Muaj tej kev txiav txim siab yuam kev nyob hauv lub neej ua rau peb yuav tau ris ntau lub nra nyhav. Peb yooj yim poob mus rau hauv txoj kev nyob ib leeg, tag kev cia siab rau tus kheej. Tiamsis peb txhob hnov qab tias Vajtswv cog lus yuav tsis tso Vajtswv tej menyuam tseg, txawm yog peb qhov teeb meem ntawd yuav ua rau peb tag kev cia siab mus txog qib twg. Vajtswv muaj txoj hau kev yuav cawm peb, tsuas yog peb ntseeg thiab mloog Vajtswv lus xwb.
Hnub no, yog hnub 27/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Aaron Little dhau ntawm Zaj kawm VAJTSWV UA RAWS LI NWS TEJ LUS COG TSEG.
“kuv yuav nrog nraim nej mus txog hnub uas lub ntiajteb no kawg” (Mathais 28:20).
Koj puas tau txiav txim siab yuam kev loj ib zaug twg lawm tau, thiab yam dabtsi ua rau koj tsis kam mloog lus? Muaj ib lo lus meej los teb txog qhov no yog lo lus “tawm tsam”. Lub neej muab peb tso rau tej yam nyuaj, ua rau txhua yam dhau los phem heev. Tej kev tu siab muaj cuab kav ua rau peb tsis paub kev mus. Tiamsis muaj tej lub sijhawm, peb tus kheej kuj cim civ txiav txim siab tawm tsam, tsis xav coj raws li txoj kev zoo uas Vajtswv coj peb.
Tag nrho peb txhua tus puav leej yuam kev nyob rau hauv lub neej. Thaum tej no tshwmsim tuaj, peb cim civ cem peb tus kheej. Thaum uas peb pom tej kev txomnyem tshwmsim tuaj los ntawm peb kev txiav txim siab, peb pib hnov tub qaug rau tus kheej thiab tsa tes swb txoj kev puas tsuaj. Tiamsis ntawm no tsis yog yam zoo tshaj plaws uas Vajtswv xav ua rau peb.
Thaum tseem nyuam qhuav pib tiav hluas xwb, kuv tus pojniam ib txwm tiv tus mob noj tsis haum zaub mov. Thaum tiav hluas, nws txav chaw mus nyob ib leeg rau ntawm Tulsa, Oklahoma. Lub sijhawm ntawd, nws tus mob nyhav dhau ua rau nws pw tau ob hlis hauv tsev kho mob.
Txawm yog twb kho tau zoo zog lawm los, raug tus nqi ntau heev ua rau kuv pojniam tshuav ib tug nqi ntau heev mus txog rau 70 txhiab nyiaj dolas. Thaum ntawd nws tseem yog ib tug tub kawm ntawv xwb, nyob ib leeg, nws siv zog nrhiav txhua txoj hau kev los them tej nuj nqi ntawd. Nws hnov ntshai thiab cim civ ntuas tus kheej rau txoj kev txiav txim siab yuam kev rau tej teeb meem tamsim.
Tom qab dhau lub sijhawm kho mob lawm, kuv poj niam thiaj mus ntsib thiab nrog tus tuav nyiaj hauv tsev kho mob sib tham tau ntau hli. Muaj tej lub sijhawm nws tsuas maj mam them tau 20 dolas xwb, ntau zaug tsis muaj ib txhiab qhov twg los them. Txawm yog yuav hliv nyiaj ntau npaum cas los, qhov nuj nqi 70.000 dolas no cuag li yeej tsis tsawg ib nyuag mentsis. Kuv pojniam hnov cuag li ntog rau qhov nuj nqi ntawd, thiab txhawj txog nws tej nyiaj txiag. Tiamsis qhov zoo kawg nkaus tau tshwmsim tuaj. Ob peb hlis xwb, tus nqi 70.000 dhau los tshuav 50.000 tas txog 25.000 dolas thiab thaum kawg, 6 hli xwb, nws qhov nuj nqi tsis tshuav lawm.
Kuv pojniam tsis muaj ib hnub paub tias vim li cas lossis los ntawm txoj kev twg nws qhov nuj nqi ho cia li raug them tas lawm, tiamsis nws paub tias nws yog Vajtswv tus menyuam, thiab Vajtswv yog tus tau pab nws. Txawm yog kuv pojniam hnov tub qaug vim nws txoj kev txiav txim yuam kev ntawd thiaj thawb nws mus rau txoj kev tag kev cia siab no los, Vajtswv yeej ua raws li Vajtswv tej lus cog tseg thiab tsis tso kuv pojniam tseg. No yog ib lo lus cog tseg ciaj sia, tseg rau peb txhua tus uas yog Vajtswv menyuam – thiab peb tus Vajtswv yog tus ua raws li Nws txhua lo lus tau cog tseg.
