Kis di gùl dunnia jak chai mơ oă bơta gơkwă mơ bềng bơta pal càng rai kis dê, neh tŭ lơi bol he dơ wơl mơ chiêm nghiệm dunnia gơwèt mơ ală phan mơ Yàng neh crơng gơs dah rơ? Tòm bơta jak chai mơ gơnap gơnoăr, Yàng Tom Trồ neh crơng gơs jơh ală phan tom dunnia do dô bă wil-tơll, ò di ming behơ̆ lơm, Kơnraàñ kŭng la tòm ryàs bơta jak chai dê mơ bơta pràn ală cau bòl-glăr dê, gơ plơ̆ nùs.

Ngai do, ngai 19/10/2024, tơnggu hòi dan kòp ngai dan ja ồng mò oh mi kờñ gơboh kơlôi sơnờng bal Jơnau Yàng mơ cau cih Allen Carter gan tơnggu BƠTAU JAK CHAI.

“Yàng Jêhôva ngui bơta jak- chài bơt bơtào plài ù; ngui bơta git wă nàng lơh gơs ală tap trồ. Bơh bơta git jak Kơnràñ dê, ală tiah jrô pò tơlik, mơ ală mhwăl gơdùh dà tŭ.” (Pơn đik 3: 19-20)

“Yàng Jêhôva ngui bơta jak chài bơt bơtau plai ù; ngui bơta git wă nàng lơh gơs ală tap trồ. Bơh bơta git jak Kơnràñ dê, ală tiah jrô pò tơlik, mơ ală mhwal gơ duh dà tŭ.” (Pơn đik 3: 19-20)

Tòm tŭ sền bơh bơta crơng gơs tòm Sơnrơp gơlik gơs, bol he dòn lah mìng cang Yàng đơs, kòp phan geh crơng gơs mơ. Bukah behơ̆, găn ală sèng Sră Goh hơđăng, bol he rgơi wờng loh lang rlau tai.

Pơnah sơnrờp Jơnau Pơnđik 3:19 dê cih: “Yàng Jêhôva ngui bơta jak chài bơt bơtao plai ù”. Sèng do ràng tơlik lah: Jêhôwa, Bơtau Gơs Is- Gam gơs, neh ngui bơta jak chai he dê nàng bơtao gơs mơ ơn mơnang plai ù dô. Jơnau “ơn” geh ngui tìng do, tòm jơnau tơm, gơs gơtha la “ gơtòm klàc dô bă bal”.

Bơta crơng gơs ò gơlik gơs dô bă nisơna. Sơnrờp gơlik gơs 1:2 cih: “Mơ ù ò gơs rùp, pah gòi lơm, bơta klam jơngo ơm hơđăng mat cìr-jrô; Hwềng Yàng Tom Trồ wăñ hơđăng nha dà.”

Àñ dòn lah Pe Bơtau Yàng Tom Trồ – Bèp, Kòn mơ Yàng Hwềng Goh neh gơtòm klàc dô bă lah tòm bơta crờng gơs dunnia bol he dê. Yàng Tòm Trồ Pe Bơtau tom bơta gơnap gơnoăr, crìh-crài mơ jak chai neh crờng gơs mơ ơn rơnđap jat ơnih plai ù do in. Bơh gơnap gơnoăr crơng gơs Kơnàñ dê, mìng bơh jơnau đơs lơm, jơh ală bơta geh lơh gơs wil tơl. Yàng Tom Trồ gŏ jơh ală phan Kơnràñ, tìng hơ̆ gơs àñ mơ ồng mò oh mi, jơh ală bơta la niam lơm.

Pơnah tơnơ̆ Pơnđik3:19 dê “ ai bol he in git: “ngui bơta git wă nàng lơh gơs ală tap trồ.” Jơnau “git jak” ting do geh ngui dô bă jrô ơnang, gơs gơtha “chai rgơi, jak chai, mơ wil tơl.” Rgơi đơs, jơh ală pơnah dềt rhền neh lơh gơs dô bă nĭ nơn mơ chai rgơi tom bơta crơng gơs Kơnràñ dê.

