Lub neej no ntau zaug ua rau peb ntsib qee qhov teeb meem cuag li tsis muaj kev tawm, zoo li dej hiav txwv tob ntawm xub ntiag thiab yeebncuab caum tom qab. Tiamsis txawm yog tej lub sijhawm ntawd txomnyem tshaj plaws los, peb nrhiav pom txoj kev cia siab thaum nco tias: Tus uas tswj ib puas tsav yam uas Nws tsim los yeej nrog nraim peb thiab coj peb kev kom tiv dhau tej kev sim siab hauv lub neej.

Hnub no, yog hnub 11/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Matthew Loomis dhau ntawm Zaj kawm CUA THIAB HIAV TXWV PUAV LEEJ MLOOG NWS LUS.

“Tus no yog leejtwg, ua li cas cua thiab dej ho mloog nws lus! ” (Mathais 8:27)

Tagkis no kuv ua tib zoo saib cua ntsawj dhau ntawm kuv qab tsev. Qhov txhua chaw ntxhov nyho, thaum tej nplooj ntoo ntsuab xiab ntawm ntus teb cia li qaug rau txhua qhov, qaug mus qaug los rau ub rau no.
Kuv twb loj hlob nrog tej ntoo ntawd. Kuv hnov zoo siab vim tau ntsia pom tej ntoo ntawd loj hlob. Cov ntoo uas siab tshaj plaws yog tsob txiv ncuav pias, tuaj rau ntawm ntus dej me uas ntws ncig lub hav zoov. Ntawm no tsis yog thawj zaug uas lub hav zoov no ntsib nthwv cua. Muaj ntau zaug kuv twb pom tej tsob ntoo ciab thiab lwm tsob ntoo tiv dhau tej nthwv cua. Muaj ib zaug, dej cia li nyab tuaj sai heev, ua rau lub hav zoo no cia li raug dej nyab tas. Ua Vajtswv tsaug, kuv lub tshav puam thaum ntawd yeej tseem tsis ua cas!

Phau Ntawv Nkauj muaj ntau lo lus ntuas kom peb nco ntsoov tias Vajtswv yog tus tswj ib puas tsav yam zoo nkauj hauv lub ntiajteb no.

Tag nrho lub ntiajteb – tsis hais yam me lossis yam loj puav leej yog qhov khoom plig Vajtswv pub, thiab kuv nco txiaj ntsig qhov uas tau ua neej nyob ze ib lub hav zoo uas Vajtswv tau tsim los.

Ntawv Nkauj 115:16 sau: “Lub ntuj yog Vajtswv tib leeg li, tiamsis nws muab lub ntiajteb pub rau neeg nyob.”

Thaum cua tuaj, nws ntsawj tuaj hauv peb lub siab uas tiaj tus ua yoj yeeg, tiamsis ntseeg tias peb tus cag yuav cog kom ruaj rau hauv Vajtswv tej lus.

Yog koj tab tom nyob rau hauv nthwv cua, cia li tuav koj txoj kev ntseeg kom ruaj! Ntawv Nkauj ntuas kom peb nco ntsoov tias Vajtswv tsis yog tsuas tswj ib puas tsav yam xwb tiamsis tseem xav tso kom koj dim tej kev txomnyem thiab kev txhawj ntshai tab tom vij puas ncig koj.

Vajtswv lub hwjchim tswj ib puas tsav yam tau nthuav tawm meej meej thaum coj cov neeg Yudais khiav dim txoj kev ua cev qhev hauv tebchaws Iziv.

Phau Ntawv Nkauj kuj ua pov thawj txog Vajtswv lub hwjchim uas tsis muaj nrim nws ntuas kom peb nco ntsoov txog Vajtswv tej haujlwm thaum uas Vajtswv muab dej hiav txwv cais.

