Xatas zoo li ib tug nab uas muaj taug, niaj hnub nkaum tos thiab yuav tom thaum peb tsis muaj zog. Tus taug ntawm txoj kev txhaum tsis yog tsuas ua rau peb mob xwb, tiamsis tseem phomsij ua rau tuag neeg thiab. Nyob rau lub sijhawm uas phomsij li ntawd, peb paub tias yuav ua li cas kom peb cawm tau peb tus kheej? Tib lo lus teb rau peb txojsia yog nyob ntawm Cawm Seej Tswv Yexus txhais tes – tus uas tau muab nws tus kheej los txhiv peb dim ntawm tus taug uas yog txoj kev tuag.

Hnub no, yog hnub 27/02/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dan Betzer dhau ntawm Zaj kawm TUS TAUG TUA NEEG TUAG

“Mauxes tsa tus nab tooj rau saum tus ncej tom tiaj suabpuam li cas, luag yuav muab Neeg Leej Tub dai ib yam li ntawd; yog li ntawd, txhua tus uas ntseeg nws yuav tau txojsia ntev dhawv mus ibtxhis.” (Yauhas 3:14-15)

Phau Khiavdim nyob hauv Vajluskub sau txog ib zaj xwm txheej txaus ntshai hais txog qhov uas raug nab tom. Cov neeg Yixalayees mus dhau ib lub tiaj suab puam ntawm tus dej Niles txog rau dej Yauladees tau Mauxes coj kev. Tas lawv ntsib ib tug yeebncuab uas phomsij heev, ntawd yog nab liab – tsis yog ib tug xwb, tiamsis tsheej txhiab tus.

Cov nab no nws me heev, ntev li 60 cm, thiab nyuaj ntsia pom nws. Cov nab no nkaum hauv qhov xaij, ntau zaug lawv tshwm lawv lub taub hau tawm me me xwb.

Karl Schmid, yog ib tug tub txawg tshawb nrhiav nyob hauv chaw teev tseg ntawm Chicago, yawg tuag vim raug nab tom. Yawg suav tias cov nab liab no yog ib hom nab uas phomsij tshaj plaws. Lawv tsis mus ib leeg ib zaug li. Nyob sab hnub poob Ấn Độ, muaj yuav luag li ib feem plaub triệu tus nab li raug muab tua pov tseg hauv ib nyuag cheeb tsam me me.

G.S. Cansdale sau tias yeej tsis muaj ib hom nab twg yuav muaj coob npaum li ntawd. Nws cov taug yog hom taug uas phomsij heev, ua rau tib neeg tuag taus, thiab phomsij dua lwm hom nab. Thiab hom nab no yooj yim ua rau lawv npau taws thiab lawv tsiv heev.

Muaj ib pab nab liab tab tom nkaum hauv qhov av ze Edoos. Thaum ntawd muaj yuav luag li peb triệu neeg Yixalayees mus dhau moj sab qhua. Yog li cov nab no thiaj tom lawv luj taws, vim lub sijhawm ntawd, lawv tsis rau khau zoo tsuas yog tej nyuag khau khiab. Mauxes hais tias: “Muaj ntau tus nab tshwm hauv cov pejxeem thiab tom ntau tus neeg Yixalayees tuag lawm.”

Cov pejxeem ntshai thiab lees txim rau Vajtswv, Vajtswv hais rau Mauxes tias: ”Tus Tswv kom Mauxes muab tooj nchuav ua ib tug nab thiab muab mus ntsia rau ntawm ib tug ncej, yog nab tom leejtwg, kom tus ntawd tsa qhovmuag ntsia tus nab tooj ntawd nws thiaj tsis tuag.” Tus nab tooj thaum ntawd dhau los ua ib hauv tshuaj kho cov neeg Yixalayees kom zoo lub sijhawm ntawd. Thaum ntsia tus nab tooj, cov neeg raug nab tom yuav dim.

Tus nab tooj no dhau los ua ib lub cim kho zoo. Thiab twb yog daim duab no kuj dhau los ua lub cim rau txoj kev kho mob niaj hnub nim no – ib tug nab ntsig lees ib tug pab. Yog lub cim qhia tias yuav tau kho zoo thiab kho zoo tej mob nkeeg, sab nqaij tawv thiab siab ntsws tib si.

