Peb niaj hnub tsim lub neej kom raws li yus lub siab nyiam. Tiamsis thaum peb pheej ua raws li no, peb yooj yim ntsia pom txhua yam tsis muaj dabtsi thiab tsis muaj nqis. Vim Vajtswv tsim peb los zoo li lub khob tsis muaj dabtsi, thiab lub khob ntawd tsuas muaj nqis thaum uas nws ntim tej yam muaj nqis los ntawm Vajtswv los xwb.

Hnub no, yog hnub 23/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Carolyn Fraiser dhau ntawm Zaj kawm TEJ LUB KHOB TSIS MUAJ DABTSI.

“Nws yuav muaj hwjchim loj zuj zus, tiamsis kuv lub hwjchim yuav yau zuj zus.” (Yauhas 3:30)

Kuv nyiam muab tej khob los khaws cia – tej loj mus txog tej me, tej khob uas luag tsim tau zoo tshwj xeeb. Txhua zaug uas mus ncig tej kiab khw muag khoom qub, kuv ua tib zoo txhawb nrhiav tej khob ntawd zoo li nrhiav nyiaj kub – yog xav kom nrhiav tau tej lub khob zoo los txhav ntxiv rau kuv cov uas nyob tom tsev. Yog nrhiav tau ib lub tsis tu pleb, kuv yuav hnov zoo siab heev.

Kuv txoj kev zoo siab yog muab txhua lub khob coj los tso kom puv nkaus kuv qhov chaw teeb, tiamsis kuv tseem zoo siab dua thaum tej khob ntawd luag siv ntau hom txiv los tsim xyaw, xws li, txiv qaub, txiv lwg, txiv dib. Cov khob no tsis yog tsuas ua rau kom kuv lub tsev zoo xwb tiamsis nws tseem ua rau cuag li ib pluas noj rau lub caij ntuj no. No yog ib yam uas zoo kawg nkaus!

Kuv pib nrhiav tej hub ntim dib taub. Tiamsis cov hub no tsis yog tej lub hub zoo nkauj nyob tom kiab khw. Nws tsuas yog tej lub hub zoo pheej tshaj thiab yooj yim poob tawg. Tiamsis yam muaj nqis tiag tiag yog nyob rau hauv, zoo li tej uas Vajtswv tau muab tso rau hauv peb lub siab.

“Peb zoo li lub laujkaub av uas luag muab tej yam muaj nqis ntim rau hauv, kom sawvdaws thiaj porn lub hwjchim uas loj kawg nkaus uas yog Vajtswv lub, tsis yog peb lub” (2 Kauleethaus 4:7).

Tej laujkaub av yeej tsis muaj dabtsi zoo. Tsuas yog tej laujkaub uas tib neeg ib txwm siv txhua hnub nyob rau Tswv Yexus tiam – zoo li tej khob peb siv tiam no. Tiamsis Tswv Yexus tau siv tej khob no zoo li ib daim duab ua piv txwv, hais txog qhov uas Vajtswv yuav hliv kom puv nkaus thiab siv tej tus tib neeg zoo li peb, nthuav tawm Vajtswv lub hwjchim rau lub ntiajteb uas muaj kev txomnyem no.

Kuj zoo li lub laujkaub av, peb tsis muaj dabtsi tseem ceeb. Peb lub cev no yooj yim muaj kev tu siab, poob puag li tej laujkaub av.

“Thaum peb tseem ua neej nyob peb cov uas ua Yexus Khetos tes haujlwm, peb niaj hnub txaus siab raug kev ploj kev tuag kom sawvdaws porn peb ua peb lub neej ib yam li Yexus Khetos lub” (2 Kauleethaus 4:11).