“Thaum cov Yixalayees tawm hauv tebchaws Iziv los thaum uas Yakhauj cov xeebntxwv tawm ntawm lwm haivneeg mus lawm, Cov Yudas tau ua tus Tswv haivneeg uas dawbhuv, thiab cov Yixalayees tau ua Vajtswv tug. Hiavtxwv Liab cia li qhuav thaum pom tus Tswv; tus Dej Yauladees cia li tsis ntws thaum pom tus Tswv Tej hauv roob dhia caws qia li tej laug yaj ; tej pov roob dhia tawg ncig lees li tej menyuam yaj. Hiavtxwv, vim li cas koj thiaj qhuav lawm? Thiab tus dej Yauladees, vim li cas koj thiaj tsis ntws lawm? Tej hauv roob, vim li cas nej thiaj dhia caws qias li tej laug yaj? (Ntawv Nkauj 114:1-8). Peb tus Tswv muaj hwjchim loj tshaj plaws muaj cuab kav coj koj tawm hauv txhua lub caijnyoog txomnyem dhau los ntawm ua rau cua thiab dej yuav tau mloog Vajtswv lus!

Hiav txwv liab tsis yog ib lub pas dej me tiamsis nws loj dav heev txog qhov uas tsis muaj leej twg paub meej tias cov neeg Yixalayees poob sijhawm hov ntev mam hla dhau ntawm ntus dej no mus rau ntus dej tid.

Cia Vajtswv txojlus nyob hauv Mathais 8:23-27 txhawb koj zog hnub no:
“Tom qab ntawd Yexus nee mus rau hauv lub nkoj, thiab nws cov thwjtim nrog nws mus. Tamsim ntawd txawm muaj cua daj cua dub hlob heev ntsawj dej ntas los ntaus lub nkoj ua rau lub nkoj twb yuav tog. Tiamsis thaum ntawd Yexus pw tsaug zog lawm. Cov thwjtim txawm mus tsa Yexus thiab hais tias, “Tus Tswv, thov koj pab peb, peb twb yuav tuag!” Yexus teb hais tias, “Ua li cas nej yuav ntshai ua luaj? Ua li cas nej kev ntseeg yuav tsawg ua luaj?” Yexus txawm sawv tsees los txwv cua thiab dej, cua txawm tu thiab dej tsis ntas lawm. Cov thwjtim xav tsis thoob li, lawv sib tham hais tias, “Tus no yog leejtwg, ua li cas cua thiab dej ho mloog nws lus!”

Yog tias hnub no koj tab tom ntsib kev txomnyem, lossis hnov cuag li tab tom daig rau hauv qhov av, hnov cuag li yus ua tsis tiav yus lub homphiaj lossis khiav tsis dim hauv txoj kev txomnyem tab tom vij puas ncig – cia li tso siab rau qhov Vajtswv, tus tswj ib puas tsav yam uas Vajtswv tsim los kuj yog tus hlub koj thiab xav coj koj mus kom txog rau yus “qhov chaw cog lus tseg”.

Thov caw nrog kuv peb thov Vajtswv ua ke:
Tus Tswv yog tus tswj ib puas tsav yam, kuv ua koj tsaug vim koj txoj kev hlub coj kuv kev hauv lub neej. Thov pab kom kuv nco ntsoov tias koj nrog nraim kuv, npaj txhij qhib kev thiab coj kuv dhau ntawm tej kev sim siab. Kuv yuav ntseeg koj, ntseeg tias koj muaj cuab kav muab lub caijnyoog tsis zoo ntawd pauv los ua lub caijnyoog zoo rau kuv saj tau koj txoj kev zoo thiab koj lub hwjchim ua tus kav. Kuv thov hauv Tswv Yexus Khetos lub npe. Amees.

Cov kwv tij, ntau zaug ntsib teeb meem, nco ntsoov tias Vajtswv tsis muaj ib zaum twg tso peb tseg. Vajtswv yog tus tswj hiav txwv thiab ua rau kom dej tus, yuav pab kom peb tiv dhau tej kev txomnyem thiab coj peb mus txog rau ntawm qhov chaw kaj siab, tau koob hmoov. Ntseeg thiab so hauv Vajtswv sab tis, cia Vajtswv coj koj kev hauv txoj kev cawm dim uas puv npo kev kaj siab thiab cia siab.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.