Ò gơs ñchi lơi ai lơh krơi tòm tŭ cau cih sră Đơs Crih 19:1-4 neh đơs.
“Ală tap trồ yal tơlik bơta gơklŏ Yàng Tom Trồ dê, bơta dờng ơnang pah gời dê ràng tơlik broă tê Kơnràñ lơh. Ngai do bơtô yal ngai ne in,mang do yal tơlik bơta git jak mang ne in. Ò gơs jơnau yal, ò gơs jơnau đơs, kung ò gơs cau lơi kơno sap đơs bol gơ sơl. Bulah behơ̆, jơnau bơtô yal ală tap trồ dê gơ lòt lam plai ù, mơ jơnau đơs bol gơ dê gơ lòt lam jơh dunnia. Di tiah bol gơ Kơnràñ neh ơn mattơngai.”

Tò jơnau đơs chờ, cau cih neh tơngkah bol he bơh bơta hang mơnĕ mơ bơta dờng ryŭ tom bơta crờng gơs Yàng Tom Trô; Jơh ală phan geh crơng gơs dồ bă krơi is bơh tê mơ jơnau Kơnràñ đơs. Kờp kờñ bol he ò dơh bơh ai lơh krơi di đap ală phan lơh gơs mơ Konràñ neh cih gơ. Kờp ang drim, bơta hang mơnĕ tom bơta ang drim tŭ mat tơngai lik tơng kah bol he bơh jơnau hơ:
“Bơta kờñ gơboh kơ̆ dơn Yàng Jêhôwa dê ò tŭ lơi gơ kòl tơnroh. Bơta kơñ nđàc ò tŭ lơi lồi jơh; Kờp àng drim la pa sùm, bơta dòn song Kơnràñ dê la dờng ngan.” (Ñim ràc 3:22-23)

Tom kơnă la Kòn Bơtau sàng goh, bol he sùm gơs sùm gơs Kơnràñ la tom ryàs ală bơta jak chài dê, bơta git wă bal mơ ală bơta wă wờng hơđăng jòng, jơh ală bơta neh geh pràp gar mơ rcàng ai bol he in gan dê Yàng Hwềng Goh. Kòp tŭ bol he gŏ lơƀơñ lơñô mơ rò răñ, ơm is tĕ mơ Yàng mơ ràc dan bơta pàs sơm tom bơta nđàcKơnràñ tuh bìng rài kìs đah hwềng bol he dê- tom ryas hơ̆ geh ai pà dô bă dờng ơnàngjơh tơl nă i!

“Bơh Yàng Jehôwa ai gời bơta jak chài. Bơh di bờr Kơnràñ tùs bơta git jak mơ bơta git wă. Kơnràñ prap lơi bơta jak chài ngan cau song ngan in, Kơnràñ la khe đò cau ò gơs tiah geh lah pơrhơng in.”

Dan jà bol he dô nùs bal tòm bơta hòi dan:
Ưn ngai Yàng bơh dunnia do ràng tơlik bơta jak chài ò lôi Kơnràñ dê. Dan dong kòn sùm git kơlồi sơnờng bơh bơta crờng gơs crih crài mơ Kơnràñ lơh gơs, kùng git gơn kơnòm tòm Kơnràñ la Bơtau ò lồi, jak chài tŭ kòn gam kis tòm dunnia do. Kòn jơh nùs hòi dan tòm sơnđàn Yàng Jesu Krist, Amen.

Ồng mò oh mi kờñ gơboh, dờp git he gam duh broă mơ duh khoài Yàng Tom Trồ- Bơtau Crơng Gờs, ò lồi mơ gơnap gơnoăr, bol he jòi dan bơta jak chài bal mơ tom ryàs bơta pràn hơđang trồ bơh di Kơnràñ kòp tŭ git he lơbờñ lơñô mơ gơplơ̆ nus. Dòn kơnòm tĕ Yàng bơh git lah ờm tòm Kơnràñ, bol he gơs jơh ală bơta.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.