Ông mò găm kis rài kis jat Yàng mbe lơi? Tŭ gơtùp pừ, ông mò oh mi òs lơh lòt mƀe lơi? Dô bơta òs ngăn la bol he òs wèt hơ gùng tuh glài bơh bơta gơlik gơs in, ală bơta gùt dàr hala cau ndai, ít ngăn khìn chà dòp git lah să tòm he neh lơbơñ lơñò mơ săng lơi bơta lah pơrhơng Yàng Hwềng Goh di. Bơta hơ̆ ràng tơlik gùng kis jat poàc-să ala bơh kis jat Yàng Hwềng.

Ngai do, ngai 06/02/2026, tơnggu Hoi Dăn Kòp Ngai dăn ja ông mò oh mi kơlồi sơnờng bal jơnau Yàng kơnòm bơta dŏng kơl Jeff Markins bơh tơnggu mè KIS JAT POAC SĂ HALA KIS JAT YANG HWỀNG?

“Bơh cau kis jat poac-să gèn kơlồi wèt ală bơta đah poac-să, ai cau kis jat Yàng Hwềng gen kơlôi wèt ală bơta đah Yàng Hwềng.” (Roma 8:50

Rềp do ãn gơs tŭ lơmpah tip wơl dô nă cau bơyô mơ añ neh nggui tòm bơh bơr băl. tòm tŭ tòm bơh bơr, bàr nă ò kơlồi nê̆ mơ kah wơl bơh ală bơta iơh bơh yau dê. Bơyô añ yăl wơl bơh dô nă cau mơ bi git neh tis glài bờrnàn. Bơta di păl moàt jrùm la, ala bơh sền gŏ gơlơh bàssil, cau hơ̆ yăl wơl ală broă lơh tis hơ̆ bơh muh mat pơnyờ să, mơ crăp wơl dô sèng: “cau klau là behơ̆, mbe bơlơh!”

Kùng ndrờm be hơ̆ sơl, ala bơh tih dờng mơ kis gơs kơnờl broă, oă cau kơlồi lah he rgơi lơh jơh ală bơta lơi, bơh dô jơnau pờ bơr “añ la behơ̆!”. Mơya jơnau Yàng bơtô dô bă loh làng lah gơs bơta di mơ gơs bơta tis. Bol he ò rgơi kis khat goboh ìr mơ tơnơ̆ sồr cau păl duh rngòt di he be ală cau di pal dòn kơnòm. Yàng Tơm Trồ git loh nùs bol he, mơ broă lơh bol he di ràng tơlik bol he la cau mƀe lơi.

Bol he ò rgơi ngui jơnau đơs “añ lâ behơ̆” nàng tis glài bờrnan, cờ bạc, ñồ sa oă ìr, sền ală bơta bơ̆ iơh, hala tă ngui ơlă-ơlài. Jơh ală bơta hơ̆ ò đơs tùs rài kis khat gơboh, mơ mìng ai tơnggŏ cau hơ̆ siau tih dờng mơ siău kơnờl broă ai rài kis he. Cau gơnoăr bơtô Pol neh đơs lah: “Bơh cau kis jat poac-să gèn kơlồi wèt ală bơta đah poac-să, ai cau kis jat Yàng Hwềng gen kơlôi wèt ală bơta đah Yàng Hwềng.” (Rô- ma 8: 5)

Broă jơi kòn mơnùs gơs ală bơta he kơñ, hàm kờñ hala kờp kờn wìl tơl la be òs. Bơta pal càng la bol he lời bơta lơi tề lăm rài kis he di. Cau gơnoăr bơto Pol neh đơs lah kòn mơnùs gơs bàr bơta sac rwah kis: kis jat poac să hala kis jat Yàng Hwềng. Cau kis jat poac să lời ală bơta rngoh rngàc, chai rgơi is mơ bơta ham kờñ is ăt bồ; ai cau kis jat Yàng Hwềng lời Jơnau Sŏng Yàng dê tề lăm bơta kơlồi sơnơng mơ bơta lơh lòt he di.

Tòm tŭ dô nă cau đơs “añ là behơ̆” nàng jrơm tồi glài in, mơ nền cề la bol khai kis jat poac să. Cau hơ̆ ƀuôn ơn bơta rngoh rngac mơ bơta ham kờñ is he di jòng rlau bơta sàng goh mơ dòn duh Yàng. Pơrlơ̆ wơl, kis jat Yàng Hwêng ò gơs gơtha la bol he pal bơklơn să he tòm bơta boh lăm hala roh khat gơboh. Yàng Tom Trô ai gơnoăr bol he in sền sơwì dunnia bal mơ să tòm he, mơya bol he pal càng Jơnau Yàng lơh gơs mpan sơñio gùng rài kis he in.

Kơnòm Jơnau Yàng, bol he rgơi prăp kơ̆ he tòm bơta sàng goh mơ git kơrhia, nàng rài kis bol he dòp geh bơta chơ hòp mơ bơta khat goboh ngăn. Bơta chò hòp ò jat nùs kờñ Yàng cèng wơl bơta rhung rhăng mơ tòi glài, mơya bơta chò hòp tòm Yàng cèng tùs bơta rìng lơngai mơ hừh nùs.

Behơ̆, tih dờng là tŭ bol he git ơn jơh ală bơta kòp gơn mơ bơta kờp kờñ he di hơđơm bơta tề lăm Yàng dê. Bol he ò đơs “añ là behơ̆” nàng dong tò bơh broă lơh he dê, mơya git he càng geh tòm gơl kờp ngai nàng drờm mờ rùp sơñio Bơtau Krist dê.

Dan jà bol he dô nùs bal tòm bơta hòi dan: Khoai Yàng kòn dê, dăn Yàng nđàc sơngìt toh glài kòn in bơh oă dơ̆ kòn lơbờñ lơñò mơ pơnđơl dong tò tồi glai kon dê. Dăn dong kòn lik klàs bơh ală bơta hàm kờñ măt dê, bơta hàm kờñ poac să dê, bơta pơnhừ să rai kís dê, la ală bơta Yàng ò niam nùs. Dan Yàng dong kòn git pơndềt să, gơjrañ săng glài mơ kis jat bơta tề lăm Yang Hwềng Goh dê. Dan ai kòn in prăp Jơnau Yàng tòm nùs kòn dê, nàng jơnau Kơnràñ tề lăm kòn tòm kờp jơau đơs, kờp bơta kơlồi sơnơng mơ bơta lơh lòt. dăn Yàng Hwềng Goh tề lăm kòn tòm kờp rài kis sàng goh, dòn duh Yang sùm sùm. Kòn jơh nùs hoi dăn tòm sơnđăn Yàng Jesu Krist, Amen.

Ơ ală ồng mò oh mi kờn gơboh, tùs tĕ mơ Yàng tòm nùs nhờm pờndềt să mơ gơjrăñ săng glài, dăn Kơnràñ toh glai , tòm gơl mơ dong ông mò oh mi cơnđoà jat bơta tề lăm Yàng Hwềng Goh dê. Pleh ngai tĕ bơh ală gùng dà ƀuôn gơlơh ông mò oh mi in “kis jat poac să”. Gơn kơnòm tĕ pràn Yàng nàng ông mò oh mi rgơi pha lin rlau mơ bơta ơnnai mơ jôi jat bơta chò hòp tòm bơta niam nùs Kơnràñ. Dan ngai do, kòp nă bol he ròp hơ nền, cơnđòa jat bơta tề lăm Yàng Hwềng Goh dê, mơ rài kis bol he dê ròp geh git lam bơta lơngai tòm bơta he dòn bờr.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.