Txhua zaug uas thov Vajtswv, koj tos yam dabtsi? Puas yog koj xav kom Vajtswv teb koj tamsim thiab pab koj daws koj tej teeb meem? Thov Vajtswv tsis yog ib txoj kev cheem tsum hu ceev heev tamsim txhua zaug uas peb ntsib teeb meem, tiamsis yog ib txoj kev sib tham ntawm ob tog kom muaj txoj kev sib raug zoo ua ke ntawm peb thiab Leej Txiv saum ntuj. Vajtswv niaj hnub mloog peb tej lus taij thov, thiab Vajtswv kuj yuav tos ntsoov qhib siab los txais yuav Vajtswv lub suab hais lus rau peb.
Hnub no, yog hnub 20/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Roy Cameron Kennedy dhau ntawm Zaj kawm THOV VAJTSWV.
“Thaum ntawd nej yuav hu kuv, los cuag kuv thiab thov kuv, kuv yuav teb nej. Yog nej nrhiav kuv kawg siab kawg ntsws, nej yuav ntsib kuv” (Yelemis 29:12-13).
Lub ntiajteb uas peb nyob yim poob rau txoj kev puas tsuaj thiab sawv daws yuav nug tias Vajtswv tab tom nyob qhov twg ntawm txhua yam teeb meem no. Kuv pib xav tias, tsis paub yuav zoo li cas yog peb hu tau xov tooj ncaj qha mus nug Vajtswv? Thaum ntawd, peb yuav hu mus nrog Vajtswv sib tham, lossis tsuas sau ob peb lo lus luv luv xa rau Nws? Yam dabtsi ua rau peb xav nrog Vajtswv sib tham? Thiab peb twb hu rau Vajtswv pes tsawg zaus lawm?
Raws li tej uas kuv kawm tau hauv tsev kawm ntawv, txoj kev sib tham yuav tsum muaj ib tug neeg xa thiab ib tug neeg txais. Tiamsis kom nkag siab txog ib tug neeg twg, peb cheem tsum tus dabtsi ntxiv dhau ntawm tej kev sib tham? Peb nkag siab lwm tus dhau los ntawm txoj kev sib tham ua ke thiab tseg sijhawm los sib pub. Tseeb tiag peb yuav cim civ tsim tsis tau txoj kev sib raug zoo, yog peb tsis pheej sib tham, tsis muaj kev ncaj ncees, qhov no muaj txoj kev uas ib tug mloog ib tug hais tib si. Qhov no kuj zoo li peb txoj kev sib txuas ua ke nrog Vajtswv. Vajtswv hais, peb mloog. Peb thov, Vajtswv mloog. Thiab yam uas zoo tshaj plaws yog, peb muaj cuab kav mus cuag Vajtswv tsis muaj ib yam dabtsi yuav tav peb, dhau los ntawm Yexus Khetos, tau sau nyob hauv Henplais 10:19-22:
“Cov kwvtij, twb yog vim Yexus tuag theej peb lub txhoj, peb thiaj muaj cuabkav mus rau hauv Chav uas Dawbhuv Kawg Nkaus. Nws qhia txojkev tshiab uas cawm neeg txojsia rau peb taug; nws qhib daim ntaub kom peb tau kev mus rau sab hauv, daim ntaub ntawd yog nws lub cev. Peb muaj ib tug Povthawj Hlob uas saib xyuas Vajtswv tsevneeg. Yog li ntawd, peb cia li muaj nplooj siab dawb paug los cuag Vajtswv thiab cia siab ntsoov rau nws rau qhov peb paub hais tias Yexus cov ntshav twb ntxuav peb lub siab thiab dej twb ntxuav peb lub cev huv tibsi lawm”
Lo lus thov tsis yog tsuas yog ib txoj kev sib txuas sai sai xwb; cov lus thov tseem muaj hwjchim tshaj. Vajluskub muaj ntau qhov pov thawj qhia paub tias Vajtswv xav kom tau nrog peb sib tham, nthuav tawm Vajtswv lub siab nyiam, tsis yog tsuas yog ob peb lo lus cia li dhau mus. Qhov tseem ceeb yog, Vajtswv yog tus hlub peb, thiab Vajtswv xav kom peb saj tau lub neej nplua mias:
“Kuv tib leeg thiaj paub tej uas kuv npaj yuav ua rau nej, kuv yuav pab kom nej vammeej tsis yog ua kom nej puastsuaj, nej thiaj muaj kev cia siab rau yav tom ntej.” (Yelemis 29:11).
Tau ntev los peb saib cov lus taij thov zoo li peb hu thaum peb cheem tsum, xav kom pom kiag ib qhov txujci tamsim lossis yog ib zaj lus ntev. Tiamsis, cov lus thov Vajtswv tiag yog ib txoj kev sib tham ntawm ob tog. Txoj kev sim siab loj tshaj plaws nyob hauv txoj kev uas mloog Vajtswv lus ces yog yuav ua cas kom thiaj paub tias yog Vajtswv lub suab vim muaj tej suab ntau ib ncig ntawm peb, yuav tsum tau ua siab ntev txo hwjchim kom txais tau Vajtswv lub siab nyiam.
