Txhua zaug taug kev, peb txhua tus nyias yeej npaj nyias tus kheej kom zoo. Peb xav mus cuag lwm tus los ntawm qhov uas zoo kawg nkaus. Dhau ntawm tej ris tsho hnav, tej hnab peb nqa ces yam tseem ceeb uas peb yuav tau nqa yog lub tsho kev hlub…

Hnub no, yog hnub 12/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cathy Irvin dhau ntawm Zaj kawm LUB TSHO KEV HLUB.

“Nimno kuv yuav muab ib txoj kevcai tshiab rau nej: Nej ib leeg yuav tsum hlub ib leeg ib yam li kuv hlub nej. Nej ib leeg yuav tsum hlub ib leeg.” (Yauhas 13:34).

Peb ib leeg nyias yuav tau hais txog qhov tseeb ntawm nyias sab ntsujplig. Yeej tsis yooj yim rau peb nthuav tawm tus neeg tseeb tiamsis ntawm no yog yam uas tseem ceeb. Lwm tus yuav ntsia pom dabtsi? Lawv puas ntsia pom ib tug neeg khav theeb thiab thaum twg twb saib yus yog thib ib xwb? Lawv yuav ntsia pom ib tug neeg saib nws tus kheej muaj nqis xwb lossis lawv yuav ntsia pom ib lub neej muab pub, nqes tes ua haujlwm, ib lub neej puv npo txoj kev hlub tshua?

Yog cov ntseeg Tswv Yexus, kuv paub kuv txoj kev nrog tus Tswv mus yuav tau nthuav tawm tus cwjpwm uas Tswv Yexus ua pub rau lawv. Kuv ua tsis tau, tiamsis kuv siv zog txhua hnub kom ua tau raws li Vajtswv tej lus qhia kom peb ua, thiab ntawd yog “yuav tau sib hlub” kuv xav txog tus cwjpwm no nyob hauv cov ntseeg Vajtswv tseem ceeb heev. Ntawd yog qhov uas Vajtswv hais ntau txog qhov no nyob hauv Vajluskub.

“Nimno kuv yuav muab ib txoj kevcai tshiab rau nej: Nej ib leeg yuav tsum hlub ib leeg ib yam li kuv hlub nej. Nej ib leeg yuav tsum hlub ib leeg.” (Yauhas 13:34).

“nej cov uas ntseeg Yexus Khetos, nej ib leeg yuav tsum hlub ib leeg, thiab nej ib leeg hwm ib leeg” (Loos 12:10).

“Qhov uas nej mloog qhov tseeb ua rau nej muaj lub siab dawbhuv, thiab nej thiaj hlub txhua tus uas ntseeg Vajtswv. Yog li ntawd, nej ib tug yuav tsum hlub ib tug tiag tiag” (I Petus 1:22).

Cov nqe Vajluskub saum toj ua rau peb pom tias kev hlub yog ib txoj kev samhwm tsis yog ib txoj kev xaiv. Yog li peb yuav hlub zoo li cas? Mloog Vajtswv lus ua ntej. Tom qab ntawd peb thov Vajtswv pab los ntawm txoj kev thov Vajtswv. Qhov no tseem ceeb thaum uas peb ntsib cov neeg uas peb hu ua yeebncuab, tiamsis peb yuav tau hlub lawv thiab saib lawv dhau los ntawm Vajtswv lub qhov muag.

Vajtswv yog kev hlub, Nws yog tus Tswv ntawm txoj kev hlub. Yog peb nyob hauv txoj kev sib raug zoo ua ke nrog Vajtswv, peb yuav paub Vajtswv. Hnav lub tsho kev hlub thiab txo hwjchim rau lwm tus txawm yog lawv hnov nyuaj rau peb hlub ces yeej yuav tsis nyuaj lawm.

Txhua tag kis peb sawv thiab coj peb tus cwjpwm mus ua neej. Tiamsis yog ib tug ntseeg Vajtswv, peb txhob hnov qab tej cuab yeej ntawm sab ntsujplig. Thiab kev hlub yog yam uas tseem ceeb yuav hnov qab tsis tau. Tseg sijhawm los nrhiav txoj kev nthuav tawm txoj kev hlub pub rau cov neeg uas cheem tsum kev hlub. Koj yuav ntsia pom lub neej no txawv lwm tus thaum ntsia lub ntiajteb los ntawm Vajtswv lub qhov muag hlub.

“Tiamsis peb yog cov uas nyob nruab hnub, tsis tsimnyog peb yuav qaug rau ib yam dabtsi li. Peb yuav tsum muab kev ntseeg thiab kev hlub los ua daim thaiv hauv siab, thiab peb yuav tsum muab qhov uas peb cia siab hais tias peb yuav dim peb lub txim, los ua lub kausmom hlau ntoo” (I Thexalaunikes 5:8).

Cia siab tias peb yuav hnav lub tsho kev hlub mus rau txhua qhov uas peb yuav mus kom txog.

Thov caw nrog kuv peb thov Vajtswv ua ke:
Tus Tswv, Kuv ua Koj tsaug rau koj txoj kev ntuas kuv, kuv paub tias kuv yuav tau hlub ib yam li koj tau hlub kuv, tiamsis muaj ntau zaug kuv ua tsis tau, tshwj xeeb yog cov neeg uas kuv tsis nyiam. Tus Tswv thov hloov pauv kuv lub siab thiab pub koj lub siab rau kuv. Thov hliv koj txoj kev hlub puv nkaus rau kuv thiab pab kom peb txhua tus nthuav tawm txoj kev hlub ntawd rau txhua tus. Kuv ua Vajtswv tsaug kawg nkaus. Kuv thov hauv Tswv Yexus Khetos lub npe. Amees.

Cov kwv tij, tsis yog xwb tim nej cia li hnov txog lub ntsiab lus no. Cia siab tias hnub no Vajtswv yuav coj nej kev mus cuag leej twg ntawd thiab qhia txoj kev hlub no rau lawv, lossis thov kom Vajtswv ntuas kom nej yuav tau zam txim thiab hais kom sib haum xeeb rau ib tug twg ntawd. Thov Vajtswv ntxiv zog rau peb kom peb mloog Vajtswv lus. Ces peb yuav tau txais txoj kev zoo siab thiab kev ywj pheej uas los ntawm peb txoj kev mloog lus.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.