Gơs tú lơi oh mi găm ntao digul ală cau ma kiau, sền gó ală rài kis àng gơcrà đah bơhdih gen lup is să tờm he la:”He la ncau tơm dunnia dờng ơ nàng do? He geh gơs kwơ hala ờ?” bol he sum jong rơ rài kis geh krơi is hơ đăng sră cih yal tơnggit, ală cau jak chài lơh gơs bơta tiang pơn rơ, mơ húi să tơm he kung geh gơs dô bơta pha is tơm gơl tơm bơta rơn dap Bơtau Crơng Gơs.

Ngai do, ngai 28/05/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Gene Markland bơh tơnggume DUL LƠM Ò GEH BAR

“Añ jòng ro Yàng, bơh añ neh geh crơng gơs dô bă pal rngòt mơ crih crài ngan.” (Đơs Crih 139:14)

Ăn neh sền gó loh làng bơta sang rài gơwer dô nă cau gơnoar yal tơnggit geh tiang pơn rơ ngăn. Bơta hớ neh yal tơnggit làm sră cih mơ đài truyền hình dơng. Ală bơta broă lơh jơh nus mò di geh ràng tơlik dô bă krơi isai ală cau tơm làm dunnia in git. Ală bơta yal tơnggit mò neh lơh gơlik gơs bơta tiang pơn rơ.
Krơi is rlau jơh, mò neh tơm bơh bơr ò dệt rlau mơ 10 nă Bơtau at bộ dà lơgar Hoa Kỳ. Tơm ală jơnaucau lơh broă bal mơ mò neh jong rơ mò, gơs dô jownau kứ ơm sùm:”mò la dô nă cau geh dul lơm ò geh bar”

Tú tơngai neh sơlet rlau, he neh bàn oă cau jak chai neh tus gen loă rài: ală cau jak chai tơm thể thao, ală cau ràng tơlik geh tiang pơn rơ, cau gơnoar at bộ dà lơgarr, hala ală cau jak chài neh lot găn hơ đăng àng khe. Jơh tơl nă bol khai, la ală cau geh tiang pơn rơ mơ jak chài rlau jơh, geh dunnia jong rơ la ală ceh geh dul lơm ò geh bar.

Sền wơl ală jơnau yal tơngit tơm Sră Goh, bol he kung tip ală cau krơi is ngăn, Bol he bàn Bơtau Dabit, dô cau ling tơm lơh at bộ pran kơldăng Yang Tơm Trồ di, cau neh pha lin mơ cau dơng Gô -li-at nàng dong kơl làng bol Yang di. Yang neh ngui Dabit nàng tề lam mơ dong kơl Israel.

Dabit la cau geh bơt drô dơp đah hwêng mơ bơta jak chài pha is, mơya ồng kung là dô nă kon mơnus geh bơta ham kờn is poac să dê mơ bơta gơ tup tis mong os. Mơya, Sră Goh neh hoi ồng la “cau niam nus Yang”. Digul hàng rhiang nă cau, ông la cau geh dul lơm ò geh bar.

Oh mi neh kah sơl bơta yal yau bơh dô nă cau ùr mut, at dô nơm gri mơ lŭ màng gơs mơñà ƀô bơlhu kas ngan, khai jan bơcah gri tuh mơñà hơđang bồ Yàng Jesu. tú cau bơtê lah pơrhơng mò lơh pròng preh mơñà ƀô bơlhu mơ sôr mò rgơi tac geh jen nàng pà cau rƀah lơòi in. Mơya Yàng Jesu đơs lah: “làm jơh dunnia tòm tiah lơi Jơnau Niam geh bơto yal, gen kung yal wơl broă khai neh lơh hơ̆ nàng kah bơh khai.”

Lot tus rài do, bol he gơs cau be Billy Graham, cau yal Jơnau Niam tiang pơn rơ, cau neh cèng jơnau niam kơp gơn Yang dong klas dê tus mơ hàng rbô hwêng soàn tơm lam dunnia. Ông la dô nơm rai kis ghe pha is, ò tơm gơl.