Kom nkag siab Vajtswv lub siab nyiam, peb yuav tau paub Vajtswv zoo thiab muaj txoj kev sib raug zoo ua ke nrog Vajtswv, kuj zoo li txoj kev uas peb yuav tau dhau los sib raug zoo ua ke li ib tug phooj ywg. Thaum uas sib raug zoo lawm yeej tsis tas yuav hais ntau, tsuas yog ntsia ib pliag lossis hnov lub suab xwb, peb ib leeg yuav nkag siab ib leeg. Txawm yog peb tsis zoo sib thooj, los peb ib leeg nkag siab zoo ib leeg.
Peb tus Vajtswv zoo siab hlo mloog. Tsis yog tsuas mloog tej lus peb hais tawm xwb tiamsis tseem yog tej lus peb npog cia rau hauv siab. Raws li Loos 8:26-27. Vaj Ntsujplig tshaj tawm tej lus taij thov thiab peb lub siab ntshaw mus rau ntawm Vajtswv los ntawm peb lub siab ntshaw uas peb hais tsis tau ua lus – Vajtswv nkag siab zoo peb lub siab, tej yam uas tsis tau nthuav tawm. Thaum peb txuas ua ke nrog Vajtswv, xav kom ua raws li Vajtswv lub siab nyiam, ces Vajtswv yuav rub peb sawv hauv txoj kev puas tsuaj los, thiab coj peb taug kom tas txoj kev.
Cia siab tias qhov tseeb no yuav txhawb koj zog, vim koj muaj kev ywj pheej nrog Vajtswv sib tham, thiab paub tias Vajtswv yuav mloog koj. Tiamsis koj kuj txhob hnov qab npaj koj lub siab los mloog Vajtswv, thiab qhov tseem ceeb dua, yuav tau npaj txhij ua raws li Vajtswv txoj kev coj nyob hauv koj lub neej. Vajtswv tsis xav nres ntawm txoj kev sib tham xwb. Vajtswv xav kom muaj txoj kev sib raug zoo txheeb dua nrog koj ua ke tus uas yog Vajtswv tus menyuam.
“Thaum ntawd nej yuav hu kuv, los cuag kuv thiab thov kuv, kuv yuav teb nej. Yog nej nrhiav kuv kawg siab kawg ntsws, nej yuav ntsib kuv (Yelemis 29:12-13).
Thov caw nrog kuv peb thov Vajtswv ua ke:
Ua Vajtswv Koj tsaug uas hnub no kuv tau ywj pheej los thov koj, dhau los ntawm Tswv Yexus tau tuag theej kuv. Thov Vajtswv pab kom kuv yuav tsim muaj txoj kev sib raug zoo ua ke nrog koj los ntawm tej lus taij thov. Thov Vajtswv pab kom kuv txo hwjchim thiab muaj lub siab dav, zoo siab hlo txais yuav thiab mloog raws li Vajtswv ua tus coj kev. Tus Tswv, kuv tab tom tos mloog koj lub suab hais. Thov Vajtswv coj kuv txhua kaujruam hauv lub neej. Kuv thov hauv Tswv Yexus Khetos lub npe. Amees.
Cov kwv tij, txhob yog thaum twg koj twb mus cuag Vajtswv thiab muab tej lo lus thov luv luv lam thov dhau pub rau Vajtswv. Vajtswv xav kom tau tej kev sib tham zoo thiab muaj txoj kev sib raug zoo ntawm peb txhua tus. Vajtswv caw peb kom dhau los ua ib tug neeg nyob ze Vajtswv, zoo siab hlo qhia tej kev zoo siab, nyuaj siab tej kev ntshaw rau Nws. Qhib siab thiab tseg sijhawm los tsim muaj txoj kev sib raug zoo ua ke nrog Leej Txiv saum ntuj, kom thaum Vajtswv hu, peb yuav mloog nws tamsim thiab ua raws li nws tej lus.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
CHƯƠNG TRÌNH RADIO
- Tĩnh Nguyện Hằng Ngày
- Đọc sách cùng bạn
- Chỉ bởi đức tin
- Lời sống hằng ngày
- Chúc bé ngủ ngon
- Truyện kể cuối tuần
- Cảm nhận âm nhạc
- Sắc màu thánh nhạc
- Sống khỏe mỗi ngày
- Niềm Tin Và Cuộc Sống
- Bài Hát Yêu Thích
- Bài Hát Theo Yêu Cầu
- Tư Vấn 247
- Câu Chuyện Phúc Âm
- Giới Thiệu Album
- Top Christian Songs
- Sau Giờ Làm
- Cuộc sống Mến Yêu
- Lời yêu thương
- Tĩnh Nguyện Mùa Thi
- Sống Theo Đúng Mục Đích
- Tĩnh Nguyện Hằng Ngày (Tiếng Hoa)
- Tĩnh Nguyện Hằng Ngày (Tiếng H’Mông)
- Tĩnh Nguyện Hằng Ngày (Tiếng K'Ho)
- Tĩnh Nguyện Hằng Ngày (Tiếng Jarai)
RADIO MỚI NHẤT
Tĩnh Nguyện Hằng Ngày
Tĩnh Nguyện Hằng Ngày
Tĩnh Nguyện Hằng Ngày
Tĩnh Nguyện Hằng Ngày
bình luận