Rai kis hơs dơ̆ gơ cèng bol he mùt tơm ală bơta gơlik gơs gơlơh be ò gơs gùh dpleh, ndrơm be dàlềng jrô dê đap mat mơ mpôl ling sò tơm ting jat bơh tơnơ̆,. Mơya tŭ jơh ală bơta kalke rlau jơh, bol he sùm rgơi joi ban bơta gơn kơnòm tŭ kah lah Bơtau at-bồ hơđang trồ tiah sùm lơh broă mơ rcăng sir tề lam bol he lot gan ală bơta gơlòng dơng tơ rai kis.

Ngai fo, ngai 11/102024, tơnggu bơta hòi dan kờp ngai dan ja ồng mò oh mi dô nus bal kơlôi sơnờng Jơnau Yàng bal mơ cau cih Matthew Lômis boeh tơnggu CÀL MƠ DÀLỀNG KUNG DÒN BƠR KHAI DÊ.

“Cau do la ñcau gen tàng càl mơ dàlềng kung dòn bơr khai dê taih?” (Mathiơ 8: 27)

Drim do, añ sền lăng càl rbut dơng gơtơn tus blàng ngkơi hiu. Bơta gơlik gơs sơr-lồng sơr-lang gơlik tus, tom tŭ ală ntê chi tơlir ring drik tom kêng đar ù tiah nisơna bơh ring drik gơlik gơ -bồng sơr-kềng, bơt să pran ngan bơh poan đah.

Jat sơnam kơnhai, añ neh dềt-mềr mơ kòñ gơboh chi hơ̆. Ngan la dô bơta nđac tơm tŭ añ geh kis tìng do mơ sền gŏ gơ tih dờng. Chi rih rlau jơh la ală chi ƀal, hòn di gah hiong dềt gơ sơr kềng tus dê gah mơnơm dềt. Do ò di la dơ̆ sơnrơp mơnơm dềt tơm tìp mơ rbùt dờng. Añ neh oă dơ̆ sền gŏ chi ƀăl, chi nhô rề mơ chi sơn lòt găn oă càl rbùt dờng., gơs dơ̆, croh dà gơ guh dơng tòm dô êt, lơh mơnơm in ngơr oă ngăn. Ưn ngai Yàng, blàng jơng hiu añ tŭ hơ̆ găm rìng lơngai!

Sră Đơs Crih cih prap oă jơnau tơngkah lah Yàng Tom Trồ ngăn la Bơtau ăt bồ hơđàng joeh ală bơta hàng niam krơi is dunnia do dê.

Jơh plai ù- bơh di ală ơnih mơnơm neh geh sền gàr dềt rhền rềp đềt mềr tus di ală bơta kỳ quan dờng ơnang- la phan ƀan Yàng ai, mơ añ sùm git bơta nđàc Yàng bơh geh kis di gah dô pơnah ghép thiên nhiên hang mơnĕ mơ Kơnràñ neh crơh gơs.

Đơs crih 115: 16 neh cih: “Ală tap trồ gơrê mơ Yàng Jêhôwa, mơya plai ù gen Kơnràn neh ai kòn sau ai jơi kòn mơnus in.” Să tơm Bơtau crơng gơs neh lơh gơs bota hềr hang mơnĕ chi chê dê kung la Botau at bồ hơ đang jơh ală càl rbùt tom rài kis bol he di.

Tom tŭ rbùt dờng gơtơn tus, lơh rơng gô bơta ring lơngai tơm nus bol he de, nên tĕ lah ryas bol he dê neh gơrò jrồ tơm jơnau Yàng.

Dilah ồng mò oh mi gam ơm digùl rbùt dơng, prap kơ̆ tĕ bơta don! Sră Đơs Crih tơngkah lah Yàng ò di ìng ăt bồ trồ tiah lơm ò mơ Kơnràñ kŭng kơñ hồ toh ồng mo oh mi lik bơh bơta kalke mơ rngòt rngơt ơm gơrwang he.

Gơnoar ăt bồ Kơnràñ dê hơđang trồ tiah geh rang tơlik dô bă loh lang tŭ Kơnràñ tề lam lang bol Ju-da lik klas bơh bơta lơh dĭ tơm Ejiptơ.

Sră Đơs Crih kung neh lơh cơng bơh gơnap gơnoar ò lôi Yàng Tom Trồ dê găn di broă tơngkah bol he bơh broă dơng ơnàng Kơnràñ neh cah Dàlềng Pơrhề.

