Thaum nplaim taws cig tuaj lawm yuav tswj tsis tau, nplaim taws muaj cuab kav kub txhua yam tas. Tiamsis yog tau muab siv kom yog kev, ces tus nplaim taws no yuav muaj nqis heev rau hauv tib neeg lub neej. Nplaim taws yuav cig pom kev ntawm qhov tsaus ntuj thiab coj kev. Nplaim taws tseem pab hlawv tej tooj tej kuv kom siv rau ntau yam. Nyob rau hauv cov ntseeg Vajtswv lub neej, Vajtswv yog “tus nplaim taws hlawv” – yog tus nplaim taws muab peb hlawv kom peb yim hnub yim dhau los ua neeg dawbhuv, thiab ci pom kev rau peb lub neej hauv txoj kev uas nrog Nws mus.
Hnub no, yog hnub 19/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dina Sleiman dhau ntawm Zaj kawm TUS NPLAIM TAWS CIG KUB NYHIAB.
Tiamsis vajntxwv teb hais tias, “Tsis ua li ntawd, kuv yuav them nqi kom txaus rau koj. Kuv yuav tsis muab yam uas kuv tsis tau tshwm nqi fij rau tus Tswv uas yog kuv tus Vajtswv li.” Ces vajntxwv thiaj muab tau tsib caug claim nyiaj yuav Alaunas lub tshav ntaus nplej thiab cov heev nyuj ntawd” (2 Xamuyees 24:24).
Puas tau muaj zaum twg koj ua tib zoo zaum saib tus nplaim taws cig lawm tau? Kuv nyiam saib nplaim taws cig: cov nplaim taws ncig lam lug txhua qhov, tsem cig ua ntau xim liab ntsuab sib txawv thiab.
Kuv nyiam nyob ntawm tej cub taws loj loj nraum zoov thaum txog lub caij ntuj no. Kuv thiab cov phooj ywg nyob ua ke ci nqaij noj thiab sib tham ua ke. Thaum txog ib tag hmo zuj zus tej tog taws pib cig tas zuj zus, ces saib zoo li cig pom kev sab hauv tuaj, pauv mus ua cov nplaim taws liab ploog zoo li leej faj, tas ces cia li yaj ua tshauv.
Peb tus Vajtswv muaj ntau zaug tau Vajluskub piv zoo li ib tug nplaim taws yuav hlawv! Zoo kawg nkaus thaum xav txog qhov no: Tus nplaim taws cig, uas yog cov neeg hlawv kub, tus nplaim taws nyob saum lub thaj hlawv tsiaj theej txhoj, tus nplaim taws coj cov neeg Yixalayees mus dhau tom roob moj sab qhua thiab tus nplaim taws poob los rau saum cov thwjtim thaum uas Vaj Ntsujplig nqis los saum lawv. Tej nplaim taws no ua piv txwv rau Vajtswv lub hwjchim thiab Vajtswv txoj kev dawbhuv, ci Vajtswv lub tshwjchim tshwj xeeb heev.
Zaj xwm txheej hais txog vajntxwv Daviv nyob hauv 2 Xamuyees kuj muaj ib lub ntsiab tshwj xeeb. Yawg pib txheeb nws cov pej xeem – no yog ib teg haujlwm saib cuag nws yog kev tiamsis tsis haum Vajtswv siab. Thiab yawg kuj paub tias ntawm no tsis yog yam uas raws li Vajtswv lub siab nyiam. Nyob hauv Vajluskub Qub, ces thaum kawg yam tsis zoo tau tshwm tuaj, Daviv nrhiav kev los daws nws qhov kev txhaum thiab muab tej khoom fij pub rau Vajtswv nthuav tawm nws txoj kev lees txim ntawm Vajtswv xub ntiag. Muaj ib tug neeg zoo siab hlo muab txhua yam pub rau yawg teeb ib lub thaj los fij khoom rau Vajtswv tsis yuav dabtsi tiamsis Daviv tsis kam txais.
