Tŭ neh os mòng mơ rài kis tơngkah tơngkañ, bol he sơn tòm sền ală bơta hơ̆ la òs mong. Bol he buôn ngan gơ hŭi ală ngai kalke lài òr, nàng tơn roh nùs git ưn ngài gơ wèt mơ ală bơta lơ ngap lơ ngai tŭ do. Gen be hơ̆, bơta tơngkah wơl rài yau kalke rơp dong bol nhe git sền dờng màng ală bơta he gơs mơ tơngkah bol he bơh ală bơta lơngai krơi is mơ Yàng sùm ai pà hơđang rài kis bol he.

Ngai do, ngai 16/10/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Missey Butler bơh tơnggume: KAH WƠL NÀNG GIT ƯN NGÀI.

“tồ ală kòn sau bol mê dê rơp git lah Añ neh gơs cau Israel ơm tòm ală sàl ing tòm tŭ Añ cèng bol khai lik lòt bơh di Ejiptơ. Añ la Jehôwa Yàng Tom Trồ bol mê dê.” (Lebi 23:43)

Tŭ tơngkah tus pe bơta pơ jum dờng làng bol Israel dê, bol he ò rgơi sang sơrbì Bơta Pơ jum Sal Ìng. Do la tŭ jơ nàng kah wơl bơta sền gar Yàng Tòm Trồ dê tòm poan jơt nam làng bol Kơnràñ kis ìng tòm sal tòm blàng bràs. Tus jơ do, do la dul tòm ală ngai pơ jum dờng mơ yau rlau jơh làng bol Israel dê.

Pơ jum sa Sal Ìng kung hòi la pơ jum tơrgòm phan đo mơ jơ do geh git gơ wèt mơ jơnau Hebrơ la Sukkoth. Sukkoth gơs gơtha la sàl, tơngkah tus ala sàl mơ cau Israel rài yau neh kis 40 nam tòm blàng bràs tơnơ̆ mơ lik bơh Ejiptơ, Pơ jum sa Sal Ìng ò dê mìng la ngai wèr kah wơl ala ngai bòl glar mơ la ràng tơlik nùs nđàc sơngit Yàng dê, Bơtau ai pà ala bơta pal càng bol khai dê tòm jơh gùng lòt kal ke hơ̆.

Jơnau sồr bơh Pơ jum sa Sal Ìng geh cih tòm Lebi 23:41-43: ‘Pơjum sa tĕ ngai pơjum sa do mơ lơh gơs dô ngai pơjum sa Yàng Jehôwa in tòm poh ngai kòp nam. Hơ̆ rơp la dô bơta sồr lam gam sùm sùm ală rài rơp tus in; pơjum sa tĕ tòm kơnhai poh. Ơm tĕ tòm ală sàl ing tòm poh ngai: jơh ală cau Israel deh tòm lơgar pal ơm tòm ală sàl ing, tồ ală kòn sau bol mê dê rơp git lah Añ neh gơs cau Israel ơm tòm ală sàl ing tòm tŭ Añ cèng bol khai lik lòt bơh di Ejiptơ. Añ la Jehôwa Yàng Tom Trồ bol mê dê.’ (Lebi 23: 41-43)

Cau ràng tơlik Sra Goh Matthew Henry neh ràng tơlik tơnggume bơta kirsơnre do be do:

“Bơh sơnròp bă liah, sơrlồng sơrlàng, Yàng Tòm Trồ neh yò đo làng bol hơ̆. Ală cau kis hưh hơh rài do pal cang sum kah wơl ală ngai kal ke lài or, tŭ bol khai găm lơbơn lơño mơ dềt rơ hền. Tòm jơh tŭ tơngai kis tòm sàl ìng, Yàng Tòm Trồ ò dê mìng lơh sàl ơm di gùl bol khai, mơ gơrwàng bol khai gan dê dô nơm mhwal dờng ơnàng, sền gar bol khai lik bơh duh tơr àl mt tơ ngai dê. Nus nđàc sơngit Yàng Tòm Trồ dê ai bol he in mơ ồng pàng bol he pal cang kah wơl sum sum. Ngai dơ̆ phàm ngai wer dê dờng màng ngan, tài bơh hơ̆ la tŭ jơ bol khai rê wơl tòm hiu, sền wơl gùng lòt jòng ngan neh lòt gan. Tơnơ̆ mơ kis oă sơ nam tòm ală sàl ìng di gùl blàng bras, lồi dut bol khai neh tus bă tiah ho pơgon, tiah mơ bol khai geh ơm mơ lơh sa tòm ală hiu kơ̆ cê. Bơta do ò dê mìng cèng tus bơta hưh nùs., mơ gam gơlơh bol khai in sền màng ryŭ mơ git ưn ngài rlau ală bơta bềng tơl tòm hiu pa, tơnơ̆ mơ poh ngai neh kis tòm sàl ìng. Bơta do tơngkah ală cau kis tòm bơta chò hòp mơ tơngkah tơngkañ lah, bơta kalke mơ gơ lòng rơp dong bol he git sền dờng màng ală bơta ring niam tòm rài kis.”

