Gơs tu lơi bol he ngac ngar jat Yang sơl….jơl tus dê tu he dòp geh bơta he rac dan.? Tu gam siou siar, bol he jòi jat Yang ò dơh. Mơya gen, tu jơnau hòi dan ò geh dòp , bơta pal cang geh lơh nin, bol he mhar ngay rê wơl mơ rài kis he dê, be la ò cang geh Yang tai. Bol he joi jat ala bơta lơ ngai Yang dê ai pà oă rlau mơ să tòm Yang. Mơya dilah mìng be hơ, bol he rơp ò git bêng tơl, tài bơh bơta kis ngan mìng rgơi bàn tòm tiah tơlik mat Yang dê.

Ngai do, ngai 07/03/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Kathy Thomas bơh tơnggume: JOI JAT MUH MAT YANG

‘Yàng neh đơs lah: “Jòi jat tĕ muh mat Añ.” Nùs añ đơs mơ Kơnràñ lah: “Ơ Yàng Jehôwa, añ jòi jat muh mat Kơnràñ.” ‘ (Đơs Crih 27:8)

Nền ngan, tus dê jơ do, “cồng nhă sre bre” dờng rlau hiu nhă an jê di gơ lan mìng lah…..ròng oă kòn meo. Gen be hơ, tu ala kòn dềt dan ròng tai dô nơm kòn meo, an gơ lơh ò hoan chò hòp. An lùp loh lang: “Gen ròng kòn lơi tiah?’’Gen kòn ơn dê đap mat an dô nơm kòn meo dềt, sơ nọ nâu – ò niam dô êt lơi, kal ke ngan nàng dong tò gơ.

An la dô nă cau gơboh gơ bài kòn meo. Mơya tu hơ, hiu neh gơs pram nơm rau, mơ nền ngan an ò kòn gơs kòn ndai tai, nhứt la kòn meo ò hêt niam dô êt lơi. An đơs “Ò”. Mơya dô êt kơnhai lòt gan, an đal dô bơta gơlik ngan ò hoan bơ toah: ò gơs cau lơi kòn dòp rò kòn meo dềt, ò niam hơ. Gen gơ ơm wơl. Bol he ai sơn đan mat gơ in la Snickers.

An kơp kon să tom rgơi yal lah kòn meo hơ ntao dờng gơ lik hàng mơ ne. Mơya ò.Gơ mìng dờng gowlik ….dô nơm kòn meo dờng mơ gam ò niam be yau. Snickers gơlik dô nơm kòn meo an gơ boh rlau jơh.

Kòp dơ ceng phăn sa ala kòn meo in. n os geh gơrwàng bơh ala kòn oă sơ no, n’hiêng dờng ngan. Mơya mìng gơs dô mơ ngàn bềng phan să, gen bol khai lik dô. Bol khai ò gam ơm rềp mơ ò càng kah kơ lôi tus an tai.

Mơya Snickers pa is, gơ pơn đơl pran lòt rềp mơ an, dềt mêr mơ an rlau jơh, tian gơs guh hơ ào an jê, mìng nàng….sền an, ngan la ‘sền nền nền dê mat an jê”. Ala kòn ndai mìng sền dê ala phan sa mơ an ai bol khai in. Gơs rau gen ò dô pleh tơn.
Gơs dơ an lùp is: di gơ laqn Yang Tòm Trồ kung gơ lơh be hơ tu bol he lòt tus hiu jum goh kòp ngai poh sơl? Bol he tus oă ngan, jong rơ Yang, duh khoai Yang, ràng tơlik bơta kòn gơ boh Yang dê. Mơya, tu Yang ai pà bơta bol he kơp gơn gen mơ ngàn neh bềng, gen bol he mhar dô lik.

Mơya Yang Tom Trồ kơp gơn bol he oă rlau mơ bơta hơ. Mơ Yang di pal nàng dòp geh oă rlau. Yang neh dong tă bol he lik klass bơh bơta tồi glai bơ bơl, bơ sil bơ so. Kòp ang drim, Yang rcang sir ròng siam hweng soan ji gloh tơhirr bol he dê, mơ hòi jà bol he tus rềp, ơm mơ mo tòm bơta tơlik mat kòn gơboh Yang dê. Kơn ràn kơp gơl bol he jơh nus tus rềp de Yang, jòi jat muh mat Yang. Yang chò nus tu bol he sac rwah ơm wơl, tài bơh mìng kòn gơboh dê bơta tơlik mat Yang dê.

Ngi do, ồng mò oh mi neh pơn đơl nàng tus rềp mơ Yang rau? Ban mìng ơn nus ơn tôr dê ala bơta lơ ngai Yang dê ai pà gòi, bol he jòi jat lơngai bơh bơta tơlik mat Yang sơl?

Tu do, dơh wơl dô êt. Lòi te Yang Tòm Trồ rong siam hweng soan ji gloh tơ hir he dê. Ưn ngai Yang tài bơh ala bơta lơ ngai Yang ai pà. Joi jat te muh mat Yang. Chò nus tòm bơta kòn gơboh Yang dê. Hưh hơh tòm bơta tơlik mat Yang.

Ñcau rơp geh guh hơ mơnơm Yàng Jehôwa? Ñcau rơp geh ntào di tiah sàng goh Kơnràñ dê taih? Hơ̆ la cau gơs tê ò lơh tìs glài mơ gơs nùs sàng goh, Ò wèt hwềng soàn he hơ bơta ma blac, Kung ò srat să blac pơrlồm. Cau hơ̆ rơp geh lơngai bơh Yàng Jehôwa, Mơ geh Yàng Tom Trồ bơta dong klàs khai dê yal tơlik khai la song ring. Hơ̆ la jơi bơtiàn ală cau jòi jat Kơnràñ, La ală cau jòi jat Yàng Tom Trồ Jakôp dê. (Đơs Crih 24:3–6)

Dan jà bol he dô nùs bal tòm bơta hòi dan: Khoai Yang, dan Yang toh glai kòn in tài bơh gơs tu kòn jòi jat ala bơta nđac Yang dê oă rlau la joi jat Yang. Gơs tu kòn tus rềp mơ Yang mìng tài bơh kòn pal cang bơta dong kol, mơya tu ala bơta gơlik niam, nus kòn buôn ngan gơ plơ. Dan bôt kòn in git gơboh dê bơta tơlik mat Ynag dê rlau mơ la bơta lơ ngai Yang ai pà. Dan ai kòn in dô nơm nus nhơm ji gloh tơ hir Yang kòp ngai, mìng dô nă Yang la tơl kon in. Dan rong siam hweng nus ji gloh tơ hir kòn dê găn dê bơta kòn gơboh mơ bota ring lơ ngai Yang dê. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ lă ồng mò oh mi kòñ gơboh, di gơ lan ngai do Yang lơ bơn niam lùp bol he: “Kòn ngac ngar jòi jat muh mat Yang sơl?” digul bơta gil ga kơ lôi rcang, di gul ala bơta rac dan gam, kơp kòn bol he bơte bơta tơlik mat Yang dê. Ò dê mìng joi jat mpang tê os ai pà bơta nđac lơm, bol he pal joi muh mat kòn gơboh Bèp hơ đang trồ. Ban mìng joi jat Yang tu pal cang, mơya ơm wơl tài bơh bơta kòn gơboh Yang. Mìng tòm bơta tơlik mat Yang dê, hweng nus bol he os geh bềng tơl, geh ring lơ ngai.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.