Gớ tú lơi oh mi lụp is la nchi bơtài Yang Jesu ò hòi jạ ală cau geh bơta jak chài hala cau geh tiang pơn rơ, mơ sac ală cau klau be os lik gơs cau bơtê Yang di? Rgơi la tài bơh Yang Tơm Trồ ò joi ală cau geh tiang pơn rơ hala wil tơl, mơ joi ală cau geh gơs nus nhờm git dòn bơr. Yang ngùi ală cau be os nàng ràng tơlik gơnap gơnoar dờng Yang di. Ngai do kung be hớ sơl, Yang găm ngùi ală cau be os, la ală cau he ò kơlôi tus nàng dong kơl ală hwềng soàn găm ơm tơm bơta klă jơngo digul dunnia li bơta gơlòng bolglar do.

Ngai do, ngai 09/03/2026 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Mike Wolff dê bơh Tơnggume DÔ NUS NHĂ NTÀO BƠH SƠNĐĂN YANG

“Gen añ kơno sap Yàng Jehôwa đơs lah: “Añ rơp sồr ñcau taih? Mơ ñcau rơp lòt bol he in taih?” Añ đơs lah: “Gơs añ do, dan sồr añ lòt!”(Esai 6:8)

Ăn găm pơjum bal mơ dô mpôl tơm klac pha is. Mpôl he dê gơs ală cau klau joi bơta tề lam Yang Hwêng Goh di. Bol he geh dợp bàn oă ală krơi is crih crai. Mơya geh dô bơta lik gơs mơ biol he ò rgơi kơlôi tus. Ăn neh tip dô nă mò geh gơs bơta dòn kớ nus tian gơs krơi is ngan. Ăn dăn gơnoar hoi khai la Barbara.

Barbara tus mơ bol he tơm tú khai ơm tơm bơta lồi gùng rau. Khai lam bar nă kon klau, băl mơ dô bơta kơp gơn la hìu nhă geh bơta sơm bời. Dô nă kon klau mut tơm mpôl he di, gen dô nă tai gùi tơm rơn deh di tiah ơm ing. Kung git ngan la gơs cau lơi geh nus chờ hợp tú tịp “ ală cau ồng” sùm hòi dăn ơ?

Jơh dô rài kis bau klau mò Barbara di ơm tơm bơta kọp pơsiah kơn jớ. Jơ do, bar na ưkon klau mò di kung ơm tơm bơta kọp ji joh jong ò geh bời: ò rgơi sa ală phan, tian gơs Brad ơm sùm tơm bơta ji gơl, mơ Jimmy tú lơi kung ơm tơm bơta tơk tồr. Gơs tú Brad đơs mơ mẹ khai di la khai ò kờn kis tai. Tú Barbara lơh cơng bơh ală broă hớ, an sền di mat Brad mơ bàn nền bơta moat jrum. Ăn bơtơl ngan nàng să tờm he ò duh dạ mat. Jơh mpôl he di sơbac sơbăng dap jơh phan ngùi sa mơ cafe ơn di tiah ndai tú kơnô Barbara đơs la Brad mìng nhựp phan sa lơm kung lơh khai in kọp.

Hìu nha ưkhai di neh lot lam bạ tiah, bơh ală cau gơnoar sơ nơm tus di ơdú dờng nàng sền swì bơta kọp ji hớ. Ò gơs dô nă cau lơi rgơi git bơta do. Dòn kớ la mìng Yang Tơm Trồ rgơi sơm bời, bol khai kung joi tus di cau gơs tiang pơn rơ geh bơta nđac tơm bơta sơm bời. Mơya Barbara ò ruc wơl. Be mò bơnrau tơm pơnyô tú mò lơh nus cau kwang in rngoh rngac, tian gơs ồng đơs la:

‘Bulah añ la cau ò duh rngòt di Yàng Tom Trồ, kung ò ki ngàm di cau sơl,mơya bơh cau ùr bơnrau do ntềt pơrjal di añ, añ rơp cahrña song ring khai in, rngòt khai lòt tus sùm mơ lơh tơmbòl añ mòn.”(Luka 18:4-5)

Kung be hớ sơl, mò Barbara kứ jơh nus til mpông, dòn la gơs dô ngaiYang rơp dợp jơnau hòi dăn. Gơs cau lụp khai la: nchi bơtài lồi jơh ală broă, khai găm joi ală cau klau be os be bol he do? Jơnau yal wơl mò di lơh nus an in rơngoh rngac. Bau klau khai di, ồng Chuck, geh Yang sôr bơtrut mơ tề lam nàng lam hìu nhă tus têng do, nàng geh bơta hòi dăn bal. Tus di tú hớ, an dợp git loh làng Yang Hwêng Goh lơh nền tơm nus an: Yang tơm trồ găm hoi sac ală cau ò geh tiang pơnrơ – be cau kup ka, cau dar diar mơ Yang găm hoi ja-cau jơh nus nhă ntao tú Yang đơs, nàng btào tơngguh Hìu Jum Goh be tú sơn rợp. Ò di la ală cau geh tiang pơnrơ, Yang joi cau geh gơs dô nus bal mơ gơp, jơh nus joi jat Yang mơ jơh nus don bơr.

