Koj puas pom hnov txawv thaum uas xav txog qhov no: nyob rau hmo ntsiag to ntawd, muaj ib tug menyuam tau yug los rau hauv lub dab zaub – thiab qhov xwm txheej no dhau los ua qhov xwm tseemceeb tshaj plaws ntawm keeb kwm tib neeg! Peb hu tias yog koob tsheej Tswv Yexus yug, thiab koom siab ua kevcai nco txog nrog tej teeb cig lam lug thiab tej khoom plig ci ntsa iab. Tiamsis tomqab tag nrho tej kev zoo siab ntawd yog ib zaj xwm txheej uas mob siab heev. Zaj xwm hais txog tus uas tau taug txoj kev ntawm lub dabzaub mus txog saum ntoo khaublig, vim hlub koj thiab kuv.

Hnub no, yog hnub 24/12/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Bruce C. Swaffield dhau ntawm Zaj kawm RAU QHOV VAJTSWV HLUB NEEG NTIAJTEB KAWG LI.

“Rau qhov Vajtswv hlub neeg ntiajteb kawg li, nws thiaj txib nws tib Leeg Tub los rau hauv ntiajteb. Tus uas ntseeg nws Leej Tub, tus ntawd yuav tsis tuag, tiamsis yuav tau txojsia ntev dhawv mus ibtxhis” (Yauhas 3:16)

Nyob ntawm txoj kev maj nroos rau lub koob tsheej Tswv Yexus yug, muaj ib lub suab nws nrov thoob keeb kwm tib neeg: Tswv Yexus los yug thiab raug tuag. Tswv Yexus txoj kev los yug ua rau muaj kev cia siab thiab cov lus cog tseg txog ntuj ceebtsheej, tiamsis twb yog vim Nws txoj kev tuag thiaj qhib txoj kev cawmdim rau peb.

Nyob hauv ntau daim duab tiam huam vam, daim duab Malis thiab tus metub Yexus lawv kos tau txoj kev mob siab ntawd. Leej niam lub ntsej muag saib tus metub puv npo kev hlub, tiamsis kuj muaj qhov kev nyuaj siab nrog. Pog zoo siab, xav tsis thoob rau qhov txujci uas yus tab tom tuav ntawm tes, tiamsis txoj kev zoo siab ntawd kuj tov sib xyaw ntxaws nrog kua muag, vim pog paub nws tus tub tau yug los ua kom tiav ib tes haujlwm mob siab heev. Nyob hauv Malis lub suab luag twb muaj qhov tawg kaus ntawm cov kua muag lawm.

Tomqab daim duab lub dabzaub sov so ntawd yog daim duab tus ntoo khaub lig tab tom tos ntsoov. Tsis ntev xwb, tus ntoo ntawd, yuav raug ris lub cev me me uas tsis muaj kev txhaum no. Tsis ntev xwb, Tswv Yexus lub neej ntiajteb yuav xaus, ris tag nrho tib neeg ntiajteb tej kev txhaum, tas sawv rov qab los nrog txoj kev muaj yeej thiab lub hwjchim ci ntsa iab.

Koob tsheej xyoo no, peb muaj ntau yam los ua Vajtswv tsaug. Ob txhiab xyoo dhau los, Tswv Yexus tau los yug, tsis yog los nyob nruab nrab hauv peb xwb, tiamsis tseem yog los tiv kev txomnyem, raug ntsia saum ntoo khaub lig. Nws ua txhua yam vim hlub peb. Thaum no, Nws nyob saum ntuj ceebtsheej, saib lub ntiajteb los ntawm lub siab mos muag, thiab Nws hais tias: “Kuv ua txhua yam vim kuv hlub koj!”

Koobtsheej Tswv Yexus yug yeej tsis ua rau nrov nroo ntws. Tswv Yexus yug nyob rau hauv lub nkuaj yaj, tsaus ntuj nti, ntsiag to tsuas hnov tej tsiaj phov khis khaus, nyob ntawm cov neeg yug yaj txomnyem ib sab. Ntiajteb yeej tsis paub tias hmo ntawd yog hmo uas hloov pauv tag nrho keeb kwm tib neeg. Tsis muaj teeb cig lam lug, tsis muaj zaj nkauj hu qhuas, tsis muaj tus yawm laus Noel, tsis muaj daus lossis tsis muaj khoom, tshwj tib qhov khoom loj tshaj yog: Tswv Yexus tus kheej.

