Digùl rài kis gơjàl ngai do, gơs tŭ lơi oh mi gŏ nùs he be dô pơnah ù ràñ rsơh, găm kòp gơn miu tuh lơh sùh ù tiah? Bol he òs ntoat joi ală tiah nàng sơnđing ing lm, kơnòm di jơnau hơ mhăr lòt găn dunnia dê, nàng tùs tŭ dòp git pah gòi tòm nùs sơlờ ngai sơlò dờng. Ngai do, bol he dơh ing tĕ ală bơta kơlồi rcăng, nàng nùs bol dơh wơl mơ kùng git lam bơh jơnau hơ Bèp Hơđăng Trồ dê- dô jơnau h ò tŭ lơi tòm gơl, dô nơm phăn bàn ò tŭ lơi yau mơ Kơnràñ neh rcăng sìr ai ông mò oh mi in mơ añ.

Ngai do, ngai 23/5/2026, tơnggu Hoi Dăn kòp Ngai dăn ja ông mo oh mi kơlồi sơnơng bal jơnau Yang kơnòm bơta dong kòl Dr. Paul J. Palma boh tơnggu mê JƠNAU HƠ BÈP DÊ .

“Jesu do mơ Yang Tom Trồ neh lơh kis wơl, mơ jơh tơl nă bol hi la cau lơh cơng bơh bơta hơ̆. Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh geh dòp geh jơnau hơ ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.” (Broă 2: 32- 33).

Nền cê lah tòm bol he cau lơi kùng neh hơ pơgòn mơ ală cau he kờn gơboh. Añ òs hơ mơ ală kòn he lah: “di rau, tŭ kòn 10 sơnăm, bèp rơp roat kòn in rơndeh coh dờng rlau” hala “Ngăn behơ̆, năm pa kòn ròp kơnhờl bơta bơtê lơh pràn hơ̆” hala “Bañ rngòt, jơh poh do kòn ròp geh sền bộ phim hơ̆” ală jơnau hơ añ jê sùm gơlòt bal dô nơm phăn ƀàn, dô nơm phăn bàn ai kòn in tòm toh di di tŭ.

Añ sùm tơngkah is he ò di hơ dô bă lềng làng. Ƀañ tŭ lơi tuh tơlik dô jơnau hơ mơ he ò tŭ lơi rgơi lơh ming nàng pơndòm kòn dềt găm pơndeh. Bơh di gơlăn, bơta sàng goh tòm jơnau đơs kàs màng oă rlau mơ broă lơh rài bơta kơlồi ing. Kòp jơnau hơ kùng cèng pơnjat dô nơm gơnoăr broă sàng goh: bơta dòn song.
Tòm dăp 2 sră Broă, dô mpôl oă ală cau dòn cơnùm bal tòm Jêrusalem tòm Ngai Wèr Prăm Jơt nàng dòp rò dô nơm phăn ƀàn dờng rlau jơh. Yàng neh hoe ai phăn ƀàn do bơh di oă pah rài lai găn di cau gơnoăr hwơr Jôel:

“Yàng Tom Trồ đơs lah: tòm ală ngai lồi dut, Añ ròp tuh Hwềng Añ hơđang jơh ală poac să; kòn klau mơ kòn ùr bol mê dê ròp đờs hwơr, ală cau pơnu bol mê dê rơp gơs bơta gơtơnggŏ, mơ ală cau kra bol mê dê rơp gơs bơta mpau. Di ngăn tòm ală ngai hơ̆ Añ rơp tuh Hwềng Goh Añ hơđang dĭ klau mơ dĭ ùr Añ jê, bol khai rơp đơs hwơr.” (Broă 2: 17-18; Jôel 2: 28-29)