Mơ ya, ngan la, bol he kung pal kah tus Yang Jessu. Yang neh sang bơta màng ryu hơ đăng trồ nàng lik gơs “kon mơnus” ơm digul dunnia. Yang lơh bơta hớ nàng lik gơs phan ơn twoai glai mìng dô dớ tơl rau. Yang lik gơs Bơtau dong Klas dunnia di.

Yang neh tơm gơl bol he in hơ đăng chi pơng, àn jơh tồi glai nàng bol he geh kợp la song ring di đap Yang Tơm Trồ (II Kôrintô 5:21). Ngăn be hớ, Bơtau Jesu là Bơtau geh dul lơm ò geh bar tơm plai ù do!.

Lôi dut, gơs dô nă cau tai: hớ là oh mi, ơ ală ồng mò oh mi kờn gơboh! Ngan hớ là oh mi!

Jơnau Yang di đơs la “neh geh crơng gơs dô bă pal rngòt mơ crih crài ngan.”( Đơs Crih 139:14), Bơtau neh mòn añ tòm kơndul mè (Jop 31:15). Kah té bơta do: Yang Tom Trồ ò kờn oh mi bơh broă oh mi neh lơh. Yang kờn oh mi bơh să tờm oh mi-bơh oh mi la kon Yang dê.

Bèp Hơ Đăng Trồ kòñ gơboh oh mi, tian gơs neh ai Kòn Dùl Kơnràñ dê, tồ oh mi geh dong klas mơ bơta kis gam sùm sùm. (Jang 3:16). Yang lơh bơta hớ tài boh Yang kơp kờn dong twoai oh mi. Oh mi kơlôi té! Yang Tom Trồ plai ù di kơp kờn dong twoai oh mi ! Yang kờn oh mi tian gơs kah kơlôi oh mi tơm bơta dệt rhên rlau jơh tơm rai kis oh mi di. Jơh di só hơ đăng bồ oh mi di Yang neh kơp jơh rau (Luka 12:7).

Rgơi gơs oh mi neh lup is la:”nchi bơtai Yang neh kờn an oă be hớ?nchi bơtai?
Seng dơp wơl la: tài boh oh mi la kon kờn gơboh Yang di, tơm mat Yang di oh mi la phan bàn kwơ mang dul lơm”.

Dan jà bol he dô nùs bal tòm bơta hòi dan: Khoai Yang kờn gơboh, kon ưn ngai Yang tài bơh bơta nđac kon lik gơs la kon Yang Tơm Trồ di. Kon ưn ngai Yang tai bơh hàng rhiang rbô cau tơm dunnia do, Yang găm bàn kon mơ kòn kon bơh bơta kờn dờng ơnàng. Oă dớ kon neh lơi bơta rngôr rngac dunnia di lơh dơp bơta kwơ màng is kon di, lơh kon in pơn jat ală bơta ò kwơ gen tàng húi să tơm he neh geh Yang crơng gơs dô bă rngot mơ crih crai ngan. Dăn ai Yang kon in git sền dơng màng rai kis Yang neh ai kon in. dăn ai kon in git lot găn bơta niam lơhơn Bơtau Dong klas di, nàng kon kis tơm bơta khat gơboh gơwet mơ dô nă cau geh kơp la song ring. Kon jơh nus hoi dăn tơm Sơn Đăn Yang Jesu Krist, A-men.

Ơ ală ồng mò oh mi kờn goboh, dunnia neh ràng tơlik bơta kwơ mang oh mi di hơ đăng mơ nang cồng nha oh mi găm geh. Mơya gơwet mơ Yang, bơta kwơ mang oh mi ơm tơm broă oh mi la kon kờn gơboh Yang di. Oh mi ò cang la dô Bơtau pran kơldăng be Dabit, kung ò càng lơh bơta krơi is be Billy Graham nàng geh Yang kah tus. Tơm jơh di tu oh mi gơ lơh dệt rhền rlau jơh, gen gơwet mơ Bep Hơ Đăng Trồ, oh mi kung la phan bàn kwơ màng rlau jơh bơh tê Yang Tơm Trồ crơng gơs mơ geh Yang dong Klas ngui mham Yang di nàng dong klas. Lot jat tơm ngai pa do bal mơ bơta kớ nus, bơh neh git he geh kờn gơboh mơ ơn is gơwet mơ botw rơn dap niam Yang di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.