Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

Bol he dòp geh bơta lơngai ngan tú bol he geh gơ tòm sor bal mơ Yàng Tòm Trồ. Bơh bơta lik ling Yàng Jesus dê mơ bơta chơt Kơnrẵn dê mơ bol he geh kòp la song ring mơ gơlik gơs kon sau Yàng dê. Kah kir sơnre Yàng lik ling king la tú tơng kah wơl bol he lơh sir gơnoar broă cau gơ tòm sor nàng tề lam oă cau rê mơ Yàng.

Ngai do, ngai 19/12/2023, bơta Hòi Dăn Kờp Ngai hòi jà ồng mọ oh mi kơlôi sơnơng Jơnau Yàng kơ nờm mò Helen Ryser Smith dê bơh tơnggume NOEL – KƠNHAI LƠNGAI

“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.” (Luca 2:14)

Tú gam bơtê tòm klơng bơtê dơng, ẵn gơs tú lòt tus hơ Israel nàng bơtê tòm ală ngai kah kir sơnre Yàng lik ling. Ẵn kơp kỡn geh bơtê tòm klơng Hebrew University of Jerusalem, behớ ẵn neh cih sơnđan nàng geh bơtê tòm Ulpan. Ulpan gơtha la viện nghiên cứu chuyên sâu jơnau Israel.

Ẵn mhar lơh kweng mơ ală cau gơp bơtê bal. Tòm ală cau hớ gơs cau la cau phát thanh viên pa mut lơh broă, dô nă cau giáo sư tâm lý học tus bơh Princeton, dô nă cau gơnoar bơto mơ bau ur tus bơh Texas, dô nă cau mò tus bơh Đức, dô nă cau neh bơtê tòm chủng viện Do Thái, dô mpôl cau dong kơl sơnơm tus bơh Hà Lan mơ dô nă cau tus bơh New York bal mơ hiu nhă pa tus Israel.

Rlau mơ hớ kung gam gơs dô nă cau ur dềt sơnam pă tê. Bol he git lah tú gam at rơndeh gen khai kong cau lơh iơh lơh khai in pă tê. Dô nă cau ndai tai la cau klau tus bơh Jerusalem. Khai ming rgơi đơs jơnau Ả-rập mơ kơp kỡn bơtê jơnau Hebrơ.

Sơntòm tòm àng drim mut bơtê, cau bơto đơs mơ bol he lah: “Shalom, talmidim” gơtha la “niam să ală oh”. Mơ 6 jơ tòm dô ngai mơ bơtê pram ngai tòm dô poh, bol he pal cih kah ală jơnau boưtê pa, sên dơng jơnau tòm sră bơtê, lơh hek mơ tòm bơyai bal tú sa drim. Tú bol gen bol he rơp đơs wơl mơ tiếng Anh mơ ală tú behớ cau bơto bol he dê kung lơh bè la ò wă. Broă ngui ală jơnau đơs ndai nàng tòm bơh bơr bal mơ gơp la dô bơta dơng mang ngan.

Digơlan oă cau tòm bol je neh git jơnau “shalom” gơtha la ring lơngai. Tú jơ bơtê neh lòt gan gen ẵn sên gó lah ơ dú bơtê la tiah lơngap ngan mơya kung la tiah bêng bơta gơlong mơ bol glar. Kòp nă cau bơtê gơs tơnggu pha is tú mut bơtê jơnau Hebrơ. Bulah pha is sơnam, bơta chai rgơi mơ lik bơh hiu nhă lơi gen gơs bal dô tơnggu la bơtê jơnau Hebrơ. Do la jơnau rài yau, la dô jơnau geh cih tòm Sră Goh, la dô nă cau bơtê pha is mơ bol he.

