Puas tau muaj zaum twg koj cim civ nug tias: Thov Vajtswv li cas thiaj yuav yog kev? Ntau zaug, peb tsuas tsom ntsoov rau tej kab lig kevcai coj nyob sab nraum txoj kev thov Vajtswv xws li: sawv lossis zaum li cas thiaj yuav yog kev, cov lus yuav tau hais li cas thiaj yuav yog cov lus zoo hwm Vajtswv thiab muaj ntsiab lus zoo… Tiamsis ntawd puas yuav yog yam uas Vajtswv tos ntawm peb? Yam tseem ceeb tsis yog kab lig kevcai tiamsis yog lub siab ncaj ncees, muab fij rau Vajtswv hauv peb lub siab, peb txoj kev ntshaw uas nyob tob tshaj plaws hauv peb txhua tus ntsujplig.

Hnub no, yog hnub 21/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Roy Vernell Windsor dhau ntawm Zaj kawm LUB SIAB THOV VAJTSWV UAS HAUM VAJTSWV SIAB.

“Tom qab ntawd, muaj ib hnub Yexus mus thov Vajtswv pem roob, thiab nws nyob pem thov Vajtswv ib hmos” (Lukas 6:12).

Koj puas muaj ib zaug twg nco faj thiab saib txhua tus ntseeg nyob hauv Pawg Ntseeg ib leeg nyias muaj nyias ib txoj kev thov Vajtswv sib txawv lawm tau? Sawv, txhos caug, lossis zaum saum tog – tsis paub tus yamntxwv ntawd puas yuav hloov pauv peb tej lus thov lub ntsiab? Thaum thov Vajtswv puas yuav tsa tes lossis khaws tes cia? Puas yuav tas thaum twg twb xaus los ntawm “tuav Tswv Yexus Khetos lub npe” peb yuav thov twj ywm hauv siab lossis yuav hais tawm ua suab nrov nrov? Thiab thov Vajtswv puas yuav siv kevcai ntau tag npaum no?

Tseeb tiag, txoj kev thov Vajtswv yooj yim dua li ntawd. Thov Vajtswv tsis yog tsuas yog ib txojkevcai xwb, tiamsis tseem yog ib lub sijhawm tseg los nrog Vajtswv sib tham ua ke. Vajluskub muaj ntau tus qauv zoo qhia txog kev thov Vajtswv ntawm lawv tus kheej thiab hauv zej zog tib si. Nyob rau zaj lus qhuab qhia saum roob, hauv Mathais 6:9-13, Tswv Yexus qhia txog zaj lus thov Vajtswv qauv.

Paulus taij thov Vajtswv pub kev txawj ntse ntawm sab ntsujplig rau cov ntseeg nyob hauv Efexaus (Efexaus 1:15-23).

Pog Anas mus rau hauv tuam tsev, thov Vajtswv pub ib tug menyuam tub rau pog, tiamsis tus pov thawj hlob ho xav tias pog tab tom qaug cawv (1 Xamuyees 1:9-18).

Dhau ntawd, tseem muaj ntau zaj lus thov nyob hauv Phau Ntawv Nkauj (xws li Ntawv Nkauj 23:1-6 thiab Ntawv Nkauj 91:1-16). Pawg ntseeg thaum xub thawj kuj thov Vajtswv pab rau Petus thaum yawg raug kaw hauv tsev lojcuj, thiab Vajtswv ib tug timtswv thiaj los cawm Petus dim ntawm tsev lojcuj (TegNum 12:5-17)

Oh, lo lus thov Vajtswv muaj hwjchim heev!
Kuv yeej tseem nco ntsoov, lub sijhawm uas ntxhov nyho vim ua tsheb sib tsoo, kuv tau hu Tswv Yexus lub npe- kuv hu Tswv Yexus lub npe nrov nrov. Kuv tsis ua xyem xyav, kuv cov lus tsuas muaj tib lo luv luv xwb. Nyob rau lub sijhawm ntawd, sijhawm cuag li nres tas, thiab kuv tau tso siab plhuav nyob hauv Vajtswv txhais tes.

