Ngai Yang Lik Ling là kơnhai chò hòp mơ kung là ngai ring lơngai. Bơta lơ ngai la bơta jrô ndơp tom nùs nhơm kòp nă, cau lơi kung ji gloh tơhir. Ring lơngai ò dê mìng la tu lơgarr ò gơs bơta tòm lơh, bol glar mơya gơs bơta ring lơngai tòm hwing soan digul cal rbut rài kis dê. Digul dunnia roh bơta lơngai, kòn mơnuss rgowi jofi bơta lơngai tềng lơi taih?

Ngai do, ngai 19/12/2025, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Katy Kauffman bơh tơnggume: RING LƠNGAI TÒM YÀNG LIK LING.

‘Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt. ‘ (Jang 14:27)

Pơgap dô nam lài or, hiu nha an ơm tòm hiu sơ nơm tòm jơt ngai, mơ gơs ală ngai an ò bic lơhă nàng sền gar cau gơp să an jee. Mang dơ dul ơm tòm hiu sơ nơm, an mìng bic pơ gap 30 phuk hơ đăng cơ nơng tòm ơdu cau kòp dê, gen pal tòm pà cơ nơng cau ndai in rlô. An nggùi cơ nơng digah cơ nơng bic, ơn mo mo sền cau kòn gơboh he nhơm tòm tu bic. Tòm tu hơ, an sền ndang, hòi dan ndang.

Ngai tơnơ, an git an pa rê tòm hiu rlô nàng tơl pran nàng sền gar cau kòp, mơya an of kon lik bơh hiu sơ nơm. An mìng kơ lôi tus bơta rơp gơs broă lơi rgơi gơlik gơs tu an ò gơs mat kung gơlơh an in ò ring lơngai. gen behơ, an hòi dan mơ lùp Yàng an rê tòm hiu hala ò. Nisơna, nus an geh tơngkah lah cau gơp să an gam ơm tòm bơta ring lơngai. An git hiu sơ nơm sền gar niam ngan, mơya an kung git lah sa tòm Yang kung sền gar cau gơp să kòn gơboh an jê tòm tê Yang dê.

Ngai Yang Lik Ling nam do, bol he kơp kòn hiu nhă, cau gơp să bol he dê gơs bơta ring lơngai mơ pran kơldang. Bol he kơp kòn gơs bơta ring lơngai hơ đang tiah mơ bơta lơ ngai tòm nus nhơm. Mơya bol he kis tòm dunnia bêng bơta bol glarr, tòm lơh mơ sơr lồng sơrlàng. Bulah be hơ Yang Jesu neh ho pơgon ai pà bol he in bơta lơngai Yang dê. Yang Jesu đơs: ‘Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt. ‘ (Jang 14:27)

Tu Yang Jesu lik ling, ala cau gơn rơh yal tơlik: ‘“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.” ‘(Luka 2:14). Tu Yang Jesu lik ling, dunnia pal cang ngan bơta ring lơngai, mơ neh rlau bar rboo sơ nam tơ nơ, bơta pal cang hơ ò tu lơi tòm gơl. Bulah rài lơi, kòn mơ nus kư kơp kòn bơta ring lơ ngai ngan. Epictetus,cau jak chài cau Hy Lạp đơs lah: “Bơtau rgơi cèng tus bơta lơ ngai hơ đang tiah mơ dà lềng, mơya ò rgơi tă tơlik kòn mơ nus bơh nus ham kon, bơta moat jrung hala boah gơ jran. khi ò rgơi ai pà kon mơ nus in bơta lơ ngai tòm hweng soan, bơta mơ cau ji gloh tơhirr rlau mơ bơta lơngai đah bơdih’’. Epictectus neh sơnio dô bơta nền ngan, kòn mơ nus ò rgowi lơh bơta lơi nàng joi bàn bơta lơngai ngan. Hweng soan kòp nă mìng lơh bền tơl bơh Yang Jesu la Bơtau neh hơ Yang ai pà bol he in bơta ring lơngai ò be dunnia ai pà. Tu ala cau gơn rơh yal tơnggit bơta lơngai hơddang tiah, bơta hơ gơs gơtha la kòn mơ nus rgơi dòp rò bơta lơ ngai ngan tu bol khai geh gơ tòm sor wơl mơ Yang Tom Trô gan dê Yang Jessu . Tu dô nă cau dòp rò Yang Jessu tòm nus, bol khai ò gơ kol bơh tồi glai mơ bơta rngoft tai, mơya gơs bơta kơp gơn mơ bơta kis pa. Hweng soan bol khai gam ring lơ ngai di gul bơta bol glar, siou siar, ơm is hala roh bơta gơn kơ òm. Bơta lơngai ràng tơlik loh lang tòm nus nhơm gơs Kòn Dềt Betlehem ơm bal.

Tu bol he don kơ nòm dê Yang, bơta ring lơ ngai gơr wang gùt dar bol he. Bơta ring lơ ngai hơ gơs sum kòp nư in, mơya bol he pal pò nus nàng dòp rò. Mơ tu dòp geh, bol he đal git he gơs Yangf ơm bal mơ dong kol tòm ala bơta gơlik gơs. Yang Jessu ò ai pà bol he in bơta lơngai ìng dunnia dê mơya bơta lơ ngai kơ cê, jo jofng, lơ bơn niam bềng gơ nap gơ noar.

Digul bơta gơ lòng mơ ò ring lơ ngai rai kis dê, kơp kòn bol he geh joi bàn tòm Yang Jessu “bơta lơngap lơ ngai jòng rlau jơh ală bơta git wă” (Phili 4:7). Bol he rgơi kis tòm bơta lơngai tài bơh Yang neh ho ai pà bol he in. Bol he rgơi kis tòm bơta gơn kơ nòm tài bh bol he duh khoai Yang Tòm Trô bèng gơ nap gơ noar mơ kòn gơ boh. Bol he rgoi rloo tòm Yang, tài bơh Yang sum ai pà, ai bơta nđac mơ sơm bat he tòm tê Yang dê.

Dan jà bol he dô nùs bal tòm bơta hòi dan: Khoai Bèp kòn gơboh, kòn ưn ngài Yang tài bơh digul bơta ò lơngai rài kis dê, kòn gơs jơnau pơn dòm pơn iang lah: “Nùs bol mê bañ dơrcul mơ bañ rngòt”. Dan dong kol kòn sum kơ nòm dê Yafng, nàng bulah kòn ơm tòm bơta gơ lòng dơng, kòn kung đal git bơta ring lơ ngai mơ tê Yang tề lam kòn. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, Bơta lik ling Yang Jessu dê neh ai pà lơngap lơngai dunnia in. Tu đal git bol he geh dòp rò bơta lơmngai bơh Yang, bol he kung geh hoi ja nàng tòm pà cau ndai in bơh bơta lơngai hơ.

Ồng mò oh mi git cau lơi ơm is mơ ò gơs bơta lơ ngai sơl? ồng mò oh mi go cau lơi joi bơta gơtha rài kis dê moya od tu lơi go sơl? Ban gơplo mat dê alaw bơta bol khai geh tìp, mơya niam nus tus mơ tòm pà bơh Yang Jesu, nàng bol khai hung rgơi đal git bơta chò hòp mơ bơta lơ ngai ngan tòm Ngai Yang Lik Ling do.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.