Thaum uas peb twb swm ua lub neej muaj txhij muaj txhua lawm, peb pib saib tej ntawd yog tej uas yuav tsum muaj. Peb yooj yim hnov qab lub neej txomnyem yav dhau los, ua rau peb ua poob tsis muaj lub siab nco tshav ntuj txog tej koob hmoov tamsim. Vim li no, qhov uas nco txog lub sijhawm txomnyem yav dhau los yuav pab kom peb paub saib taus tej yam uas yus muaj, thiab ntuas kom peb nco ntsoov txog tej koob hmoov uas Vajtswv pub rau peb lub neej.

Hnub no, yog hnub 16/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm Zaj kawm NCO TXOG LUB NEEJ THAUM UB.

“Kom nej cov xeebntxwv thiaj yuav paub hais tias, tus Tswv yog tus uas cia cov Yixalayees nyob hauv tej tsev pheebsuab ntawd thaum nws coj lawv tawm nram tebchaws lziv los. Kuv yog tus Tswv uas yog nej tus Vajtswv” (Levis Kevcai 23:43)

Thaum hais txog cov neeg Yixalayees peb lub koob tsheej ces peb yuav tsis hnov qab lawv lub koob tsheej nyob tsev pheeb suab. Ntawm no yog lub sijhawm nco txog Vajtswv txoj kev tiv thaiv Vajtswv haiv neeg plaub caug xyoo nyob ua qhua ntawm tej tsev ntaub tom moj sab qhua. Los txog niaj hnub nim no, ntawm no yeej tseem yog ib lub kevcai tseem ceeb thiab nyob ntev tshaj plaws ntawm cov neeg Yudais.
Koob tsheej nyob tsev pheeb suab lawv tseem hu ua koob tsheej sau qoob loo, thiab tamsim no lus Henplais hu ua Sukkoth. Lo lus Sukkoth muaj lub ntsiab tias yog “tsev pheeb suab” nco txog tej tsev phooj uas cov neeg Yixalayees thaum ub lawv tau nyob 40 xyoo ua qhua tom roob moj sab qhua thaum lawv tawm tebchaws Iziv. Koob tsheej nyob pheeb suab tsis yog tsuas yog ib lub koob tsheej ua kev nco txog tej hnub txomnyem dhau los, tiamsis tseem nthuav tawm Vajtswv txoj kev ua siab ntev, tus uas tau pab lawv txhua txoj kev cheem tsum nyob rau lub sijhawm uas muaj kev txomnyem ntawd.

Vajtswv txojlus hais txog koob tsheej nyob tsev pheeb suab tau sau tseg rau hauv Levis Kevcai 23:41-42:

“Txhua lub xyoo thaum lub xya hli ntuj, nej ua kevcai rau tus Tswv xya hnub. Muab txoj kevcai no qhia rau nej cov xeebntxwv coj mus ibtxhis li. Cov Yixalayees txhua tus yuav tsum nyob tsev pheebsuab xya hnub, kom nej cov xeebntxwv thiaj yuav paub hais tias, tus Tswv yog tus uas cia cov Yixalayees nyob hauv tej tsev pheebsuab ntawd thaum nws coj lawv tawm nram tebchaws lziv los. Kuv yog tus Tswv uas yog nej tus Vajtswv” Tus tub txawg txhais Vajluskub Matthew Henry tau txhais txog lub homphiaj ntawm lub koob tsheej no li no:

“Thaum pib yeej yog ib cov neeg tsis muaj dabtsi, Vajtswv tau pab haiv neeg ntawd. Cov neeg uas tamsim no tab tom ua lub neej tso siab plhuav, yog li thiaj pheej ua kev cai nco txog lub neej txomnyem yav dhau los, thaum lawv tseem yog cov neeg tsawg thiab tsis muaj dabtsi. Lub sijhawm uas lawv ua neej nyob rau ntawm tej tsev ntaub, Vajtswv tsis yog tsuas nyob nruab nrab ntawm lawv xwb, tiamsis tseem tiv thaiv lawv los ntawm ib tauv fuab, tiv thaiv lawv tsis raug ntuj tshav kub kub lawv. Vajtswv lub siab khuvleej tseg rau peb poj koob yawm txwv peb yuav tau nco ntsoov. Hnub yim ntawm lub koob tsheej no tseem ceeb heev, vim lub sijhawm no yog lub sijhawm lawv rov qab los tsev, nco txog lub sijhawm ntev dhau los. Tomqab ntau xyoo ua neej nyob hauv tej tsev ntaub tom roob moj sab qhua, thaum kawg lawv kuj mus txog rau ntawm tebchaws cog lus tseg, yog thaj chaw uas lawv tau ua neej nyob tso siab lug hauv tej tsev ruaj khov. Qhov no tsis yog tsuas ua rau lawv txaus siab xwb, tiamsis tseem ua rau lawv saib taus thiab nco txog tej uas lawv muaj nyob rau hauv lub tsev tshiab, tom qab xya hnub nyob hauv tsev ntaub. Qhov no kuj ua rau cov neeg tab tom nyob hauv tej lub tsev zoo ntawd nco ntsoov tias, kev txomnyem sim siab yuav pab kom peb paub saib taus tej yam tseem ceeb nyob rau hauv lub neej”.

