Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Peb txhua tus puav leej nkag siab tias txhua tus yuav tau tuag thiab sawv ntawm Vajtswv lub rooj txiav txim. Lub sijhawm ntawd yuav zoo li cas? Tsis paub koj yuav hais li cas rau ntawm tus Tswv txiav txim lub xub ntiag, thiab txoj kev txiav txim thaum kawg yuav zoo li cas? 

Hnub no, yog hnub 28/12/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm zaj kawm VAJTSWV LUB ROOJ TXIAV TXIM

Txhua tus neeg puavleej yuav tuag ib zaug thiab tom qab ntawd Vajtswv yuav txiav txim rau lawv (Henplais 9:27)

Koj puas tau muaj ib zaug tseg sijhawm los ua tib zoo xav seb koj yuav ua li cas thiaj yuav tau feeb siab nyob rau hauv txoj kev sib tw hauv koj lub neej lawm los tsis tau? Thaum peb sawv ntawm Vajtswv tus uas  muaj sia nyob lub xub ntiag rov qab tham txog peb lub neej? Ua ntej uas koj pib hnov txhawj, ntshai, cia li tso siab tau tias Vajtswv twb muab lo lus teb rau peb lawm. 

Kuv twb tau lo ib kab ntawv rau tom kuv pob tw tsheb tias, “thaum twg tseem tshuav kev sib tw kawm ntawv ces thaum ntawd yeej tseem yuav thov Vajtswv”. Ib txoj kev xav txaus luag heev rau ib qhov teeb meem cuag li muaj ntsis tsis tshua zoo uas peb txhua tus puav leej ua xyem xyav. Tiamsis tseeb tiag tus twg twb ntshai mus sib tw, puas yog li ntawd? Yog li vim li cas tej kev txhawj siab ntawd puav leej cuam tshuam txog tej uas peb yuav tau tham tawm? 

Thaum ua tib zoo kawm txog zaj no, kuv pom kuv tus kheej txoj kev ntshai – ib txoj kev txhawj cuag li npau suav pib ceeb toom txog “hnub ntawd”, lossis hu uas “Hnub Txiav Txim”. 

“Txhua tus neeg puavleej yuav tuag ib zaug thiab tom qab ntawd Vajtswv yuav txiav txim rau lawv” (Henplais 9:27). 

Kuv pib hnov nyuaj xav heev txog txhua yam, vim yog ib tus neeg ntseeg Tswv Yexus, kuv tau suav tias yog cov neeg uas muaj Vajluskub ua lub hauv paug coj lub neej mus ruaj khov txog qib uas yuav tsis muaj ib yam dabtsi hloov tau. Yog li tshuav hnub txiav txim ne yuav zoo li cas? Kuv xav daws tag nrho txhua txoj kev ua xyem xyav cuag li npau suav ntawd tau ua tab kaum kuv yam tsis khuv xim li. 

Kuv paub kuv yuav tau coj qhov teeb meem no mus rau ntawm lub rooj txiav txim loj hauv ntuj ceebtsheej. Kuv yuav nug kiag tim ntsej tim muag rau tus txiav txim siab tshaj plaws rau lub ntuj thiab lub ntiajteb no. Tiamsis kuv tsis tshua kam thaum kuv nkag mus rau hauv luv chav dawbhuv uas tsis muaj ib lo lus ntuas twg kom phim. Kuv paub kuv cheem tsum ib tug neeg pab hais daws kuv zaj. 

“Cov menyuam, kuv sau tsab ntawv no tuaj qhia nej, nej thiaj li yuav tsis ua txhaum; tiamsis yog leejtwg ua txhaum, peb muaj ib tug thov Leej Txiv pab peb; tus ntawd yog Yexus Khetos tus uas ncaj ncees.” (1 Yauhas 2:1). 

Vaj Ntsujplig zoo li tus sau ntawv hauv rooj txiav txim, tau nplig kuv siab tias kev txiav txim twb tau txiav lawm. Kuv qhov teeb meem twb tau ua tib zoo tshuaj xyuas los ntawm ib tug neeg pab hais daws kuv zaj muaj koob nto npe heev muaj npe hu ua Yexus Khetos. Thaum kawg yog YEEJ TXIM vim tau zam txim. Haleluyas, qhuas Vajtswv! 

“Vajtswv twb pab peb cov uas dab ntxwgnyoog muab kaw rau hauv qhov tsaus ntuj dim lawm; thiab Vajtswv coj peb los nyob hauv qhov pom kev uas Vajtswv tus tub kav. Tus tub ntawd yog tus uas Vajtswv hlub. Thiab yog tus uas tso peb dim thiab zam peb lub txim.” (Kaulauxais 1:13-14). 