Zaj xwm txheej no ua rau kuv nco txog Vajtswv tej lus tau cog tseg ua ke nrog Daviv tau sau nyob hauv 2 Vajntxwv 8:19. Nyob ntawm tshooj no, Daviv cajces uas yog Yauthas thaum nyuam qhuav sawv los ua cov Yudais tus Vajntxwv xwb. Vajluskub sau tseg tias vajntxwv Yauthas ua nruj ua tsiv ntawm Vajtswv xub ntiag. Nyob hauv Vajluskub Qub, Vajtswv muaj hwjchim pheej tsis ua siab ntev ntau rau txoj kev tawm tsam, tiamsis nqe 19 peb paub tias:
“tiamsis tus Tswv tsis xav rhuav kom cov Yudas puastsuaj, rau qhov tus Tswv tau coglus rau nws tus tubtxib Daviv lawm hais tias, Daviv cov xeebntxwv yuav tau ua vajntxwv mus ibtxhis li (2 Vajntxwv 8:19).
Daviv caj ces muaj ntau tus ua phem ntawm Vajtswv xub ntiag, pib los ntawm qhov uas lawv pe mlom, muab tej mlom los ua Vajtswv! Tiamsis Vajtswv yeej tsis rau txim rau lawv raws li qhov uas lawv tsimnyog raug. Pauv rau qhov ntawd, Vajtswv yeej ua raws li Vajtswv tej lus cog tseg pub lawv ua vajntxwv. Vajtswv ua raws li Nws tej lus cog tseg. Txawm yog nws tej menyuam yuav xaiv yuam kev lossis tsis mloog Vajtswv lus.
Vajtswv tuav Vajtswv tej lus cog tseg ntau txhiab xyoo thaum ub los thiab Vajtswv tseem ua li ntawd rau hnub no, tagkis thiab mus ib txhis. Vajtswv cog lus yuav tsis tso peb tseg, thiab nyob hauv Txojmoo Zoo Mathais, Tswv Yexus hais meej meej tias Vajtswv yuav nrog nraim peb nyob:
“kuv yuav nrog nraim nej mus txog hnub uas lub ntiajteb no kawg (Mathais 28:20).
Cia li nyeem Vajluskub thiab rov qab tshuaj tej lus cog tseg uas Vajtswv tseg rau koj, kom tej lus cog tseg ntawd txhawb koj zog hnub no. Xav ntsoov tej ntawd tsis tseg thiab cia tej lus cog tseg ntawd dhau los ua tus cag ruaj khov rau koj txoj kev ntseeg. Tuav txhua lo lus cog tseg ntawd hauv siab, kom thaum uas kev sim siab los txog, koj yuav sawv taus khov kho hauv Vajtswv tej lus cog tseg muaj hwjchim, thiab yeej tsis muaj ib yam dabtsi yuav ua kom tau kom hloov pauv li.
Thov caw nrog kuv peb thov Vajtswv ua ke:
Tus Tswv uas muaj kev hlub, kuv ua Koj tsaug txawm yog kuv tsis tsimnyog muaj ntau txoj kev txiav txim siab yuam kev los, koj yeej ua siab ntev coj kuv kev thiab taw kev rau kuv. Thov pab kom kuv nco ntsoov koj tes lus cog tseg, sawv khov kho rau ntawm koj txoj kev ncaj ncees! Kuv thov hauv Tswv Yexus Khetos lub npe. Amees.
Cov kwv tij txhua tus, Vajtswv yog tus ua raws li Nws tej lus cog tseg, txawm yog peb tib neeg tsis ua li tej uas peb tau cog tseg. Hnub no, cia li mus cuag Vajtswv thiab tso peb tej kev txhaum tseg, thov Vajtswv zam txim. Thov Vajtswv thiab hais tawm Vajtswv tej lus cog tseg nyob hauv Vajluskub. Cia tej lus cog tseg muaj nqis ntawd txhawb kom koj ua lub neej muaj yeej thiab tawg paj txi txiv rau Vajtswv.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
CHƯƠNG TRÌNH RADIO
- Tĩnh Nguyện Hằng Ngày
- Đọc sách cùng bạn
- Chỉ bởi đức tin
- Lời sống hằng ngày
- Chúc bé ngủ ngon
- Truyện kể cuối tuần
- Cảm nhận âm nhạc
- Sắc màu thánh nhạc
- Sống khỏe mỗi ngày
- Niềm Tin Và Cuộc Sống
- Bài Hát Yêu Thích
- Bài Hát Theo Yêu Cầu
- Tư Vấn 247
- Câu Chuyện Phúc Âm
- Giới Thiệu Album
- Top Christian Songs
- Sau Giờ Làm
- Cuộc sống Mến Yêu
- Lời yêu thương
- Tĩnh Nguyện Mùa Thi
- Sống Theo Đúng Mục Đích
- Tĩnh Nguyện Hằng Ngày (Tiếng Hoa)
- Tĩnh Nguyện Hằng Ngày (Tiếng H’Mông)
- Tĩnh Nguyện Hằng Ngày (Tiếng K'Ho)
- Tĩnh Nguyện Hằng Ngày (Tiếng Jarai)
RADIO MỚI NHẤT
Tĩnh Nguyện Hằng Ngày
Tĩnh Nguyện Hằng Ngày
Tĩnh Nguyện Hằng Ngày
Tĩnh Nguyện Hằng Ngày
bình luận