Ua lub neej rau tiam vam meej no nrog rau tsis muaj lub sijhawm khoom thiab kev khwv noj hauv lub neej, puas muaj zaum twg peb nres thiab saib lub ntiajteb nrog ib puas tsav yam uas Vajtswv tau tsim los lawm tau? Nyob hauv Vajtswv txoj kev txawj ntse thiab hwjchim tau tsim ib puas tsav yam nyob rau hauv ntiajteb no zoo kawg nkaus, tsis yog li xwb, Vajtswv tseem yog lub hauv paus kev txawj ntse thiab yog lub zog rau tus nris nra sab sab thiab qaug zog.

Hnub no, yog hnub 19/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Allen Carter dhau ntawm Zaj kawm TUS TSWV MUAJ TSWVYIM.

“Tus Tswv lub tswvyim tsim lub ntiajteb no; nws txojkev txawj ntse muab lub ntuj teeb nyob muaj chaw. Nws lub tswvyim ua rau tej dej txawj ntws tawm los.” (Pajlug 3:19-20)

“Tus Tswv lub tswvyim tsim lub ntiajteb no; nws txojkev txawj ntse muab lub ntuj teeb nyob muaj chaw. Nws lub tswvyim ua rau tej dej txawj ntws tawm los” (Pajlug 3:19-20).

Thaum nyeem zaj xwm tsim ib puas tsav yam nyob hauv Chivkeeb, peb ntseeg tias tsuas yog Vajtswv hais xwb ces txhua yam yuav puav leej muaj. Txawm li los, dhau tej nqe Vajluskub saud, peb yuav nkag siab zoo dua.

Pajlug 3:19 sau: “Tus Tswv lub tswvyim tsim lub ntiajteb no.” Nqe no nthuav qhia tias: Tus Tswv uas ib txwm muaj nyob, tau siv nws txoj kev txawj ntse los tsim thiab teeb rau hauv lub ntiajteb no. Lo lus “teeb” tau siv ntawm no, hauv nws lub hauv paus lus, muaj lub ntsiab tias “txhua yam los nyob ua ke”.

Ib puas tsav yam tsis yog tias xwb tim cia li tsim muaj. Chivkeeb 1:2 sau “Lub ntiajteb tsis tau muaj dabtsi thiab nyob do dus, tsaus ntuj nti thoob plaws saum nplaim dej hiavtxwv, thiab Vajtswv tus ntsujplig yuj mus yuj los saum nplaim dej”

Kuv ntseeg tias Vajtswv Vaj Peb Leeg – Txiv, Tub thiab Vaj Ntsujplig tau koom ua ke tsim lub ntiajteb peb nyob no. Vajtswv Vaj Peb Leeg nyob hauv lub hwjchim muaj tswv yim tau tsim lub ntiajteb no thiab teeb kom nyias nyob muaj nyias chaw rau lub ntuj no. Los ntawm Vajtswv lub hwjchim, tsuas dhau ntawm lo lus hais, txhua yam cia li muaj tiav. Vajtswv pom txhua yam uas Vajtswv tsim los, muaj koj thiab kuv tib si, puav leej yog zoo kawg nkaus.

Feem tom qab ntawm Pajlug 3:19 qhia rau peb paub: “nws txojkev txawj ntse muab lub ntuj teeb nyob muaj chaw.” Lo lus “txawj ntse” ntawm no muaj lub ntsiab tias “txawj, thiab zoo tag nrho” hais tau tias, tag nrho txhua yam puav leej muab tso zoo zoo nyob rau hauv Vajtswv txojkev tsim.

Yeej tsis muaj dabtsi txawv thaum tus sau Ntawv Nkauj 19:1-4 tau hais:

“Saum nruab ntug twb ua rau peb pom Vajtswv lub hwjchim tseeb thiab qhia tes haujlwm uas nws ua tiav lawm rau peb paub. Niaj hnub qhia zaj no ib hnub dhau ib hnub, niaj hmo piav zaj no ib hmos dhau ib hmos. Tsis hais zaj twg lossis lo twg yeej tsis hnov muaj suab dabtsi nrov li; tiamsis lawv tej suab tseem nrov ncha mus thoob plaws lub ntiajteb thiab hnov mus txog qab ntuj kawg. Saum nruab ntug yog lub tsev uas Vajtswv ua rau lub hnub nyob”

Nyob hauv tej paj lug, tus sau tau tham rau peb pom txog txoj kev zoo nkauj uas Vajtswv tau tsim los; ib puas tsav yam tau tsim los ntawm Vajtswv txhais tes thiab Vajtswv lo lus hais. Cia siab tias peb yeej yuav xav tsis thoob rau tej uas Vajtswv tau tsim muaj. Txhua tag kis sawv ntxov, txoj kev zoo nkauj ntawm tus duab tshav yuav ntuas kom peb nco ntsoov txog Nws tej lus cog tseg:

“Tus Tswv txojkev hlub uas ruaj khov thiab nws txojkev hlub tshua yeej muaj tsis paub kawg, Txojkev hlub ntawd muaj txhua hnub, ib yam li lub hnub niaj tagkis tawm tuaj” (Nkauj Quaj Ntsuag 3:22-23).

Thaum yog Vajntxwv tus menyuam, peb muaj Nws thiab yog lub hauv paus ntawm kev txawj ntse, tswv yim nrog tej kev nkag siab, tag nrho txhua tus tau muab zais cia thiab zoo siab hlo pub rau peb dhau ntawm Vaj Ntsujplig. Txhua zaug peb qaug zog thiab nplooj siab qhuav qhawv, cia li nyob ze Vajtswv thiab thov Vajtswv txoj kev nplua nuj hauv Tswv Yexus txoj kev hlub hliv los rau peb – lub hauv paus zog ntawd tau muab pub rau txhua tus tsis xaiv leej twg ntseg muag!

“Tus Tswv yog tus uas pub tswvyim rau neeg; tej kev txawj kev ntse thiab kev totaub puavleej yog nws pub xwb. Nws tiv thaiv thiab pab cov neeg ncaj ncees” (Pajlug 2: 6-7)

Thov caw nrog kuv peb thov Vajtswv ua ke:
Ua Vajtswv tsaug rau qhov lub ntiajteb no nthuav tawm Vajtswv koj txoj kev txawj ntse uas tsis muaj nrim. Thov Vajtswv pab kuv kom paub xav txog ib puas tsav yam zoo kawg nkaus uas Vajtswv tau tsim los, thiab kuj paub vam khom rau Vajtswv yog tus tsis muaj nrim, muaj tswv yim thaum uas tab tom ua neej nyob rau hauv lub ntiajteb no. Kuv thov hauv Tswv Yexus Khetos lub npe. Amees.

Cov kwv tij txhua tus, paub yus tab tom ua dejnum thiab pehawm Vajtswv yog tus tsim ib puas tsav yam, tus tsis muaj nrim thiab muaj hwjchim, peb yuav tau nrhiav Vajtswv txoj kev txawj ntse nrog rau lub hauv paus zog los ntawm Vajtswv los txhua zaug uas koj qaug zog. Ntseeg siab rau Vajtswv vim paub tias nyob hauv Vajtswv peb muaj txhua yam.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected]. Tswv Yexus hlub koj. Thiab peb xav kom txuas tau nrog koj.