Bol he sùm gê ga ntoat jat nàng rơn dap rài jat bè he koñ. Mờ ya, tŭ kơ dăng lơ bè hơ̆, bol he rơp sền gŏ ala phăn ngăn là soh lơm mờ ò gớs kwơ. Bơh Yàng Tòm Trồ neh crơng gớs bol he bè dồ nơm gri soh, mờ gri hơ̆ mìng gớs kwơ tŭ geh lơh bềng bơh bơta kwơ màng bơh Kơnràñ,

Ngai do, ngai 23/10/2024, Bơta Hòi Dan Kòp Ngai dan jà ală ồng mò oh mi bơtê bal Jơnau Yàng kơnòm dê bơta dong kơl cau cih sră Carolyn Fraiser dê bơh tơnggumê ALĂ GRI SOH.

“Kơnràñ pal tơngguh, añ pal tơmù.” ‭‭Jang‬ ‭3‬:‭30

Añ gơboh gơ bài nàng rơgùm ală gri crơh-bơh gri dềt tús ala gri gớs rùp krơi ís. Kờp tŭ tús drà tach phăn yau hala lòt tòm tiah tach wơl phăn yau, añ bè dồ nă cau jòi phăn yau, jòi git ala gri crơh neh jơm bơh kơm buh, kơp koñ jòi bàn 1 nơm phăn màng- 1 nơm gri mờ añ rơ gơi lơh goh mờ ơn tai tòm ală phăn añ gơboh hơ đang tủ ƀờ ngăn añ dê. Dilah jòi gŏ dồ nơ gri ờ sồt rơmằñ, añ chò hòp ngăn.

Bulah bơta chò hòp añ dê là rơn dap bềng ala gri añ gơboh, mờ ya añ hòn chò rlau tai tŭ lơh bềng lìu ala gri mờ ala phăn tơl màu hàng mơ né bè là lơ lề blơn yài, bơ táo, phăn lơh sràt, mứt mò blơn. Ală gri do ò mìng lơh àng jơh phòng mờ cèng tai bơta ƀô blơ hu dê gùl jơ să nhai noat mrềt. Ngăn là dồ bơta lòt găn krơi ís ngăn.

Bơh tŭ añ học git ala bơta til ala thùng, añ sơn tờm lòt jòi ala gri ơn phăn lơh sràt. Mơ ya, ala gri do gơ ò di là phăn gơ klŏ tòm dră. Gơ mìng là ala gri crơh soh mờ đwơn bơcah. Mờ ya, phăn bàn ngăn gơ dê là tòm dơ lăm, bè jơh bơta Yàng neh rơn dap tòm hwềng nùs bol he.

“Mơya bol hi ơn phan màng do tòm gri mơ ù, tồ yal tơlik gơnap gơnoar dờng rlau jơh do la bơh Yàng Tom Trồ, ò di la bơh bol hi.” II Kôrintô‬ ‭4‬:‭7

Ala gri bơh ù kơm buh ò gớs bơta lơi krơi ís. Gơ mìng là ala gri mòng òs nàng ngui tòm broă kòp ngai tòm rài Yàng Je-su-bè dô nơm gri đù ngai do. Mơ ya Yàng Je-su neh ngui ala gri do bè dồ nơm rùp sơn yo, ràng tơ lik bè lơi Yàng lơh bềng lìu mờ ngui ala cau bè bol he, nàng sơn yo gơ noăr crih crài Kơnràñ dê đap dunnia bềng bơta jê sồt do.

Kung bè ala gri ù kơm buh, bol he ò geh chi lơi krơi ís. Tòm să jăn he là bơta đwơn geh sồt rơ mằñ, lơ hơ bè ù kơm buh.

