Thaum uas pheej muaj kev sim siab tshwmsim tuaj nyob rau hauv lub neej, puas tau muaj zaum twg koj hnov cuag li Vajtswv hnov qab yus? Koj cim civ nrhiav kev daws tej teeb meem ntawd los ntawm koj lub zog, txog rau thaum uas txhua yam ntxhov nyho tsis muaj kev tawm, koj thiaj mus nrhiav Vajtswv. Tseeb tiag, Vajtswv tsis muaj hnub hnov qab koj, Vajtswv niaj hnub nyob ntawm koj ib sab thiab rub koj tes txhua lub sijhawm. Koj tsuas yog ntseeg thiab cia Vajtswv ua haujlwm nyob rau hauv yus lub neej xwb.
Hnub no, yog hnub 25/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Schultz dhau ntawm Zaj kawm VAJTSWV NROG NRAIM KOJ.
“Kuv tsa qhov muag ntsia rau saum tej roob saib kev cawmdim yuav tuaj qhov twg tuaj? Kev pab kuv yog tuaj ntawm tus Tswv tuaj, nws yog tus tsim lub ntuj thiab lub ntiajteb. (Ntawv Nkauj 121:1-2)
Muaj tej lub sijhawm kuv hnov cuag li Vajtswv tso kuv tseg lawm. Nyob rau lub sijhawm txomnyem, tsis muaj chaw vam khom, puv npo txoj kev tub qaug, kuv xav tias kuv yuav tsis muaj hnub tiv dhau tej kev sim siab hauv lub neej. Kuv tsis paub txoj kev uas txhua yam ua haujlwm, kuj chwv tsis txog Vajtswv lub tebchaws. Lub neej no muaj ntau yam heev thiab kuv tsis paub Vajtswv puas tuaj kuv tog. Tiamsis txawm yog tag kev cia siab, tsis muaj zog, los kuv yeej txaus siab rau kuv lub koob npe zoo, tsawg kawg yog kuv yeej tseem ntseeg li ntawd.
Nyob hauv zaj xwm txheej hais txog Nanpaus ntawm 1 Vajntxwv 21, peb paub yawg yog ib tug tswv ntawm ib lub vaj txiv hmab. Tiamsis, Vajntxwv Ahaj xav muab yawg lub vaj txeeb los ua vajntxwv tug (nqe 1-3). Lub vaj txiv hmab no yog Nanpaus poj koob yawm txwv khaws cia yog li yawg thiaj tsis xav muab muag, txawm yog vajntxwv tawm tswv yim muab pauv ib qhov uas muaj nqis dua (nqe 4). Peb nyias yeej muaj nyias ib yam uas muaj nqis heev nyob hauv lub neej. Nyob ntawm Nanpaus, ntawd yog nws poj koob yawm txwv lub vaj txiv hmab. Nyob ntawm kuv, yog tus kheej lub koob npe.
Kuv lub koob npe yog ib qhov khoom plig uas tsis muaj ib yam dabtsi piv tau. Nyob hauv lub ntiajteb puv npo kev ntxeev ntxias zoo li no, qhov uas tswj kom tau lub koob npe zoo yog ib yam uas tsis yooj yim. Dhau los ntawm tej kev sim siab uas kuv ntsib dhau, coob tug yuav xav tias ntshai kuv yuav yooj yim muab kuv txoj kev xav muag rau tus uas them nqi siab. Tiamsis kuv txiav txim tsis muab kuv lub koob npe cob rau tej hwjchim tsaus ntuj thiab nws tej kev dag ntxias.
Muaj neeg tau iab liam kuv thiab ua cuam tshuam phem rau kuv lub koob npe. Kuv tawm tsam tsis tseg tiv thaiv qhov tseeb thiab ib qhov zoo, kuv yeej tsis nyob ib leeg- Vajtswv nrog nraim kuv. Tsis muaj Vajtswv, ntshe kuv yuav tsis muaj hnub muaj yeej. Tiamsis, thaum ntsib kiag tej cua daj cua dub ntawd, tsis yog tias thaum twg kuv twb yuav txais tau Vajtswv txoj kev pab, vim kuv pheej cim civ cawm kuv tus kheej thiab nrhiav kev pab ntawm tib neeg.
Nanpaus muaj cuab kav txais ib yam uas muaj nqis dua li tej uas nws tab tom muaj, tiamsis yawg tsis xaiv ua li ntawd, yawg yeej tsis tso yawg tej qub txeeg qub teg ntawd tseg. Ntseeg tias Nanpaus nkag siab zoo yam muaj nqis uas yawg tab tom muaj. Ahaj thiab Yexenpees xav tias nkawd muaj peev xwm txeeb tau yawg lub vaj los tiamsis thaum kawg Vajtswv yog tus yuav txiav txim ncaj ncees.
