Txoj kev Cog Lus Tshiab nyob hauv Tswv Yexus yog txojkev hloov pauv tshiab ntawm peb thiab Vajtswv. Peb tau suav tias ncaj ncees ntawm Leej Txiv xub ntiag thiab tau nkag los muaj kev sib raug zoo ua ke dawbhuv nrog Vajtswv. Thaum ua lub neej raws li Vaj Ntsujplig ua tus coj kev, peb tau pom Vajtswv lub tshwjchim nrog lo lus cog tseg ruaj khov nyob hauv lub neej ib txhis hauv ntuj ceebtsheej ci ntsa iab.

Hnub no, yog hnub 22/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Rich Miller dhau ntawm Zaj kawm LUB TSHWJCHIM UAS ZOO DUA NTAIS.

“Peb hais tau hais tias lub tshwjchim uas nimno ci ntsa iab ntawd twb ua rau lub tshwjchim thaum ub tsis ci lawm”(II Kauleethaus 3:10).

Niaj hnub nim no tib neeg txojkev txawj ntse thiab kev vam meej mus ceev heev, qee zaug ua rau peb cuag li twb caum tsis cuag. Tseeb tiag, thaum tig rov qab mus ntsia, peb pom tias tsuas dhau nees nkaum peb caug xyoo xwb, tej cuab yeej siv vam meej heev ua rau muaj ntau yam hloov pauv uas yav tag los peb twb tsis tau xav txog li.

Koj puas tseem nco koj lub xov tooj thawj thawj? Feem ntau peb puav leej siv cov xov tooj qhau lossis tej nyuag xov tooj nws muaj ob peb nyuag yam tsawg tsawg xwb. Thaum ntawd, tej xov tooj zoo lossis xa xov yeej tseem tsis tau muaj. Tiamsis, twb yog los ntawm tej xov tooj ntawd thiaj pab tau ib txojkev sib txuas tshiab ntawm tib neeg thiab tau saib zoo li ib lub tswv yim tshiab tau tsim muaj.

Thiab koj puas tseem nco txoj kev nkag rau saum fuab cua thaum ub? Thaum no rov qab xav txog muaj ntau yam yuav ua rau peb ntau tug ib ce txhee nyo! Tiamsis nyob rau lub sijhawm ntawd, máy vi tính txuas tau thoob ntiajteb yog ib yam zoo. Niaj hnub no, peb muaj cuab kav ua tau li no rau ntau lub xov tooj tib txhij ua ke thiab nws sai heev. Yeej xav tsis txog tias nws yuav hloov pauv mus sai ua luaj li no!
Thaum no, tej ntawd cuag li nws qub heev rau tej cuab yeej tamsim no, thiab ua rau kuv xav txog sab ntsujplig. Txoj Kevcai Qub uas muaj hwjchim ci ntsa iab nyob hauv Vajluskub Qub txawm cia li ploj mus thaum Tswv Yexus Khetos coj txojkev cawmdim los pub rau tib neeg.

“Vajtswv yog tus pub tswvyim rau peb qhia txoj kevcai tshiab, tsis yog txoj kevcai uas sau rau hauv ntawv, tiamsis yog Vaj Ntsujplig; txoj kevcai uas sau rau hauv ntawv ua rau neeg raug kev ploj kev tuag, tiamsis Vaj Ntsujplig ua rau neeg tau txojsia. Txoj Kevcai ntawd muab txaug ua npe ntawv rau ntawm ob daim txiagzeb, thiab thaum muaj txoj Kevcai ntawd sawvdaws porn Vajtswv lub tshwjchim uas ci ntsa iab. Lub tshwjchim ntawd twb ploj lawm los Mauxes lub ntsejmuag tseem ci heev, cov Yixalayees yeej ntsia tsis taus li. Txawm li ntawd los txoj Kevcai ntawd yeej yuav ua rau cov neeg uas xyaum ua raws li txoj Kevcai ntawd raug kev ploj kev tuag. Yog li ntawd qhov uas sawvdaws xyaum ua raws li Vaj Ntsujplig qhia, sawvdaws hajyam yuav porn Vajtswv lub tshwjchim uas loj dua ntawd thiab. Yog hais tias txoj kevcai uas ua rau neeg raug txim twb muaj tshwjchim loj npaum li ntawd; ces txoj kevcai uas ua rau neeg dim txim tseem hajyam muaj tshwjchim loj dua ntawd thiab! Peb hais tau hais tias lub tshwjchim uas nimno ci ntsa iab ntawd twb ua rau lub tshwjchim thaum ub tsis ci lawm. Rau qhov yam uas nyob ib ntus xwb, twb muaj tshwjchim loj npaum li ntawd, ces yam uas yuav nyob mus ibtxhis hajyam muaj tshwjchim loj dua ntawd thiab” (2 Kauleethaus 3:6-11).

Kev ywj pheej uas peb txais tau dhau ntawm Yexus Khetos ua rau kevcai hauv Vajluskub Qub ploj mus. Vajtswv txoj kevcai yeej ib txwm yog ci ntsa iab, nws zoo li ib daim duab, zoo li ib tug xibhwb coj peb mus cuag Yexus Khetos (Kalatias 3:24). Kevcai Qub nthuav tawm Yexus Khetos ci ntsa iab – Nws tib leeg thiaj yog tus ua tau raws li Vajtswv txoj kev ncaj ncees. Tiamsis, Tswv Yexus lub tshwjchim tseem loj tshaj ntau npaug. Tswv Yexus tau ua rau lub tshwjchim ntawv ci tuaj rau peb thiab caw peb nkag los rau txoj kev sib raug zoo ua ke nrog Nws mus ib txhis, tau nyob ntawm Nws hauv Ntuj ceebtsheej.

Thov caw nrog kuv peb thov Vajtswv ua ke:
Leej Txiv, ua koj tsaug tau txib Tswv Yexus los kom kuv tau suav tias ncaj ncees ntawm koj lub xub ntiag. Ua Leej Txiv koj tsaug vim thaum no kuv tau los ntawm koj lub xub ntiag, tau pom koj lub tshwjchim. Kuv lub siab no ua tus swb koj txoj kev hlub uas loj kawg nkaus. Thov pab kom kuv lub neej yuav nthuav tawm koj lub tshwjchim ci ntsa iab rau tej neeg ib ncig. Kuv thov hauv Tswv Yexus Khetos lub npe. Amees.

Cov kwv tij txhua tus, txhua hnub hauv peb lub neej yog lub sijhawm zoo rau peb nthuav tawm Tus Tswv lub tshwjchim rau lub ntiajteb no. Los ntawm peb lub neej uas nyob hauv Vajtswv txoj kev hlub, peb yuav coj tau cov ntsujplig uas yuam kev lawm tig rov qab los cuag Nws dua. Thov kom peb tau ntxiv lub zog nyob rau hauv Vajtswv, kom tsis yog tsuas pom Vajtswv lub tshwjchim xwb tiamsis tseem nthuav tawm lub tshwjchim ntawd mus rau txhua qhov.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.