Tshuav muaj ib zaug kuv mus saib ib tug ntseeg muaj mob, tus neeg ntawd xav kom kuv thov Vajtswv pab rau nws. Kuv nkag mus rau lub sijhawm pehawm Vajtswv dawbhuv ntawd, nrog tus neeg mob thiab nws tus pojniam ua ke. Peb yeej tsis cheem tsum ib txojcai twg. Yuav siv los taij rau peb txoj kev cheem tsum tsuas yog peb muaj lub siab tiag fij txhua yam rau Vajtswv xwb.

Cawm Seej Tswv Yexus yog tus qauv ua lub cim rau qhov tseem ceeb ntawm lo lus thov Vajtswv. Tswv Yexus nraim cov pej xeem coob coob mus nrhiav tej qhov chaw ntsiag to nyob ib leeg thov Vajtswv nrog leej txiv saum ntuj ua ke.

“Tom qab ntawd, muaj ib hnub Yexus mus thov Vajtswv pem roob, thiab nws nyob pem thov Vajtswv ib hmos” (Lukas 6:12).

Nrog tib tug ntsujplig tau muab pub rau Tswv Yexus nyob saum lub roob ntawd kuj yog tseg yuav pub rau peb txhua tus!

Nyob rau lub sijhawm muaj kev sim siab thiab txomnyem tshaj plaws hauv lub vaj Khexemanes, Tswv Yexus muab cov lus thov ntawd fij rau Vajtswv (Malakaus 14:32-39), (Mathais 26:36-44); thiab thaum uas raug muab dai rau saum Ntoo Khaub Lig los Tswv Yexus yeej tseem thov Vajtswv tsis tseg (Lukas 23:34-36).

Peb muaj cuab kav thov Vajtswv qhov txhua chaw, thaum zoo siab lossis thaum nyuaj siab. Vajtswv tos ntsoov yuav mloog peb tej lus thov, txawm yog peb yuav thov raws li txoj kev twg. Cov thawj coj nto npe nyob hauv Vajluskub – Mauxes, Yausuas, Vajntxwv Daviv, Denpaulas, thiab cov cev Vajtswv lus- tau tseg tus qauv zoo rau peb txog txoj kev thov Vajtswv. Thaum no, peb tau caw los ua raws li lawv tus qauv.
Cia txoj kev thov Vajtswv dhau los ua ib txoj kev sib cog lus nyob rau hauv peb lub neej, tseg sijhawm los nyob twj ywm ua ke nrog Vajtswv. Tseg tej txoj kev uas koj pom tias muaj nqis los ntuas koj tus kheej, thiab coj raws li yus txoj kev thov Vajtswv. Thiab ntseeg tias Vajtswv yuav tos mloog peb tej lus thov.

Thov caw nrog kuv peb thov Vajtswv ua ke:
Ua Vajtswv tsaug koj zoo siab hlo mloog peb txhua lo lus taij thov. Hnub no kuv pom tias koj yeej tsis tas yuav kom peb siv tej lus zoo nrog rau tej kab lig kevcai los thov; koj tsuas cheem tsum kom peb muab peb lub siab thiab peb txoj kev ntseeg ruaj khov rau koj xwb. Peb los cuag koj los ntawm lub siab ncaj ncees, nco koj tshav ntuj thiab cog lus yuav thov Vajtswv koj tsis tseg. Kuv thov hauv Tswv Yexus Khetos lub npe. Amees.

Cov kwv tij, txhua lo lus thov Vajtswv tsis tas yuav yog tej lo lus ntev raws li kab lig kevcai, tiamsis yog cov lus hauv peb lub siab muab fij rau Vajtswv. Txawm yog nyob hauv txoj kev zoo siab lossis nyuaj siab, txawm yog tej lus yooj yim xwb los nws yog tej lus hauv peb lub siab, Vajtswv yuav mloog. Nco qab ntsoov tias, txawm yog koj yog leej twg los, tsuas yog koj qhib siab thiab thov Vajtswv xwb ces, Vajtswv yeej yuav nyob ntawd, tos mloog koj. Txij hnub no mus, koj puas kom cog lus yuav tseg sijhawm los thov Vajtswv thiab nrog Vajtswv.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.