Vajtswv tuaj peb tog! Ntau zaug yeebncuab yuav nrhiav tswv yim tawm tsam peb, siv zog txeeb kom tau tej uas yog peb tug rov. Tiamsis Vajtswv tsis muaj hnub hnov qab peb. Ib qhov haujlwm uas muaj zog tshaj plaws uas ib tug ntseeg Vajtswv muaj cuab kav ua yog cia Vajtswv ua Vajtswv qhov haujlwm. Cia Vajtswv sawv los tawm tsam nyob hauv peb ntsus kev tsov rog, thiab ua siab ntev tos Vajtswv lo lus teb. Vajtswv yeej nyob ntawd, tuaj peb tog ntawm tej teeb meem. Vajtswv yeej tseem ua haujlwm, txawm yog thaum txhua ntsus kev tsov rog cuag li twb paub tias tog twg yeej swb lawm. Peb yuav tau nco qab ntsoov tias lub neej no tsis yog peb tus kheej li tug. Vajtswv thiaj yog tus txiav txim thaum kawg.
Thaum koj ntsib kev sim siab, nco ntsoov tig koj lub hlwb rau ntawm Cawm Seej Tswv Yexus. Nws thiaj yog koj tus phooj ywg nrog nraim koj; koj yuav tsis nyob ib leeg.
“Kuv tsa qhov muag ntsia rau saum tej roob saib kev cawmdim yuav tuaj qhov twg tuaj? Kev pab kuv yog tuaj ntawm tus Tswv tuaj, nws yog tus tsim lub ntuj thiab lub ntiajteb. (Ntawv Nkauj 121:1-2)
Txawm yog yuav zoo li cas los, ntseeg tias Vajtswv yuav tawm tsam rau koj.
Thov caw nrog kuv peb thov Vajtswv ua ke:
Qhuas Vajtswv yog tus uas niaj hnub tawm tsam rau peb! ua Vajtswv tsaug vim Vajtswv mus ua kuv ntej thiab tiv thaiv kuv dim ntawm tej kev phem. Thov Vajtswv pab kom kuv tsis vam khom kuv lub zog, tiamsis tag siab nrhiav Vajtswv, mloog Vajtswv lus thiab ntseeg Vajtswv, kom thiaj yuav txais tau txoj kev muaj yeej nyob rau hauv ntsus kev tsov rog thaum kawg. Kuv thov hauv Tswv Yexus Khetos lub npe. Amees.
Cov kwv tij, muaj pes tsawg zaus koj ib leeg cim civ tawm tsam ua rau koj hnov qab tias Vajtswv npaj txhij yuav tiv thaiv thiab ua rog hloov koj chaw? Nco qab ntsoov tias, thaum koj thov kom Vajtswv ua haujlwm, Vajtswv yuav hloov pauv txhua lub sijhawm txomnyem, ua rau koj txoj kev puas tsuaj dhau los ua txoj kev muaj yeej rau cov neeg uas paub mloog Vajtswv lus. Hnub no, koj yuav ua li cas kom koj thiaj yuav kov yeej koj tus kheej tus cwjpwm khav theeb, thiab cia Vajtswv ua haujlwm nyob hauv koj lub neej?
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
CHƯƠNG TRÌNH RADIO
- Tĩnh Nguyện Hằng Ngày
- Đọc sách cùng bạn
- Chỉ bởi đức tin
- Lời sống hằng ngày
- Chúc bé ngủ ngon
- Truyện kể cuối tuần
- Cảm nhận âm nhạc
- Sắc màu thánh nhạc
- Sống khỏe mỗi ngày
- Niềm Tin Và Cuộc Sống
- Bài Hát Yêu Thích
- Bài Hát Theo Yêu Cầu
- Tư Vấn 247
- Câu Chuyện Phúc Âm
- Giới Thiệu Album
- Top Christian Songs
- Sau Giờ Làm
- Cuộc sống Mến Yêu
- Lời yêu thương
- Tĩnh Nguyện Mùa Thi
- Sống Theo Đúng Mục Đích
- Tĩnh Nguyện Hằng Ngày (Tiếng Hoa)
- Tĩnh Nguyện Hằng Ngày (Tiếng H’Mông)
- Tĩnh Nguyện Hằng Ngày (Tiếng K'Ho)
- Tĩnh Nguyện Hằng Ngày (Tiếng Jarai)
RADIO MỚI NHẤT
Tĩnh Nguyện Hằng Ngày
Tĩnh Nguyện Hằng Ngày
Tĩnh Nguyện Hằng Ngày
Tĩnh Nguyện Hằng Ngày
bình luận