Yam uas Vajtswv ua rau hmo ntawd nws siab tshaj tib neeg kev totaub. Dhau ntawm Vajtswv tib leeg tub, Nws nthuav tawm yam uas qhov muag tsis tau pom, lub hlwb tsis tau nkag siab. Nws qhia rau lub ntiajteb paub txog ib txoj kev cia siab uas tsuas txais tau los ntawm lub siab, kev cia siab los ntawm Vajtswv txoj kev hlub los.

Tomqab tej teeb cig lam lug thiab tsob ntoo koob tsheej yog lwm lub hauv paus pom kev, qhov pom kev ntawd cig tshaj txhua yam. Tiamsis hnov khuv xim vim muaj coob tug ntsia tsis pom qhov pom kev ntawd, vim lawv pheej tsom tsoov rau tej kev zoo nkauj sab nraud xwb. Lawv tsis paub tias thaum yus muab khoom plig pub rau tej txheeb ze nyob rau hnub koob tsheej, lawv tab tom rov qab muab tes haujlwm nthuav tawm kev hlub loj tshaj plaws hauv keeb kwm nthuav qhia rau sawv daws pom: tes haujlwm uas Vajtswv tau ua thaum uas pub Nws tib leeg tub rau lub ntiajteb.

Tas, Yauhas 3:16 nrov tuaj muaj lub ntsiab nyob rau hauv hnub koob tsheej Tswv Yexus yug: “Vim Vajtswv hlub lub ntiajteb txog qhov uas tso Nws tib leeg tub los…” Vim Vajtswv txoj kev hlub tsis muaj nrim ntawd, Nws muab Nws tus tub fij rau peb, nyob hauv txojsia thiab kev tuag. Hnub no, cia li hu nkauj zoo siab, vim Tswv Yexus twb los yug pub txojsia tshiab rau peb, thaum no thiab mus ib txhis.

Thov caw nrog kuv peb thov Vajtswv ua ke: Tswv Yexus, txhua zaug koob tsheej Tswv Yexus yug los txog, kuv rov qab nco tias Koj tau tso ntuj ceebtsheej tseg los rau hauv lub ntiajteb me me no vim hlub kuv. Ua Vajtswv tsaug koj tau xaiv txoj kev txo hwjchim, tiv kev txomnyem, kam tuag cawm tus neeg txhaum zoo li kuv. Thov pab kom kuv tsis yog tsuas koom rau txoj kev zoo siab hauv koob tsheej Tswv Yexus yug xwb, tiamsis tseem paub ua leej txiv tsaug vim txojkev hlub loj zoo kawg nkaus ntawd. Thov kom Vajtswv txoj kev hlub cig hauv kuv lub siab, kom dhau ntawm kuv, lwm tus kuj yuav pom qhov pom kev ntawd thiab mus pehawm Nws. Kuv thov hauv Tswv Yexus Khetos lub npe, Amees.

Cov kwv tij txhua tus, tej zaug hnub no koj tab tom nrhiav ib qhov khoom plig muaj nqis muab pub rau cov neeg uas muaj kev hlub. Tiamsis koj puas paub, Vajtswv twb ua tej ntawd ua ntej koj ntev heev los lawm. Nws muab Nws txoj kev hlub coj los qhwv rau hauv tus metub, tas muab pub rau tib neeg ntiajteb. Tej zaug tej teeb cig lam lug sab nraud tsis ua rau muaj tus ntsujplig ntawm koob tsheej Tswv Yexus yug tiag. Tiamsis ntawd yog lub sijhawm uas tseg rau peb lub siab qhib, kom ib zaug ntxiv thiab txais yuav qhov khoom plig uas tsis muaj nqi ntawd: tus cawm seej Tswv Yexus, qhov pom kev hauv txoj kev cia siab cig tsis muaj hnub tuag.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.