Nyob rau lub caij ua koob tsheej teeb cig lam lug txhua qhov, tib neeg pheej nrhiav kev zoo siab nyob hauv tej pob khoom, tej rooj noj rooj haus lossis tej suab nkauj koob tsheej. Tiamsis nyob hauv tej suab ntawd, ntau zaug peb lub siab ho hnov khoob lug tsis paub piav li cas. Tej zaug yam uas peb muaj tsis txaus yog ib txoj kev tab pov tias – nyob rau lub ntiajteb puv npo txoj kev tsis kaj siab no, yeej tseem tshuav ib qhov chaw tso siab rau peb nkaum. Nyob rau lub neej tsis paub tom ntej no, yeej muaj ib tug tuav peb los ntawm txoj kev hlub tsis hloov pauv.

Hnub no, yog hnub 23/12/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Brian Simmons dhau ntawm Zaj kawm KEV COG LUS TXOG KEV KAJ SIAB.

“Thov kom Vajtswv tus uas nyob saum ntuj ceebtsheej tau koob meej, thiab thov kom cov neeg uas nyob hauv ntiajteb txhua tus uas ua haum Vajtswv siab tau zoo nyob kaj siab lug” (Lukas 2:14)

Koj puas paub zaj xwm txheej hais txog ntsiav thaj uas dhos ib tug pas rau?
Thaum ub muaj ib tug kws ua thaj siab zoo laus laus lawm. Yawg nyiam ua thaj, tshwj xeeb yog ua rau tej menyuam yaus. Muaj ib zaug txog lub koob tsheej Tswv Yexus yug, yawg xav tsim kom tau ib co thaj tshwj xeeb- zaj xwm txheej tshwj xeeb txog Tswv Yexus.

Tus kws ua thaj ntawd pib ntawm ib ntsiav thaj dawb paug, tawv li pob zeb. Dawb piv rau txoj kev dawbhuv tias Tswv Yexus tsis tau ua txhaum dua li. Tshuav ntsiav thaj muab ua tawv tawv kom ntuas peb nco ntsoov tias Vajtswv yog qhov chaw nkaum ruaj khov, zoo li ib lub qhov tsua ruaj khov.

Tas koj puas pom ntsiav thaj nws zoo li cas? Yog, nws zoo li lub npe ntawv J- yog thawj lub niamtxwm ntawv ntawm Tswv Yexus lub npe, thiab kuj yog daim duab ntawm tus “Tswv Yug Yaj Zoo”. Qhov kauv ntawm tus pas yog siv mus nqe cov yaj rov qab, tshuav ntu ncaj siv los tawm tsam cov tsiaj phem. Tswv Yexus kuj ib yam li ntawd, Nws rub tes, tiv thaiv peb kom tso siab lug.

Thaum kawg, tus kws ua thaj ntxiv ib cov xim liab rau ntuas kom peb nco txog tej qhov txhab thiab Tswv Yexus cov ntshav tau ntws los vim peb saum ntoo khaub lig vim peb tej kev txhaum, kom peb tau nyob hauv txoj kev kaj siab nrog Vajtswv mus ib txhis.

Zoo li ntawd tiag, zaj xwm txheej txog ntsiav thaj muaj tus pas ntawd tsis yog tsuas hais txog ntsiav thaj xwb, tiamsis hais txog Tswv Yexus txoj kev hlub thiab kev muab pub ntau heev tseg rau peb txhua tus. Thiab kuj ntuas peb kom nco txog txoj kev hlub tiag uas Vajtswv coj los.

Kev kaj siab hnov yeej ib txwm swm, tiamsis kuj tsis tshua lam muaj. Peb ntshaw kom muaj kev kaj siab hauv lub neej, nyob hauv tej kev sib raug zoo, hauv tes haujlwm, hauv lub dag zog, ntau zaug nyob hauv peb txoj kev nco txog. Tiamsis thaum twg kuj zoo li ntawd, lub neej ntxhov nyho, tsis muaj kev kaj siab thiab qaug zog zis.

Tiamsis, Ntawv Nkauj 85 ntuas kom peb nco ntsoov tias Vajtswv yeej tuav rawv Nws tej lus cog tseg txog Vajtswv txoj kev kaj siab. Tus sau nws pib los ntawm ua rau kom rov qab nco txog txhua zaug uas Vajtswv tau zam txim thiab cawm cov neeg Yixalayees yav dhau los: “Nws coj Yakhauj cov neeg uas raug ntes mus ua qhev rov qab los. Vajtswv twb zam Nws haiv neeg tej kev phem lawm thiab txhawm kom puv nkaus rau lawv tej kev txhaum.”