Txojmoo zoo yog thaum uas peb sawv ntawm Vajtswv xub ntiag, peb tau zoo kawg nkaus nyob rau hauv Nws! Qhov no txhais tias xij peem yam kev txhaum twg peb tau  ua puav leej tau Tswv Yexus cov ntshav npog lawm, twb hnov qab lawm thiab tsis muaj ib zaum twg yuav rov qab nug txog lawm. Cov ntseeg Tswv Yexus tsuas sawv ntawm Vajtswv lub rooj txiav txim nthuav qhia tej yam zoo xwb. Vajtswv yuav ua tib zoo xyuas txhua lo lus thov, txhua lub suab quaj hauv siab, txhua lub kua muag tau los, thiab txhua txoj kev ua pa ntawm Vaj Ntsujplig. Vajtswv yuav nco txog khob dej peb cev rau tus neeg nqhis, thiab lub ncuav peb pub rau tus neeg tshaib. Txhua tes haujlwm uas peb ua pub rau Nws puav leej yuav tau nthuav tawm rau sawv daws pom. 

“Rau qhov Vajtswv yuav muab nqi zog rau txhua tus raws li tes haujlwm uas nws tau ua los lawm. Vajtswv yuav muab txojsia ntev dhawv mus ibtxhis rau cov neeg uas muaj lub siab ntev thiab niaj hnub ua zoo; thiab xav kom Vajtswv pub koob hmoov rau lawv, qhuas lawv thiab pub txojsia uas tsis txawj tuag rau lawv.” (Loos 2:6-7). 

Tej zaug koj tseem tab tom nug tias, “Yuav ua li cas tej haujlwm tsis zoo uas peb ua yuav tsis dhau los ua pov thawj tawm tsam peb?” Peb yuav tau nco ntsoov tias hnub txiav txim ntawd muaj ob pab neeg – pab yaj thiab pab tshis. Pab no raug cais tawm tsis xyaw pab tod. Ib pab nyob sab xis ib pab nyob sab laug. Lub sijhawm ntawd tau tham txog nyob rau hauv Mathais 25:32-33. Tsuas yog cov neeg tsis ntseeg, tsis txais yuav Vajtswv txojkev hlub thiaj yuav tau ris txhua lub txim rau lawv tej haujlwm phem uas lawv tau ua lawm. Vajluskub siv ntau qhov piv txwv los tham txog qhov sib txawv ntawm ob pab no, thiab ntawm no yog lub sijhawm zoo rau koj tshuaj koj tus kheej seb koj nyob rau pab twg: tus ntseeg lossis tus tsis ntseeg; yaj lossis tshis; nplej lossis txhauv; cov nkauj xwb muaj tswv yim lossis cov tsis muaj; tus neeg taug txoj kev nqaim lossis kev dav…

Kuv thov Vajtswv pab kom peb txhua tus nkag siab tau cov lus kawg tseg rau peb yog “tsis muaj txim” ntawm txhua lo lus liam txim vim Tswv Yexus cov ntshav twb ntws los ntxhuav peb txhua txoj kev txhaum huv si lawm. Qhov tseeb no yog qhov chaw pheeb rau ntawm kuv sab ntsujplig, thiab kuv thov Vajtswv kom koj kuj zoo ib yam li ntawd. Thaum koj sawv ntawm tus cawm seej hauv ntiajteb nyob rau hnub tseem ceeb ntawd, paub Nws txoj kev hlub tseg rau koj, ces sawv ntawm tag nrho tib neeg xub ntiag, Nws yuav xyab tes los txais koj yog Nws tus nkauj nyab. 

“Peb cia li zoo siab thiab xyivfab hlo; peb cia li qhuas Vajtswv lub hwjchim uas loj kawg nkaus! Rau qhov twb txog lub sijhawm uas tus menyuam Yaj ua tshoob, thiab Nws tus nkauj nyab twb tu cev txhij lawm.” (Tshwmsim 19:7). 

Vajtswv tab tom hu peb txhua tus cia li hwm Nws txoj kev tswj hwm. Thiab thaum peb nkag los rau hnub tseem ceeb thiab ci ntsa iab ntawd peb yuav zoo siab hlo mloog tej lus ntawm peb tus cawm seej Tswv Yexus tias, “Zoo heev, Koj yog tus tubtxib uas zoo thiab ncaj ncees… koj cia li los nrog Kuv nyob kaj siab lug! (Mathais 25:21a).

Thov caw nrog kuv peb thov Vajtswv ua ke: Ua Vajtswv koj tsaug vim kuv paub tias kuv tsis raug sawv rau ntawm Koj lub rooj txiav txim raug txim tiamsis tau txais koom plig raws li kuv tes haujlwm uas kuv ua rau Koj. Thov pab kom kuv tuav kom ruaj qhov no thiab tag siab ua koj tes haujlwm mus txog hnub kawg. Kuv thov hauv Yexus Khetos lub npe. Amees.

Cov kwvtij, cov lus txiav tsim hais tias “yeej txim” “tsis muaj txim” tsis yog qhov uas cia peb ua peb lub neej tso ywj siab, tiamsis yog qhia kom peb muab tag nrho peb tus kheej ua Vajtswv haujlwm tag siab. Txawm tias tej haujlwm uas koj ua Vajtswv tamsim no tsis muaj leej twg qhuas lossis ceev faj txog los txhua yam yuav tau nthuav tawm rau hnub uas Vajtswv muab khoom plig. Tsis txhob tag kev cia siab nyob rau hauv txoj kev ua Vajtswv tes haujlwm.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.