis tau xav kho. Tsis tas li ntawd, lub sijhawm ntawd kuv nyuam qhuav muaj 29 xyoo xwb thiab kuv pojniam ho muaj menyuam thiab. Kuv ke ua haujlwm ke kawm thạc sĩ yog li muaj ntau qhov haujlwm yuav tau ua dua. Lub sijhawm ntawd, kuv tsis xav tias qhov uas kuv tsis tau khoom kho lub tsev ntawd ho cuam tshuam txog kuv lub tsev ntawm sab ntsujplig.

Sijhawm dhau mus sai. Hli 11/2018 (yuav luag kaum xyoo tom qab), thaum muaj ib tug kws kho tsev tuaj saib, nws yuam kom kuv yuav tau kho tej phab ntsa uas txheem dej ntawd yog tsis kho ces yuav yim hnub yim phem lawm xwb. Tiamsis cov phab ntsa txheem dej no ho kho tsis tau. Yog ib yam uas txaus ntshai thaum ntsib tej teeb meem zoo li no ua ntej uas twb yuav txog lub koob tsheej ua Vajtswv tsaug. Xwb tim hauv kuv lub siab tsis xav ua tsaug thiab tsis nco Vajtswv tshav ntuj. Kuv txoj kev cia siab ntawm Vajtswv cia li raug sim siab thaum uas kuv yuav tau them nyiaj ntau rau txoj kev kho sab nraud tsis raws li kuv siab xav.

Tomqab uas ntsib dhau txoj kev xav tsis zoo, kuv khuv xim kawg. Kuv xav kom kuv ntxov pom txog tus yeebncuab tau siv tej lub caijnyoog zoo li no los txeeb txoj kev zoo siab thiab lub siab kaj siab lug hauv kuv lub siab mus. Kheev lam yog hais tias kuv tswj tau tus kheej thiab hu neeg tuaj kho tsis tas yuav ntshai, tsis tas yuav npau taws. Hauv kuv lub siab puv npo tej lus nug zoo li no: “Vim li cas tej no ho tshwmsim zoo li no lub sijhawm no?” Lossis “Vim li cas Vajtswv ho cia tej xwm txheej zoo li no tshwmsim los raug rau kuv?” Qhov ntawd ua rau kuv tsis xav nthuav tawm lub siab nco Vajtswv tshav ntuj. Dhau ntawm tej haujlwm no, kuv pom tias yog peb pheej tsom ntsoov rau lub caijnyoog ces peb yuav coj tus cwjpwm tsis zoo thiab yuav raug puas tsuaj.

Ib yam li ntawd, tej lub caijnyoog tsis zoo tej zaug yuav tshwmsim tuaj txhua lub sijhawm thiab ua lub nra nyav rau peb. Feem ntau peb muaj coob tug yuav ntsib teeb meem txog nyiaj txiag. Tej kev xov xwm thiab tej txoj kev ua si lawv tab tom sib tw muab peb tej menyuam lom kom lawv tsis lees paub Vajtswv. Yog li peb yuav tau vam khom Vajtswv kom tuav rawv txoj kev cia siab nyob hauv Nws. Peb yuav tau nthuav tawm lub siab nco Vajtswv tshav ntuj txawm yog lub caijnyoog saib cuag li tsaus ntuj nti.
Yog ib tug ntseeg peb tsis txhob ua poob peb txoj kev cia siab rau ntawm Vajtswv. Peb yuav tau nthuav tawm lub siab nco Vajtswv tshav ntuj. Vajtswv txojlus sau meej meej txog tej no nyob hauv 1 Petus 3:15.

“Nej yuav tsum hwm Yexus Khetos thiab cia nws ua tus Tswv kav nej lub siab. Nej yuav tsum npaj tos txhua lub sijhawm, yog thaum twg muaj neeg nug nej hais tias vim li cas nej muaj chaw cia siab, thaum ntawd nej thiaj paub teb lawv.”

