Bơta Ho Bal Pa tòm Yàng Jesus Krist sơntòm bơta tòm gơl pa tòm bơta gơtòm klac bol he mơ Yàng Tòm Trồ. Bol he geh kòp la song ring di đap mat Yàng mơ neh mut tòm bơta tòm klac đah hwềng đềt mêr mơ Kơnrẵn. Tú kis jat bơta tề lam Yàng Hwềng Goh dê, bol he geh sền gó bơta gơkló bal mơ bơta ho nền kớ cê bơh bơta kis sùm sùm tòm Lơgar Đăng Trồ

Ngai do, ngai 22/10/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Rich Miller dê bơh tơnggume: GƠKLÓ HƠĐANG RLAU JƠH.

“Ngan behơ̆, bơh bơta àng gơklŏ tơnơ̆ do lin rlau, gen bơta àng gơklŏ lài òr ò gơs gam tai” (II Kôrintô 3:10)

Bơh bơta yò tơngguh rai kis pah rai do, oă dớ bol he sền gó bè gơkol gơlòi ơm tơnớ. Ngan behớ, tú sền wơl tòm êt nam liah, pơnah công nghệ neh gơ guh ngai ngan ceng oă bơta tòm gơl mơ or nau bol he ò hềt gó.

Ồng mò oh mi gam kah điện thoại sơnròp he dê sơl? Oă cau tòm bol he neh ngui oă điện thoại. Lài òr điện thoại ờ hềt geh pơnah nhắn tin. Mơya, ală điện thoại hớ neh pờ kon mơnus in dồ pơta tomboh bơr pa mờ neh geh sền là ală phát minh niam rlau jơh.

He gam kah tốc độ kết nối mạng ngài lài òr sơl? Tú do klôi wơl lơh oă cau tòm bol he pal rơm să! Mơya, tòm tú hớ, máy vi tính gơs mạng internet là bơta crih crài ngan. Ngai do, bol he rgơi lơh broă do hơđang oă máy móc, bal mơ tốc độ internet mhar ngan. He sền gó dunnia tom gơl mhar ngan bè hớ!

Tú do, ală bơta hơ gơlơh bè ờ niam tai pondròm mơ công nghệ hiện đại, mơ broă do lơh an in klôi tus đah hwềng. Bơta gơkló neh gơlik gơs tòm Bơta Hơ Bal Yau bơh bơta boh lam mơ tú do neh gơlơh luli gơwèt mơ bơta dờng ơ nàng mơ wil tơl bơh broă dong klàs kon mơnus mơ Yàng Jêsus neh lơh sir.

“Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis. Mơ tai, dilah gơnoar broă cèng tus bơta chơt, la jơnau neh pac sềr hơđang mpàn lŭ, neh geh yal tơlik tòm bơta àng gơklŏ, tian gơs kòn sau Israel ò rgơi sền trol di mat Môise, tài bơh bơta àng gơklŏ hơđang mat khai, bulah bơta àng gơklŏ hơ̆ rhòi roh jơh; 8tơ ài lah gơnoar broă Yàng Hwềng dê ò di sơlo geh àng gơklŏ rlau ò ơ? Behơ̆, dilah gơnoar broă bơta lơh nền glài dê gam la àng gơklŏ, gen tơ ài lah gơnoar broă bơta song ring dê geh àng gơklŏ sơlo oă rlau tai. Ngan behơ̆, bơh bơta àng gơklŏ tơnơ̆ do lin rlau, gen bơta àng gơklŏ lài òr ò gơs gam tai. Bơh dilah bơta pal sang lòi gơs bơta àng gơklŏ sơl, tơ ài lah bơta gam sùm sùm gơs bơta àng gơklŏ sơlo oă rlau tai.” (2 Côrinhtô 3:6-11)

Bơta khat gơboh mơ bol he neh dờp tòm Yàng Jêsus lơh bơta gơkló Bơta Hơ Bal Yau dê gơlik luli. Bơta boh lam Yàng Tòm Trồ dê la gơlko ngan, tài bơh hớ bè bơta pơnyơu, dồ nă cau tề lăm bol he tus mơ Bơtau Christ (Galati 3:24). Să tờm bơta boh lam neh ràng tơlik Bơtau Dong Tă gơkló – mìng Kơnràn rgơi lơh wil tơl bơta kơp kờn bơta song ring Yàng Tòm Trồ dê. Mơya, bơta gơkló mơ Yàng Jêsus neh ràng tơlik la dờng rlau ò git nđò. Kơnràn neh sòl pơnđàng bơta gơklo hơ bol he in mơ hòi jà bol he cơn đoà mut tòm bơta tomklac đềt mềr bal mơ Yàng, mơ ơm sùm sùm rềp mơ Yàng tòm lơgar đăng trồ.

Dan jà bol he dô nùs bal tòm bơta hòi dan:
Khoai Bèp, kon ừn ngài Kơnràn neh sồr Yàng Dong Klàs Jêsus tus nàng kon geh kờp la song ring dê đap mat Yàng. ừn ngài Bèp tài bơh tú do kon geh tus dê đap măt Kơnràn, geh sền gó bơta gơkló Yàng dê. Nùs nhơm kon neh geh jòi bàn bơh bơta kờn gơboh dờng ơ nàng Yàng dê. Dan rài kis kon sùm sòl pơnđàng bơta gơkló Yàng dê tus dê oă cau. Kon hòi dăn ai sơnđăn Yàng Jêsus Christ, Amen.

Ơ ală ồng mọ oh mi kờn gơboh, kòp ngai la tú lơmpah bol he pal ràng tơlik bơta gơkló Yàng dê tus tòm dunnia. Bơh rài kis tòm bơta kờn gơboh Yàng dê, bol he pal pơnđàng sòl, cèng oă cau rê wơl mơ Yàng. dan jơh bol he sùm geh bơtơl pràn bơh Yàng, nàng ờ di mìng sền bơta gơkló Yàng dê mơya kung sòl pơnđàng bơta àng hớ tus dê làm bă tiah.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.