Mìng nđờ ngai lai Ngai Prăm Jơt, tŭ rcăng guh ri, Yàng Jêsu kùng neh tơngkah wơl jơnau hơ hơ̆: “Ƀañ lik bơh Jerusalem, mơya kừ ơm gơn tĕ bơta Bèp neh hơ ai, la bơta bolmê neh kơno Añ đơs. Bơh ngăn Jang neh lơh ƀaptem mơ dà, mơya tòm dô êt ngai tai bol mê rơp gơs ƀàptem mơ Yàng Hwềng Goh.” (Broă 1: 4-5).
Jơnau hơ bơh rai yau Yàng Bèp dê lah Kơnràñ rờp tuh Hwềng Goh mù hơđăng làng bol Kơnràñ, tŭ do neh tùs rềp. Yang Tom Trồ găm ơm sùm mơ kòn lang Kơnràñ dê. Gơnăp gơnoăr bơta gơs măt hơ̆ ò găm gơ kol tòm cơnờng duh khoai mơ lŭ. Ngăn bơh di tŭ Ngai Wèr Prăm Jơt, să jan kờp nă Cau Dòn Krist kùng geh ơn is lơh gơs “Hiu duh khoai Yàng Hwềng Goh” (1Kôrintô 6: 19). Jơh gơnap gơnoăr krơi is mơ tơngkah tơngkañ Kơnràñ dê sùm rcăng sìr nàng tuh tơlik kòp nă cau lơi in ơn bơta dòn tòm Kơnràñ.

Bol he ò tŭ lơi pal kơlôi rcăng lah di gơlăn Bèp hơđăng trồ găm prăp jơnau hơ Kơnràñ dê hala ò. Gơnăp gơnoăr ai bơta kis Kơnràñ dê kùng găm lìu làc ai bol he in ngai do, ndrơm be Kơnràñ neh lơh mơ ală cau bơtê rài yau. Di gơlăn ông mò oh mi neh oă dơ̆ hòi dăn ràc ròc dăn bơta tơlik mat Kơnràñ dê tòm rai kis he dê. Ring lơngai tĕ, Kơnràñ dòp jơnau ông mò oh mi mơ Kơnràñ dòn song nàng lơh bơta hơ̆.

Tŭ tơngai neh tơl. Yàng Jêsu tŭ do găm nggui đah ma Yàng Bèp, rcăng sìr ai pà phăn ƀàn kàs mang la Yàng Hwềng Goh ai jơh tơl nă cau lơi in hoi di sơnđăn Kơnràñ.

Dan jà bol he dô nùs bal tòm bơta hòi dan: Khoai Bèp lơbơñ niăm, kòn tùs di đăp mat Kơnràñ bơh nùs kòp gơn ngăn. Ưn ngai Bèp bơh Kơnràñ sùm lơh wil tơl jơh jơnau hơ, tòm hơ̆ gơs jơnau hơ ai Yàng Hwềng Goh mùt tòm nùs kòn. Dăn lơh pa wơl hwềng soàn kòn tŭ jơ do mơ tòm sơnđăn Yang Jêsu, jat jơnau Kơnràñ neh đơs. Dăn tuh bềng gơnăp gơnoăr Kơnràñ hơđăng kòn, nàng kòn rgơi tòm pà bơta gơn kơnòm mơ bơta hòn chò dong klàs ai jơh dunnia roh rui in. kòn jơh nùs hò dăn tòm sơnđăn Yàng Jêsu Krist, Amen.

Ơ ală ông mò oh mi kờñ gơboh, Yàng Hwềng Goh ò ơm tia lơi ngai ò, Kơnràñ la Hwềng Pơndờm Pơniang, la Bơtau ơm digah nàng wờng jơh kòp ntàs nhờm tă jòng mơ ai bơntơl pràn dô yô jơng bol glăr ông mò oh mi dê. Ƀañ pơnđơl pràn cơnđòa mơ pràn is he dê tai. Pờ tĕ nùs mơ đơs mơ Kơnràñ lah: “Ơ Yang, dô kòn, dăn lơh pa wơl tĕ hwềng soàn kòn.” tŭ ông mò oh mi gơs bơta tơlik mat Kơnràñ dê, gèn bơta gơlik gơs ò niam ròp gơlik gơs tŭ lơmpah nàng gơnăp gơnoăr Yàng dê geh ràng tơlik. Dăn ông mò oh mi in dô ngai pa cơnđoà lòt tòm bơta tề lăm wil tơl Yàng Hwềng Goh dê, sòl pơnđăng be dô bơta đơs chò gơn kơnòm digùl dunnia bêng bơta tòm gơl do.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.