Tŭ sền ală bơta ràng tơlik do, nisơna añ kơ lôi tus bơta sền gar Yàng dê ai pà añ in tòm ală ngi kalke. Pâ do, añ lòt gan dô bơta gơ lòng, dròm be ò gơs phăn mơna, ò gơs bă tiah ơm.

Sền wơl, añ bàn loh bơta gơrwàng Yàng dê tòm tŭ añ gơlơh dềt rhền mơ bă liah rlau jơh. Yàng tề lam añ cơnđòa jat cơnđòa, bơh bơta pal pơrdô hiu pe dơ̆, gơlơh be ală sàl ìng tòm gùng lòt añ jê, tus dê tŭ Yàng pò gùng nàng añ mut tòm tiah ho pơgon să tòm he dê.

Tŭ do, añ kis tòm dô nơm hiu ring niam gơwèt mơ jền priă di pal, bal mơ bơta sền dê dà lềng niam ngan. Bol he pal càng git lah dul tòm ală bơta ji gloh tơrhir jrô ndơp añ jê lài mơ tŭ lik bơh plai ù do la kis rềp dà lềng.

Ring niam ngan, Yàng Tòm Trồ neh iat kơno jơnau hòi dan añ jê, mơ đal git bơta dò añ jê, bulah añ pal kong àñ kơn jơ̆ rài kis dê oă nam rau. Yngf cèng añ tus dê bă tiah ho pơgon is he dê, tiah mơ añ sùm kơp kòñ.

Añ git lah gơ wèt mơ oă cau , do ò dê la bơta dờng lơi ò. Mơya gơ wèt mơ añ, do la bơta dờng ò git nđò! Ò dê tài bơh añ geh dòp leng hiu ram jơ do añ jê, mơ dờng màng lah tài bơh añ geh bàn mơ đal git bơta dòn song ring niam Yàng Tòm Trồ dê.

Jơ do, añ rgơi sa chò hòp “Pơ Jum Sa Sal Ìng” is añ jê, tŭ kah wơl gùng lòt bơh tiah añ sơn tòm mơ bă tiah añ ntào ngai do! Jong rơ tĕ! Bơta gơ klŏ gơ rê mơ Yàng Tòm Trồ Jòng Jơnhoa!

Dan jà bol he dô nùs bal tòm bơta hòi dan:
Ưn ngai Yàng tài bơh Yàng sùm ơm mơ kòn tòm ală tŭ bơta gơ lòng mơ bol glar. Tŭ hưh hơh mơ rài kis lơngap lơngai jơ do, dan Yàng dong kòn sùm kah bơh ală tơngai kalke lài or, nàng bơh hơ̆ hwềng soàn kòn sùm bềng nùs git ưn ngài. Dan Yàng pơnjat lòt bal mơ tề lam kòn tòm kòp cơnđòa rài kis dê. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, tŭ hưh hơh mơ rài kis chò hòp tŭ do, bol he lòi tŭ jơ kah wơl ală tơ ngai kal ke neh lòt gan. Tòm ală tŭ tơngai hơ̆ rơp dong bol he đal git bơta kwơ màng bơta lơnngap lơ ngai dê mơ bơta chò hòp mơ bol he geh ngai do, nàng bơh hơ̆ bol he jong rơ Yàng – bơh Yàng la Bơtau lòt bal mơ bol he tòm ală gùnng dà, tề lam bol he tus bătiah ho pơ gon is he dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.