Tej kev txomnyem uas peb tiv tsis yog tsis muaj nqis! Tag nrho puav leej yog vim Tswv Yexus – txhua txoj kev sim siab puav leej muaj ntsiab lus thiab muaj homphiaj – nthuav tawm Vajtswv lub tshwjchim thiab Vajtswv txoj kev hlub, tsis yog peb lub tshwjchim. Txhua zaug tiv dhau tej kev sim siab peb tau hloov pauv, dhau los zoo li Yexus Khetos. Thaum peb tus kheej nws ploj zuj zus mus, Vajtswv yuav ci tawm hauv tuaj rau sab nraud kom dhau ntawm peb, lub ntiajteb thiaj yuav ntsia pom Vajtswv lub tshwjchim.

“Ib puas tsav yam no puavleej yuav muaj nqis rau nej. Thaum muaj neeg coob zuj zus hnov hais tias, Vajtswv hlub sawvdaws, yuav muaj neeg ua Vajtswv tsaug coob zuj zus ntxiv ib yam nkaus. Tej ntawd puavleej ua rau Vajtswv tau ntsejmuag.” (2 Kauleethaus 4:15).

Vajtswv coglus tias thaum kawg tseem zoo tshaj tej uas peb yuav xam txog
“Tej teebmeem me me uas peb raug ib nyuag ntu no, yuav ua rau peb tau txoj koob hmoov zoo uas yuav nyob mus ibtxhis, tej teebmeem uas peb raug yeej piv tsis tau txoj koob hmoov uas peb tau li” (2 Kauleethaus 4:17).

Qhov no ua rau peb muaj kev cia siab thiab txhawb peb kom txhob qaug zog thaum ntsib tej kev txomnyem.

Kuv muaj cuab kav tso kuv tej khob cia, tsis quav ntsej thiab cia nplua av paug. Tej zaug nws yuav yog tej khob zoo nkauj, tiamsis nws tsuas yog tej khob khoob lug xwb – yeej tsis muaj nqis lossis yuav ua tau dabtsi. Tej khob ntawd yuav tsis muaj qab hau thiab pab tsis tau dabtsi. Thaum kuv muab txhua yam tso rau hauv nrog ntau yam xim, nws pauv los ua tej lub khob ntim ntau yam muaj nqis – qhov no thiaj yog lub homphiaj tiag ntawm lub khob.

Kuj ib yam li ntawd, thaum peb ua raws li peb lub siab nyiam tsis cia Vajtswv siv yus lub neej, peb yuav dhau los tsis muaj dabtsi. Peb tau nqua hu los rau ib lub homphiaj loj dua – kom peb tau hliv puv nkaus thiab nthuav tawm Vajtswv lub hwjchim rau ntiajteb.

“Nws yuav muaj hwjchim loj zuj zus, tiamsis kuv lub hwjchim yuav yau zuj zus” (Yauhas 3:30).

Thov caw nrog kuv peb thov Vajtswv ua ke:
Tus Tswv muaj kev hlub, thov pab kom kuv tso tau kuv tus kheej kev khav theeb tseg thiab txhawm kom puv nkaus kuv lub siab los ntawm Vajtswv lub hwjchim. Thov kom kuv lub neej tau hloov pauv nthuav tawm Vajtswv txoj kev hlub, lub zog, thiab Vajtswv lub tshwjchim nyob hauv kuv lo lus hais thiab tej haujlwm ua. Thov Vajtswv koj siv kuv zoo li lub kauj qhuav hauv koj txhais tes, coj txoj kev cia siab thiab qhov kaj rau lub ntiajteb uas tab tom cheem tsum koj. Kuv thov hauv Tswv Yexus Khetos lub npe. Amees.

Cov kwv tij txhua tus, peb tsis tau tsim los ua lub neej tsis muaj nqis. Vajtswv nqua hu kom peb ua lub neej rau lub homphiaj loj, thaum Vajtswv hliv puv nkaus rau peb lub siab thiab siv peb los nthuav tawm Vajtswv txoj kev hlub thiab hwjchim. Thaum peb muab peb tus kheej tso tseg thiab cia Vajtswv coj, peb lub neej yuav puv npo lub zog thiab ci Vajtswv qhov kaj rau lub ntiajteb.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected]. Tswv Yexus hlub koj. Thiab peb xav kom txuas tau nrog koj.