Peb tsis yog ua neej nyob ib leeg rau hauv lub ntiajteb no. Vajtswv cia tej neeg ib ncig ua haujlwm nrog peb ua ke, muaj tsev neeg lossis tej phooj ywg los nrog peb sib pab ua neej. Zoo kawg nkaus li thaum muaj tej neeg hlub, tshua txog, rub tes thaum muaj kev txomnyem hauv lub neej. Ntawd yog ib txoj koob hmoov zoo los ntawm Vajtswv los.

Hnub no, yog hnub 24/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Joan Ingram dhau ntawm Zaj kawm TXOJ KEV PAB UAS CHEEM TSUM.

“tiamsis muaj qee leej phoojywg tseem sib raug zoo dua tej kwvtij txheeb” (Pajlug 18:24).

Yog tus menyuam kawg hauv tsev neeg, kuv muaj ob tug tijlaug uas leejtwg twb nyiam. Kuv txais tau ntau yam zoo thaum muaj tijlaug, vim cov tijlaug thaum twg twb tiv thaiv txhawb zog thiab saib xyuas kuv. Nyob rau tej lub sijhawm muaj kev txomnyem li ntawd, cov tijlaug tshwm ntsej muag zoo li ib txoj kev txhawb zog loj pub rau kuv. Cov tijlaug tsuas sawv nraum zoov tsis hais ib lo lus xwb kuj txaus ua rau tus neeg ua saib tsis tau kuv yuav hnov txaus ntshai. Txawm kuv yuav ua tab kaum lossis txhoj los, cov tijlaug thaum twg twb zoo siab hlo pab, zoo li ib tug neeg tiv thaiv zoo tsis tso kuv tseg.

Thaum kawm ntawv tas kuv pib mus nrhiav ib txoj haujlwm ua rau lub caij ntuj sov ua ntej yuav nkag mus kawm tsev kawm qib siab. Allen yog kuv tus tijlaug zoo siab qhia rau kuv paub tias nws nyuam qhuav mus dhau ntawm ib qhov chaw muag khoom noj nyob ze lub tsev tshuaj uas tseg rau tej tub rog thiab nws pom ib tsab xov txais neeg ua haujlwm, lawv cheem tsum neeg ua haujlwm ntxiv.

Kuv zoo siab heev, kuv khiav ncaj nraim mus rau ntawd nug thiab xa ntawv mus rau ntawd. Thaum kuv mus txog chaw, tus saib xyuas tawm tuaj thiab hais tias. “Peb tsis muaj kev cheem tsum txais neeg.” Kuv ua ntsej muag luag ntxhi thiab taw rau yawg saib daim ntawv tshaj xo. Yawg hais tias: “Oh! Ntawm no yog daim ntawv taw kev rau cov qhua mus rau ntawm qhov chaw yog tias lawv muaj kev cheem tsum xav tau kev pab!”

Kuv hais rau yawg tias kuv tus tijlaug tau ntsia pom daim ntawv no thiab taw kev rau kuv tuaj ntawm no nrhiav haujlwm ua ntxiv. Hmoov tsis zoo uas peb tau nkag siab yuam kev! Tag kev cia siab thiab qaug zog, kuv npaj yuav mus tsev, tiamsis yawg hu kuv mus rau hauv chaw ua haujlwm thiab nug tias: “Peb lwm qhov chaw ua haujlwm cheem tsum neeg, thiab tseem muaj ib qhov zoo pab tseg rau cov tub kawm!”

Nws kom kuv mus rau ntawm lwm lub tsev, qhia kom kuv mus thov haujlwm ntawm cov neeg muag khoom. Thaum twg kuv thov tau haujlwm lawm, nws yuam kom kuv rov qab hu rau nws paub. Qhov xov zoo no ua rau kuv xav tsis thoob. Kuv puv npo kev zoo siab, vim ntawm no yog ib txoj kev npaj zoo kawg nkaus, yog ib txoj kev pab dawbhuv.

