Puas muaj zaum twg koj khuab xeeb tias tsis paub Vajtswv txhua lo lus nyob hauv Vajluskub puas tseg rau yus? Puas muaj zaum twg koj xav tias Vajtswv tsuas ua haujlwm rau cov neeg muaj koob nto npe li Yauxej, Mauxes, Daviv xwb, tshuav yus ces txawv. Vajtswv puas hloov pauv? Vajtswv tej cwjpwm puas hloov pauv? Vajtswv txoj kev thiab Vajtswv lub siab nyiam ho zoo li cas?

Hnub no, yog hnub 10/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Linda Vulcano dhau ntawm Zaj kawm VAJTSWV IB TXWM NYOB LI QUB.

“Tej txujci tseemceeb uas tus Tswv ua loj kawg li! Txhua tus uas txaus siab rau tej txujci ntawd, mas lawy xay paub tej txujci ntawd kawg li.”
(Ntawv Nkauj 111:2)

Ntawv Nkauj 111:2 sau: “Tej txujci tseemceeb uas tus Tswv ua loj kawg li! Txhua tus uas txaus siab rau tej txujci ntawd, mas lawy xay paub tej txujci ntawd kawg li”

Cov tub txawg hais tias yam uas yuav paub txog tej uas yuav ua rau tom ntej yog tej uas twb ua yav dhau los. Qhov ntawd txhais tau tias peb tus Vajtswv, yog tus uas tsis hloov pauv, nthuav tawm ntau yam uas peb tos ntawm Nws nyob rau lub neej tom ntej dhau ntawm tej uas peb nyeem nyob hauv Nws tej lus.

Vajtswv yog tus pub

Vajtswv pub Manas ua zaub mov rau Vajtswv haiv neeg noj tom moj sab qhua; Vajtswv tiv thaiv lawv tej ris tsho thiab lawv tej khau tsis ntuag li. (Khiavdim 16:4; 2 Kevcai 29:5).

Vajtswv txib ib tug cev lus mus cuag tus pojntsuam pluag thiab Vajtswv pub mov rau lawv noj tsis tu (I Vajntxwv 17:7-16).

Vajtswv pub mov rau 5.000 leej neeg noj los ntawm ob lub ncuav thiab tsib tug ntses. (Lukas 9:12-17).

Vajtswv txib quab lag nqa mov rau tus cev lus Eliyas noj (I Vajntxwv 17:6) thiab pub ib qhov chaw rau tus cev lus Yaunas nkaum (Yaunas 4:6)

Vajtswv yog tus pab thiab tus tiv thaiv

Xa-ules niaj hnub caum Daviv, tus neeg uas yuav sawv los ua vajntxwv hloov yawg lub chaw . Vajntxwv Xa-ules xav muab Daviv tua tiamsis Vajtswv xav tiv thaiv yawg thiab muab Xa-ules cob rau Daviv txhais tes (1 Xamuyees 24:1-4).

Thaum cov neeg Iziv caum cov Yixalayees, Vajtswv qhib kev rau lawv hla hiav txwv liab thiab cia dej los kuav lawv tej yeebncuab (Khiavdim 14:27-29).

Vajtswv yog tus kho zoo

Ib tug pojniam tau kho zoo los ntawm qhov uas nws chwv Tswv Yexus lub tw tsho (Malakaus 5:28-29).

Tswv Yexus tsa Laxalaus sawv los thiab kho ib tug neeg dig muag rov pom kev (Yauhas 11:38-44; Yauhas 9:1-7).

Tswv Yexus hais ib los xwb kho zoo tus thawj tub rog tus tub qhe (Mathais 8:5-13).

Tus neeg mob ruas yeej tsis nyuaj rau Tswv Yexus kho (Mathais 8:3).

Thiab nyob hauv Vajluskub Qub, Vajtswv tau kho zoo rau vajntxwv Hexekhiyas thiab pub yawg nyob 15 xyoos ntxiv raws li tej lus uas yawg thov (II Vajntxwv 20:5-6).

Vajtswv yog kev hlub

Yauhas 15:13 sau: “Tus uas muaj kev hlub loj tshaj plaws yog tus uas zoo siab tuag theej nws cov phoojywg.”

Tswv Yexus ua tej no thiab ntau tshaj ntxiv. Qhov ntawd pib los ntawm txoj kev txiav txim siab tso ntuj ceebtsheej los rau hauv ntiajteb. Thiab Vajtswv twb los zoo li ib tug menyuam mos. Tus muaj hwjchim xaiv tso ntuj ceebtsheej los ua ib tug menyuam. Nws raug ntaus thiab raug thuam, nws ris peb txhua tus tej kev txhaum. Vajluskub sau tseg tias Tswv Yexus dhau los ua neeg txhaum vim koj thiab kuv (II Kauleethaus 5:21).

Loos 8:32 sau: “Vajtswv tsis khuvxim nws tus Tub, tiamsis nws muab nws tus Tub los theej peb sawvdaws lub txhoj , tsis yog nws muab nws tus Tub xwb, tiamsis nws tseem muab txhua yam pub dawb rau peb thiab?”

Thiab niaj hnub nim no koj cheem tsum yam dabtsi? Kev kho zoo? Kev pab, kev txawj ntse, kev tiv thaiv lossis kev kaj siab? Cia li tseg ib pliag sijhawm lub sijhawm no los thov Vajtswv pub yam uas koj cheem tsum rau koj los ntawm qhov uas ntseeg tias Vajtswv yog tus tsis hloov pauv, Vajtswv yuav mloog koj thiab pab koj tej kev cheem tsum raws li Vajtswv lub siab nyiam.

Thov caw nrog kuv peb thov Vajtswv ua ke:
Tus Tswv, kuv ua koj tsaug vim koj yog tus uas tsis hloov pauv. Vajtswv txhua lo lus cog tseg thiab txhua yam twb nthuav qhia tias Vajtswv koj tseem nyob li qub. Thov Vajtswv zam txim rau kuv txoj kev qaug zog thiab tsis ntseeg. Kuv thov koj los thiab pab tav lub caijnyoog tamsim. Thov Vajtswv qhib kev thiab coj kuv txhua lub sijhawm. Koj yog lub hauv paus ntawm txhua yam uas kuv cheem tsum nyob rau hauv lub neej no. thov Vajtswv hliv kom puv nkaus koj txojsia thiab pub kom kuv muaj lub zog mus ntxiv nrog txoj kev ntseeg thiab mloog lus. Thov qhib kuv lub qhov muag ntsia pom koj txoj kev zoo thiab pab kom kuv tsom ntsoov rau ntawm Koj. Kuv thov hauv Tswv Yexus Khetos lub npe. Amees.

Cov kwv tij txhua tus. Cia siab tias Vajtswv txojlus hnub no yuav ntxiv kev ntseeg kom peb ruajkhov nyob hauv Nws. ntawm no yog lub sijhawm zoo rau koj tseg sijhawm los nrog Leej txiv sib tham. Fij txhua txoj kev cheem tsum txog, sab nqaij tawv, dag zog, nyiaj txiag lossis koj tsev neeg rau Vajtswv. Muab koj tej kev txhawj xeeb, hais qhia rau Vajtswv paub txog koj tej kev xav tom ntej, thiab thov Vajtswv pub kev txawj ntse thiab coj koj. Txuas ua ke nrog leej txiv saum ntuj ceebtsheej thiab koj yuav pom koj tej lus thov tau Vajtswv hnov thiab Vajtswv txais yuav.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected]. Tswv Yexus hlub koj. Thiab peb xav kom txuas tau nrog koj.