Tas yawg ua tib zoo mloog saib hnub no Vajtswv xav hais txog yam dabtsi. Thiab yam uas Vajtswv hais ntawd yog tej lus cog tseg txog kev kaj siab. Lub hwjchim thiab Vajtswv txoj kev tshwm ntsej muag tab tom ci ntsa iab, Vajtswv lub hwjchim voob nkaus Vajtswv haiv neeg.

Thaum ntawd lub siab ntev thiab qhov tseeb yuav sib ntsib, kev ncaj ncees thiab kev kaj siab yuav tov sib xyaw ntxaws ua ke. Kev ncaj ncees yuav tawg paj, tshuav kev ncaj ncees yuav ci pom kev li lub hnub. Vajtswv yuav pub koob hmoov rau Vajtswv haiv neeg txog tej yam zoo, vim “kevncaj ncees yuav mus ua Nws ntej, thiab kho kev rau Nws txhais ruam” (Ntawv Nkauj 85:13).

Puag thaum pib los, Vajtswv twb cog lus yuav rov qab pub kom muaj kev kaj siab rau tib neeg qhov uas tib neeg ua poob lawm. Thiab Vajtswv tau ua tiav Vajtswv tej lus cog tseg ntawd, dhau ntawm Tswv Yexus, tus uas hu tias Tus Tswv ntawm kev kaj siab. Tswv Yexus los coj txoj kev kaj siab los pub rau peb yog txoj uas peb cim civ khwv tsis tau. Ntawd yog kev kaj siab tiag, ruaj khov uas lub ntiajteb pub tsis tau, thiab kuj txeeb tsis tau. Zaj xwm txheej txog koob tsheej Tswv Yexus yug yog cov lus tshiab txog txoj kev kaj siab uas peb ntshaw, tau pub rau txhua tus.
Ib yam li cov timtswv tau hais txog rau thawj hmo koob tsheej Tswv Yexus yug:
“Thov kom Vajtswv tus uas nyob saum ntuj ceebtsheej tau koob meej, thiab thov kom cov neeg uas nyob hauv ntiajteb txhua tus uas ua haum Vajtswv siab tau zoo nyob kaj siab lug” (Lukas 2:14).

Koob tsheej xyoo no, thov kom koj yuav saj tau txoj kev kaj siab ntawd puag hauv lub siab, yog txoj kev kaj siab tiag uas Tswv Yexus thiaj muaj cuab kav muab pub.

Thov caw nrog kuv peb thov Vajtswv ua ke: Tswv Yexus thaum kuv lub siab yoj yees vim tej yam uas tsis zoo li siab xav, thov ntuas kom kuv nco ntsoov tias kuv txoj kev kaj siab tiag nws los ntawm Koj los. Thaum kuv qaug zog vim siv zog tswj txhua yam, thov pub kom kuv kawm paub muab txhua yam tso rau koj, ntseeg tias koj yog tus tuav kuv lub neej. Thiab nyob rau koob tsheej xyoo no, thov ua rau kom kuv dhau los tus tub xa koj txoj kev kaj siab mus rau tej neeg ib ncig. Kuv thov hauv Tswv Yexus Khetos lub npe, Amees.

Cov kwv tij txhua tus, koob tsheej Tswv Yexus yug xyoo no, tej zaug koj yeej tseem ua tsis tau txhua yam uas koj xav tau. Tiamsis tseeb tiag, koj yeej ib txwm txais tau qhov khoom plig muaj nqis ntawd: ntawd yog Tswv Yexus, tus uas twb los rau hauv ntiajteb cawm lub ntiajteb thiab txhawm kom puv nkaus tej qhov khoob lug hauv tib neeg lub siab. Koj yuav nrhiav tsis tau kev kaj siab tiag nyob rau ib qhov twg hauv lub ntiajteb no, dhau ntawm Tswv Yexus txhais tes. Thov kom koj tau tiv thaiv los ntawm txoj kev kaj siab ntawd, nrog lo lus cog tseg tsis hloov pauv: “Kuv tseg txoj kev kaj siab rau nej”.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.