Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Koob tsheej Yexus yog lub caij sawv daws maj nroos nrog ntau txoj haujlwm sib txawv, tsis yog nyob hauv tuamtsev xwb tiamsis tseem muaj nyob sab nraud thiab. Tiamsis, koob tsheej kuj yog lub sijhawm uas cov neeg txheeb ze muaj sijhawm los nyob ua ke tham tej zaj xwm txheej, hauv kev thov Vajtswv, kom sib tham txog tej koob hmoov uas Vajtswv tau muab pub rau tag nrho tsev neeg loj. 

Hnub no, yog hnub 23/12/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm zaj kawm TSEV NEEG LOJ LUB KOOB TSHEEJ

Peb pom Nws lub hnubqub uas qhia hais tias, Nws yug los lawm tawm tim sab hnub tuaj tuaj, peb thiaj tuaj pehawm Nws (Mathais 2:2)

Pluas hmo koob tsheej ntawm kuv tsev neeg thaum twg twb yog lub sijhawm zoo nrog daim ntaub liab pua saum rooj, nrog pog tej phaj ntim kim nyiaj thiab muaj ntau yam zaub qab. 

Xyoo twg kuv txiv thiab kuv cov tij laug kuj yuav tau sawv tsis saib kev ncaws pob khuv xim heev los zaum rau saum rooj noj mov, tshuav kuv thiab kuv niam laus wb pab niam ua tej dej haus nrog tej khoom noj tom qab noj mov tas. Niam zoo siab heev nrog ntim kua ntsw puv nkaus ntim, tshuav wb ces npaj ua cov qog nthee coj los tso rau saum rooj. 

Txawm yog tso tseem tsis tau zoo tiamsis peb nyiam lub sijhawm sov so thiab sib hlub zoo li no. zoo siab tshaj plaws thaum tag nrho tsev neeg los sib sau ua ke rau pluas mov koob tsheej Yexus yug. Kuv niam kuv txiv nkawd tau tu peb 5 tug viv ncaus nus muag loj hlob nyob rau hauv lub tsev no, yog thaj chaw uas peb tsev tau los nyob ntawm no tau 50 xyoo dhau los. 

Kuv tus nus hlob pheej yog tus coj tag nrho peb tsev neeg thov Vajtswv foom koob hmoov rau tej zaub mov. Kuv tus nus pheej piv thov tej lo lus uas peb twb paub ua ntej lawm li no, “Thov Vajtswv Koj pub kom peb noj qab los, kuv ua Koj tsaug, thiab, “sawv daws noj”. Tag nrho peb sawv daws puav leej luag, tshuav niam yeej ntsia los ntawm “lub ntsej muag ntawd”, yog lub ntsej muag uas peb yeej to taub li no “Tau lawm, tus phooj ywg, thaum no yuav tau ua tib zoo thov Vajtswv rau pluas mov no”. Thiab thaum ntawd kuv tus nus yuav ua li ntawd. Vim rau qhov tsis tau muaj ib zaum twg uas peb yuav hnov qab tsis ua Vajtswv tsaug rau tej koob hmoov ntau kawg nkaus uas Vajtswv tau foom rau peb tsev neeg ib xyoo dhau los. Tag nrho peb txhua tus puav leej nyo hau saib taus Vajtswv tus tswj hwm thiab tej koob hmoov zoo uas Nws tau pub rau peb lub neej. 

Tom qab cov lus thov thiab ib lub sijhawm ua twjywm, ib lub suab maj mam hais tuaj: “Puas muaj leej twg pab cev tais qos nthee los seb? Thiab txij lub sijhawm ntawd… txhua tus nyias rov qab yog nyias tus kheej! 

“Niam aw, xyoo no koj puas tau ua lub ncuav liab?” 

“Kate, vim koj tab tom sawv, es koj muab ib mentsis qe puas tau?” 

“Mark, koj puas ua tib zoo saib seb phab twg yeej lawm tau?” 