Peb txhua tus yuav tau tuav peb lub siab kom zoo vim lub hauv paus txojsia puav leej pib hauv tuaj. Thaum peb lees peb txoj kev ntseeg nyob hauv Yexus Khetos, ces Nws yog tus uas peb yuav tau cia siab rau ntag. Qhuas Vajtswv yuav ua rau peb nco ntsoov Vajtswv tshav ntuj. Tib txhij ntawd peb kuj yuav npaj txhij qhia txoj kev cia siab ntawd rau lwm tus. Peb yuav tsum tau muaj kev cia siab rau ntawm Vajtswv peb thiaj yuav qhia tau rau tej neeg ib ncig.

Lub ntiajteb no tab tom nyob rau hauv txoj kev puas tsuaj. Sawv daws ua lub neej nrog txoj kev txomnyem. Yog li, tus ntseeg Vajtswv yuav tau dhau los ua tus thwjtim tshaj tawm txoj kev cia siab. Tsis tas li ntawd, peb kuj yuav tsum tau yog lub teeb ci kom pom kev rau qhov tsaus ntuj nti no.

Nyob rau hauv lub khoob tsheej ua Vajtswv tsaug no, txawm yog yuav ntsib lub sijhawm muaj kev txomnyem npaum twg los, peb txhua tus kuj yuav tau lees peb txoj kev ntseeg nyob rau ntawm Vajtswv. Peb tau txais kev cia siab nyob ntawm Tswv Yexus ces peb yuav tsum tau ua lub neej kom tsimnyog rau txoj kev cia siab ntawd. Tib txhij ntawd, peb kuj yuav tau coj txoj kev cia siab no mus rau lwm tus thiab.

Tig rov mus rau kuv qhov uas kho kuv lub tsev ua mov noj, thaum kawg lub qhov rai ntawm kuv chav ua mov noj kuj kho tau. Cov kws ua tsev lawv twb tuaj dhos dua cov phab ntsa tshiab thiab zas tshuaj rau. Kho tau zoo lawm. Thaum tig rov qab los saib lub neej, yuav muaj qee lub sijhawm peb tag kev cia siab, ntsib kev sim siab tiamsis Vajtswv yog tus uas rov qab kho zoo peb lub siab. Tseeb tiag Vajtswv tau hu peb kom yuav tau vam khom Vajtswv kom peb tiv dhau txhua lub caijnyoog coj txoj kev cia siab mus rau lwm tus. Txhob cia tej lub caijnyoog zoo li ntawd ua rau koj tag kev cia siab thiab ua rau koj poob koj txoj kev tsis nco Vajtswv tshav ntuj. Cia li qhia koj lub siab nco Vajtswv tshav ntuj rau lwm tus nyob rau hauv lub koob tsheej xyoo no.

Thov caw nrog kuv peb thov Vajtswv ua ke

Ua Vajtswv tsaug vim Vajtswv yog tus pub txoj kev kaj siab kev zoo siab thiab kev cia siab ib txhis rau kuv lub neej. Ua Vajtswv tsaug txawm yog lub neej yuav muaj ntau yam ua rau tag kev cia siab thiab qaug zog los Vajtswv yeej nyob rawv ntawm kuv ib sab thiab ua rau kom kuv muaj dua lub siab tshiab. Thov Vajtswv pab kom kuv nco txog tej koob hmoov zoo uas Vajtswv tau pub rau kuv lub neej thiab nthuav tawm lub siab nco Vajtswv tshav ntuj nyob rau txhua lub caijnyoog. Kuv thov hauv Tswv Yexus Khetos lub npe. Amees.

Cov kwv tij, yog tias nej tab tom ua neej dhau tej hnub koob tsheej uas tsis muaj kev zoo siab, tsis muaj sijhawm khoom nrog tej kev sim siab thiab tag kev cia siab nyob rau hauv lub neej ces cia li nres xav txog Vajtswv txojlus. tsis paub peb lub siab puas tab tom txhawb nqa Yexus Khetos? Puas yog Tswv Yexus nyob hauv koj lub siab? Yog tias muaj tseeb li ntawd, ces koj lub neej yuav yog cov pa tshuaj tsw qab rub tau coob tug. Cia li qhia txoj kev zoo siab ntawd rau Vajtswv pub rau tej neeg ib ncig koj pib ntawm tej phooj ywg, tej txheeb ze nyob rau hauv koj tsev neeg.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj