Peb tab tom ua neej nyob rau lub qab ntuj ua sib tw tsis paub xaus, peb kuj rau siab khiav ceev heev li, kom tsis txhob raug tso tseg rautom qab. Hauj lwm, kev npau suav, lub npe ntawm txoj kev ua tiav, thiab txoj kev sib raug zoo – thiab peb xav hais tias tej ntawd yog yam uas ua rau peb muaj kev zoo siab. Tiam sis puas tau muaj ib zaug twg uas peb ua tib zoo xav thiab rov nug yus tus kheej tias: Nyob hauv txhua yam uas peb suav hais tias tseem ceeb, li ntawd koj tab tom muab Vạj Tswv tso rau qhov twg? Lo lus nug ntawd yog ib lo lus ceeb toom uas Tus Tswv tab tom hais rau peb niaj hnub no: Tus Tswv tsim nyog tau tsa los nyob rau qhov chaw tseem ceeb tshaj plaws yog los nyob rau hauv peb lub siab.

Hnub no, yog hnib 28/12/2025, peb kev thov Vaj Tswv Txhuas Hnub, caw koj los nrog peb kawm Vaj Tswv Txoj Lus dlau ntawm Anissa Rowe, lub npe YAM YUAV TSUM TAU UA NTEJ TSHAJ.

“Tiamsis nej yuav tsum xub nrhiav Vajtswv lub Tebchaws thiab ua raws li Vajtswv lub siab nyiam tso, Vajtswv mam muab tej no ntxiv rau nej.” (Mathais 6:33)

“Tiamsis nej yuav tsum xub nrhiav Vajtswv lub Tebchaws thiab ua raws li Vajtswv lub siab nyiam tso, Vajtswv mam muab tej no ntxiv rau nej.” (Mathais 6:33)
Nqe Vaj Lug Kub no dlau ua ib “nqe tshooj” rau hauv kuv nruab siab. Txij thaum me kuv twb tau mloog ntau zaug heev. Tiam sis kuj muaj tej lub sij hawm kuv rov nug kuv tus kheej: Qhov tseeb tiag, kev nrhiav Vajtswv lub tebchaws ua ntej tshaj plaws yog li cas?

Tsuas muaj ob lo lus coj los piav: Ua ntej. Vaj Tswv tej lus sam fwm, Vaj Tswv lub siab nyiam, Vaj Tswv Txoj kev hlub, tag nrho txhua yam yuav tsum muab tso ua ntej tshaj plaws hauv lub neej thiab txhua yam uas peb npaj. Tsuav yog li ntawd xwb ces, tag nrho lwm yam yuav cia li los nyob yog rau nws qhov chaw. Nws yog ib yam nyuaj heev rau tib neeg lub hlwb kom to taub txhua yam no. Tiam sis kuv pom tau tias, lo lus ntawd tsis yog “cia siv thaum pom tias yooj yim xwb”, tshwj xeeb yog “lub sij hawm twb hloov lawm” lossis “Tswv yeej nkag siab tias koj tsis muaj sij hawm ntau.”

Tswv Yexus tau hais tseeb tias: “Yog leej tsis kam tso txhua yam yus muaj tseg, ces tus ntawd ua tsis taus Tus Tswv li thwj tim.” Lo lus ntawd Vaj Tswv hais puag thaum ub, thiab niaj hnub nim no tseem yog li lo lus ntawd hais. Txawm qhov ntawd txhais tias peb yuav tsum tau ua tej yam uas ua rau peb tsis kaj siab, yuav tsum tau tso txhua yam uas tab tom tiv thaiv koj nrog Vaj Tswv sib raug zoo, lossis yuav tsum muab yus tej kev npau suav uas yus ntshaw ua kom tiav tso tseg huv si.
Coo leej hauv peb ua txuj tsis pom, tsis xav ntsib tus nqi tseeb uas raws yus kev cog lus ntawm Vaj Tswv.

Txawm li ntawd los, Vaj Tswv xav foom koob hmoov rau txhua yam uas peb ua.Vaj Tswv xav nqi txhua lub qhov rai saum nruab ntug thiab ncuav koob hmoov ntawm sab ntsuj plig thiab sab cev nqaij daim tawv. Tus Tswv xav txhua yam kev npau suav nyob hauv peb lub siab. Tiam sis tej zaum peb tsis nco tias, peb kev txo hwj chim, kev mloog lus, kev ntseeg thiaj yog qhov uas ua rau Vaj Tswv ua hauj lwm rau hauv peb.

Thaum uas kuv tag nrho siab teb: Vaj Tswv aw, nyuam yaus ua txhua yam vim Koj lub npe, tsis yog pheej taij thov Tus Tswv ua txhua yam loj rau yus tus kheej, kuv tau nrhiav pom txoj kev thaj yeeb uas loj hla dlau ntawm kuv kev to taub. Kev tso tseg thiab kev muab fij yog yam uas nyuaj tshaj, los kuj yog yam uas peb yuav tsum tau ua txhua hnub.