Thaum los txog tsev, kuv tham rau tij laug Allen tias Vajtswv tau qhib dua ib lub qhov rooj tshiab rau kuv los ntawm Vajtswv txoj kev hlub, txawm yog tau muaj tej yam nkag siab yuam kev ntawd!

Kuv ntseeg tias kuv tus tijlaug tau thov Vajtswv rau kuv kom kuv nrhiav tau haujlwm ua, rau qhov kuv paub kuv tus tijlaug yog ib tug ncaj ncees hauv txoj kev thov Vajtswv. Ntau xyoo ua dejnum, kuv tus tijlaug nqua hu kom thov Vajtswv rau tus kheej thiab sawv daws. Zoo kawg nkaus li tom qab 40 xyoo, kuv dhau los ua ib tug nyob hauv pab thov Vajtswv hauv CBN. Zoo li kuv tus tijlaug, kuv tab tom ua haujlwm pab rau lwm tus dhau ntawm tej lus thov – cov neeg tab tom nrhiav kev pab, kev hlub thiab kev txawj ntse, kev kho zoo, tau tso kom dim thiab txais yuav kev cawmdim txhua hnub.

Vajtswv muaj cuab kav hloov pauv tej kev sim siab, tag kev cia siab, thiab kev txomnyem hauv lub neej no los ua tej yam zoo, raws li txoj kev uas kuv tsis nkag siab tau.

Raws li Loos 8:26 sau: “Thaum peb tsaug muag Vaj Ntsujplig pab peb; rau qhov peb tsis paub hais tias peb yuav thov yam twg, tiamsis Vaj Ntsujplig thov Vajtswv pab peb thaum peb tsis paub yuav hais li cas” Vajtswv lub hwjchim tau nthuav tawm rau peb dhau ntawm kuv tus tijlaug tej lus thov, thiab qhib ib lub qhov rooj rau kuv nrog Vajtswv txoj kev hlub. Kuv ntseeg tias txhua feem hauv lub neej twb tau tsim muaj kom koom ua ke rau hauv Vajtswv lub homphiaj – kom coj tau tej yam zoo kawg nkaus thiab ua tiav Vajtswv lub homphiaj tau npaj tseg rau kuv.

Kuv nco Vajtswv tshav ntuj vim Nws yog tus pab thiab yog tus siv tej neeg ib ncig kuv los pab kuv tej lub sijhawm uas cheem tsum. Tseeg tiag Vajtswv hlub thiab saib xyuas kuv lub neej.

Thov caw nrog kuv peb thov Vajtswv ua ke:
Leej Txiv, Koj yog tus pub thiab ua tiav txhua lo lus cog tseg. Ua Vajtswv tsaug rau txhua yam Vajtswv tau ua tiav raws li Vajtswv tej lus cog tseg zoo kawg nkaus, ua tus kav txhua yam coj yam zoo rau kuv thiab muab lub koob meej rau Nws lub npe. Thov pab kom kuv paub vam khom rau koj, ntseeg koj tej lus cog tseg, koj txoj kev muab pub thiab koj tej koob hmoov tau foom rau kuv lub neej. Ua Vajtswv tsaug txog tej tus neeg uas koj tau muab tso ntawm kuv ib sab pab kuv. Thov pub kom kuv kuj zoo siab hlo pab lwm tus. Kuv thov hauv Tswv Yexus Khetos lub npe. Amees.

Cov kwv tij txhua tus, tig rov qab mus saib txoj kev dhau los, koj ua Vajtswv tsaug txog yam dabtsi? Cia li xav txog txhua yam tshwmsim nyob rau hauv lub neej thiab tej kev pab uas koj txais tau. Tag nrho puav leej yog los ntawm Vajtswv txhais tes los. Yog li yuav tau ua lub neej kom tsimnyog rau Vajtswv txoj kev hlub thiab zoo siab hlo pab tej neeg uas nyob ib ncig koj.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.