“Bơh bol hi la cau kis òs kong bơtào bơta chơt in tài bơh Yàng Jesu, tồ bơta kis Yàng Jesu dê kung geh yal tơlik tòm poac să òs chơt bol hi dê.” II Kôrintô‬ ‭4‬:‭11‬

Bol he ò kong bơta bol glăr dồ bă ò kwơ! Ngăn jơh ală bơta là bơh Yàng Je-su-kòp bơta gơ lòng là gớs kwơ lơm-nàng sơn yo bơta koñ goboh mờ gơklŏ Kơnràñ dê, ò di là gơklŏ bol he. Kòp tŭ lòt găn bơta gơ lòng, bol he geh tòm gơl, gơ lơh bè Bơtau Kríst rlau tai. Tŭ bơta yau bol he rơ hời roh, Yàng Tòm Trồ sơn tờm sol àng gơ klŏ bơh tòm dơ lăm tus bơ dìh, nàng bơh rài kís bol he, dunnia sền gŏ bơta gơ klŏ ryŭ ryơm Kơnràn dê.

“Bơh jơh ală bơta gơlik gơs la tài bơh oh mi, tồ bơta nđàc bơh oă cau sơlo bơtơl oă ngan, nàng lơh bơta ưnngài kung sơlo bơtơl tơngkah tơngkañ, mơ lơh gơklŏ Yàng Tom Trồ in.” II Kôrintô‬ ‭4‬:‭15

Yàng Tòm Trồ hơ lah cồng nha bơta lồi dut là dờng màng ryau mơ bơta he neh kơ lôi tus.

“Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.”‭‭ II Kôrintô‬ ‭4‬:‭17

Bơta do cèng bol he in bơta kơp koñ mờ chồl kòp nă he ò gơ plơ̆ nùs tŭ he tìp kòp bơta bol glăr.

Añ rgơi ơn ala gri do hơ đăng tiah ơn, săng lời gơ ơm tềng hơ̆ mờ bềng kơm buh ù. Bol he rơp là ala gri crơh gớs kwơ niam mat-ò cèng bơta gớs kwơ lơi. Gơ rơp ò gớs kwơ mờ ò cèng dồ bơta geh kwơ. Mơ ya tũ añ lơh bềng lìu mờ ala phăn tơl màu, gơ rơp là ala gri gớs bơta kwơ màng. Ala gri hơ̆ gớs geh là nàng geh lơh bềng lìu-hơ̆ ngăn là bơta lồi dut gơ dê.

Kung bè hơ̆ sơl, tŭ bol he kră kơldăng prăp bơta ís he dê mờ ò ai Yàng Tòm Trồ geh tŭ ngui rài kís bol he, bol he sùm soh lơm. Bol he geh hòi sach bơh bơta dờng màng rlau tai-nàng geh lơh bềng lìu mờ pơn đàng gơ noăr màng ryŭ Yàng Tòm Trồ tús dê dunnia do.

“Kơnràñ pal tơngguh, añ pal tơmù.” ‭‭Jang‬ ‭3‬:‭30

Dan jà bol he dô nùs bal tòm bơta hòi dan:
Khoai Yàng koñ gơboh, dăn dòng kòn sang sơ bì să tòm ís mờ geh Yàng lơh bềng lìu hwềng nùs kòn bơh gơnoăr Kơnràñ dê. Dăn rài kis kòn geh tòm gơl nàng sơn yo bơta koñ gơboh., bơta pràn mờ gơ klŏ Kơnràñ dê tòm kòp lơh lòt mờ jơnau đớs kòn. Dăn Yàng ngui kòn bè dồ nơm gri soh tòm tê Kơnràñ, nàng cèng bơta kơnơm mờ bơta àng dê dunnia koñ dê Kơnràñ. Kòn hòi dăn tòm sơn đăn Yàng Je-su Kríst, A-men

Ơ ồng mọ, oh mi koñ gơboh, bol he ò geh crơng gớs nàng kís dồ raì kís ò gớs kwơ. Yàng Tòm Trồ hòi sach bol he kís bơh dồ bơta dờng màng rlau, tŭ Kơnràñ lơh bềng lìu mờ ngui bol he nàng sơn yo bơta koñ gơboh mờ gơ noăr Kơnràñ dê. Tŭ bol he săng sơ bì să ís he dê mờ lời Kơnràñ tề lăm, rài kís bol he rơp bềng bơta pràn hwềng mơ pơn đàng bơta àng Yàng dê tús dunnia.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.