Daim duab tus nab tooj muab dai kuj yog lub cim cev lus txog Yexus Khetos txoj kev tuag saum Ntoo Khaub Lig. Vajtswv txojlus nyob hauv Yauhas 3:14-15 sau tias: “Mauxes tsa tus nab tooj rau saum tus ncej tom tiaj suabpuam li cas, luag yuav muab Neeg Leej Tub dai ib yam li ntawd; yog li ntawd, txhua tus uas ntseeg nws yuav tau txojsia ntev dhawv mus ibtxhis.”

Nyob hauv Vajluskub, Xatas tau muab piv zoo li tus nab – nws muaj tus cwjpwm phem thiab dag ntxias, sawv cev rau txoj kev txhaum thiab kev phem hauv ntiajteb. Nws lub qhov txhab uas nws tom mas muaj taug heev, tej qhov txhab uas nws tom no tsis yog tsuas mob xwb tiamsis tseem tuag neeg thiab – kev tuag ntawm sab ntsujplig vim kev txhaum. Tiamsis nyob hauv txoj kev tuag tsaus ntuj nti ntawm tej kev txhaum, Tswv Yexus pub ib hauv tshuaj rau peb kom kho zoo. Hauv tshuaj ntawd yog Cawm Seej Tswv Yexus cov ntshav, tus tau tuag saum Ntoo Khaub Lig ris tib neeg ntiajteb tej kev txhaum. Thiaj yog tib hauv tshuaj uas yuav cawm tau tib neeg dim ntawm Xatas tus taug – yeej tsis muaj dua lwm yam txawv ntawm Tswv Yexus txoj kev tuag. Tswv Yexus cov ntshav ntws los kom peb tau kho zoo tej qhov txhab uas o o ntawm txoj kev txhaum tsim muaj.

Thov caw nrog kuv peb thov Vajtswv ua ke:
Leej txiv tus muaj kev hlub, kuv tab tom ua neej nyob rau hauv ib lub ntiajteb uas tsaus ntuj nti, qhov chaw uas Xatas tos rawv yuav tom zoo li tus nab muaj taug. Thov Vajtswv tiv thaiv thiab tso kuv dim ntawm tus taug kev txhaum, vim kuv paub tias Yexus Khetos cov ntshav yog hauv tshuaj yuav kho zoo kuv dim ntawm tus taug ntawm txoj kev tuag. Kuv thov muab kuv txoj kev ntseeg tso rau ntawm Tswv Yexus txoj kev kho zoo, yog kev hlub pab kom kuv sawv khov kho thiab tiv dhau txhua txoj kev ntxeev ntxias. Kuv thov hauv Tswv Yexus Khetos lub npe. Amees.

Cov kwv tij txhua tus, txawm yog peb yuav siv zog luaj twg los tawm tsam kev txhaum los, tej kev siv zog ntawd yuav tsis muaj hnub daws tau. Peb yuav cim civ cawm tsis tau peb dim ntawm txoj kev tuag ib txhis uas yog tus taug ntawd tsim muaj. Cawm Seej Tswv Yexus tib leeg yog lo lus teb, yog hauv tshuaj cawm kawg tseg rau tib neeg. Cia li ntseeg thiab txais yuav Nws txoj kev cawmdim uas Nws pub, thiab tsuas yog Vajtswv tib leeg xwb thiaj muaj lub hwjchim ntxuav tau tus taug tuag ntawd tawm, thiab pub rau peb muaj txojsia ib txhis.

Hnub no yog hnub 27/2 kuj yog hnub uas nco txog tej kws tshuaj nyob hauv tebchaws Nyoblaj, kev thov Vajtswv txhua hnub thov xa lo lus noj qab nyob zoo rau cov kwv tij uas tab tom ua haujlwm hauv tsev tshuaj. Thov Vajtswv pub tswv yim rau tej haujlwm ua kom muaj nqis, foom hmoov rau cov muaj mob uas txais tau kev pab kom zoo. Vajtswv txojlus nthuav qhia rau peb tias Tswv Yexus yog tus kws tshuaj kws zoo, thiab peb txhua tus yuav tau saib ntsoov Nws, mus cuag Nws los ntawm txoj kev ntseeg kom txais tau txoj kev cawmdim thiab kev kho zoo los ntawm Vajtswv los.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.