Thiab zoo kawg nkaus, yog peb ua tau qhov ntawd, Tus Tswv yuav ua thiab nres txhua yam ntxiv.

Muaj ntau hmo kuv saib cov hauj lwm sib teeb siab li roob, ua rau kuv siab txhov nyo. Tej zaum qhov no yog feem coob ntsib zoo ib yam li ntawd. Tab sis nqe Vaj Lug Kub ntawd rov nrov hauv kuv lub siab. Ua ntej kuv pib ua ib yam dab tsi, kuv muab txhua yam kev xav tso tseg ib sab thiab siv sijhawm nrog Tus Tswv: thov Vajtswv, nyeem Nws Txoj Lus, lossis yog mloog ib zaj lus qhuab qhia luv.
Thiab koj puas paub? Kuv hnov rov muaj zog tshiab dua. Nws zoo tshaj txhiab puas zaus li pws kov xov tooj los sis zaum ntsia ntsoov lub máy tính, xav kom nws ua kuv cov hauj lwm tiav pub rau kuv.

Vajtswv foom koob hmoov rau peb thaum peb tso Nws nyob rau qhov chaw tseem ceeb tshaj plaws. Vim Nws yog Vajtswv ‘khib siab’ (Kevcai 4:24).”

Tau ib ntus ntev heev, kuv tsis kam tso kuv ob txhais tes so. Kuv xav tswj txhua yam los ntawm kuv tus kheej. Tab sis lig los tseem zoo dua tsis ua li, thaum kawg kuv thiaj to taub tias yam uas kuv yuav tsum ua tiag tiag ces yog tso siab rau Tus Tswv. Nws tsuas yog yooj yim li ntawd xwb.

Tsis yog Vajtswv tsis xav kom peb siv zog rau hauv kev ua neej. Tab sis Nws xav kom peb ua raws li Nws txoj kev, txij li thaum nyuam qhuav pib mus txog thaum kawg. Yog lawm, Vajtswv xav kom peb ua tiav txhua yam, tab sis Nws kuj xav qhia kom pom tias yog Nws lub hwj chim tab tom ua hauj lwm nyob hauv txhua tus ntawm peb, vim hais tias peb tus kheej yeej ua tsis tau yam dab tsi li.

Yog li ntawd hnub no kuv xav txhawb koj li no: cia li qhuas thiab muab Tus Tswv Cawm Seej Yexus tso rau qhov chaw uas siab tshaj plaws hauv koj lub hlwb, qhuas Tus Tswv yog Tus coj koj lub siab. Thiab Tus Tswv yuav yuav teem thiab npaj txhua yam ua ntej rau koj. Nws twb tau cog lus li ntawd rau Nws haiv neeg lawm.

Thov caw nrog kuv peb thov Vajtswv ua ke: Tus Tswv, nyuam yaus paub tseeb tias thaum uas tso ua ntej txhua yam, nyuam yaus lub neej thiaj muaj nuj nqis tseeb tiag. Thov zam lub txim pub rau nyuam yaus vim muaj nqee lub sij hawm nyuam yaus cia lwm yam los hloov Koj, qhov chaw tseem ceeb nyob rau hauv nyuam yaus lub siab. Hnub no, nyuam yaus rov muab fij rau Tus Tswv Koj qhov chaw uas siab tshaj plaws hauv nyuam yaus lub siab, hauv txhua txoj kev txiav txim siab, txhua yam kev npau suav, hauv txhua txoj hau kev uas nyuam yaus yuav dlau mus. Thov qhia kom kuv paub ruaj siab rau ntawm Koj heev dua, paub tso tej yam uas los kav nyuam yaus, kom nyuam yaus yuav tau zoo nyob kaj siab lug, thaum uas paub tias Koj tab tom ua txhua yam rau nyuam yaus. Nyuam yaus koom siab thiab taij thov ntawm Tus Tswv Yexus Khe-tos lub npe, Amen.

Tus phooj ywg, thaum Tus Tswv Yexus yog yam zoo tshaj plaws hauv koj lub neej, txhua yam yuav cia li zoo thiab tiaj tus. Txhua yam uas tau ua rau koj muaj kev txhawj xeeb, ntxhov siab lossis tej kev quag zog cia li sib zuj zus, vim koj paub tias Tus uas tab tom tuav koj lub neej. Hnub no, cia li sim ib yam xwb: fij rov qab rau Tus Tswv qhov chaw uas yog thib ib, thiab koj yuav ra dleev txog txoj kev thaj yeeb uas tob tsis muaj yam dab tsi los piv tau, qhov uas Nws pub rau koj. Cia li hais lus zoo rau xyoo qub thiab txais tos xyoo tshiab uas tab tom los thiab cog lus tias “nrhiav Vajtswv lub teb chaws thiab Nws txoj kev ncaj ncees” ua ntej, thiab peb yuav tau paub Tus Tswv tseeb yog Tus uas “pub txhua yam ntawd ntxiv rau peb.”

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.