Txhua tus txawm cia li tham qhov no tas txog lwm qhov. 

Tom qab noj mov tas ces yog feem haus café, thiab noj txiv ntoo. Tomqab ntawd peb yuav sawv cev zoo li tej tus tub rog zoo, muab tej phaj ntim sau mus ntxuav kom huv si. Thiab tag nrho tsev neeg mus nyob rau ntawm chav txais tos qhua thiab txog lub sijhawm uas faib khoom. 

Thaum kawg, hmo ntawd dhau mus, kuv tus nus hlob Brian khoov mus rau ntawm niam thiab hais lus ntxhi rau niam txog ib yam dab tsi tseem ceeb. Ces niam maj mam sawv thiab mus rau ntawm lub taub Organ qub hauv peb tsev neeg thiab pib ntaus ntau zaj nkauj txog koob tsheej uas peb nyiam thaum uas tag nrho sawv daws hu ua ke. 

Txog rau thaum uas sawv daws tsaug zog tom qab noj hmo tas thiab faib khoom lawm, peb sau cov menyuam yaus los ua ke, sau tej khoom qias, tej khoom ua si, muab tej zaub noj tsis tas qhwv thiab tawm mus nraum qhov rooj. 

Tseeb tiag, ntau pluas mov zoo siab ntawm koob tsheej Yexus yug tau los thiab mus nyob rau hauv tsev neeg ntawd. Tiamsis txog rau tamsim no, tag nrho peb txhua tus puav leej txais tau txoj kev hlub thiab tej koob hmoov uas Vajtswv tau foom rau peb tsev neeg. Tsis tau muaj ib zaum twg peb yuav tsis suav tias lub koob tsheej no tsis tseem ceeb thiab yog lub sijhawm uas peb tau nyob ua ke. 

Muaj tej zaug,Vajtswv tseem ntxiv foom Nws txoj koob hmoov txias rau peb thaum uas cia qee lub paj daus nyias nyias poob los ib ncig ntawm peb thaum peb hla kev mus rau tom lub tsheb los mus tsev. Tiamsis, feem uas zoo tshaj plaws yeej tseem yog tau saib cov hnub qub uas ci kaj nrig saum nruab ntug zoo li ib lo lus ceeb toom peb txhua tus txog qhov uas yus tau txais txoj kev zoo siab no. Ntawd yog cia peb ua kev nco txog peb tus vajntxwv tau yug los, yog Tswv Yexus Khetos, neeg ntiajteb tus cawm seej thiab tig lub siab mus pehawm Nws li cov neeg txawj saib hnub qub thaum ub: 

“Peb pom Nws lub hnubqub uas qhia hais tias, Nws yug los lawm tawm tim sab hnub tuaj tuaj, peb thiaj tuaj pehawm Nws” (Mathais 2:2).

Thov caw nrog kuv peb thov Vajtswv ua ke: Tswv Yexus! Kuv ua Koj tsaug vim Koj tau los rau hauv lub ntiajteb no coj txoj kev zoo siab los pub rau tib neeg ntiajteb. Koj yog qhov uas peb muaj lub koob tsheej zoo no kom peb nyob ua ke nrog peb tej neeg txheeb ze. Thov kom txhua tus uas nyob ib leeg, nyuaj siab yuav saj tau Koj txoj kev hlub. Hauv peb tus Tswv Yexus lub npe. Amees.

Cov kwv tij koj puas muaj txoj kev npaj twg tseg rau yus tsev neeg nyob rau lub koob tsheej xyoo no lawm tawm? Yog tsis tau muaj qhov uas siv ib hmo los noj haus, sib tham, thov Vajtswv ua ke nrog yus tsev neeg yuav yog ib lub tswv yim zoo rau koj. Ntawd kuj yog lub sijhawm zoo kom ib leeg ntuas ib leeg txog lub ntsiab lus tiag ntawm koob tsheej xyoo no.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.