Daviv hais tias: “Tsis ua li ntawd, kuv yuav them nqi kom txaus rau koj. Kuv yuav tsis muab yam uas kuv tsis tau tshwm nqi fij rau tus Tswv uas yog kuv tus Vajtswv li.” Lo lus no qhia rau peb paub txog ib lub ntsiab lus tob heev los txog niaj hnub nimno, peb tsis tsimnyog muab tej yam tsis muaj nqis hauv peb lub neej pub rau Vajtswv. Tiamsis txoj kev cawmdim yog ib qhov khoom plig pub dawb rau tus uas ntseeg Nws, tiamsis thaum peb muaj txoj kev sib raug zoo ua ke nrog Vajtswv, Vajtswv yuav nqua hu kom peb siv zog kom txais tau lub neej dawbhuv zoo kawg nkaus. Vajtswv yuav hlawv tag nrho txhua yam uas tav peb lub siab mus nrhiav Vajtswv thiab txhua yam uas tav Vajtswv lub tebchaws nthuav dav.
Muaj ib yam zoo thaum uas zaj xwm txheej rov qab tau hais txog nyob hauv 1 Xwm Txheej Vajntxwv 21. Thaum ntawd Daviv teeb lub thaj thiab muab cov khoom hlawv fij, yawg zes taws. Ces Vajtswv yog tus tso hluav taws poob saum ntuj los kub tej khoom fij ntawd!
Qhov no zoo kawg nkaus. Ntawm no yog ib qhov pov thawj qhia tias peb tsis tas yuav cim civ daws txhua qhov teeb meem. Peb muaj cuab kav vam khom Vajtswv, dhau los ntawm Vaj Ntsujplig coj kev, kom hloov pauv peb lub neej. Peb tsuas yog qhib siab thiab caw Vajtswv ywj pheej ua haujlwm xwb.
Thov caw nrog kuv peb thov Vajtswv ua ke:
Thov Vajtswv pab kom kuv tau pom Vajtswv lub tshwjchim uas zoo kawg nkaus. Thov Vajtswv pab kom kuv yuav qhib siab los txais yuav Vaj Ntsujplig ua tus coj kev, kom tus nplaim taws dawbhuv yuav cob kuv kom kuv dhau los dawbhuv nyob hauv Nws. thov Vajtswv lub hwjchim thiab Vajtswv txoj kev dawbhuv ua haujlwm muaj zog nyob hauv, kom kuv yim hnub yim dhau los zoo li Vajtswv dua, txog rau thaum uas kuv ntsia pom Vajtswv lub ntsej muag zoo kawg nkaus. Kuv thov hauv Tswv Yexus Khetos lub npe. Amees.
Cov kwv tij, Vajtswv lub hwjchim thiab Vajtswv txoj kev dawbhuv nrog lub tshwjchim nws yuav cig pom kev zoo li ib tug nplaim taws dawbhuv: Kub txhua yam kev phem kev qias, tej kev tab kaum thiab ci kom pom kev rau txoj kev ncaj ncees. Koj puas tau npaj txhij cia Vajtswv siv tus nplaim taws dawbhuv los ntxuav koj lub neej, kom koj dhau los ua ib tug neeg dawbhuv thiab muaj nqis zoo li tej nyiaj kub hauv Vajtswv lub qhov muag? Puas muaj yam dabtsi koj yuav tau lees rau Vajtswv thov kom Vajtswv pab ntxuav koj lub sijhawm no?
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
CHƯƠNG TRÌNH RADIO
- Tĩnh Nguyện Hằng Ngày
- Đọc sách cùng bạn
- Chỉ bởi đức tin
- Lời sống hằng ngày
- Chúc bé ngủ ngon
- Truyện kể cuối tuần
- Cảm nhận âm nhạc
- Sắc màu thánh nhạc
- Sống khỏe mỗi ngày
- Niềm Tin Và Cuộc Sống
- Bài Hát Yêu Thích
- Bài Hát Theo Yêu Cầu
- Tư Vấn 247
- Câu Chuyện Phúc Âm
- Giới Thiệu Album
- Top Christian Songs
- Sau Giờ Làm
- Cuộc sống Mến Yêu
- Lời yêu thương
- Tĩnh Nguyện Mùa Thi
- Sống Theo Đúng Mục Đích
- Tĩnh Nguyện Hằng Ngày (Tiếng Hoa)
- Tĩnh Nguyện Hằng Ngày (Tiếng H’Mông)
- Tĩnh Nguyện Hằng Ngày (Tiếng K'Ho)
- Tĩnh Nguyện Hằng Ngày (Tiếng Jarai)
RADIO MỚI NHẤT
Tĩnh Nguyện Hằng Ngày
Tĩnh Nguyện Hằng Ngày
Tĩnh Nguyện Hằng Ngày
Tĩnh Nguyện Hằng Ngày
bình luận