Thaum rov qab nyeem txog cov lus no, tamsim ntawd kuv nco txog Vajtswv txoj kev tiv thaiv kuv lub sijhawm uas muaj kev txomnyem. Tsis ntev los no, kuv ntsib ib lub caijnyoog muaj kev sim siab, cuag li poob tag txhua yam, tsis muaj chaw nyob.

Thaum rov qab tig ntsia, kuv pom meej meej txog Vajtswv txoj kev tiv thaiv thaum uas kuv yog ib tug neeg poob qab ua tsis tau dabtsi. Vajtswv coj kuv ib kaujruam zuj zus, los ntawm qhov uas kuv yuav tau txav chaw nyob peb zaug hauv kuv txoj kev ua neej, txog rau thaum Vajtswv qhib ib txoj kev rau kuv mus rau hauv lub tebchaws cog lus tseg rau kuv tus kheej.

Tamsim no kuv tab tom ua neej nyob hauv ib lub tsev zoo, ntsia mus rau tom hiav txwv. Kuv qhia koj paub tias kuv muaj ib txojkev ntshaw nyob hauv ntiajteb no xav ua kom tau ua ntej uas kuv tag sim neej yog muaj ib lub tsev nyob ntawm ntug hiav txwv.

Zoo kawg li, Vajtswv tau mloog kuv tej lus thov, thiab txais yuav kuv txoj kev ntseeg, txawm yog kuv yuav tau ris lub nra nyhav hauv lub neej ntau xyoo. Vajtswv coj kuv mus rau hauv thaj av cog lus tseg rau kuv, qhov chaw uas kuv niaj hnub npau suav txog.

Kuv paub tias nyob ntawm ntau tug, ntawm no yeej tsis yog ib yam dabtsi loj. Tiamsis rau kuv, qhov no nws loj kawg nkaus! Tsis yog kuv tab tom txais tau lub neej zoo hauv kuv lub tsev tamsim no, tiamsis tseem ceeb dua ntais yog vim kuv twb pom thiab saj tau Vajtswv txoj kev ncaj ncees lawm.

Thaum no, kuv tuaj yeem ua kuv lub koob tsheej “tsev pheeb suab” tau lawm, thaum rov qab nco txog tej thaj chaw uas kuv pib thiab thaj chaw uas kuv tab tom sawv hnub no! Cia li tsa suab hu nkauj qhuas! Lub hwjchim yog Vajtswv mus ib txhis!

Thov caw nrog kuv peb thov Vajtswv ua ke:
Ua Vajtswv tsaug koj niaj hnub nrog nraim kuv nyob rau tej lub sijhawm uas muaj kev sim siab vij puas ncig, coj peb dhau tej lub sijhawm txomnyem. Thaum kuv txais tau lub neej kaj siab tamsim, thov Vajtswv pab kom kuv nco txog tej hnub txomnyem yav dhau los, kom dhau ntawd peb tus ntsujplig yuav puv npo kev nco Vajtswv tshav ntuj. thov Vajtswv coj kuv txhua txhais kauj ruam uas kuv mus hauv lub neej. Kuv thov hauv Tswv Yexus Khetos lub npe. Amees.

Cov kwv tij txhua tus, thaum peb txaus siab rau lub neej kaj siab lug tamsim no, peb yuav tau tseg sijhawm los nco txog tej hnub txomnyem yav dhau los. Twb yog tej lub sijhawm sim siab ntawd yuav pab kom peb pom tias yam muaj nqis ntawm txoj kev kaj siab uas peb tab tom hnub no, kom dhau ntawd peb muab lo lus ua Vajtswv tsaug – Vim Vajtswv yog tus uas nrog nraim peb txhua txoj kev coj peb mus rau thaj chaw cog lus tseg ntawm peb tus kheej.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.