“Tòm tŭ cau Israel lik bơh lơgăr Ejiptơ, hiu nhă Jakôp săng lòi dô nơm làng bol đơs jơnau krơi. Gen Juda gơlik gơs hiu duh khoai sàng-goh Kơnràñ dê, mơ Israel gơlik gơs lơgăr Kơnràñ ăt-bồ. Dàlềng sền gŏ mơ dô, Hiong Jôdăn ruc wơl. Ală mơnơm lơnggơr be ală belàt dăm sơnđoh, ală mơnơm dềt lơnggơr ò gơkrơi be ală belàt ñchưn. Ơ dàlềng, ñchi bơh tai mê dô taih? Ơ hiòng Jôdăn, ñchi bơh tai mê ruc wơl taih? Ơ ală mơnơm, ñchi bơh tai bol mê sơnđoh be ală belàt dăm taih? Ơ ală mơnơm dềt, ñchi bơh tài bol ñchưn be ală belàt kòn taih? Ơ ală plai ù, rngòt rơm să tĕ di đap Yàng Jehôwa, di đap Yàng Tom Trồ Jakôp dê. La Bơtau lơh pơnai lŭ gơlik gơs dà tơnau, tomgơl lŭ kơldăng gơlik gơs dà cat.” (Đơs Crih 114:1-8) Bơtau tom Ăt-bồ Hơđăng Rlau Jơh bol he dê rgơi tề lam bol he lik klas bơh ală bơta kalke mơ gùng lơh rya-dà mơ càl kung pal dòn bơr Kơnràñ!

Lòi tĕ Jơnau Yàng tom sră Mathiơ 8:24-27 chồl bơtrồt bol he ngai dô:
Dơ̆ Yàng Jesu mùt tom ơhò gen ală cau bơtê jat Kơnràñ. Ne, gơlik rbut dờng tom gùl dàlềng, tian gơs ryà dà gơgòm ơhò, mơya Kơnràñ bic lơhă. Ală cau bơtê tus pơrlai Kơnràñơ hòi lah: “Ơ Yàng, dan dong-klas bol hi. Bol hi mor chơt roh dô!” Kơnràñ đơs lah: “ ơ ală cau gơs dô ềt bơta dòn, ñchi bơh tai bol mê rngòt taih?” Chòp Kơnràñ ntào lah pơhơng càl mơ dàlềng, gen gơs ring-drik ngan. Ală cau hơ̆ ai lơh krơi mơ đơs lah: “ Cau do la ñcau gen tang càl mơ dàlềng kung dòn bơr khai dê taih?”

Dilah ngai dô ồng mò oh mi gam tip măt mơ ală bơta rngòt rngơt, hala hơlơh be gam gơkòl tom bras gơtơp, gơlơh be he ò rgơi tus hơ tơnggu hala ò rgơi lik klas bơh ală bơta kalke gơr-wang he – ơm kơ̆ tĕ bơh să tom Yàng Tom Trồ, Bơtau ăt-bồ hơđang jơh trồ tiah kung la Bơtau kờñ gơboh ồng mo oh mi mơ kơp kờñ tề lam ồng oh mi tus “ Tiah hơ ai” is he dê.

Dan jà bol he dô nùs bal tòm bơta hòi dan:
Khoai Yàng la Bơtau ăt-bồ hơđang jơh ală phan, kòn ưn ngai Kơnràñ bơh bơta kờñ gơboh mơ tề-lam Kơnràñ dê tom rài kis kòn dê. Dan dong kòn kah tĕ lah Kơnràñ sùm ơm băl, rcăng sìr pờ gùng mơ tề-lam kòn lot gan ală bơta gơlòng. Kòn dan dòn kơnờm dê Kơnràñ, dòn lah Kơnràñ rgơi lơh bơta gơlòng gơlik gơs tŭ lơpah nang kòn git lam bơta lơbơñ niam mơ gơnap gơnoăr ăt-bồ Kơnràñ dê. Kòn jơh nus hòi dan, tom sơđăn Yàng Jesu Krist, Amen.

Ơ ală ồng mò oh mi kờñ gơboh, tŭ tìp mơ ală bơta gơlòng, kah tĕ lah Yàng Tom Trồ ò tŭ lơi săng lơi bol he. Kơnràn la Bơtau ăt-bồ hơđang dàlềng ơnàng mơ lơh ring-drik rbut, rơp dong bol he lot găn kalke mơ tề-lam ồng mo oh mi tus hơ tiah ring-lơngai, lơngap-lơngai. Kơ̆ tĕ mơ rlô tĕ tom mƀur Kơnràñ dê, nang Kơnràñ tề-lam ồng mo oh mi hơđang gùng dong klas bềng bơta lơngai mơ gơn kơnòm.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.