Yang Tơm Trồ hoi ja bol he rê wơl mơ Hiu Jum Goh mơ Kon Yang neh ràng tơlik. Yang hoi ja bol he sang tơlik bơh rài kis boh lam wil tơl, sang tơlik bơh gùng dạ oă bơta khat gơboh, mìng dô êt bơta gơlòng bolglar- bơta lơh bơta dòn in ngệt ngài. Yang hoi ja bol he lot jat Yang Jesu tơm rài kis do kợp ngai, tơm hìu nhă, di tiah lơh broă, mơ jơl jơh di tiah gùi mơng os he di sùm- nàng bơt bơtào wơl dô mpôl cau dờn Yang song ring.

Bol he geh hoi ja nàng lik gơs cau klau Yang Tơm Trồ di – hớ la ală bơta hìu nhă mò Barbara găm joi. Bol he pal lik gơs cau geh tơm gơl, kis song mơ bơta dòn, mơ jơh nus kờn gơboh Yang. Ală bơta khat gơboh dunnia do di, ală bơta yơ tơngguh he tơm kợp nam, gơ sơlơ ngai sơlơ ràng tơlik bơta nhar gơ dê. Do mìng la “sơntơm bơta ji deh tú sơnrợp”. Tú bơta tơhir Yang Jesu Krist sơlơ ngai sơlơ dờng, mơ bơta bơsong dunnia di sùm ò geh cồng nha. Yang Hwêng Goh rơp tề lam ală cau ngệt ngài mơ roh bơta kơp gơn lot joi ală cau tơm pah rài pa gơs nus lot jat Yang.

Bol he neh lời mơr bar jơ nàng tơmbơhbơr mơ hòi dăn Barbara mơ bar na ưkon klau khai di, jơh tơl nă bol he lot tus di tiah ơn rơndeh, An ò di la cau rgơi nàng yal tơlik nus nhờm he di hala gơs nus kơp gơn di cồng nha lơi likgơs, mơya tú he neh lik bơh hớ, an neh kơp gơn di bơta sơm bời Yang di-bơh an dòn la Yang tề lam hìu nhă tus mơ bol he. Mơya gơs dô bơta an git nền la: Muh mat Barbara geh àng gơcra dô bă loh làng tú khai kơnô bơh jơnau song.

Bol he ưn ngai Yang bơh mò Barbara, bơh nus khin cha, mơ bơta dòn kớ khai di, la bơta dòn bol he ò bươn bàn tơm pah rài do. Khai neh tơngkah ăn bơh gơnoar broă he di: hoi ja jơh tơl nă cau săng tơlik bơh rài kis boh lam mơng os be Lao-di-xe, nàng lik gơs cau geh tơm gơl gơwet mơ Hìu Jum Goh Yang di. Bơtau Kwăng cah rnha dơng găm joi ală cau ò geh tiang pơnrơ, mìng bol khai đơs la:”Khoai Yang, Gơs añ do, dan sồr añ lòt!”. Ală cau gơlơh be mơng os hớ rơp ceng bơta lơngai mơ bơta kơp gơn tus hwêng nus roh rui tơm digul dunnia găm tơm gơl do.

Dan jà bol he dô nùs bal tòm bơta hòi dan: Khoai Yang la Bep kờn gơboh, bulah kon mìng la dô nă cau gơlơh be mơng os, dăn Yang nđac mơ ngùi rài kis dêt rhền kon di nàng ai bơta kơp gơn, bơta yơ đơ mơ nus kờn gơboh Yang di tus di ală cau găm ơm tơm bơta bolglar roh rùi. Dăn bơto kon in git dơn kớ mơ don bơr Yang kợp ngai, chờ nus gơwet mơ ală bơta Yang hoi kon lơh jat. Dăn kon sum lot băl mơ oh mi kon di tơm bơta tơmklac băl, dô nus bal, kợp ngai cun gơltăng hoi dăn mơ dong kơl oh mi kon di bơh nus kờn gơboh Bep di. Kon jơh nus hoi dăn tơm Sơn Đăn Yang Jesu Krist, A-men.

Ơ ală ồng mọ oh mi kờn gơboh, Yang Tơm Trồ găm iat kơnô jơnau hoi dăn kơ nus. Mơ Yang găm hoi ja kợp nă bol he săng tơlik bơh di tiah lơngai nàng mut di tiah bolglar, cèng bơta àng tus di mpôl làng bol he di. Tú he chờ nus cun gơltăng, dô nus tơm bơta hoi dăn. Yang rợp lơh ală broă dơng rlau mơ bơta he kơlôi. Dăn Yang ai kợp nă he in gơs dòn nền, pơn jat tai nàng til mpôl, kứ dòn kớ, dô bă bal, hoi dăn mơ kơp gơn ngai Yang lơh broă, tơm gơl ală nus nhờm roh rui ơm gut dar he.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.