Yàng Tòm Trồ là Bơtau Dờng ngan, rlau mơ jơh ală bơta git wa os mòng kòn mơ nus dê. Tu yal tơlik Yang la Bơtau Dơng Ơnang, bol he pal dòp git lah he ò rgơi wờng wil tơl bơh Yang. Bulah ò git bơh Yang, mơya bol he git nền lah Yang kon gơboh bol he mơ gơs dô bơta rơndap tap sèng ring niam rài kis he in, bulah gơs ala tu bol he ò wờng ala bơta Yang lơh.

Ngai do, ngai 07/02/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl ồng Peter Lundell bơh tơnggume: BƠTAU DỜNG ƠNÀNG.

“Bơh ală bơta kơlôi sơnơng Añ jê ò di la ală bơta kơlôi sơnơng bol mê dê, hala ală gùng dà bol mê dê kung ò di la ală gùng dà Añ jê. Yàng Jehôwa đơs behơ̆. Bơh be ală tap trồ la jơnhoa rlau mơ plai ù kàr lơi, gen ală gùng dà Añ jê la jơnhoa rlau mơ ală gùng dà bol mê dê, mơ ală bơta kơlôi sơnơng Añ jê kung jơnhoa rlau mơ ală bơta kơlôi sơnơng bol mê dê kàr hơ̆ sơl. ‘ (Esai 55:8-9)

An nă ntao hơ đang rbang Mpong Mah tòm San Francisco, Hoa Kỳ. Di đap mat an la phan lơh ndong ơ nàng ngan. Nă ntao hơ đap bơta ring niam hơ, nus an ko lôi sơ nơng bơh Yang Tom Trồ, là Bơtau dơng ơ nang rlau joh.

Rbang do tơng kah an bơh Jo nau Yang tom Esai 55:8-9: “Bơh ală bơta kơlôi sơnơng Añ jê ò di la ală bơta kơlôi sơnơng bol mê dê, hala ală gùng dà bol mê dê kung ò di la ală gùng dà Añ jê. Yàng Jehôwa đơs behơ̆. Bơh be ală tap trồ la jơnhoa rlau mơ plai ù kàr lơi, gen ală gùng dà Añ jê la jơnhoa rlau mơ ală gùng dà bol mê dê, mơ ală bơta kơlôi sơnơng Añ jê kung jơnhoa rlau mơ ală bơta kơlôi sơnơng bol mê dê kàr hơ̆ sơl.” Rbang Mpong Mah geh yo bơh bar nơm jrong dờng. Kop jrong geh yồng ală che sreng dờng nàng yo jơh rbàng hơ. Bơta krơi la kòp che sreng ò dê la dô pơnah dô bă bal mơ geh lơh bơh oă che sreng kòng dềt tơrbo wơl. Bơta hơ tòm klac jơh ală che sreng dêt hơ nàng gơlik gơs bơta pran kơl dang nàng yo đo jơh rbang.

Rùp hơ gơ lơh an in kơ lôi sơ nơng tus pơnah bol he git wa bơh Yang Tòm Trồ. Bơtê bơh Yang ò dê la bơta buơn soh mơya gơs oă pơnah kalke, oă pơnah bơh thần học ò rgơi wờng. Gơs ală cau dòn Yang kơ lôi bơh Yang Tòm Trồ kalke ngan tian gơs gơ hui lah Yang Jesu neh ràng tơlik bơh Yang Bèp dô bă dềt mêr mơ buơn soh nàng wờng. Gơ plơ wơl, kung gơs ală cau ò hoan git bơh Yang, gen tàng sang sơrbi bơh bơta jrô ndơp mơ bơta hàng mơne bơh thần học mơ bơta don.

Mơya, bulah thần học kalke be lơi, mơya lồi kung rgơi tơrgum tòm dô jơnau song. Cau jak chài Karl Barth, tu geh lùp bơh bơta git wa bơh thần học dờng rlau jơh he dê, neh ho lah: “Yang kòn an, nus an chò hòp ngan. Sra Goh neh ràng tơlik.”

Bơta kalke ơm tom bơta buơn soh. Bơta pơnđơl git wa bơh Yang Tom Trồ (bơta he hòi la thần học) kalke ndang mơ buơn soh ndang. Kung be bơta wờng bơh bơta rơndap mai rơndeh dê gen ò bươn soh, mơya buơn soh tu pò kai rơndeh nàng khởi động rơndeh.

Tòm ala ngai gơs mhal, mat bol he dê ò rgơi sền dê jrong rbang, gơlơh luli be rùp. Mơya gơ wèt mơ ala cau lòt gan kòp ngai, rbang ò dê la rùp tai, mơ la nền ngan. Bulah ò bàn loh, mơya bol he git lah jơh ală jrong gam ơm tềng hơ, tài bơh dilah ò gơs gơs, gen jơh rbàng rơp gơ dùh jơh.

Kung be hơ, tòm rài kis, gơs oă dơ bol he pal tip ala bơta gơ lòng bol glar mơ sơ bơng rơng. Tom ala tu hơ, bol he rgơi lùp sèng lup “nchi bơ tài”. Ơm tòm dô pơnah ne, bol he rgơi wờng dô pơnah, tài bơh Yang Tòm Trồ neh rang tơlik jơ nau song Yang dê gan dê Sra Goh, hala bol he đal git gan dê ala bơta git làm tòm rai kis. Mơya tu bol he wơng jrô rlau, bol he đal git bơta hơ rlau mơ bơta chài rgơi kòn mơ nus dê. “Bơh ală bơta kơlôi sơnơng Yang Tom Trồ dê la jòng rlau ală bơta kơlôi sơnơng bol he dê, hala ală gùng dà Yang dê kung jòng rlau la ală gùng dà bol he.

Dròm be ală jrong rbang mơ ală che sreng tơngguh mơ roh thit tòm mhal, gơs ală bơta bơh Yang Tom Trô mơ bol he ò rgơi sền hala sền loh. Mơya, bol he ò wờng tơl ò gơs gơ tha la Yang Tom Trồ ò gam gơs. Yang ơm tềng hơ, mìng la Yang rlau mơ bơta git wă bol he dê. Sra Goh cih: ‘Ală bơta ndơp ndơr gơrê bal mơ Jehôwa Yàng Tom Trồ bol he dê,’ (Yal Wơl 29:29a)

Dan jà bol he dô nùs bal tòm bơta hòi dan: Khoai Yang Tom Trồ, Bơtau Dơng ơ nàng, Dan ai nus kon in ò tu lơi gơ hui Yang gam at bồ hơ đang ală bơta, tòm ala bơta dờng ngan, tòm ala pơnah dềt rhền tòm rài kis. Tài bơh hơ, dan bơto kòn git don kơ nòm mơ jào phi ala gung dà he dê tòm tê Yang. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, gùng dà mơ bơta kơ lôi sơ nơng Yang Tom Trồ dê jòng rlau mơ bơta kơ lôi sơ nơng bol he dê. Bulah bol he ò rgơi wờng bơh Yang dô bă wil tơl, mơya bol he git nền lah Yang gam kòn gơboh bol he, tòm ala bơta chò hòp kung be tòm bơta gơ lòng bol glar mơ sơ bơng rơng. Tài bơh hơ, gơs tu he ò hềt wờng ala bơta gơlik gơs, mơya kư pơn jat kơp gơn tòm Yang, don nin la bơh ngkoi ala mhwal rai kis dê, bol he rơp đal git nus kon mơ bơta rơndap ring niam mơ Yang ai pà hơ đang rài kis he.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.