Tus ntseeg lub neej yuav tsis muaj sia thiab tsis muaj zog yog tias tsis muaj kev sib txuas ua ke nrog Vaj Ntsujplig – tus pub hwjchim thiab tshoov peb kom ua tiav Tswv Yexus tes haujlwm rau lub ntiajteb. Kom lub neej tawg paj txi txiv rau Vajtswv, tus ntseeg Vajtswv tsis yog tsuas vam khom rau tus kheej lub zog xwb, tiamsis yuav tau cia siab thiab thov lub zog tshiab uas tsis ploj ntawm Vajtswv.

Hnub no, yog hnub 09/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Vernell Windsor dhau ntawm Zaj kawm CIA LI HNAV VAJTSWV LUB HWJCHIM.

“Rau qhov Vajtswv lub tebchaws tsis yog neeg lub ncauj hais xwb, tiamsis yog tes haujlwm uas lawv ua.” (I Kauleethaus 4:20)

Zaum kawg uas koj ntsia pom sob laim saum nruab ntug yog thaum twg? Nws puas ua rau koj ke ntshai tiamsis kuj nyiam thiab? Lub suab ntawd puas ua rau koj nco txog tej foob pob luag tua ua si rau tej hnub uas ua koob tsheej loj?

Feem ntau peb puav leej nyiam tej neeg muaj hwjchim ua tib neeg sau tseg ua tej zaj dabneeg. Thaum yau, kuv nyiam hnav ris tsho thiab tuav ib rab ntaj zoo li tej neeg muaj hwjchim hauv tej zaj movie. Sijhawm no rov xav txog, kuv kuj hnov zoo luag, tiamsis kuj pom tias thaud yus kuj paub ntshaw tej yam zoo.

Vajluskub kuj sau txog cov neeg uas ua tau tej haujlwm loj thaum tuav Tswv Yexus lub npe. Peb nco txog Xaxoos nyob hauv Cov Thawj Tswj tshooj 14-16, lossis Vajntxwv Daviv thiab yawg cov tub rog (1 Xwm Txheej Vajntxwv 11). Thiab peb qhov piv txwv uas zoo tshaj plaws yog Tswv Yexus. Tus uas ua txujci, Nws yog Vaj Ntsujplig.

I Kauleethaus 4 faib cais ob hom neeg muaj ob yam sib txawv: siv lus hais lossis siv hwjchim. Paulus sau: “Nej cov muaj qee leej khavtheeb, rau qhov nej xav hais tias kuv yuav tsis tuaj xyuas nej lawm. Yog tus Tswv porn zoo tsis ntev no kuv yuav tuaj xyuas nej . Kuv xav tuaj xyuas nej saib cov neeg uas khav khav ntawd lawv ho ua tau lawv tej haujlwm zoo npaum li cas diam. Rau qhov Vajtswv lub tebchaws tsis yog neeg lub ncauj hais xwb, tiamsis yog tes haujlwm uas lawv ua. Nej nyiam li cas? Cia kuv nqa nplawm tuaj lossis cia kuv tuaj hlub thiab ua tib zoo qhia nej? (I Kauleethaus 4:18-21)

Thaum tseem me peb pheej hu txoj paj lug no: “Pas thiab pob zeb ua rau kuv pob txha lov, tiamsis tej lus nyuaj ua rau kuv muaj kev tu siab”. Ntawm no yog tej lus dag uas muaj coob tug tau ntseeg! Tseeb tiag lus nws muaj lub zog cuam tshuam rau peb ntau tshaj qhov no. Paulus tau tso cai rau cov neeg Kauleethaus lawv xaiv saib yuav coj cai nruj los tswj lawv lossis maj mam. Nyob ntawm kuv tus kheej, kuv yuav tsis ua xyem xyav thiab xaiv “ua siab mos siab muag”.

Paulus tau siv lub hwjchim hauv Vajtswv txojlus los qhia thiab tu cov ntseeg nyob hauv Kauleethaus kom muaj kev ntseeg. Yawg sau, “Txawm yog nej yuav muaj kaum txhiab leej qhia Yexus Khetos zaj rau nej los nej tsuas muaj tib leeg txiv xwb. Kuv yog nej txiv, rau qhov kuv coj txojmoo zoo tuaj qhia rau nej thiab coj nej los ntseeg Yexus Khetos. Yog li ntawd, kuv thov nej ua nej lub neej raws li kuv tus yam ntxwv (I Kauleethaus 4:15-16).

Ntu Vajluskub no zoo li “tej nthwv xob laim” chwv txog kuv lub siab rau qhov tej lus txawj ntse nyob hauv. Peb nthuav tawm peb txoj kev ntseeg tsis yog tsuas yog los ntawm lo lus hais xwb tiamsis tseem yog dhau ntawm lub hwjchim thiab. Lub hwjchim ntawm Txojmoo Zoo yog lub ntsiab lus txog txoj sia ntev dhawv mus ib txhis tau muab pub dhau ntawm Cawm Seej Tswv Yexus. Lub hwjchim ntawd tau hloov pauv ntau tus lub neej dhau ntawm ntau tiam. Yog Yexus Khetos ib tug thwjtim, peb yuav qhia qhov tseeb no rau coob tug. Thaum muaj ib tug twg los ntseeg Yexus Khetos, Vajtswv lub hwjchim yuav nthuav tawm thiab pab lawv los rau Vajtswv lub tebchaws. Qhov txujci ntawm no yog Vajtswv tej lus ua haujlwm hauv lawv lub siab. Vajtswv lub hwjchim tau nthuav tawm thaum peb lees peb txoj kev ntseeg ntawm Nws. peb txoj kev sib raug zoo ua ke nrog Vajtswv yuav pab peb txuas tau nrog Vaj Ntsujplig lub hwjchim. Thaum peb tau kawm paub txog kev txawj ntse thiab Vaj Ntsujplig ywg roj, peb yuav hnav Vajtswv lub hwjchim qhia Txojmoo Zoo, tsa tes thov Vajtswv rau tus muaj mob thiab coj qhov kaj ntawd mus qhia rau cov neeg uas tab tom nyob rau hauv qhov tsaus ntuj.

Thov caw nrog kuv peb thov Vajtswv ua ke:
Vaj Ntsujplig, thov txojsia los ntawm Koj los kom kuv muaj txojsia tshiab thiab muaj kev mloog lus, pab kom kuv saj tau lub zog tshiab los saum ntuj los, kom kuv npaj txhij los nthuav tawm txoj kev ntseeg thiab teb lub suab hu ciaj sia ua qauv nyob rau hauv lub ntiajteb puas tshuaj no. Kuv thov hauv Tswv Yexus Khetos lub npe. Amees.

Cov kwv tij txhua tus, Vaj Ntsujplig tab tom ua haujlwm thiab tsis muaj zog nyob rau hauv lub neej tsev neeg, koj Pawg Ntseeg? Cia li thov Vajtswv hloov pauv koj kom tshiab thiab nyob hauv txoj kev sib raug zoo ua ke nrog Vaj Ntsujplig txhua hnub, kom hnav lub hwjchim thiab ua ib tug tim khawv rau Vajtswv muaj hwjchim.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.