Dilah bơta bơtê tòm rai kis bơto ẵn gơtha la gơtòmsor gen bơta bơtê jơnau Hebrơ hớ la bơta pơnyơu bulah bol he ò di pa bơtê tus bơta tòm bơh bơr mơ gơp lơm. Ngan behớ, ồng mò oh mi ò rgơi đơs dơng jơnau mơ cau ndai mơ jơnau Hebrơ gen ồng mò oh mi đơs dơng jơnau ală jơnau ồng mò oh mi git hala mơ bơta pơnđơl pràn să tòm ồng mò oh mi dê. Ồng mò oh mi ò rgơi lơh cau ndai in wơng ồng mò oh mi đơs bơta lơi. Behớ gen, ồng mò oh mi jòi nàng bơtê bè la dô nơm bơta nàng gơtòmsor mơ tòm klac bal mơ gơp. Gơs dô êt nă cau wơng ồng mò oh mi đơs bơta lơi mơ kỡn tòm bơh bơr mơ ồng mò oh mi mơ gơs dô êt nă cau ò wơng.

Tòm ală nam bơtê tòm klơng gen Yàng dong ẵn sên gó lah têl krdơng bơta gơtòmsor la Yàng Jesus gơlik gơs Bơtau Jơnau ơm di gul bol he nàng rgơi lơh he in gơtòmsor bal mơ Yàng Bèp. Rlau mơ hớ gen bol he geh gơtòmsỏ bal mơ gơp.

Ẵn neh lòt pơjum 7 bơta pơjum ngai Noel tòm Jerusalem. Gơwèt mơ ẵn, bơta dòn tòm Bơtau Jơnau vôr jrô ngan tòm rai kis ẵn jê bè Jơnau Yàng geh cih tòm sră Ô-sê 1:7:

“Mơya Añ rơp nđàc sơngit di làng bol Juda, mơ Añ rơp dong klàs bol khai, Añ ò kơnòm di àtak, đào hala bơta tòmlơh, ò di kơnòm di ơseh hala cau ling hào ơseh, mơya kơnòm di Jehôwa Yàng Tom Trồ bol khai dê.”
Rlau mơ hớ, Jơnau Yàng tòm sră Luca 2:14 ceng tus dô jơnau song niam rlau jơh: “Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.”
Ngai do ẵn gam bơtê jơnau đơs lơngai mơ gơtòmsor tòm jơnau Hebrơ la Shalom, talmidim.
Kơp kỡn ngai Noel nam do nùs ồng mò oh mi dê bêng tơl bơta lơngai tú ồng mò oh mi kah kir sơnre Yàng Jesus lik ling. Kơp kỡn nùs nhơm ồng mò oh mi dê dòp geh bơta lơngai bơh Yàng lik ling ai.

Dan jà bol he dô nùs bal tòm bơta hòi dan:
Ưnngai Yàng bơh kơnòm di bơta lik ling Yàng Jesus dê mơ kon geh gơtomsor bal mơ Yàng Tòm Trồ. Kon dòp geh bơta lơngai gam sùm sùm tòm bơta lơngai Kơnrẵn dê. Dan Yàng dong kon ngui jơnau đơs mơ broă lơh bol he dê nàng tòm pà bơta lơngai bơh Kơnrẵn ai ală cau gùt dar kon tòm ngai Noel do. Kon kơp kỡn bol khai kung dơp geh bơta lơngai ming gơs tòm Bèp. Kon hòi dan tòm sơnđan Yàng Jesus Krist, Amen.

Ơ ală ồng mò oh mi kỡn gơboh, niam ngan tú bol he gơs tú nàng tòm pà bơta kỡn gơboh dơng ơnang Yàng Tòm Trồ dê tòm ngai Yàng Jesus lik ling. Kòp nă tòm bol he la cau ala mat Lơgar Trồ dê nàng ràng tơlik jơnau niam bơh Trồ tus kòp nă cau in. Kơnòm jơnau lơh cơng ồng mò oh mi dê rơp dong kơl cau ndai dòp geh bơta lơngai gam sùm sùm bơh Kơnrẵn.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.